culture.cap.ru сӑнӳкерчӗкӗ

Кӑрлач уйӑхӗн 30-мӗшӗнче Чӑваш патшалӑх академи драма театрӗнче Пётр Осиповӑн астӑвӑм каҫне пуҫтарӑнӗҫ.

Вӑл — Чӑваш АССР искусствӑсен тава тивӗҫлӗ ӗҫченӗ, РСФСР тава тивӗҫлӗ врачӗ, чӑваш халӑх писателӗ, актер, драматург, медицина наукисен кандидачӗ. Пётр Осипов ҫуралнӑранпа кӑҫал 125 ҫул ҫитет.

Литературӑпа вӑл 1916 ҫул хыҫҫӑн хастар ӗҫленӗ. 1927-1930 ҫулсенче Чӑваш драма театрӗн тӗп режиссёрӗ пулнӑ. Хӑй вал 20 ытла пьеса ҫырнӑ. Вӗсем чӑваш драматургийӗн ылтӑн фончӗ пулса тӑнӑ.

"Контактри" сӑн

Чӑваш Енре 105 ҫулти ветеран пурӑнать. Вӑл – Иван Ермолаев. Вӑл 106-мӗш ҫулта пырать. Иван Васильевич Етӗрнере пурӑнать, политикӑпа интересленет. Урама тухсан ҫынсемпе хаваспах калаҫать.

Иван Васильевич 1939 ҫулта ҫара кайнӑ. Икӗ ҫултан вӑл Гродно хулинче вӑрҫа кӗтсе илнӗ. Вӑл Чехословакие ирӗке кӑларнӑ ҫӗре хутшӑннӑ. Паттӑрлӑх кӑтартнӑшӑн I степень Тӑван ҫӗршыв вӑрҫин орденне, III степень Мухтав орденне, «Паттӑрлӑхшӑн» медале тивӗҫнӗ.

Ҫӗнтерӳ хыҫҫӑн Украинӑна минӑран тасатма, халӑх хуҫалӑхне ҫӗклеме пулӑшнӑ. Тӑван тӑрӑха таврӑнсан вара ҫемье ҫавӑрнӑ.

culture.cap.ru

Кӑрлач уйӑхӗн 14-мӗшӗнче Чӑваш Енӗн Наци вулавӑшӗн Виталий Станьял ӑсчах 85 ҫул тултарнӑ ятпа пуҫтарӑнассине эпир унччен пӗлтернӗччӗ-ха.

Виталий Станьял – учёнӑй, педагог, поэт, публицист. Пултарулӑх каҫӗнче юбиляр ячӗпе ӑшӑ сӑмах калакан йышлӑн пулнӑ. Ҫав шутра — вулавӑшӑн директоре Роза Лизакова та, Чӑваш патшалӑх вӗрӗнӳ инстиутчӗн доценчӗ Надежда Иванова та, филологи наукисен доккторӗ Виталий Родионов та, филологи наукисен кандидачӗсем Геннадий Дегтярёв та, Вера Никифорова та, Ирина Софронова та, Евгений Михайлов археолог та.

Ирина Трифонова сӑнӳкерчӗкӗ

Хусанта пурӑнакан чӑваш арҫынни 100 тултарнӑ. Кун пирки Тутарстанри чӑвашсен «Сувар» хаҫатӗнче пӗлтернӗ.

Хусан ҫумӗнчи Мирный поселокӗнче пурӑнакан Федор Мердюков Ҫӗпрел районӗнчи Кӗҫӗн Аксура 1925 ҫулхи кӑрлач уйӑхӗн 14-мӗшӗнче ҫуралнӑ.

Ветерана РФ Президенчӗн В.Путинӑн, ТР Раисӗн Р.Миннихановӑн, Хусан мэрӗн И.Метшинӑн саламӗсене Хусанти Приволжски тата Вахитов районӗн пуҫлӑхӗ Альберт Салихов ҫитернӗ. Ҫӗпрел район пуҫлӑхӗ Марат Гафаров, унӑн ҫумӗ, районти ЧНКЦ председателӗ Алексей Ярухин, Кивӗ Чакӑ ял хутлӑхӗн пуҫлӑхӗ Артем Солдатов та ватта саламалама ппырса ҫитнӗ. «Сувар» хаҫатӑн тӗп редакторӗпе Ирина Трифоновӑпа ТР ЧНКА Председателӗн пӗрремӗш ҫумӗ Константин Малышев та хисеплӗ ветерана ӑшшӑн саламласа парнесем панӑ.

Прокуратура архивӗнчи сӑн

Тӑван ҫӗршывӑн Аслӑ вӑрҫин ветеранӗ Иван Григорьевич Григорьев 101-мӗш ҫуралнӑ кунне паллӑ тунӑ. Вӑрҫӑра вӑл 1942-1945 ҫулсенче пулнӑ.

Унтан таврӑнсан Хусанта юридици енӗпе аслӑ пӗлӳ илнӗ. Кайран Чӑваш Енри прокуратура органӗсенче ӗҫленӗ, Вӑрмар районӗнчен пуҫӑннӑ. Ҫак тытӑмра вӑл 15 ҫул ытла вӑй хунӑ. Кун хыҫҫӑн влаҫ органӗсенче тӑрӑшнӑ.

Иван Григорьевич чылай наградӑна тивӗҫнӗ: II степень Тӑван ҫӗршыв вӑрҫин орденне, Жуков медальне, «Кенигсберга илнӗшӗн», «Германие ҫӗнтернӗшӗн», «Ҫапӑҫури палла ӗҫсемшӗн» медальсене.

cap.ru сӑнӳкерчӗкӗ

Паян Патӑрьел округӗнчи Шӑнкӑртам ялӗнче пурӑнакан Минникадире Зейдулловна Хамбикова 100 ҫул тултарнӑ. Пурнӑҫӗнче темӗн те курма тивнӗ пулсан пурнӑҫа яланах юратнӑ вӑл.

Минникадире Зейдулловна ҫак округрах Ыхраҫырми ялӗнче нумай ачаллӑ хресчен ҫемйинче ҫуралнӑ. Мӗн пӗчӗкрен аслисен ҫумӗнче ӗҫленӗ вӑл.

Вӑрҫӑ пӗтсен хӗр Мускава савута ӗҫлеме кайнӑ. Унта вӑл пулас мӑшӑрӗпе паллашнӑ. Вӗсем пӗрле Шӑнкӑртам ялне таарӑннӑ, колхозра ӗҫленӗ, ҫурт ҫӗкленӗ. Мӑшӑр 7 ачана кун ҫути парнелесе ура ҫине тӑратнӑ.

Халӗ Минникадире Зейдулловнӑн 23 мӑнук, 40 кӗҫӗн мӑнук, вӗсен икӗ ачи пур. Чухне

www.cap.ru сӑнӳкерчӗкӗ

Паян – Раҫҫейри пичет кунӗ. Чӑваш Ен Элтепере Олег Николаев «журналистсене, фотокорреспондентсене, верстальщиксене, редакторсемпе тӗп редакторсене – информацие хатӗрлесе сарма хутшӑнакан тата ӑна республикӑра пурӑнакансем патне ҫитерсе тӑракан мӗн пур ҫынна» Раҫҫей тата Чӑваш пичечӗн кунӗсемпе саламланӑ.

«Сирӗнтен нумайӑшӗ пӗтӗм пурнӑҫне халалланӑ пархатарлӑ ӗҫӗр чӑннипех пысӑк яваплӑ. Професси ӑсталӑхӗ, анлӑ тавра курӑм, ҫынпа хутшӑнма тата тишкерӳ тума, информацин анлӑ юхӑмӗнче чи пӗлтерӗшлине тата ҫынсене кирлине шыраса тупма пӗлни, кӑткӑс темӑсене пурте ӑнланмалла уҫса пама пултарни – ҫакӑ пурте сирӗн ӗҫӗр пире, республикӑра пурӑнакансене, питӗ кирлине кӑтартса парать. Сире пула эпир тӗнчере, ҫӗршывра тата республика пурнӑҫӗнче пулса иртекен пулӑмсене тӗрлӗ енлӗн те тӗрӗс хак пама пултаратпӑр, тӗплӗн шухӑшласа пӗтӗмлетӳсем тӑватпӑр, хамӑра пурнӑҫра кирлӗ информаципе усӑ куратпӑр», — тенӗ саламра.

«Грани» хаҫат сӑнӳкерчӗкӗ

Александр Волков ҫӑлавҫӑ пурнӑҫран уйрӑлса кайнӑ. Вӑл Ҫӗнӗ Шупашкарти ҫӑлав службине чылай ҫул ертсе пынӑ.

Чӑваш Республикинчи ҫӑлавпа шырав служби пӗлтернӗ тӑрӑх, Александр Волкова кӑрлач уйӑхӗн 11-мӗшӗнче юлашки ҫула ӑсатнӑ.

Александр Волков республикӑн тава тивӗҫлӗ ҫӑлавҫи шутланнӑ. Хисепле ҫак ята ӑна 2008 ҫулта панӑ. Хӑй вал Мари Элтан. Унти пел ялта 1956 ҫулта ҫуралнӑ. 1978 ҫулта водолаз пулса ӗҫлеме тытӑннӑ.

Лидия Филиппова страницинчен илнӗ сӑнӳкерчӗк

Ку хыпара эпир самай кая юлса пӗлтӗмӗр пулин те хыпарласах килчӗ. Иртнӗ ҫулхи раштав уйӑхӗн 20-мӗшӗнче Валентин Урташ (Валентин Андреевич Яковлев) ҫуралнӑранпа 100 ҫул ҫитнӗ. Ҫавна асра тытса маттур чӑвашсем унӑн вил тӑпри ҫине чечек хунӑ. Ку хыпара эпир Лидия Филиппова журналист, публицист, поэт халӑх тетелӗнчи хӑйӗн страницинче хыпарланӑ тӑрӑх пӗлтӗмӗр.

Валентин Урташ ӗмӗрлӗх канӑҫне Шупашкарти 2-мӗш масар ҫинче тупнӑ. Валентин Урдаш — поэт, унӑн сӑввисемпе сумлӑ композиторсем юрӑсем кӗвӗленӗ. Унсӑр пуҫне вӑл тӑлмачӑ, прозаик пулнӑ.

Раштав уйӑхӗн 21-мӗшӗнче Чӑваш Ен делегацийӗ поэтӑн тӑван тӑрӑхӗнче, Тутарстанра, пулнӑ.

Паян, кӑрлач уйӑхӗн 11-мӗшӗнче, Шупашкарта пурӑнакан Алла Поздеева 95 ҫул тултарнӑ. Ӑна хулари халӑхӑн социаллӑ ыйтӑвӗсене тивӗҫтерекен комплекслӑ центрӗн социаллӑ ӗҫченӗ Кристина Вахтеркина пӑхса пулӑшать.

Алла Григорьевна Курск хулинче ҫуралнӑ. 1965 ҫулта Шупашкара пурӑнма куҫса килнӗ. Качча кайса икӗ ывӑлпа пӗр хӗр ҫуратнӑ. Халӗ кинемейӗн тӑхӑр мӑнук тата мӑнукӗн виҫӗ ачи пур.