Кӑҫалхи юлашки эрне пуҫланчӗ. Хальхинче эпир 6 кун ӗҫлӗпӗр. Кайран каникул пуҫланӗ – 11 куна тӑсӑлӗ.

Шӑматкун кӗске ӗҫ кунӗ пулмӗ. Раштавӑн 29-мӗшӗнче канма пуҫлӑпӑр та кӑрлачӑн 8-мӗшӗнче ӗҫе тухӑпӑр. Кайран икӗ кун ӗҫлӗпӗр те каллех икӗ кун канӑпӑр.

2025 ҫулта вӑрӑма тӑсӑлакан канмалли кунсем пулӗҫ: ҫу уйӑхӗн 1-4-мӗшӗсенче, ҫу уйӑхӗн 8-11-мӗшӗсенче, ҫӗртмен 12-15-мӗшӗсенче, чӳкӗн 2-4-мӗшӗсенче.

"Контактри" сӑн

Раштав уйӑхӗн 14-мӗшӗнче Пӗрремӗш каналпа «Народный ледниковый» проектӑн черетлӗ кӑларӑмӗ тухӗ.

Сюжетра Чӑваш Енри спорт пурнӑҫӗ пирки каласа кӑтартӗҫ. Шупашкарти «Новый город» микрорайонта уҫӑлнӑ ҫӗнӗ «Пӑр Арени» пирки те кӑтартӗҫ.

Аса илтерер: нумаях пулмасть Шупашкара тава тивӗҫлӗ спорт мастерӗ Илья Авербух килсе кайнӑ. Кӑларӑмра вӑл та комментари парӗ.

Кӑларӑм 18 сехет 20 минутра эфира тухӗ.

«Чеб.ру» сайтри сӑн

1 пин тенкӗллӗ банкнота ҫинче Шупашкарти Анне палӑкӗ пулма пултарассине, сасӑлав пыни пирки пӗлтернӗччӗ.

Ҫапаз Анне палӑкӗн ҫӗнӗ укҫа ҫине лекес шанчӑк пур. Вӑл 17348 сасӑ пухса чи нумай сасӑ пухнӑ 10 паллӑ вырӑн йышне кӗнӗ. Укҫа ҫине мӗн ӳкерессине Раҫҫей банкӗн тата Госзнӑкӗн ӳнӗрҫисем йышӑнӗҫ.

Сасӑлавра «Метеор» теплоход, Ҫӗр ӗҫченӗсен керменӗ, Сарӑтури Атӑл урлӑ хывнӑ автомобиль кӗперӗ малти вырӑнсене йышӑннӑ.

Ӗнер Пӗрремӗш каналпа пыракан «Ырӑ ир!» кӑларӑмра Чӑваш Енри сунар инспекторӗсем хӗлле вӑрманта тискер чӗрчунсемэне мӗнле апатлантарни пирки сюжет кӑтартнӑ. Ҫулла вӗсен ҫимелли нумай, хӗлле вара йывӑртарах килет.

Сунар инспекторӗсем вӑрманта утӑ, тырӑ, милӗксем, йӗкел, тымар ҫимӗҫсем хурса тухаҫҫӗ.

Кунсӑр пуҫне тискер чӗрчунсене тӑвар кирлӗ. Ӑҫа та хураҫҫӗ инспекторсем.

наследиечувашии.рф сайтри сӑн

Пӗрремӗш каналпа телеканалпа Елена Малышева ертсе пыракан «Жить здорово!» кӑларӑмра Ҫӗнӗ ҫулхи сӗтел ҫинче чӑваш апачӗсене те курма май пулӗ.

Чӑваш Ен кӑларӑмри уяв сӗтелӗнче наци колоричӗпе паллаштарӗ. Унта вырӑнти продукци пулӗ: Шупашкарти 2-мӗш ҫӑкӑр савучӗн ҫӑкӑрӗ, шӑрттан, шӳрпе, тултармӑш, хуран кукли, пашалу, чӑкӑт, хуплу… Кӑларӑма чӑвашсен Хӗл Мучийӗ те хутшӑнӗ.

Палӑртмалла, каларӑмра 5 рубрика пур: «Пурнӑҫ пирки», «Апат пирки», «Медицина пирки», «Кил-ҫурт пирки», «Пӗр минутра – сӗнӳ».

t.me/nikamran каналтан илнӗ сӑнӳкерчӗк

Шупашкарта пурӑнакан Наталья Ершова 100 пин тенкӗ выляса илнӗ. Кун пирки Телеграмри «Пуринчен малтан» каналта пӗлтернӗ.

Наталья «Что? Где? Когда?» (чӑв. Мӗн? Ӑҫта? Хӑҫан?) телекӑларӑма кӑсӑклӑ ыйту ярса панӑ. «Пӗрисем ӑна хӑйӑр ҫинче хӑвараҫҫӗ, теприсем хӗрлӗ эрех этикетки ҫинче, виҫҫӗмӗшӗсем — мӑйӑр миххи ҫинче, тӑваттӑмӗшӗсем — ваза ҫинче. Пӗрисем ӑна йӑлана кӗнӗ йӗркепе палӑртнӑ, теприсем пачах палӑртман», — ҫакӑн пек ыйту хатӗрлене студентка. Вӑййа хутшӑнакансем ун хуравне пӗлеймен.

Ирина Васильева архивӗнче сӑнӳкерчӗк

Шупашкарта пурӑнакан нумай ачаллӑ Васильевсем чӳк уйӑхӗн 28-мӗшӗнче Кремльти концертра пулнӑ. Ҫавӑнта кайса курма вӗсем Ирина Дубцован «Главное – семья» (чӑв. Чи кирли – ҫемье) мультимеди проектӗнче ҫӗнтернӗрен тивӗҫнӗ. Унта Васильевсем «Спорт ҫемйи» номинацире палӑрнӑ.

Ирина тата Владимир Васильевсем – ҫичӗ ача амӑшӗпе ашшӗ. Чи асли — 20 ҫулта, кӗҫӗнни — 2-ре. Васильевсен ачисем ашшӗ-амӑшӗн ҫулӗпе кайнӑ – каратэпе кӑсӑкланаҫҫӗ.

Ҫемье пуҫлӑхӗ Владимир — каратэ енӗпе тӗнче чемпионӗ. Ирина — каратэпе хура пиҫиххин пӗрремӗш данне тивӗҫнӗ.

1 пин тенкӗлӗх укҫа ҫине мӗн ӳкерессине суйлаҫҫӗ. Списокра – 25 символ. Вӗсен йышӗнче Шупашкарти Анне палӑкӗ те пур.

Укҫа Атӑлҫи федераци округне халалланӑскер пулӗ. Халӗ хӑш хулари паллӑ вырӑна сӑнлассине суйлаҫҫӗ. Сасӑлав раштав уйӑхӗн 12-мӗшӗччен пырӗ.

"Контактри" сӑн

Пӗрремӗш канал Чӑваш Енре «Народный ледниковый» проектӑн ҫӗнӗ сезонӗ валли сюжет ӳкерет. Вӑл – федераци каналӗ валли пӑрлӑ шоу йӗркелекен паллӑ Илья Аврбухпа пӗрле.

Раҫҫейӗн тава тивӗҫлӗ спорт мастерӗ, Олимп вӑййисен призерӗ, Европа тата тӗнче чемпионӗ Илья Авербух Шупашкара килнӗ. Сюжете Шупашкарти «Ҫӗнӗ хула» микрорайонта нумаях пулмасть уҫӑлнӑ «Пӑрлӑ Аренӑра» ӳкерӗҫ.

"Контактри" сӑн

Чӳк уйӑхӗн 17-мӗшӗнче «Россия-Культура» канала яма ан манӑр. 12 сехет те 20 минутра пуҫланакан «Неизведанные маршруты России» кӑларӑма пӑхмалла.

Унта ертӳҫӗ Чӑваш Енпе паллаштарӗ, чей ӗҫмелли йӑла-йӗркене кӑтартӗ, Хӗл мучипе тӗл пулӗ, тракторпа ярӑнӗ. Ҫавӑн пекех хӑйне евӗр процедурӑсем кӗтеҫҫӗ ӑна: йӗппе тирсе сипленни, вакра шыва кӗни…

Чи вӑрттӑнни вара – халӑх хушшинче анлӑ сарӑлнӑ кӗпере кӑтартни.