Шупашкарта пурӑнакан Наталья Мельденева «Хӗл королеви — 2025» проект финалне лекнӗ. Халӗ унта вӑл Чӑваш Ен чысне хӳтӗлӗ.

Наталья — модель тата телеертӳҫӗ. Унӑн психологи енӗпе аслӑ пӗлӳ пур. Ку таранччен чипер хӗрарӑм чылай илем конкурсне хутшӑнса титул ҫӗнсе илнӗ. Наталья пушӑ вӑхӑтра живопиҫпе, психологипе кӑсӑкланать. Ну, апла хамӑрӑн ентеше финалта ӑнӑҫу сунатпӑр!

culture.cap.ru сӑнӳкерчӗкӗ

Кӑрлач уйӑхӗн 27-мӗшӗнче Чӑваш Енри паллӑ культура ӗҫченӗ Петр Клементьев 70 ҫул тултарнӑ.

Пукане театрӗн ӳнерӗпе вӑл ача чухнех кӑсӑкланма пуҫланӑ. 1971 ҫулта шкултан вӗренсе тухнӑ хыҫҫӑн 1973 ҫулта пурнӑҫне театрпа ҫыхӑнтарнӑ.

Чӑваш патшалӑх пукане театрӗнче 48 ҫул ӗҫленӗ вӑхӑтра 100 ытла постановкӑри 130 роле калӑпланӑ.

Петр Клементьев — Чӑваш Республикин тава тивӗҫлӗ артисчӗ тата чӑваш халӑх артисчӗ.

culture.cap.ru сӑнӳкерчӗкӗ

Карлач уйӑхӗн 27-мӗшӗнче Чӑваш Республикин культурӑн тава тивӗҫлӗ ӗҫченӗ, библиотека ӗҫӗн ветеранӗ Тамара Григорьева 75 ҫул тултарнӑ.

Тамара Романовна культура отраслӗнче 50 ҫул ӗҫленӗ. 1996-2023 ҫулсенче вӑл Чӑваш Республикин ача-пӑчапа ҫамрӑксен вулавӑшне ертсе пынӑ. Чӑваш Енӗн Культура министерствинче пӗлтернӗ тӑрӑх, унта чи лайӑх практикӑсене пурнӑҫа кӗртсе пынӑ.

"Котактри" сӑн

15 ҫулти Ольга Перепелкина урамра пынӑ чухне пӗр хӗрача тӑрук ӳксе хускалми пулнине асӑрхасан ӑна пӗр тӑхтамасӑр пӗрремӗш медпулӑшу кӳме тытӑннӑ, васкавлӑ медпулӑшу чӗннӗ.

Ольга ҫынна пӗрремӗш медпулӑшу мӗнле памаллине лайӑх пӗлет. Вӑл - «Воин» центр курсанчӗ. «Паллах, ку манекенпа тренировка ирттернинчен йывӑртарах пулчӗ. Анчах шухӑшлама вӑхӑт ҫуккине ӑнланатӑп», - тенӗ Ольга. Тухтӑрсем киличчен 3 минут маларах хӗрача куҫне уҫса сывласа янӑ.

Ольгӑшӑн тактика медицини питӗ интереслӗ. Вӑл шкулта ку енӗпе вӗренӳ проектне те пуҫарнӑ. Унӑн команди пӗрремӗш медпулӑшу парас енӗпе регион шайӗнче иртнӗ чемпионатра пӗрремӗш вырӑн йышӑннӑ. Ольга халӗ Рязаньти сывлӑш десанчӗн училищине е Ҫар-космос академине вӗренме кӗмешкӗн ӗмӗтленет.

vladimir.mk.ru сайтри сӑн

Чӑваш Енри тепӗр икӗ кинемей ҫак кунсенче 100 ҫулхи юбилейне паллӑ тунӑ.

Куславккара пурӑнакан Антонина Ильинична Лебедева 16-ра чухне колхозра ӗҫлеме пуҫланӑ. 1941 ҫулта вӑл Сӑр хӳтӗлев чиккине тунӑ ҫӗре хутшӑннӑ. Халӗ вӑл 98 ҫулти йӑмӑкӗпе пурӑнать.

Канашри Татьяна Васильеана Смагина ӗмӗр тӑршшӗпе вӗрентекенре ӗҫленӗ. Паянхи кун вӑл ҫӗршывӑн тӗрлӗ кӗтесӗнчи нумай ачаллӑ ҫемьесене пулӑшать: утиял ҫӗлесе парнелет.

"Контактри" сӑн

Улатӑрта пурӑнакан Наталья Рябова Пӗрремӗш каналпа кӑтартакан «Асамлӑх уйӗ» кӑларӑмра ҫӗнтернӗ. Телевизорпа ӑна ӗнер, эрнекун, кӑтартнӑ.

Вӑл ыйтӑва тӗрӗс хуравланӑ: ӗлӗк халӑхра муфтӑна мӗнле чӗннӗ? Муфта.

Наталья 4150 очко пухнӑ. Унпа вӑл тӗпелте усӑ курмалли набора суйланӑ.

culture.ru сӑнӳкерчӗкӗ

Раҫҫей Федерацийӗн тата Чӑваш Республикин культурӑн тава тивӗҫлӗ ӗҫченӗ, «Сувар» халӑх ташшин ансамблӗн тата «Суварята» халӑх ташшин ача-пӑча ансамблӗн ертӳҫи Анатолий Музыкантов 75 ҫул тултарнине халалласа Шупашкарта пултарулӑх каҫӗ иртессине эпир унччен пӗлтернӗччӗ-ха.

Ӗнер вара Чӑваш Ен Элтеперӗ Олег Николаев ӑна «Чӑваш Республики умӗнчи тава тивӗҫлӗ ӗҫсемшӗн» орденпа чыслама йышӑннӑ. Хушӑва республикӑн влаҫ органӗсен официаллӑ порталӗнче вырнаҫтарнӑ.

chuvbook.ru сӑнӳкерчӗкӗ

Чӑваш кӗнеке издательствинче В.К. Магницкийӗн «Собрание сочинений в 5 томах» ӗҫӗсен пӗрремӗш томӗ «Труды по этнографии народов Поволжья» ятпа кун ҫути курнӑ. – Кӑларӑма истори наукисен кандидачӗсем Ю.В. Гусаров тата А.А. Чибис пухса хатӗрленӗ.

Василий Магницкий (1839–1901) - этнограф, фольклорист, историк, XIX ӗмӗрти халӑх вӗрентӗвӗн ӗҫченӗ. Халӑх культурипе вӑл студент чухнех кӑсӑкланма пуҫланӑ. Атӑлпа Урал тӑрӑхӗнчи халӑхсен йӑли-йӗркипе культурине тӗпченӗ ӑсчаха чылай ӑслӑлӑх пӗрлӗхӗн йышне илнӗ.

Чӑваш кӗнеке издательствин сайтӗнче пӗлтернӗ тӑрӑх, кӗнекене кӗнӗ ӗҫсенчен чылайӑшне автор ят панӑ евӗрех хӑварнӑ.

chgign.ru сӑнӳкерчӗкӗ

Чӑваш Енри паллӑ критик, литературовед, филологи ӑслӑлӑхӗсен докторӗ, профессор, ЧР Патшалӑх премийӗн лауреачӗ, РФ професси енӗпе аслӑ вӗрентӗвӗн хисеплӗ ӗҫченӗ Юрий Артемьев «Чӑваш Республикин культуран тава тивӗҫлӗ ӗҫченӗ» ята тивӗҫнӗ.

Кун пек хушӑва республика Элтеперӗ Олег Николаев ӗнер, кӑрлач уйӑхӗн 24-мӗшӗнче, ала пуснӑ.

https://vk.com/wall4727590_40725 страницӑран илне сӑнӳкерчӗк

Паян И.Н. Ульянов ячӗллӗ Чӑваш патшалӑх университетӗнчи журналистика кафедринче Герман Желтухин журналист тата писатель ҫуралнӑранпа 80 ҫул ҫитнине асра тытса учёнӑйсем, преподавательсем, студентсем пуҫтарӑннӑ.

Мороприятие кафедра заведующийӗ Анатолий Данилов ертсе пынӑ. Кашниех сӑмах каланӑ. Программӑна Роза Степанова юрӑҫ хитре юрӑсемпе илем кӳнӗ.

Герман Желтухин — Чӑваш Республикин культурӑн тава тивӗҫлӗ ӗҫчене, журналистсен Ҫемен Элкер премийӗн икӗ хут лауреачӗ,Леонид Ильин премийӗн лауреачӗ.