Шупашкарта пурӑнакан арҫын ултавҫӑсене ӗненсе машинине сутса янӑ та ҫав укҫана вӗсене куҫарса панӑ.
Арҫын патне ҫӗртме уйӑхӗн 5-мӗшӗнче такамсем шӑнкӑравласа курьер илсе килне япалана илме код ыйтнӑ. Арсын нимле курьера та кӗтмен пулин те кода такамсене йӑпӑр-япӑр каланӑ. Патшалӑх пулӑшӑвӗн порталне кӗмелли кода ултавҫӑсем арҫынран пӗрремӗш код йӑнӑш пулчӗ тесе ыйтса пӗлнӗ. Унтан Хӑрушсӑрлӑх службин ӗҫченӗ текен этем шӑнкӑравланӑ. Вӑл ӑна унччен ултавҫӑсемпе калаҫнине, вӗсем ун ячӗпе банкра кредит илсе тултарассине, машинине вара сутса ярассине пӗлтернӗ.
Ют ҫын сутса яриччен арҫын «Тойота Королла» автомобиле хӑй сутса ярас тенӗ, укҫана «шанчӑклӑ» вырӑна, «сейф ячейкине» куҫарма сӗннине итлесе ҫӑвӑн пек туна. Ҫапла вара вӑл 700 пин тенкӗсӗр тӑрса та юлнӑ.
Кредит илнӗ укҫана та куҫарас тенӗ те анчах банк ӗҫченӗсем ку операцие пурнӑҫлама ирӗк паман. Ҫавӑнпа вӑл укҫана алла илес тесе банка кайнӑ. Унта вӑл хӑй улталаннине ӑнланса илнӗ.
Шупашкарти Кӑнтӑр-хӗвеланӑҫ бульварӗнчи ҫуртсенчен пӗрин картишӗнче ҫу уйӑхӗн 14-мӗшӗнче арҫын виллине тупнӑ. Ҫавӑн хыҫҫӑн РФ Пуҫиле кодексӗн 105-мӗш статйин 1-меш пайӗпе пуҫиле ӗҫ пуҫарнӑ.
Йӗрке хуралҫисем ҫын вӗлернӗ этеме тытса чарнӑ. Вӑл арҫыннӑн пӗлӗшӗ пулнӑ. Иккӗшӗн хушшинче ӑнланманлӑх сиксе тухнӑ та ҫӗҫӗ ярса илсе темиҫе хутчен чикнӗ. Унтан вӑл ҫав вырӑнтан пӑрӑнса кайнӑ. Алла ҫӗҫӗ ярса илни ӳсӗр пулнӑ. Шар курни йывӑр сурана пула ҫавӑнтах куҫне ӗмӗрлӗхе хупнӑ.
Шупашкарта пурӑнакан Нина Алексеева паян 100 ҫул тултарнӑ. Етерне хулинче ҫуралнӑскер тӑван хулинчи ватам шкултан 1944 ҫулта вӗренсе тухсан вырӑнти педагогика училищине веренме кӗнӗ. Унтан нимӗҫ чӗлхипе математика учителӗнче ӗҫленӗ, каярах вара — Шупашкарти электроаппаратура заводӗнче.
Нина Васильевнӑн чунне савӑнтараканни - икӗ ачи, икӗ мӑнукӗ тата мӑнукӗсен виҫӗ ачи. Паян кинемей Людмила хӗрӗпе пӗрле пурӑнать.
Паян ҫӗрле 1 сехет те 25 минутра «Шупашкар – Мускав» маршрутпа ҫӳрекен автобус аварие лекнӗ. Унта 3 ҫын вилнӗ
Инкек Владимир облаҫӗнчи Вязники районӗнче пулнӑ. Малтанлӑха пӗлтернӗ тӑрӑх, икӗ ҫӑмӑл машина, Renault минивэн тата Шупашкарти «Пегас» компани автобусӗ ҫапӑннӑ. Аварире 3 ҫын вилнӗ, 7-ӗн аманнӑ. Вӗсем пурте ҫӑмӑл машинӑсенче тата минивэнра пулнӑ.
Малтанлӑха пӗлтернӗ тӑрӑх, авари пулнашӑн Шупашкарти автобус водителӗ айӑплӑ.
Шупашкарта общество транспорчӗн ҫӗнӗ чарӑнӑвне уҫма палӑртаҫҫӗ. Вӑл «Каскад» суту-илу ҫуртне 30-мӗш атвоҫул енчен кӗнӗ ҫӗрте пулӗ.
Вырӑнта туса илекен апат-ҫимӗҫе сутакан агромаркет маларах асӑннӑ суту-илу ҫурчӗн цоколь хутӗнче пулӗ. «Пехет» ят панӑскерте 4,2 пин тӑваткал метр лаптӑк йышӑнӗ. Унта 4 обществӑлла апатлану точки уҫӗҫ, 8 павильон, 76 фермер вырӑнӗ пулӗ.
Агромаркета уҫиччен вӑхӑт нумай та юлман. «Концепцие ҫирӗплетнӗ, подрядчик ӗҫлет, сентерсене вырӑнта тавар туса илекенсене ҫирӗплетсе памалла. Анчах кунта килсе ҫӳрекенсене мелле пултӑр тесен тепӗр ыйтӑва татса памалла: агромаркетпа юнашар общество транспорчӗн ҫӗнӗ чарӑнӑвне уҫмалла», – тенӗ Чӑваш Енӗн Правительство пуҫлӑхӗ Сергей Артамонов.
Чарӑну ятне е «Пехет» агромаркет, е «Каскад» суту-илу сурчӗ тесе ят парӗҫ. Ку ыйтӑва хула администрацийӗнчи ятарлӑ комисси татса парӗ.
Шупашкар хулинче пӗр яш питбайкпа курнӑҫланса ярӑнса ҫӳренӗ. 17-ри каччӑ мотоциклӑн кайри урапипе ҫеҫ ярӑнса ҫӳренӗ.
Кӗҫех ӑна пакунлисем чӗнсе илнӗ. Ӑна ҫеҫ мар, унӑн ашшӗне те
Йӗрке хуралҫисем вӗсене ҫавӑн пек вӗҫкӗнлӗх ытти ҫыншӑн та инкекпе вӗҫленме пултарни ҫинчен ӑнлантарса панӑ, видеосем кӑтартнӑ.
на питбайке «рассекал» по центру Чебоксар и хвастался в соцсетях — итог предсказуем
Очередной юный лихач, катавшийся на питбайке по центру города и выкладывавший свои «подвиги» в соцсети, был задержан сотрудниками
Ӗнер каҫхине Шупашкарта Алькеш поселокӗнчи ҫырмара 43-ри арҫын виллине тупнӑ. Мӑйӗ тӗлӗнчен - каснӑ йӗр, кӗлетки ҫинче ҫунтарнӑ вырӑнсем пулнӑран пуҫиле ӗҫ пуҫарнӑ.
Ҫак тискер ӗҫе тума пултарнӑ ҫынна темиҫе сехетренех тупнӑ. 37 ҫулти арҫынна ҫӗнӗ кӑнтӑр районӗнчи хупахра тытса чарнӑ. Халӗ пуҫиле ӗҫе малалла тӗпчеҫҫӗ.
Шупашкарти хваттерте 10 велосипедпа 17 самокат тупнӑ. Кил хуҫи хӗрарӑмӗ тӳрре тухма хӑтланнӑ, вӑл вӗсене урамри ҫынсенчен туяннӑ имӗш. Анчах ку тӗрӗс-и е ҫук-и – тӗрӗслӗҫ.
Хваттере полицейскисем акӑ мӗнле лекнӗ. 46 ҫулти хӗрарӑм полицие велосипед ҫухални ҫинчен пӗлтернӗ. Вӑл ӑна пӗр учреждени умӗнче хӑварнӑ та каялла тухнӑ ҫӗре ним те ҫук. Уголовлӑ шырав ӗҫченӗсем велосипеда пӗр хӗрарӑм «Мазда СХ-7» автомобиле хурса кайнине палӑртнӑ. Вӑл ӑҫта пурӑннине пӗлсе хваттере кӗрсе тӑнӑ. Унта вара велосипедсемпе самокатсем нумай пулнӑ. Ҫав шутра – 46 ҫулти хӗрарӑмӑн транспорчӗ те.
Ӗмӗрӗпе ӗҫлесе пурӑнма хӑнӑхнӑ ҫын ахаль ларасшӑн мар. Вӑйӗ ҫитмесен те унӑн пахчара акса лартас килет. Кун пек чухне Шупашкарти ватӑсене халӑхӑн социаллӑ ыйтӑвӗсене тивӗҫтерекен комплекслӗ центрӗн социаллӑ ӗҫченӗсем пулӑшса пыраҫҫӗ.
«Пахчана пушӑ вырттарас килмест. Юрать мана Елена Трофимова социаллӑ ӗҫчен пулӑшса пырать», — тав тӑвать тава тивӗҫлӗ канури Федосия Парфёнова. Зинаида Прокопьева вара Ольга Филиппова пулӑшса пынишӗн савӑнать.
«ЮВТ АЭРО» авиакомпани самолечӗсем ҫу каҫипех Нижневартовска вӗҫӗҫ.
Авиарейссене ҫӗртме уйӑхӗн 4-мӗшӗнчен пуҫласа ҫурла уйӑхӗн 27-мӗшӗччен уҫнӑ. Самолетсем икӗ хулана юнкунсерен пӗрлештерӗҫ.
Нижневартовскран самолет 18 сехет те 30 минутар хускалӗ те Шупашкара 19 сехет те 40 минута вӗҫсе ҫитӗ. Шупашкартан 20 сехетре хускале те Нижневартовска ҫурҫӗр иртни 40 минутра ҫитӗ. Вӑхӑта вырӑнтипе кӑтартнӑ
Билет хакӗ — 8 пинрен пуҫласа.
-19.7 °C