Пӑтӑрмахсем
![]() chuvashia.sledcom.ru сӑнӳкерчӗкӗсем Кӑҫалхи утӑ уйӑхӗн 11-мӗшӗнче Шупашкар районӗнчи пӗр предприятири арманта рабочие ток ҫапнӑ. Унта пӗр арҫын ҫӑнӑх миххине ҫӗлессишӗн явапли пулнӑ. Аппаратчик должноҫӗнче тӑрӑшаканскер ӗҫе электричество оборудованийӗпе пурнӑҫланӑ. Анчах ҫав хатӗр патне пыракан ҫутӑ пӑралукӗ юсавсӑр пулнӑ. Ток ҫапнӑ арҫын вырӑнтах вилсе кайнӑ. Предприятире ӗҫ хӑрушсӑрлӑхӗшӗн 77 ҫулти арҫын, техника директорӗ, яваплӑ пулнӑ. РФ Следстви комитечӗн Чӑваш Енри тӗпчевҫисем шухӑшланӑ тӑрӑх, ҫав этем хӑйӗн тивӗҫне ҫителӗклӗ пурнӑҫламан. Ӗҫри инкекшӗн техника директорне суд тенкелӗ ҫине лартӗҫ. Хыпар ҫӑлкуҫӗ:
|
Хулара
![]() lenin.cap.ru сӑнӳкерчӗкӗ Шупашкар хулинче ҫул-йӗр службисене урамри юра тасатма кансӗрлесе ларакан машинӑсене штрафстоянкӑна ӑсатнӑ. Шупашкар хула администрацийӗн ҫурт-йӗрпе коммуналлӑ хуҫалӑх тата хӑтлӑх кӗртессипе ӗҫлекен пай специалисчӗсем, ҫул-йӗр хӑрушсӑрлӑхӗн инспекторӗсем тата Гараж хуҫалӑхӗсене тӑвассипе тата тытса тӑрассипе ӗҫлекен дирекци ӗҫченӗсем пӗрлехи рейда тухнӑ. Гладков тата Строительсен урамӗсенче яланах машинӑсем йышлӑ-мӗн тата унти кварталсенче ҫулсем ансӑр, ҫавна май автомобильсем юр тасатакансене кансӗрлеҫҫӗ. Лартма юраман вырӑнта ларакан 4 машинӑна штрафстоянкӑна ӑсатнӑ. Хыпар ҫӑлкуҫӗ:
|
Хулара
![]() smotrim.ru сайтри сӑн Шупашкарти 12 класс карантина хупӑннӑ. Ку – 5 шкулта. Кун пирки Шупашкар хула администрацийӗн вӗренӳ управленийӗ пуҫлӑхӗ Елена Сахарова пӗлтернӗ. Юлашки темиҫе кунра шкулсенче чирлекенсем нумайланнӑ. Ачасем ОРВИпе, гриппа аптӑраҫҫӗ. Ҫавна пула 5 шкулти 12 класа карантина хупма тивнӗ. Хальлӗхе ача пахчисем йӗркеллех ӗҫлеҫҫӗ. Роспотребнадзор пӗлтернӗ тӑрӑх, раштавӑн 5-11-мӗшӗсенче Шупашкарта 8014 ҫын ОРВИпе чирленӗ. Хыпар ҫӑлкуҫӗ:
|
Хулара
![]() detkisuper.ru сайтри сӑн Шупашкарти Калинин районӗн администрацийӗн ЗАГС пайӗ хӑйне евӗр ята регистрациленӗ. Вӑл – ача ячӗ. Ашшӗ-амӑшӗ ӑна Ярасвет тесе чӗнеҫҫӗ. Ку – арҫын ача ячӗ. Вӑл славян чӗлхинчен кӗнӗ, «Яросвет» «Ярила ҫути /хӗвел/» тенине пӗлтерет. Палӑртмалла: кӑҫал Калинин районӗн администрацийӗн ЗАГС пайӗнче пӗр арҫын ачана кӑна Ярасвет ят хунӑ. Хыпар ҫӑлкуҫӗ:
|
Республикӑра
![]() mkala.mk.ru сайтри сӑн Чӑваш Енре 2023 ҫулта пӗр уйӑхра пурӑнма кирлӗ укҫа виҫине палӑртнӑ. Вӑл, хальхипе танлаштарсан, 14,9 процент ытларах пулӗ. Паян ЧР Министрсен Кабинечӗн ларӑвӗнче республикӑра пурӑнакансем валли ҫитес ҫул пӗр уйӑхра пурӑнма кирлӗ укҫа виҫине пысӑклатассипе ҫыхӑннӑ проекта пӑхса тухнӑ. Вӑл 2023 ҫулта 12 пин те 363 тенкӗпе танлашӗ. Ӗҫлекен ҫынсем валли ку виҫе 13 пин те 476 тенкӗпе танлашӗ, ачасем валли – 11 пин те 992 тенкӗпе. Хыпар ҫӑлкуҫӗ:
|
Ҫутҫанталӑк
![]() Раштавӑн пӗрремӗш декади сивӗ пулчӗ. Юлашки 20 ҫулта кун пеккине синоптиксем курман. Ку эрнере ӑшӑрах. Ҫапах ҫӗрлесерен 10-11 градус таран сивӗтет. Анчах ҫил вӑйлӑ пулнӑран сивӗрех пек туйӑнать. Синоптиксем пӗлтернӗ тӑрӑх, ҫитес эрнере шартлама сивӗ ҫанталӑк таврӑнӗ. Унччен юр ҫӑвӗ. Раштавӑн 17-18-мӗшӗсенче самай юр ӳкӗ. Икӗ кунра 5-10 сантиметр хулӑнӑш ӳкме пултарать. Тунтикунран вара кӑнтӑрласерен 10-15 градус сивӗ пулӗ, ҫӗрлесерен – 25 градус. Малтанлӑха пӗлтернӗ тӑрӑх, раштавӑн 24-мӗшӗнче кӑна ӑшӑтӗ. Хыпар ҫӑлкуҫӗ:
|
Культура
![]() Олег Студенцов. www.chgign.ru сайтран илнӗ сӑнӳкерчӗк Раштав уйӑхӗн 8-9-мӗшӗсенче Мускавра «Языковая политика в Российской Федерации» (чӑв. Раҫҫей Федерацийӗнчи чӗлхе политики) VI форум иртнӗ. Унта пирӗн ҫӗршывра пурӑнакан халӑхсен чӗлхине упраса хӑварас, аталантарас, халӑхра сарас ыйтусене сӳтсе явнӑ. Форума наци чӗлхисемпе ҫыракан блогерсем, чӗлхене аталантарассипе ӗҫлекен хастарсем, ученӑй-лингвистсем, инженер-лингвистсем, программистсем, IT-проектсене хатӗрлекенсем, массӑллӑ информаци хатӗрӗсенче ӗҫлекенсем, чӗлхе специалисчӗсем, ӗҫ тӑвакан влаҫ органӗсенче, ҫавӑн пекех общество организацийӗсенче тӑрӑшакансем пухӑннӑ. Чӑваш патшалӑх гуманитари ӑслӑлӑхӗсен институтӗнче пӗлтернӗ тӑрӑх, Мускаври ҫав мероприятие филологи енӗпе ӗҫлекен ӑслӑлӑх ӗҫченӗ Олег Студенцов хутшӑннӑ. Вӑл унта «Чӑваш Ен» телерадиокомпанийӗн чӑвашла информаци программисен онлайн-версийӗсене тишкернӗ. Хыпар ҫӑлкуҫӗ:
|
Культура
![]() culture.cap.ru сӑнӳкерчӗкӗ Чӑваш патшалӑх юрӑпа ташӑ ансамблӗнче ӗҫлекен 6 ҫын кӑҫал хӑйсен професси шайне ӳстернӗ. Артистсем тата ансамблӗн техника ӗҫченӗсем Краснодарти, Хусанти, Кемӗрти патшалӑхӑн культура институчӗсенче тата Дмитрий Хворостовский ячӗллӗ Ҫӗпӗрти искусство институтӗнче вӗреннӗ. Сасӑ инженерӗ Глеб Якушов, сӑмахран, «Концертри тата студири сасӑ режиссури» енӗпе пӗлӗвне туптанӑ, хор артисчӗ Павел Хлебников — вокал ӳнерӗ енӗпе. Професси шайне ӳстерни артистсен тата ансамбльте ӗҫлекенсен пултарулӑхне ҫӳллӗрех шая ҫӗклеме пулӑшасса шанаҫҫӗ. Хыпар ҫӑлкуҫӗ:
|
Раҫҫейре
![]() t.me/Chuv_today сӑнӳкерчӗкӗ Шупашкар хулинчи педагог телевӑйӑсенчен пӗринче ҫӗнтернӗ. «Мир» телеканалпа каҫсерен кӑтартакан «Игра в кино» кӑларӑма Шупашкарти Александра Иванова хутшӑннӑ. Унта вӑл ҫӗнтерме пултарнӑ. Александра Иванова хӑш шкулта ӗҫленине пӗлеймерӗмӗр, пӗр предложенирен тӑракан кӗске хыпарта ун пирки палӑртса хӑварман. 2019 ҫулта асӑннӑ вӑййа Ҫӗнӗ Шупашкарти Марина Лебедева хутшӑннӑ. Вӑл унта 47 пин тенкӗ выляса илнӗ. Маринӑпа ун чухне Сергей ятлӑ йӗрке хуралҫи тата Елена ятлӑ фитнес-тренер тупӑшнӑ. Хыпар ҫӑлкуҫӗ:
|
Культура
![]() sovch.chuvashia.com сӑнӳкерчӗкӗ Чӑваш Ен Элтеперӗ Олег Николаев СССР летчик-космонавчӗн А.Г. Николаевӑн мемориал комплексне уҫнӑранпа 50 ҫул ҫитнӗ ятпа музейҫӑсене саламланӑ. Республика ертӳҫи палӑртнӑ тӑрӑх, космонавтика музейӗ паян культура тата наукӑпа ҫутӗҫ центрӗ пулса тӑрать. Унта Совет Союзӗн икӗ хут Геройӗн, авиацин генерал майорӗн, Чӑваш Республикин хисеплӗ ҫыннин Андриян Николаевӑн пурнӑҫӗпе тата ӗҫӗ-хӗлӗпе ҫыхӑннӑ, истори тӗлӗшӗнчен паха экспонатсем упранаҫҫӗ. Шуршӑлта паян, раштав уйӑхӗн 14-мӗшӗнче, музейӑн ҫур ӗмӗрхине халалласа «От школьного музея до Мемориального комплекса» (чӑв. Шкул музейӗнчен пуҫласа Мемориал комплексӗ таран) курав уҫӑлӗ тата «Музей вчера, сегодня, завтра…» (чӑв. Музей ӗнер, паян, ыран....) ҫавра сӗтел иртӗ. Хыпар ҫӑлкуҫӗ:
|
Шупашкарта ҫывӑх вӑхӑтра (15.03.2025 03:00) сайра пӗлӗтлӗ ҫанталӑк, атмосфера пусӑмӗ 743 - 745 мм, 7 - 9 градус ӑшӑ пулӗ, ҫил 5-7 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.
| Пудовик Аркадий Николаевич, хими ӑслӑлӑхӗсен докторӗ, профессор ҫуралнӑ. | ||
| Иван Ахах, чӑваш сӑвӑҫи, ҫыравҫи, критикӗ вилнӗ. | ||
| Дементьев Алексей Алексеевич, генерал-полковник ҫуралнӑ. | ||
| Ксенофонтов Юрий Иванович, ятарлӑ пӗлӳ илнӗ пӗрремӗш чӑваш скульпторӗ ҫуралнӑ. | ||
| Ялавин Юрий Сергеевич, вырӑсла ҫыракан ҫыравҫӑ ҫуралнӑ. | ||
| Алентей Василий Степанович, чӑваш сӑвӑҫи, ҫыравҫи, Чӑваш АССРӗн халӑх ҫыравҫи вилнӗ. | ||
![]() | Пулӑм хуш... |