"Чеб.ру" сайтри сӑн

Раҫҫейри 20 хулара прокуратурӑсене пӗтерӗҫ. Ҫав шутра Шупашкар та пур. Хушӑва кӑрлачӑн 17-мӗшӗнче Раҫҫей тӗп прокурорӗ Игорь Краснов алӑ пуснӑ.

Ҫавӑн пекех Барнаулта, Астраханьте, Брянскра, Иркутскра, Калининградра, Кемеровӑра, Новокузнецкра, Кировра, Курскра, Оренбургра, Владивостокра, Тольяттире, Саратовра, Ставропольте, Томскра, Тулӑра, Тюменьте, Хабаровскра, Ярославльте хула прокуратурисем пулмӗҫ. Пӗтӗмпе 327 ҫынна чакарӗҫ, вӗсене прокуратурӑн ытти органне ӗҫлеме ярӗҫ.

«Ъ» пӗлтернӗ тӑрӑх, прокуратурӑсене штат расписанине оптимизаци тума пӗтереҫҫӗ.

ren.tv сайтри сӑн

Патшалӑх Думин Сывлӑх сыхлавӗпе ӗҫлекен комитечӗ Ҫӗнӗ ҫулхи каникула кӗскетме сӗннӗ. Ытла нумай канни сывлӑха сиен кӳрет-мӗн.

Комитет председателӗҫ ҫумӗ Бадма Башанкаев пӗлтернӗ тӑрӑх, нумай канни медицина тӗлӗшенчен лайӑхах мар, ҫулталӑк тӑршшӗпе 3-5-шер кун темиҫе хут канни аванрах. Депутат раштавӑн 31-мӗшӗнчен суранланакансен, панкреатитпа аптӑракансен йышӗ ӳснине палӑртнӑ. Юлашки вара ытлашши нумай ҫинипе ҫыхӑннӑ.

Башанкаев ҫу уйӑхӗнчи кану кунӗсене те кӗскетме сӗннӗ. Ӑна та вӑл ҫав сӑлтавсемпех ҫыхӑнтарнӑ.

mosk.cap.ru сӑнӳкерчӗкӗ

Пирӗн республикӑра пурӑнакансем Пӗтӗм Раҫҫейри «Моя въездная группа» II конкурса хутшӑнма пултараҫҫӗ. Конкурсӑн куҫӑнсӑр тапхӑрӗ ыран, кӑрлачӑн 10-мӗшӗнче, вӗҫленӗ. Куҫӑн тапхӑр нарӑс уйӑхӗн 12-14-мӗшӗсенче Мускаври «ЭКСПОЦЕНТРта» иртӗ.

Шупашкара кӗнӗ ҫӗре стела вырнаҫтарни тата кӗмелли илемлӗ вырӑн туса хуни ҫул ҫӳрекенсене тата та ытларах илӗртессе шанаҫҫӗ.

Хулана кӗмелли вырӑн епле пулмалли пирки хӑвӑр шухӑшӑра Шупашкар хулин музейпа туризм центрне пӗлтерме пултаратӑр.

Унӑн телефонӗ +7 (8352) 23-20-31 и 23-20-24. Электрон адрес: tic-cheb@mail.ru.

Кӑрлачӑн 2-мӗшӗнчӗ Пӗрремӗш каналпа «Видели видео?» кӑларӑм эфира тухнӑ. Унта Чӑваш Енри ҫамрӑк фермера кӑтартнӑ.

Элӗк округӗнчи каччӑ эфира пӗччен килмен. Вӑл кӑҫал хӗлле урамра тупнӑ кушак ҫурипе Багирӑна тата кокинхин ӑратӗнчи чӑхха илсе килнӗ. Кирилл хӑйӗн хуҫалӑхӗнчи чӑхсем, павлинсем, страуссем пирки каласа кӑтартнӑ. Вӑл качакасем, кроликсем те усрать.

Кӑҫал пирӗн ҫӗршывра чи йӳнӗ сигарет хакӗ 135 тенкӗ тӑрӗ.

Водкӑн чи йӳнӗ хакӗ кӑҫалхи кӑрлач уйӑхӗн 1-мӗшӗнчен 349 тенкӗ тӑрӗ. Ку вӑл — 0,5 литршӑн. Ӑна ҫӗршывӑн Финанс министерстви хӑйӗн приказӗпе палӑртса хӑварнӑ. Унччен ҫур литр хакӗ 299 тенкӗ тӑнӑ. Брендин чи йӳнӗ хакӗ унчченхи 403 тенкӗрен 472 тенке ҫитнӗ, коньякӑн — 556 тенӗрен 651 тенке.

cap.ru сайтри сӑн

Мускавра «Раҫҫейри воспитательсем» Пӗтӗм Раҫҫейри конкурс ҫӗнтерӳҫисене чысланӑ. Вӗсен йышне пирӗн ентеш те кӗнӗ.

Конкурса хутшӑнас тесе 4500 ытла ҫын заявка панӑ. Федераци тапхӑрне 500 ытла ҫын лекнӗ. Ҫӗнтерӳҫӗ ятне вара 70 ытла педагог тивӗҫнӗ.

Шупашкарти 201-мӗш ача пахчин логопечӗ Вера Горелова «Инклюзивлӑ вӗренӳ» вӗренӳ организацийӗн чи лай ӑх воспитателӗ» номинацире мала тухнӑ.

karelia.rbc.ru сайтри сӑн

Аналитиксем малтанлӑха палӑртнӑ тӑрӑх, 2025 ҫулта Раҫҫейре бензин хакӗ ӳсӗ, 1 литрӗ 120 тенкӗ таран тӑма пултарӗ. Топлива хакӗ 15-20 процент таран хӑпарӗ, тӗнчери хак патнелле ҫывхарӗ. Сӑмах май, тӗнчере 1 литр топливо 1,2 доллар тӑрать.

Бензин мӗншӗн хакланӗ? Акцизсем ӳсӗҫ, «Транснефтӗн» тарифӗ хӑпарӗ, тенкӗ деваляцийӗ пулӗ, инфляци пысӑкланӗ. Тата сӑлтавсен йышӗнче - пилотсӑр вӗҫекен аппаратсем тапӑнни.

cap.ru сӑнӳкерчӗкӗ

ЧР Элтеперӗ Олег Николаев Раҫҫейӗн юрӑ- кӗвӗ карттине тӑвасси пирки ҫуркуннех каланӑччӗ. Нумаях пулмасть «Раҫҫейри хальхи юрӑ-кӗвӗ картти» Президент фончӗн пулӑшӑвне тивӗҫнӗ.

Проекта савӑнӑҫлӑ, лару-тӑрура Республика кунӗнче, Чӑваш автономи облаҫӗ йӗркеленнӗренпе 105 ҫул ҫитнӗ май, хӑтлама палӑртнӑ. Палӑртмалла: юрӑ-кӗвӗ карттине Раҫҫейӗн тӗрленӗ карттине тӗпе хурса хатӗрлӗҫ.

culture.ru сайтри сӑн

«Ростелеком Контакт-центр» Хӗл мучин тата унӑн цифра пулӑшуҫисен хӗрӳ линийӗ кӑҫалхипе виҫҫӗмӗш хут ӗҫлесе кайнӑ. Унта ачасем 800 101-10-42 номерпе шӑнкӑравласа тупмалли юмахсене пӗлме, Юр пикене парнесем пирки каласа кӑтартма, Хӗл мучи валли ырӑ сӑмахсем хӑварма пултараҫҫӗ.

Шӑнкӑрав тӳлевсӗр, вӑл раштав уйӑхӗн 30-мӗшӗнче ӗҫлеме пуҫлать. Проект «Раҫҫей почти» тата Аслӑ Устюгри Хӗл мучин резиденцийе пулӑшнипе пурнӑҫланать.

Кӑҫалхи юлашки эрне пуҫланчӗ. Хальхинче эпир 6 кун ӗҫлӗпӗр. Кайран каникул пуҫланӗ – 11 куна тӑсӑлӗ.

Шӑматкун кӗске ӗҫ кунӗ пулмӗ. Раштавӑн 29-мӗшӗнче канма пуҫлӑпӑр та кӑрлачӑн 8-мӗшӗнче ӗҫе тухӑпӑр. Кайран икӗ кун ӗҫлӗпӗр те каллех икӗ кун канӑпӑр.

2025 ҫулта вӑрӑма тӑсӑлакан канмалли кунсем пулӗҫ: ҫу уйӑхӗн 1-4-мӗшӗсенче, ҫу уйӑхӗн 8-11-мӗшӗсенче, ҫӗртмен 12-15-мӗшӗсенче, чӳкӗн 2-4-мӗшӗсенче.