cap.ru сайтри сӑн

Сауд Аравинчи Эр-Рияд хулинче ҫар искусстви енӗпе Пӗтӗм тӗнчери вӑйӑсем иртнӗ. Унта 1500 ытла спортмен хутшӑннӑ.

Раҫҫейрен ӑмӑртӑва 8 спортсмен кай нӑ. Ҫав йышра пирӗн ентеш те, РФ спорт мастерӗ Татьяна Федорова та, пулнӑ. Вӑл «спорт самбо» дисциплинӑра 50 килограмм тайман спортсменсемпе вӑй виҫнӗ. Татьяна кӗмӗл медаль ҫӗнсе илнӗ.

Раҫҫей командинчи Али Турсунов тата Аслан Курбанов 1-мӗш тата 2-мӗш вырӑнсене йышӑннӑ.

t.me/chuv_kray канатан илнӗ сӑнӳкерчӗк

Ҫӗнӗ Шупашкарти 1-мӗш спорт шкулӗнче вӗренекен Андрей Львов спорт туризмӗ енӗпе тӗнче чемпионӗ ята тивӗҫнӗ.

Андрей Львов — Раҫсейӗн спорт мастерӗ. Вӑл «эстафета» дистанцире чи маттурри пулнӑ.

Спорт туризмӗ енӗпе тӗнче чемпионачӗ Узбекистанра иртнӗ. Пирӗн ҫӗршывӑн комнадинче 30 спорстмен пулнӑ. Раҫҫейӗн пӗрлештернӗ ушкӑнӗ пӗтӗмӗшле команда зачётӗнче мала тухнӑ.

cap.ru сайтри сӑн

Иртнӗ шӑматкун Раҫҫейре, ҫав шутра – Чӑваш Енре те, «Наци кросӗ» иртнӗ. Унта мӗн чухлӗ ҫын хутшӑнни паллӑ.

Чӑваш Енре 43 пин ҫын старта тухнӑ. Кашни 16-мӗш ҫын – Шупашкарта. Тӗп хулара 2,6 пин ҫын «Наци кросне» хутшӑннӑ. Финиша чи малтан чупса ҫитнисене дипломпа тата парнепе хавхалантарнӑ.

Пирӗн республикӑра «Наци кросӗ» 2004 ҫултанпа иртет. Сӑмах май. 2017 ҫулта Чӑваш Енре 61,2 пин ҫын старта тухнӑ.

vk.com/tsur21 сӑнӳкерчӗкӗ

Ыран, авӑн уйӑхӗн 16-мӗшӗнче, Чӑваш Енре Сывлӑхпа спорт кунӗ иртӗ. Тепӗр майлӑ каласан республикӑри тата муниципаитетри спорт сооруженийӗсене тӳлевсӗр кӗртӗҫ.

Республикӑн Спорт министерствинче билетсемпе вырӑнсене малтанах йышӑнса хума сӗнеҫҫӗ. .

Республикӑра пурӑнакансем бассейнсемпе, спорт лапамӗсемпе, тренажерсемпе тата фитнес-залсемпе, катоксемпе тӳлевсӗр усӑ курайӗҫ.

cap.ru сӑнӳкерчӗкӗ

Авӑн уйӑхӗн 16-мӗшӗнче йӑлана кӗнӗ «Наци кросӗ» иртӗ.

Шӑматкун спорта юратакансем старта тухӗҫ. Вӗсем 1-12 ҫухрӑм чупӗҫ. Спортсменсене Шупашкарта Мускав ҫыранӗ хӗрринче кӗтеҫҫӗ.

«Наци кросне» хутшӑнас тесен А.Игнатьев ячӗллӗ Спорт хатӗрленӗвӗн центрӗн электронлӑ почтине заявка ямалла: csp101@mail.ru.Е авӑн уйӑхӗн 11-16-мӗшӗсенче Патшалӑх пулӑшӑвӗсен порталӗнче заявка хӑвармалла. Кун пек мелпе унччен заявка йышӑнман, ку - ҫӗнӗлӗх.

"Про Город" сайтӗнчи сӑн

Паян Андриян Григорьевич Николаев ҫуралнӑранпа 94 ҫул ҫитнӗ. Ҫавна май велосипедпа ярӑнма кӑмӑллакансем йӑлана кӗнӗ старта тухнӑ: Ҫӗнӗ Шупашкартан Шуршӑла ҫитнӗ.

Ку старт - юбилейлӑ. Акцие кӑҫалхипе 20-мӗш хут ирттернӗ. Палӑртмалла: велосипедҫӑсен старчӗ 2004 ҫулта йӑлана кӗнӗ.

Паян акцие 25 спортменран кая мар хутшӑннӑ. Вӗсен йышӗнче 70 ҫулти Любовь Федотова та пулнӑ. Вӑл велосипедпа ярӑнассипе - республика чемпионки. Спортменка ҫак акцие вуннӑмӗш ҫул хутшӑннине пӗлтернӗ.

t.me/chuv_kray каналтан илнӗ сӑнӳкерчӗк

Чӑваш Ен хӗрӗ Татьяна Федорова Кӑркӑстанра Самбо енӗпе иртнӗ тӗнче кубокне хутшӑннӑ. Унта вӑл Раҫҫейӗн пӗрлештернӗ комнадипе тухса кайнӑ.

Ӑмӑртура пирӗн ентешӗмӗр ылтӑн медале тивӗҫнӗ. Вӑл 50 килограмлӑ виҫери хӗрарӑмсен хушшинче ҫӗнтернӗ.

Татьяна — 22 ҫулта. Вӑл самбо енӗпе чӑваш шкулӗн воспитанници. Унӑн тренерӗ — Сергей Пегасов.

"Ҫыхӑнура" форумран илнӗ сӑнӳкерчӗк

Чӑваш Енри паллӑ биатлонистка Татьяна Акимова спорта таврӑнасшӑн. 32 ҫулти икӗ ача амӑшӗ тата тепӗр сезона та пулин хутшӑнасшӑн.

«Спорта таврӑнас кӑмӑл пысӑк. Вӑхӑт тупӑнсанах тренировкӑсем ирттеретӗп. Икӗ ачапа пушӑ вӑхӑт сахалтарах, ҫапах та тӑрӑшатӑп. Хӗлле ӑмӑртусене хутшӑнас килет», — каласа кӑтартнӑ спортсменка Чӑваш Енӗн наци телекуравне.

Татьяна Акимова 1990 ҫулта Ҫӗнӗ Лапсарта (вӑл Шупашкар шутланать) ҫуралнӑ. 2016/2017 ҫулсенчи тӗнче кубокӗнче чи маттур хӗрарӑм-спорстменсен йышӗнче 16-мӗш йӗркене йышӑннӑ, 2017 ҫулта хутӑш эстафетӑра бронза медале ҫӗнсе илнӗ, 2018 ҫулта Олимпиадӑна хутшӑннӑ.

Чӑваш Енри Маунтинбайк центрӗ пекки ҫӗршывра те тек ҫук. Кун пирки республика Элтеперӗн Олег Николаевӑн халӑх тетелӗнчи страницинче пӗлтернӗ.

Йӑлӑмра вара кайтсерфинг бази ӗҫлет. Унта кайтсерфинг енӗпе Раҫҫейӗн виҫӗ хут чемпионӗ Антон Минаев тренировкӑсем ирттерет иккен.

«Матч ТВ» федераци каналӗн «Что по спорту?» программин ертӳҫисем Алекс Смольянинов тата Артем Чупин пирӗн тӑрӑхра анлӑ сарӑлнӑ спортӑн ҫуллахи енӗсемпе паллашнӑ, пляж волейболне вылянӑ, самокатпа тата гидрофойлпа ярӑннӑ, флайборд ҫине тӑнӑ.

"Контактри" сӑн

Чӑваш Енри маунтинбайкерсем Миассе хулинче иртнӗ чемпионатран малти вырӑнсене илсе килнӗ. Ҫапла пӗлтерет велоспорт федерацийӗ.

Евгений Евграфов арҫынсен хушшинче тупӑшса малти вырӑна йышӑннӑ. Роман Романов юниорсен йышӗнче чи лайӑххи пулнӑ. Элина Семенова 15-16 ҫулсенчи хӗрсемпе тупӑшса финиша чи малтан ҫитнӗ. Дмитрий Петров 13-14 ҫулсенчи арҫын ачасемпе ӑмӑртнӑ. Вӑл та пӗрремӗш вырӑн йышӑннӑ.