cap.ru сӑнӳкерчӗкӗ

Ку канмалли кун, авӑнӑн 6-мӗшӗнче, «Советская Чувашия» хаҫат парнисене ҫӗнсе илессишӗн ҫӑмӑл атлетика эстафети пулӗ.

Йӑлана кӗнӗ пекех, спортсменсем Шупашкарти «Олимпийский» стадиона пухӑнӗҫ. Андриян Николаев космонавта халалланӑ эстафета кӑҫалхипе 87-мӗш хут иртӗ.

Унта ҫемье командисем, шкул ачисем, студентсем, спорт ветеранӗсем, журналистсем, патшалӑх служащийӗсем хутшӑнаҫҫӗ, тӗрлӗ дистанцире тупӑшаҫҫӗ.

Кунсӑр пуҫне стадионра ирхи 9 сехетре ГТО нормативне пама пулать. Ӑмӑртусем 10 сехетре пуҫланӗҫ. Регистраци – 8 сехетре.

#спорт, #ӑмӑртусем, #Шупашкар, #спортсменсем, #журналистсем