|
Персона
 Вера Иванова сӑнӳкерчӗкӗ Шупашкарта пурӑнакан 100 ҫулхи Зинаида Канова патӗнчен ҫак кунсенче халӑх татӑлма пӗлмест. Ун патне журналистсем те пӗрмай пыраҫҫӗ, ӑна шкул ачисем те саламлаҫҫӗ. Паян вара кинемей патӗнче Чӑваш Ен Элтеперӗ Олег Николаев тата Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн директорӗ Светлана Милкина пулнӑ. Зинаида Андреевна Мордва Республикинчи Смольково ялӗнче ҫуралнӑ, Улатӑрта ӳснӗ, унта нумай ҫул пурӑннӑ. Халӗ вӑл Шупашкарта пурӑнать. Тӑван ҫӗршывӑн аслӑ вӑрҫи вӑхӑтӗнче Зинаида Канова радиотелеграфист пулна, Берлина ҫитнӗ. Зинаида Андреевна – питӗ кӑмӑллӑ ҫын. Унпа темччен калаҫма пулать. Ун патне хӑнана пыракансем кинемее пурте Ҫӗнтерӳ кунӗпе саламлаҫҫӗ. Хыпар ҫӑлкуҫӗ:
|
|
Персона
 Чӑваш академи драма театрӗн сӑнӳкерчӗкӗ Ӗнер, ака уйӑхӗн 19-мӗшӗнче, К.В. Иванов ячӗллӗ Чӑваш патшалӑх академи драма театрӗнче Чӑваш АССР тава тивӗҫлӗ артистне Леонид Семенова аса илнӗ. Вӑл ҫуралнӑранпа кӑҫал 115 ҫул ҫитнӗ. Леонид Федорович 1910 ҫулхи ака уйӑхӗн 17-мӗшӗнче Чикме уесӗнчи (халӗ – Шупашкар районӗ) Ҫӗньял ялӗнче ҫуралнӑ. 1934 ҫулта Чӑваш патшалӑх музыкӑпа театр техникумӗн театр уйрӑмне пӗтернӗ хыҫҫӑн Чӑваш театрӗнче вӑй хунӑ. Театрта пӗлтернӗ тӑрӑх, 36 ҫул хушшинче 200 ытла роль калӑпланӑ: «Хӗн-хур айӗнче» спектакльте Чакка тата Пахомка, «Тутимӗрте» Тутимӗр, «Тӗпӗнче» драмӑра Васька Пепел, «Аслатире» Тихон, «Ялта» спектакльте Ванюк тата нумай-нумай сӑнар. Театра Леонид Семеновӑн тӑванӗсем те ҫитрӗҫ, ӑна ӑшӑ сӑмахсемпе саламларӗҫ. Хыпар ҫӑлкуҫӗ:
|
|
Персона
 "Контактри" сӑн Чӑваш Енри таврапӗлӳҫӗ, гид-экскурсовод, «Чӑваш Республикинчи чи лайӑх экскурсовод – 2024» конкурс лауреачӗ Татьяна Миронова Пӗтӗм тӗнчери «Проводники смыслов. Экскурсоводы Победы» сумлӑ конкурс финалистки пулса тӑнӑ. Ку конкурса «Росмолодежь» йӗркелет. 5 пине яхӑн ҫынран чи лайӑх 400 экскурсовода кӑна суйланӑ. Вӗсен йышӗнче пирӗн ентеш те пур. Татьяна Миронова - Вӑрмартан. Ҫитес вӑхӑтра Татьяна Мускавра экскурсоводсемпе тӗл пулӗ, вӗренӳ мероприятийӗсене хутшӑнӗ, культура объекчӗсене кайса курӗ. Ҫавӑн чухнех ҫӗнтерӳҫӗсене чыслӗҫ. Хыпар ҫӑлкуҫӗ:
|
|
Персона
 Ака уйӑхӗн 18-мӗшӗнче, чӑваш поэчӗ Валентин Урташ ҫут тӗнчерен уйрӑлса кайнӑ кун, чӑваш писателӗсем, поэчӗсем, журналисчӗсем унӑн вил тӑприйӗ ҫине ҫитсе ӑна асӑннӑ. Калем ӑстисемпе пӗрле Анатолий Князев та пулнӑ. Анатолий Пантелеймонович – Елчӗк чӑвашӗ, вӑл Шупашкар районӗнчи Апашра пурӑнать. Анатолий Князев поэтпа хурӑнташлӑ иккен. Кун пирки Лидия Филиппова журналист халӑх тетелӗнчи хӑйӗн страницинче пӗлтернӗ. |
|
Персона
 Ҫемье архивӗнчи сӑн Раҫҫей Президенчӗ Владимир Путин Чӑваш Енри нумай ача амӑшне Надежда Цветковӑна награда пама йышӑннӑ Вӑл пӗлтӗрхи ҫулла Атӑлта икӗ ҫамрӑка ҫӑлнӑ. Малтан шывран хӗре туртса кӑларнӑ, унтан – каччӑна. Яш ҫыран хӗррине илсе тухнӑ ҫӗре сывламан, ӑна пляжри тепӗр ҫын пӗрремӗш медпулӑшу панӑ. Надежда - 3 ача амӑшӗ. Вӑл штукатур-малярта ӗҫлет. Хыпар ҫӑлкуҫӗ:
|
|
Персона
 Чӑваш академи драма театрӗн сӑнӳкерчӗкӗ Ӗнер, ака уйӑхӗн 17-мӗшӗнче, чӑваш драматургӗ Николай Терентьев ҫуралнӑранпа 100 ҫул ҫитнӗ. Николай Терентьевич 1925 ҫулхи ака уйӑхӗн 17-мӗшӗнче Канаш районӗнчи Кӑшнаруй ялӗнче ҫуралнӑ. А.В. Луначарский ячӗллӗ ГИТИСра чӑваш студинче, И.Я. Яковлев ячӗллӗ Чӑваш патшалӑх педагогика институтӗнче, А.М. Горький ячӗллӗ Литература институтӗнче вӗреннӗ. Николай Терентьевич пурӗ 50 ытла пьесӑпа сценари ҫырнӑ. Вӗсене 15 чӗлхене куҫарнӑ – пушкӑртла, украинла, эстонла. Вӑл ҫырнӑ пьесӑсене Чӑваш Енри, ҫавӑн пекех Чӗмпӗр, Брянск, Барнаул тӑрӑхӗнчи театрсенче лартнӑ. Хӑш-пӗрне Мускаври МХАТра та кӑтартнӑ. «Сансӑр пурнӑҫ ҫук» пьесине вара ҫӗршывӑн 10 ытла хулинче лартнӑ Чӑваш театрӗн чи ҫывӑх тусӗ пулнӑ Николай Терентьевич! Унӑн пьесисем тӑрӑх лартнӑ «Арканнӑ юрату», «Куккук ҫаплах авӑтать», «Кайри-мала, хур кайӑксем», «Хумсем ҫырана ҫапаҫҫӗ», «Ыйӑх ҫухатнисем» тата ытти спектакльсем паян кун та халӑх асӗнче! Хӑй те сцена ҫинче Сентиер («Айтар»), Ахмар («Эндип»), Ваня Земнухов («Ҫамрӑк гварди») сӑнарӗсене калӑпланӑ! Николай Терентьев пирки тӗплӗнрех РУВИКИн чӑваш уйрӑмӗнче вуласа пӗлме пулать. Хыпар ҫӑлкуҫӗ:
|
|
Персона
 «Про Город» архивӗнчи сӑн Шупашкара актер тата юморист Ефим Шифрин килсе кайнӑ. Вӑл пирӗн пата гастроль вӑхӑтӗнче кӗрсе тухнӑ. Ӑна Шупашкар килӗшнӗ. «Хулан икӗ сӑн пулнине тахҫанах асӑрханӑ эпӗ: кӑнтӑрлахи тата каҫхи. Акӑ пӑхӑр-ха каҫхи Шупашкар епле. Хитре, лӑпкӑ. Манӑн ҫурӑм хыҫӗнче мӗнле илем. Ку – Атӑл», – тенӗ актер видеора. Хыпар ҫӑлкуҫӗ:
|
|
Персона
 "Контактри" сӑн Шупашкарта пурӑнакан Алексей Афанасьев 100 ҫулхи юбилейне паллӑ тунӑ. Вӑл – Тӑван ҫӗршыв вӑрҫин ветеранӗ. Алексей Афанасьев 1943 ҫулта Украина фронтӗнче ҫапӑҫса урине ҫухатнӑ. Паттӑр салтак Хӗрлӗ Ҫӑлтӑр орденӗн Кавалерне тата Жуков медальне тивӗҫнӗ. Хыпар ҫӑлкуҫӗ:
|
|
Персона
 chuvdram.ru сӑнӳкерчӗкӗ Ака уйӑхӗн 25-мӗшӗнче Чӑваш патшалӑх академи драма театрӗнче Валентина Трифонован пултарулӑх каҫӗ иртӗ. Валентина Ивановна — Чӑваш АССР тава тивӗҫлӗ артистки (1979), чӑваш халӑх артистки (1989), Раҫҫей тава тивӗҫлӗ артистки (1998). Пулас артистка 1950 ҫулхи ака уйӑхӗн 25-мӗшӗнче Тӑвайӗнче ҫуралнӑ. Ленинградри А.Н. Островский ячӗллӗ патшалӑхӑн театр, музыка, кинематографи институтӗнчен вӗренсе тухнӑ. 1972 ҫултан пуҫласа 2008 ҫулччен Чӑваш патшалӑх академи драма театрӗнче ӗҫленӗ. Валентина Трифонова ҫинчен тӗплӗнрех РУВИКИн чӑваш уйрӑменче вуласа пӗлме май пур. Хыпар ҫӑлкуҫӗ:
|
|
Персона
 Чӑваш патшалӑх гуманитари ӑслӑлӑхӗсен институчӗн сайтӗнчен илнӗ сӑнӳкерчӗкпе усӑ курнӑ Ӗнер, ака уйӑхӗн 13-мӗшӗнче, театр ӳнерӗн ҫутӑ ҫӑлтӑрӗ, чӑваш сценин илемӗ пулнӑ Нина Григорьева артистка куҫне ӗмӗрлӗхе хупнӑ. Кун пирки ҫак йӗркесен авторне Наталия Володина хыпарларӗ. Нина Ильинична К. В. Иванов ячӗллӗ Чӑваш патшалӑх академи драма театрӗнче 65 ҫула яхӑн ӗҫленӗ. Вӑл кирек мӗнле сӑнара та тӗлӗнмелле ӑста та ӗнентерӳллӗ калӑплама пултарнӑран ӑна халӑх юратнӑ. Театрта ӗҫлеме вӑл пӗлтӗр пӑрахнӑччӗ. Нина Григорьева пирки тӗплӗнрех РУВИКИн чӑваш уйрӑмӗнче вуласа пӗлме пулать. |
+5.3 °C