ШӖМ тунӑ сӑн

Автослесарь машинӑна юсанӑ та унпа ярӑнма кайнӑ. Ҫавӑн пекки те пулать иккен. Ку тӗслӗх Шупашкар хулинче пулса иртнӗ.

Пӗр арҫын Шупашкарти полицейскисенчен пулӑшу ыйтнӑ. Вӑл хӑйӗн «Рено Сандеро» машинине автослесаре юсама панӑ. Ӑна машина валли пайсем илме тесе 60 пин тенкӗ куҫарса панӑ.

Темиҫе кунран арҫын гаража килнӗ, анчах машинине тупайман. 28 ҫулти слесарь «Ренона» унран ыйтмасӑрах тапратнӑ та пӗлӗшӗсем патне хӑнана кайнӑ. Эрех-сӑра ӗҫнӗ хыҫҫӑн машинӑна Чапаев урамӗнчи пӗр ҫурт картишӗнче лартса хӑварнӑ. Йӗрке хуралҫисем «тимӗр урхамаха» шӑпах ҫавӑнта тупнӑ.

Полицейскисем автолесарь патне гаража пынӑ. Лешӗ пакунлисене курсан алӑка шалтан питӗрсе пытанма тӑнӑ.

Ун тӗлӗшпе уголовлӑ ӗҫ пуҫарнӑ.

cap.ru сайтри сӑн

Ӗнер кӑна Шупашкарта ҫӗнӗ маршурт, 23-мӗш автобус ҫӳреме пуҫлани пирки пӗлтернӗччӗ. Анчах ку чӑнлӑхпа пӗр килмен иккен – республика влаҫӗ хыпара васкавлӑрах пӗлтернӗ.

Хальлӗхе 23-мӗш автобус маршрут ҫине тухман. Хӑҫан тухассине те пӗлтермен. ЧР Транспорт министерстви пӗлтернӗ тӑрӑх, перевозчика палӑртма аукцион иртӗ. Хӑҫанне хыпарламан.

Аса илтерер: 23-мӗш автобус Шупашкарти «Груша» микрорайона Энергетиксен поселокӗпе ҫыхӑнарӗ. Унӑн маршручӗ ҫапла: Богдан Хмельницкий урамӗ — Айхи проспекчӗ — Дементьев урамӗ — Богдан Хмельницкий урамӗ — Суворов урамӗ — Коммуналллӑ слобода урамӗ — Граждан урамӗ — Зоя Космодемьянская урамӗ — Никольский проспекчӗ —Мускав проспекчӗ — Воробьев композиторсен урамӗ — Карл Маркс урамӗ — Дзержинский урамӗ — Ярославль урамӗ — Сергий Радонежский урамӗ —Калинин урамӗ — Текстильщиксен урамӗ — Энергетиксен урамӗ.

Маршрут ҫинче пӗчӗк класлӑ ултӑ автобус пулмалла.

«Шупашкарӑн хисеплӗ ҫынни» ята илессишӗн кӗрешӳ пуҫланнӑ – сасӑлав пырать. Кӑҫал – тӑхӑр претендент.

Вӗсен йышӗнче ҫаксем: РФ ӗҫ ветеранӗ, «Богданка» УК директорӗ Николай Александров, «ЭЛМЕХПРО» тӗп директорӗ Андрей Герасимов, «ЧЕТРА» бренчӗн направлени дирекцийӗн ертӳҫи Надежда Вахатова, И.Я.Яковлев ячӗллӗ Чӑваш патшалӑх педагогика университечӗн музыка инструменчӗсен тата соло кафедрин профессорӗ, Раҫҫей Федерацийӗн халӑх артисчӗ Петр Заломнов, «Вертикаль» директорӗ, Раҫҫейӗн хисеплӗ строителӗ Светлана Лясина, Шупашкар администрацийӗн вӗренӳ управленийӗ ҫумӗнчи педагогика ӗҫӗн ветеранӗсен канашӗн председателӗ, Чӑваш Республикин тава тивӗҫлӗ ӗҫченӗ Наталья Михеева, Травматологи, ортопеди тата эндопротезировани федераци центрӗн тӗп тухтӑрӗ, ЧР Патшалӑх Канашӗн депутачӗ Николай Николаев, Хулари тӗп пульницӑн тӗп тухтӑрӗ, РФ тава тивӗҫлӗ тухтӑрӗ Валентина Теллина.

Сасӑлав утӑ уйӑхӗн 12-мӗшӗччен пырать. Ҫак каҫӑпа сасӑламалла: https://www.og21.ru/poll/2815.

ШӖМ тунӑ сӑн

Шупашкар хулинчи шкул ачи питбайк туянас тесе ултавҫӑсен тӗлне лекнӗ. Вӑл транспорта сутни пирки тӳлевсӗр пӗлтерӳсен сайтӗнче тупнӑ, сутуҫӑпа ҫыхӑннӑ.

Лешӗ тӳрех урӑх мессенджерта ҫырӑнма сӗннӗ, унта питбайк пирки тӗплӗн каласа кӑтартнӑ. Хайхискер арҫын ачана укҫана тӳлесе хума ӗнентернӗ.

Ача амӑшӗнчен ирӗк илсе унӑн банк карттипе усӑ курнӑ, сутуҫа 50 пин тенкӗ куҫарса панӑ. Анчах кун хыҫҫӑн сутуҫӑ ҫыхӑнӑва тухма пӑрахнӑ. Амӑшӗпе ывӑлӗ тинех ку ултавҫӑ пулнине ӑнланнӑ, полицие кайса заявлени ҫырнӑ. Ку тӗслӗх тӗлӗшпе пуҫиле ӗҫ пуҫарнӑ.

pravdapfo.ru сӑнӳкерчӗкӗ

Шупашкарта паянтанпа, утӑ уйӑхӗн 1-мӗшӗнчен, ҫӗнӗ маршрутпа автобуссем ҫӳреме пуҫланӑ. 23-мӗш номерлӗ маршрут республикӑн тӗп хулинчи «Груша» микрорайонне (ҫапла, шурӑ Шупашкарӑмӑрта ун пекки те пур) Энергетиксен поселокӗпе ҫыхӑнарӗҫ. Транспорт вӑрҫӑ ветеранӗсен госпиталӗ, васкавлӑ медицина пулӑшӑвӗн больници, Оперӑпа балет театрӗ патӗнчен иртсе каять.

Раштав уйӑхӗнче Шупашкарта тата тепӗр маршрут ӗҫлесе кайӗ. 31-мӗш номерлӗскер Энергетиксен поселокне Вӑй агрегачӗсен завочӗпе ҫыхӑнтарӗ.

42-мӗш маршрута вара Хӗвеллӗ микрорайона ҫитиччен ҫӳремелле тӑвӗҫ, 47-мӗшне — Вӑй агрегачӗсен завочӗ патне ҫитиччен.

5-мӗш номерлӗ маршрутпа ҫӳрекен тролллейбус лини ҫине тухмӗ, ун вырӑннӗ 6-меш номерли ҫӳрӗ.

чӑваш транспорт управленийӗн архивӗнчи сӑн

Чӑваш транспорт управленийӗ историре йӗр хӑварнӑ NordTroll 120MТr троллейбуса иккӗмӗш пурнӑҫ парнеленӗ.

1091-мӗш номерлӗ ҫак экземпляр Раҫҫейре кӑна мар, тӗнчипе те упранса юлман. Вӑл – пӗртен-пӗр. Ҫак троллейбус Ҫӗнӗ Шупашкар хулин урамӗсене 1997 ҫулхи ҫурла уйӑхӗн 26-мӗшӗнче тухнӑ. Халӗ вӑл Шупашкарта – иккӗмӗш ретро-троллейбус. Пӗрремӗшӗ ЗиУ-5 троллейбус. Вӑл Ҫӗнтерӳ кунӗнче, Ҫӗнӗ ҫулта тата ытти пӗлтерӗшлӗ уявра ҫула тухать.

Чӑваш транспорт управленийӗ тата тепӗр икӗ кивӗ троллейбуса ҫӗнӗ пурнаҫ парнелесшӗн, Шупашкарта электротранспорт музейне уҫасшӑн. Черетре — ЗиУ-9 тата Беларуҫре туса кӑларнӑ АКСМ-101.

NordTroll 120MТr троллейбуса Василий Степанов тата Владислав Егоров сварщиксем, Юрий Петров, Радий Бученков, Вячеслав Иванов слесарьсем, Владимир Михайлов электрик тата масерскойсен пуҫлӑхӗ Владимир Андреев ҫӗнетнӗ.

МАХри "Первый чувашский" каналтан илнӗ сӑнӳкерчӗк

Ыран Шупашкарта амфиби самолёт курма май килӗ. Вӑл Атӑл ҫине анса ларӗ.

Асра юлмалли ҫак мероприяти 14 сехетре Шупашкарти юханшыв порчӗ патӗнче пулса иртмелле. Амиби-самолёт анса ларнине хулара иртекен Пӗтӗм Раҫҫейри «Река» форум пулнӑ май курма май килӗ.

Аса илтерер: форум ҫӗртме уйӑхӗн 30-мӗшӗ-утӑ уйӑхӗн 1-мӗшӗсенче иртет. Пӗтӗм Раҫҫейри форумра ҫӗршывра шыв транспортне аталантарас ыйтӑва тишкерӗҫ. Унта патшалӑхӑн влаҫӗнче тата бизнесра ӗҫлекенсем пухӑнса отраслӗн тӗп ыйтӑвӗсене тата унӑн малашлӑхне сӳтсе явӗҫ: юханшыв тӑрӑх пассажирсене турттарассине, порт инфраструктурине тӑвассине, кимӗсемпе пӑрахутсен ыйтӑвне, логистикӑпа инвестици хывассине. Форум Чӑваш академи драма театрӗнче иртӗ.

Шӑматкун квадроциклпа ҫӗнӗ вырӑна, унччен пӗрре те кайса курман ҫӗре, ҫитсе курас терӗм. Квадриксемпе питбайксем тара парас енӗпе ӗҫлекен организацин Mototrip сайтӗнче Изъяр кӳлӗ патне мӗнле ҫитмелли маршрута курма тиврӗ — ҫав вырӑна суйларӑм. Сайтри схемӑра хӑш ҫулсемпе каймаллине лайӑх кӑтартса панӑччӗ. Ку вӑрӑмах мар ҫулҫӳреве шӑматкуна планласа хутӑм.

Бензин

Канмалли кунта квадроциклпа ӑҫта та пулин кайса килмешкӗн чи малтан хатӗрленме тиврӗ. Ҫулӗ ҫывӑх мар, ҫавна май бензинӗ сахал мар кирлӗ пулӗ тесе шутларӑм. Анчах, ҫак вӑхӑтра ҫӗршывра ҫунмалли шӗвекпе ҫыхӑннӑ йывӑрлӑх сиксе тухрӗ. Бакӗ, 30 литр кӗрекенскер, пушӑ марччӗ-ха ӗнтӗ, анчах эп ун пек ҫулҫӳреве тухма тӗплӗ хатӗрленме тӑрӑшатӑп. Ҫавна май тулли бак тултарас терӗм.

Эпӗ ытти чухне Лукойлта авӑрланма хӑнӑхнӑ. Хӗлле Татнефть АЗСӗсене ытларах суйлама сӗнчӗҫ. Анчах паянхи кунта ытлашши суйласа тӑма май ҫук ҫав. Ӑҫта пур, ҫавӑнта авӑрланма тивет.

Ҫула тухиччен темиҫе кун маларах ятарласа велосипед ҫине лартӑм та юнашарти заправкӑсене кайса пӑхрӑм.

Малалла...

cap.ru сайтри сӑн

Шупашкар хулинче хӑрушсӑрлӑх системисене ҫирӗплетес ӗҫ малалла пырать: ҫӗнӗ сирена комплексӗсем, бетон хӳтлӗхсем вырнаҫтараҫҫӗ. Кун пирки Шупашкар хулин пуҫлӑхӗ Станислав Трофимов пӗлтернӗ.

Вӑл каланӑ тӑрӑх, ку эрнере Николаев тата Афанасьев урамӗсенче сирена комплексне вырнаҫтарнӑ. Иртнӗ эрнере хулара ултӑ бетон хӳтлӗх лартни пирки пӗлтернӗччӗ. Аса илтеретпӗр: вӗсем Хӗрлӗ тӳремре, «Андриян Николаев космонавт урамӗ», «Таможня», «Хула ҫум автовокзалӗ» общество транспорчӗн чарӑнӑвӗсенче тата кӳлмекре Анне хӳтӗлевҫӗ палӑкӗ умӗнче вырнаҫнӑ.

Станислав Трофимов хыпарланӑ тӑрӑх, паянхи кун тӗлне хулара пӗтӗмпе 21 бетон хӳтлӗх лартнӑ. Ҫитес эрне вӗҫӗччен тепӗр икӗ бетон хӳтлӗх вырнаҫтарма палӑртнӑ.

Паян Республика кунӗнче Шупашкарта каҫхине хӑш-пӗр общество транспорчӗ маршрутне улӑштарӗ. Ҫакна ҫынсемшӗн уяв хыҫҫӑн киле таврӑнма меллӗ пултӑр тесе тӑваҫҫӗ.

Улшӑнусем 21 сехетрен пуҫласа 22 сехет ҫурӑччен пулӗҫ. 62-мӗш троллейбус Калинин урамӗпе тата Мускав проспекчӗпе иртӗ, малалла – маршрутпа.

61-мӗш троллейбус Президент бульварӗпе кайса филармони таран ҫитӗ, каялла – Ленин проспекчӗпе Хула ҫум вокзалне кайӗ, малалла – маршрутпа.

20-мӗш троллейбус Ленин проспектне анӗ, Мускав проспекчӗ еннелле кайӗ, малалла – маршрутпа.

13-мӗш автобус Президент бульварӗпе филармони таран ҫитӗ, унтан Калинин урамне ҫаврӑнӗ те «Ҫӗнӗ хула» микрорайона кайӗ.

Уяв программи вӗҫленнӗ тӗле кӳлемеке резерври автобуссемпе троллейбуссене ярӗҫ.