|
Республикӑра
 glava.cap.ru сӑнӳкерчӗкӗ Чӑваш Енӗн Правительствин тунтикунсерен иртекен ларӑвӗнче хальхинче кадрсене хатӗрлес ыйтӑва сӳтсе явнӑ. Специалистсене 2026 ҫулта тӗллевлӗ вӗрентме заказсене ҫу уйӑхӗн 14-мӗшӗччен тӑратмалла иккен. Кун пирки республика Элтеперӗ Олег Николаев палӑртса хӑварнӑ. Вӑл сывлӑх сыхлавӗпе вӗрентӗве тата экономикӑн тӗрлӗ секторӗнче кадр кадрсем пирки паянах шухӑшламаллине аса илтерсе хӑварнӑ. Ака уйӑхӗн 28-мӗшӗ тӗлне 98 организацирен 253 тӗллевлӗ вырӑн пирки заявка хатӗрленӗ. Верену сферинчисем уйрӑмах хастар пулнӑ (74 организаци, 148 вырӑн), промышленность — (8 организаци, 53 вырӑн), ял хуҫӑлӑхӗ (10 организаци, 28 вырӑн), сывлӑх сыхлавӗ (2 организаци, 19 вырӑн). Хыпар ҫӑлкуҫӗ:
|
|
Республикӑра
 «Контактри» сӑн Шупашкарта «Чӑваш Ен мисне» суйланӑ. Кӑҫал 30-мӗш хут иртнӗ конкурсра тӗп хулари 4-мӗш гимназине ӑс пухакан Влада Комарова ҫӗнтернӗ. Ӑна коронӑна пӗлтӗр «Чӑваш Ен мисӗ» ята тивӗҫнӗ Алла Кадеева панӑ. Конкурса курма тата унта хутшӑнакансене хавхалантарма 2023 ҫулти «Чӑваш Ен мисӗ» тата пӗлтӗр «Тӗнче уҫлӑхӗн мисӗ» ята тивӗҫнӗ Валентина Алексеева та килнӗ. Хыпар ҫӑлкуҫӗ:
|
|
Республикӑра
 «Контактри» сӑн Патӑрьелте Вӑрҫӑ ачисене халалланӑ палӑк уҫӑлнӑ. Вӑл «Юбилейный» паркра вырнаҫнӑ. Тӑван ҫӗршывӑн Аслӑ вӑрҫи пуҫлансан ҫав ҫулсенче ҫуралнӑ ачасен ачалӑхӗ пӗтнӗ. Вӗсем те аслисемпе тан тӑрса колхозра ӗҫленӗ, Ҫӗнтерӗве ҫывхартма пулӑшнӑ. Патӑрьелти палӑка савӑнӑҫлӑ лару-тӑрура уҫнӑ, унта вӑрҫӑ ачисене чӗннӗ. Хыпар ҫӑлкуҫӗ:
|
|
Республикӑра
 ВКонтакте сайтри сӑн Чӑваш Енри ЗАГС упрвленийӗ Тӑван ҫӗршывӑн Аслӑ вӑрҫи вӑхӑтӗнче ачасене ытларах мӗнле ят хунине тишкернӗ. 1941-1945 ҫулсенче пӗтӗмпе 159,023 ача ҫуралнӑ. Вӗсен йышӗнчен 80,581-шӗ – арҫын ачасем. 78,442-шӗ – хӗрачасем. Арҫын ачасене ытларах Николай ят хунӑ. Топ-10 йыша ҫавӑн пекех Иван, Владимир, Юрий, Александр, Анатолий, Пётр, Василий, Михаил, Валерий тата Геннадий кӗнӗ. Хӗрачасене ытларах Нина ят панӑ. Валентина, Мария, Зоя, Галина, Лидия, Анна, Раиса, Зинаида, Тамара тата Ольга ят хуракансем те нумай пулнӑ. Хыпар ҫӑлкуҫӗ:
|
|
Республикӑра
 www.cap.ru сӑнӳкерчӗкӗ Элӗк, Красноармейски тата Пӑрачкав округӗсенче пӗлтӗр пушар чаҫӗсен виҫӗ ҫӗнӗ постне йӗркеленӗ. Кӑҫал Ҫӗрпӳ округӗнчи Чурачӑк салинче пушар чаҫӗн тата тепӗр уйрӑм посчӗ ӗҫлеме пуҫланӑ. Кун пирки Чӑваш Ен Элтеперӗ Олег Николаев пушар хуралӗн ӗҫченӗсене професси уявӗпе саламлана май палӑртса хӑварнӑ. «Эпир ҫакӑнпа кӑна чарӑнса тӑма шутламастпӑр, ҫитес виҫӗ ҫулта пушарпа кӗрешекен службӑн тата 8 подразделенине, 42 ирӗклӗ пушар командине йӗркелеме, ҫавӑн пекех республикӑри муниципалитетсенче 7 ҫӗнӗ пушар деповӗ тума палӑртатпӑр», — хыпарланӑ Элтепер. Хыпар ҫӑлкуҫӗ:
|
|
Республикӑра
 dp.ru сайтри сӑн Етӗрне округӗнчи Чаканар пурӑнакан 44 ҫулти арҫын 2019 ҫулта Мари Элте пурнӑҫра йывӑр лару-тӑрӑва лекнӗ арҫынпа паллашнӑ. 2020 ҫулта вӑл ӑна хӑйӗн хуҫалӑхӗнче ӗҫлеме сӗннӗ. Лешӗ килӗшнӗ. Вӑл ӑна хӑйӗн патне илсе килнӗ, пурӑнма юрӑхсӑр ҫӗрте вырнаҫтарнӑ та кашни кун стройка, ҫӗр, ытти ӗҫпе ӗҫлеттернӗ. Анчах укҫине тӳлемен, йӗркеллӗ апат ҫитермен. Ӗҫлеме килӗшмесен вара хӗненӗ. 2023 ҫулхи ҫу уйӑхӗнче вӑл тепӗр арҫынна илсе килнӗ, Шупашкарта стройкӑна вырнаҫтарма шантарнӑ. Анчах ӑна та леш арҫын пек тӳлевсӗр ӗҫлеттернӗ, выльӑх пӑхтарнӑ. Пӗлтӗр ҫу уйӑхӗнче ҫав икӗ арҫын тарма пултарнӑ, пӗлӗшӗсенчен пулӑшу ыйтнӑ. Лешсем вара кун пирки йӗрке хуралне пӗлтернӗ. Етӗрне арҫынни тӗлӗшпе пуҫарнӑ пуҫиле ӗҫе суд пӑхса тухӗ. Хыпар ҫӑлкуҫӗ:
|
|
Республикӑра
 «Контактри» сӑн Ӗнер Шупашкар округӗнчи М-7 ҫул ҫинче патрульпе пост службин инспекторӗсем ватӑ арҫынна асӑрханӑ. Вӑл шӑнса кӳтнӗ, хӑй ӑҫтине ӑнланман. 88 ҫултискер аран калаҫнӑ. Юрать-ха, ун ҫумӗнче паспорт пулнӑ. Ҫапла вӑл ӑҫта пурӑннине пӗлнӗ. Полици капитанӗ Артем Петров тата Руслан Пыркин лейтенант ватӑскере машинӑна лартса вӗри чей ӗҫтернӗ. Калаҫнӑ май вӗсем ҫакна пӗлнӗ: старик масар ҫине арӑмӗн вилтӑпри ҫине кайнӑ. Анчах тӗттӗмленнӗ те вӑл ҫулран аташса кайнӑ. Инспекторсем ватӑскере киле йӗркеллех илсе ҫитернӗ. Хыпар ҫӑлкуҫӗ:
|
|
Республикӑра
 "Контактри" сӑн Вӑрмар округӗнче пурӑнакан арҫын вӑрманта пӗве туса хунӑ. Халӗ куншӑн явап тытма тивӗ. Арҫын Канаш лесничествин Тӑвай участок лесничествинче котлован чавнӑ. Ҫапла вӑл тӑпран пулӑхлӑ сийне сиенлетнӗ, виҫӗ юмана тӗп тунӑ. Патшалӑха кӳнӗ тӑкак 98 пин те 362 тенкӗ те 8 пуспа танлашнӑ. Вӑрман инспекторӗсем тӗрӗслев ирттернӗ хыҫҫӑн материалсене полицие панӑ. Астӑвӑр: вӑрманта мӗн те пулин тӑвас тӑк малтан официаллӑ майпа калаҫса татӑлмалла. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Шупашкара груз турттаракан теплоходсем килме пуҫланӑ. Навигацие кӑҫалхипе 45-мӗш хут уҫаҫҫӗ. 1981 ҫулхи ака уйӑхӗн 23-мӗшӗнче Шупашкарти гидроузел витӗр пӗрремӗш теплоход тухнӑ. Шлюзӑн сылтӑм камерине пӑр ватакан «Капитан Букаев» теплоход чи малтан кӗнӗ. Хальхинче «Волгарь-7» тата «К-884» буксирсем пырса чарӑннине хула ҫыннисем тӗленсе те хӑпартланса пӑхса тӑнӑ. Хыпар ҫӑлкуҫӗ:
|
|
Республикӑра
 Александр Кузнецов страницинчен илнӗ сӑнӳкерчӗк Темиҫе сехет каялла Ҫӗмӗрлене Ҫӗнтерӳ пуйӑсӗ килсе ҫитнӗ. Кун пирки Чӑваш Енӗн вырӑнти хӑйтытӑмлӑх органӗсен ассоциацийӗнче ӗҫлекен Александр Кузнецов халӑх тетелӗнчи хӑйӗн страницинче пӗлтернӗ. Пуйӑса кӗтсе илме халӑх йышлӑ пуҫтарӑннӑ. Аслӑ Ҫӗнтерӗве 80 ҫул ҫитнӗ май Чулхулари чукун ҫул мемориаллӑ ретропоезд йӗркеленӗ. Пуйӑс ака уйӑхӗн 23-мӗшӗнче Чулхуларан ҫула тухнӑ. Вӑл Чулхула тата Киров облаҫӗсенче, Чӑваш Енре, Мари Элта, Тутарстанра тата Удмурт Республикинче чарӑнӗ. Хыпар ҫӑлкуҫӗ:
|
-1.7 °C