|
Спорт
 cap.ru сӑнӳкерчӗкӗ Шупашкарти Олимп резервӗн 2-мӗш спорт шкулӗнче вӗренекен Олег Яковлев Атӑлҫи федераци округӗнчи ӑмӑртура виҫҫӗмӗш вырӑн йышӑннӑ. Биатлон ӑмӑртӑвӗ Ӗпхӳре иртнӗ. Вӑл 12.5 километра ӑмӑртса 17-18 ҫулсенчи яшсен хушшинче виҫҫӗмӗш вырӑна тухнӑ. Хыпар ҫӑлкуҫӗ:
|
|
Спорт
 "Контактри" сӑн Тӗнче класлӑ Раҫҫей спорт мастерӗ Вероника Чумикова Красноярскра ирӗклӗ кӗрешӳ енӗпе иртнӗ «Иван Ярыгин кубокӗ» пӗтӗм тӗнчери турнирта ҫӗнтернӗ. Вӑл финалта 57 килограмм таякан виҫе категорийӗнче Узбекистанри спортсменкӑна Лайлохон Сабировӑна парӑнтарнӑ. Иккӗмӗш вырӑна – Севастопольти Кристина Михнева, виҫҫӗмӗш вырӑна Бурятири Эржема Жамсаранова йышӑннӑ. Палӑртмалла: Вероника Чумикова Олимп резервӗсен 3-мӗш спорт шкулӗнче ӑсталӑхне туптать. Хыпар ҫӑлкуҫӗ:
|
|
Спорт
 "Контактри" сӑн Улатӑрти 11-мӗш шкулта вӗреннӗ, Олимп резервӗсен Ҫӗнӗ Шупашкарти училищинче ӑс пухнӑ Татьяна Устимова нумаях пулмасть Арктика шывӗнче ҫӗрле ишнӗ. Унта ӑмӑрту иртнӗ. Эстафета Баренцево тинӗсӗнче экстремаллӑ лару-тӑрура пулнӑ. Унти шыв 3,2 градус кӑна ӑшӑ. Сывлӑш температури 18 градус сивӗ. Кашни спортсмен 1 ҫухрӑм ишнӗ. Татьяна лайӑх кӑтартупа палӑрнӑ. Хальхи вӑхӑтра вӑл Мускаври фитнес-клубра ӗҫлет. Хыпар ҫӑлкуҫӗ:
|
|
Спорт
 "Контактри" сӑн Мария Мамаева мӗн ҫуралнӑранпах курмасть. Анчах вӑл пуҫ усмасть, спортра ҫитӗнӳ хыҫҫӑн ҫитӗнӳ тӑвать. Нумаях пулмасть хӗрача Хусанта иртнӗ ӑмӑртура «Акватлон: ишни тата чупни» дисциплинӑра тупӑшнӑ. Марийӑпа юнашар спортӑн ку тӗсӗнче палӑрнӑ Светлана Соколова ӑмӑртнӑ. Вӗсем иккӗшӗ пӗрле пӗрремӗш вырӑн йышӑннӑ. Хыпар ҫӑлкуҫӗ:
|
|
Спорт
 "Контактри" сӑн Хусанта самбо енӗпе гран-при финалӗ иртнӗ. Чӑваш Ен спортсменӗсем унта 3 медаль ҫӗнсе илнӗ. Татьяна Федорова 50 килограмм тайманнисен виҫе категорийӗнче вӑй виҫсе ылтӑн медаль ҫӗнсе илнӗ, София Емелюкова вара виҫҫӗмӗш вырӑн йышӑннӑ. Илья Алексеев 88 килограмм тайманнисен виҫе категорийӗнче тупӑшнӑ. Вӑл пӑхӑр медаль ҫӗнсе илнӗ. Хыпар ҫӑлкуҫӗ:
|
|
Спорт
 "Контактри" сӑн Шупашкарти тата Ҫӗнӗ Шупашкарти спортсменсем хӗллехи ишев енӗпе иртнӗ ӑмӑртура 27 медаль ҫӗнсе илнӗ. Чӑваш Ен чысне Елена Деведерова, Николай Артемьев, Андрей Гориянов, Руслан Шайхаттаров, Анна, Аветисян хӳтӗленӗ. Ӑмӑрту Нарьян-Марта иртнӗ. Старт умӗн шыв температри 0,5 градус ӑшӑ пулнӑ, сывлӑш температури – 7 градус сивӗ. Икӗ кунра пирӗн спортсменчем 14 ылтӑн, 9 кӗмӗл, 4 пӑхӑр медаль ҫӗнче илнӗ. Хыпар ҫӑлкуҫӗ:
|
|
Спорт
 Патӑрьелте ҫуралса ӳснӗ спортсменка Ирина Привалова Таиландра иртнӗ ӑмӑртура ылтӑн медаль ҫӗнсе илнӗ. Вӑл 55-59 ҫулсенчи спортсменсемпе тупӑшнӑ. Триатлонра – ишсе, велосипедпа ярӑнса тата чупса - ыттисен хушшинче палӑрнӑ. Ҫапла вӑл пьедесталӑн чи ҫӳлти картлашки ҫине хӑпарнӑ. Хыпар ҫӑлкуҫӗ:
|
|
Спорт
 "Контактри" сӑн Анна Хмелева Атӑлҫи федераци округӗнче шахматла выляссипе иртнӗ ӑмӑртура 19 ҫул тултарман хӗрсен хушшинче ылтӑн медаль ҫӗнсе илнӗ. Хӑвӑрт шахматла выляса та вӑл палӑрнӑ: пӑхӑр медаль илнӗ. Денис Кириллов та маттур: хӑйӗн ӳсӗмӗн категорийӗнче виҫҫӗмӗш вырӑна тухнӑ. Палӑртмалла: ӑмӑрту Самар облаҫӗнче иртнӗ. Уҫта 14 регионтан 400 ҫын хутшӑннӑ. Хыпар ҫӑлкуҫӗ:
|
|
Спорт
 "Контактри" сӑн Чӑваш Ен спортсменӗсем Татьяна тата Александр Федоровсем Астанара самбо енӗпе иртнӗ тӗнче чемпионатӗнче лайӑх кӑтартусемпе палӑрнӑ. Вӗсем – пиччӗшӗпе йӑмӑкӗ. Татьяна 50 килограмм тайман спортсменсен йышӗнче тупӑшса кӗмӗл медаль ҫӗнсе илнӗ. Унӑн пиччӗшӗ, тӗнче класлӑ спорт мастерӗ Александр 64 килограмм тайманнисен виҫе категорийӗнче тупӑшса пӑхӑр медале тивӗҫнӗ. Хыпар ҫӑлкуҫӗ:
|
|
Спорт
 "Контактри" сӑн Ҫӗнӗ Шупашкарти виҫӗ ача амӑшӗ Анна Аветисян Турцире иртнӗ Ironman триатлона ӑнӑҫлӑ вӗҫленнӗ. Вӑл пӗр кунра пысӑк дистанцие парӑнтарнӑ: 2 ҫухрӑма яхӑн ишнӗ, 90 ҫухрӑм велосипедпа кайнӑ, 21,1 ҫухрӑм тӑршшӗ ҫурмамарафон чупнӑ. Анна – фитнес-джампинг тренерӗ. Триатлона ӑна мӑшӑрӗ Арсен хатӗрленӗ. Ӑмӑртура ӑна пӗтӗм ҫемйи хавхалантарнӑ. Хыпар ҫӑлкуҫӗ:
|
+5.3 °C