Кӳршӗре
![]() Чулхула облаҫӗнчи Кулебаки хулинче ҫитес уйӑхра II Микула патшан юланутлӑ пӗрремӗш кӳлепине вырнаҫтарӗҫ. Ӑна утӑ уйӑхӗн 17-мӗшӗнче хӗн-асап курнӑ сӑваплӑ Михаил (Гусев) храмӗ умӗнче лартӗҫ. Хальхи вӑхӑтра скульптурӑна хатӗрлесе пӗтерес ӗҫ пырать. Кӳлепене хатӗрлеме халӑхран 5 миллион тенкӗ пуҫтарнӑ. Скульптура авторӗ — Ирина Макарова. Унччен вӑл Серафим-Дивеево мӑнастирӗ валли патша ҫемйин палӑкне ӑсталанӑ пулнӑ. Храм настоятелӗ Николай Болдырев ӑнлантарса панӑ тӑрӑх, патшана вӗлернӗшӗн вырӑс халӑхӗ ҫине ылхан ӳкнӗ. Ун шухӑшӗпе вырӑс халӑхӗн 1613 ҫулхи Земски соборта Романовсен династине панӑ тупана сутнӑшӑн ӳкӗнес пулать. «Ваттисем каланӑ тӑрӑх, II Микулай мӗнле ҫын иккенне ӑнланса илеймесӗр Раҫҫей ура ҫине тӑмӗ. Эпир ҫылӑхлӑ, эпир тупа тунине сутнӑ», — ӑнлантарнӑ Николай атте. Аса илтеретпӗр, II Микулай патшана Уралканаш йышӑнӑвӗпе 1918 ҫулта утӑ уйӑхӗнче, 16-мӗшпе 17-мӗш кун хушшинчи ҫӗр хушшинче персе пӑрахнӑ. Ку вӑл юлашки вӑхӑтра патшасене чысласа лартнӑ пӗрремӗш палӑк мар. Нумай пулмасть, ҫӗртмен 5-мӗшӗнче, Питӗрте III Александра халалланӑ скульптурӑна уҫнӑччӗ. Палӑка уҫнӑ ҫӗре Владимир Путин Президент та хутшӑннӑччӗ. Хыпар ҫӑлкуҫӗ:
| ||
Хулара
![]() Шупашкарта пурӑнакан 30 ҫулти хӗрарӑма наркотик упранӑшӑн айӑпланӑ. Унӑн килӗнче 100 грамм ытла наркотик тупнӑ. Ҫакӑ паллӑ: вӑл пӗлтӗрхи ҫурла-чӳк уйӑхӗсенче хӑйӗн килӗнче кантӑр ӳстернӗ, вӑррине вара тӗнче тетелӗ урлӑ туяннӑ. Наркотик хутӑшне вӑл сутма хатӗрленмен. Ӳссе ҫитсен кантӑра типӗтнӗ, упранӑ. Кайран ӑна полицейскисем тупнӑ. Пӗтӗмпе 104 грамм пулнӑ. Суд хӗрарӑм айӑплӑ тесе йышӑннӑ. Ӑна тӗрмене хупмасӑр 3 ҫуллӑха айӑпланӑ. Хыпар ҫӑлкуҫӗ:
| ||
Ҫутҫанталӑк
![]() islamdag.ru сайтри сӑн Чӑваш Енре мӗнле ҫанталӑк кӗтет? Ӗнерхи ҫумӑрсем республикӑна ӑшӑ фронт илсе килнӗ. Паян ҫанталӑк кӑшт уҫӑрах, ҫил те вӑйлӑрах. «Чӑваш Енри ҫанталӑк» синоптикӗсем пӗлтернӗ тӑрӑх, Атӑл тӑрӑх сивӗ фронт иртсе кайӗ. Ҫавна май каллех ҫумӑр, пӑр ҫума пултарӗ. Аслати авӑтнӑ чухне ҫил вӑйланӗ, ҫеккунтра 18 метр хӑвӑртлӑхпа вӗрӗ. Кӗҫнерникун 20-25 градус ҫеҫ ӑшӑ пулӗ. Ҫӗрле 9-14 градус тӑрӗ. Канмалли кунсенче каллех шӑрӑх пулӗ. Ҫил хӗвеланӑҫӗнчен вӗрӗ. Ҫитес эрнере вӑл та лӑпланӗ, 30 градусран ытларах шӑрӑх пулӗ. Хыпар ҫӑлкуҫӗ:
| ||
Раҫҫейре
![]() mybryansk.ru сайтри сӑн Чылай регионта кӑшӑлвирус тӗлӗшпе лару-тӑру йывӑрланса пырать. Ҫавна май каллех чарусем йышӑнма тытӑннӑ. Тӗслӗхрен, Мускавра ҫӗртме уйӑхӗн 15-19-мӗшӗсенче ҫӗнӗ чарусем вӑйра пулӗҫ. Хула мэрӗ организаци-предприяти ӗҫченӗсене май килнӗ таран дистанци мелӗпе ӗҫлеттерме ыйтнӑ. Ваттисене вара килте е дачӑра юлма сӗннӗ. Мари Элте те ӗҫлекен ҫынсен 30 процентне дистанци мелӗпе ӗҫлеттерме йышӑннӑ. Ӗнертен пуҫласа утӑн 5-мӗшӗччен ачасене суту-илӳ центрне ашшӗ-амӑшӗсӗр кайма чарнӑ. Ача-пӑча вылямалли центрсене вӑхӑтлӑха хупнӑ. Бурятире, Ханты-Манси автономи округӗнче, Мурманск облаҫӗнче, Хабаровск крайӗнче, Вологда облаҫӗнче те чарусем йышӑннӑ. Чӑваш Енре хальлӗхе улшӑнусем ҫук. Пирӗн патра кӑшӑлвирусран талӑкне 4 ҫын таран вилет. Хыпар ҫӑлкуҫӗ:
| ||
Хулара
![]() forum.na-svyazi.ru сайтри сӑн Шупашкарта Раҫҫей Паттӑрӗ Дамир Юсупов ячӗпе сак вырнаҫтарнӑ. «Мягая посадка» ятлӑ вӑл. Паттӑр пирӗн тӑрӑха виҫӗ кунлӑха килнӗ. Астӑватӑр пулӗ: 2019 ҫулхи ҫурлан 15-мӗшӗнче Дамир Юсупов пилот Жуковский ҫывӑхӗнчи куккурус уйӗнче самолета ӑнӑҫлӑ антарса лартнӑ. Мускавран Симферополе вӗҫме тухнӑ самолет тӳпере чарлансем ҫине пырса кӗнӗ, ун хыҫҫӑн двигательсем ӗҫлеме пӑрахнӑ. Борт ҫинчи 233 ҫын чӗрех юлнӑ. Палӑртмалла: 2000-мӗш ҫулсен пуҫламӑшӗнче Дамир Юсупов Шупашкарта И.Н.Ульянов ячӗллӗ ЧПУн юридици факультетӗнче вӗреннӗ. Хыпар ҫӑлкуҫӗ:
| ||
Пӑтӑрмахсем
![]() Муркаш районӗнчи пӗр ялта пурӑнакан икӗ арҫынна хӗре пусмӑрланӑшӑн явап тыттарма пултараҫҫӗ. РФ Следстви комитечӗн Чӑваш Енри управленийӗн ӗҫченӗсем 39 тата 40 ҫулсенчи икӗ арҫын тӗлӗшпе пуҫиле ӗҫ пуҫарнӑ та ӗнтӗ. Пӑтӑрмах ҫӗртме уйӑхӗн 10-мӗшӗнче пулса иртнӗ. Ҫав кун пӗр хӗр маларах эпир асӑннӑ арҫынсенчен пӗрне, 40 ҫулти вӑйпиттие, ӗҫлесе пулӑшнӑ. Кайран хайхи тата унпа пӗрле пулнӑ тепӗр арҫын хӗре хӗненӗ тата пусмӑрланӑ. Ҫынна ушкӑнпа пусмӑрланӑ тесе арҫынсене хупса хунӑ. Тӗпчев малалла пырать. Хыпар ҫӑлкуҫӗ:
| ||
13 ҫынна Сӑр тата Хусан хӳтӗлев чиккисене чавнӑранпа 80 ҫул ҫитнине халалланӑ медальпе чысланӑРеспубликӑра
![]() Чӑваш Енри 13 ҫынна Сӑр тата Хусан хӳтӗлев чиккисене чавнӑранпа 80 ҫул ҫитнине халалланӑ медальпе чысланӑ. Вӗсенчен 9-шӗ окоп чавнӑ, 4-шӗ ҫак ӗҫ паттӑрлӑхне упраса хӑварас ӗҫе тӳпе хывнӑ. Медале информполитика министрӗ пулнӑ Валентина Андреева /халӗ «Регнум» информагентство шеф-редакторӗ/, Раҫҫей историкӗ Модест Колеров /«Регнум» тӗп редакторӗ/, Василий Цыфаркин /Вӑрмар/, Иван Криков /Вӑрмар районӗ, Энӗшпуҫ/ тивӗҫнӗ. Иван Криков Энӗшпуҫри ҫар мухтавӗн музейне ертсе пырать, Василий Цыфаркин Вӑрмарти историпе таврапӗлӳ музейӗн ертӳҫи шутланать. Хыпар ҫӑлкуҫӗ:
| ||
Пӑтӑрмахсем
![]() pixabay.com сӑнӳкерчӗкӗ Чӑваш Енри икӗ арҫын тата тӑватӑ хӗрарӑм ӳт сутса пурӑнакан пикесен шучӗпе укҫа туса пурӑннӑ. Халӗ ҫав ушкӑна суд тунӑ. Асӑннӑ ушкӑн 2006 ҫулхи ака уйӑхӗнчен тытӑнса 2019 ҫулхи утӑ уйӑхӗччен проституцие пирӗн республикӑри тата кӳршӗллӗ регионти 50-ран кая мар хӗр-хӗрарӑма явӑҫтарнӑ. Хайхи хӗрарӑмсен ҫулӗ — 15-рен пуҫӑнса 47-ччен. Секс-пулӑшӑва кӳме хӗрарӑмсем клиентсем патне киле, хӑна ҫурчӗсемпе саунӑсене ҫӳренӗ. Пӗр сехетшӗн ҫавсем 2 пинрен пуҫласа 2,5 пин тенкӗ таран илнӗ. Преступлени ушкӑнне кӗнӗ арҫынсенчен пӗрне пӗтӗмӗшле режимлӑ колоние 4,5 ҫуллӑха, теприне ҫирӗп режимлӑ колоние 9 ҫуллӑха ӑстама йышӑннӑ. Виҫӗ хӗрарӑма тӗрмене хупса хумасӑр айӑпланӑ. Вӗсен айӑплав вӑхӑтне 2, 3,5 тата 4 ҫуллӑха палӑртнӑ. Пӗр хӗрарӑма вара 50 пин тенкӗлӗх штрафланӑ, ӑна 6 ҫуллӑха пӗтӗмӗшле режимлӑ колоние ӑсатӗҫ. Суд приговорӗ вӑя кӗреймен-ха. Хыпар ҫӑлкуҫӗ:
| ||
Пӑтӑрмахсем
![]() Пӗлтӗрхи юпа уйӑхӗн 3-мӗшӗнче Шупашкарти пӗр ҫуртра 65 ҫулти арҫын виллине тупнине Чӑваш халӑх сайчӗ пӗлтернӗччӗ-ха. Аса илтерер: ӑна мӑйӗ тавра электричество кабелӗпе ултӑ хутчен ҫавӑрса пӑвнӑ. Тӗпчевҫӗсем тата хулари Ленин район сучӗ ҫакна палӑртнӑ. Усал ӗҫ тӑваканни — Шупашкарта пурӑнакан 63 ҫулти арҫын. Пӗлтӗрхи авӑн уйӑхӗн 30-мӗшӗнче арҫын пахча кооперативӗсенчен пӗринче хӑйӗн пӗлӗшӗ патӗнче эрех ӗҫнӗ. Кайран унпа кӳршӗри дача хуҫи хушшинче хирӗҫӳ сиксе тухнӑ. Кӗҫех ҫапӑҫмах тытӑннӑ. Хайхи арҫын дача хуҫине тапса ҫапса пӗтернӗ, урайне пусса ӳкернӗ хыҫҫӑн электричество кабелӗпе мӑйӗнчен пӑвса лартнӑ, унпа арҫыннӑн аллине те ҫыхса хунӑ. шар кураканни вилсе кайнӑ. Преступление тӑвакан арҫын чирлӗ иккен. Вӑл хӑй мӗн тунине ӑнланман, ӑнланма та пултараймасть. Ӑна психиатри пульницине ӑсатма йышӑннӑ. Хыпар ҫӑлкуҫӗ:
| ||
Культура
![]() Чӑваш халӑх писателӗн Никифор Мраньккан ал ҫырӑвӗсене архива парасшӑн. Чӑваш Енри Профессионал писательсен союзӗн правленийӗн председателӗ Лидия Филиппова Республикӑн патшалӑх истори архивӗн директорӗпе Галина Ертмаковӑпа тата унӑн ҫумӗпе Фёдор Козловпа тӗл пулнӑ. Лидия Ивановна Фейсбукра пӗлтернӗ тӑрӑх, курнӑҫура паллӑ ҫыравҫӑн Никифор Мраньккан ал ҫырӑвӗсене архива парас ыйтӑва сӳтсе явнӑ. «Ҫапла, вӑхӑт шелсӗр васкать. Пурте кайӑпӑр... Халӑх историне ҫырнисен ятне ҫитес ӑрусем валли упраса хӑварасчӗ. Ку енӗпе пирӗн архивсемпе музейсем самай пулӑшаҫҫӗ», — палӑртнӑ Лидия Филиппова. Хыпар ҫӑлкуҫӗ:
| ||
Шупашкарта ҫывӑх вӑхӑтра (28.03.2025 03:00) тӗтреллӗ ҫанталӑк, атмосфера пусӑмӗ 755 - 757 мм, 3 - 5 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.
| Дедушкин Николай Степанович, чӑваш критикӗ, литература тӗпчевҫи ҫуралнӑ. | ||
| Шамбулина Алина Валерьевна, чӑваш тележурналисчӗ ҫуралнӑ. | ||
![]() | Пулӑм хуш... |