|
Вӗренӳ
 cap.ru cӑнӳкерчӗкӗ Ҫӗнӗ Шупашкарта икӗ техникума пӗрлештерӗҫ. Химипе механика тата политехника техникумӗсем малашне пӗр вӗренӳ учрежденийӗ шутланӗҫ. Реорганизацие кӑҫал ҫулталӑк вӗҫлениччен туса пӗтермелле. Икӗ техникума пӗрлештернӗ хыҫҫӑн политехника техникумӗнчи штат 15 единица чухлӗ чакассине пӗлтереҫҫӗ. Анчах вӗсем ӗҫсӗр тӑрса юлмӗҫ — реорганизациленӗ учрежденире урӑх должноҫсем тупӑнӗҫ. Ҫав вӑхӑтрах преподавательсемпе производство вӗрентӗвӗн мастерӗсен шучӗ чакмалла мар-мӗн. Реорганизаци укҫа-тенке перекетлеме май парӗ, Химипе механика техникумӗнче хальхи вӑхӑтри вӗрентӳпе лаборатори бази пулӗ тесе шантараҫҫӗ. Хыпар ҫӑлкуҫӗ:
|
|
Вӗренӳ
 kedu.ru сӑнӳкерчӗкӗ Шупашкарти кадет корпусне директор кирлӗ. Атӑлҫи федераци округӗн Совет Союзӗн Геройӗ А.В. Кочетов ячӗллӗ Чӑваш кадет корпусне директор кирли пирки республикӑн Вӗренӳ министерстви утӑ уйӑхӗн 18-мӗшӗнче пӗлтернӗ. Конкурса хутшӑнас кӑмӑллисен заявленийӗсене ҫурла уйӑхӗн 8-мӗшӗччен йышӑнӗҫ. Кандидатӑн ятарлӑ программа ҫырса хатӗрлемелле. Конкурса ҫурла уйӑхӗн 17-мӗшӗнче пӗтӗмлетӗҫ. Хыпар ҫӑлкуҫӗ:
|
|
Вӗренӳ
 cap.ru сӑнӳкерчӗкӗ Экзаменсем вӗҫленнӗ, абитуриентсем вӗренме кӗреҫҫӗ. ППЭсене пӗтӗмлетме те юрать. Кӑҫал 79 ҫамрӑкӑн 84 ӗҫӗ 100 балл пухнӑ. Танлаштармашкӑн: пӗлтӗр 48 ҫын 100 балл пухнӑ. Кӑҫал химипе - 15, литературӑпа - 1, вырӑс чӗлхипе - 34, математикӑпа - 10, информатикӑпа - 4, историпе - 3, обществознанипе 15, акӑлчан чӗлхипе 2 ҫын 100 балл пухнӑ. 2 ҫамрӑк 2 предметпа 100-шер балл пухнӑ. Иртнӗ ҫултипе танлаштарсан, вырӑс чӗлхипе, математикӑпа, обществознанипе, химипе, информатикӑпа 100 балл пухакансем нумайланнӑ. Хыпар ҫӑлкуҫӗ:
|
|
Вӗренӳ
 t.me/chuv_prok сӑнӳкерчӗкӗ Сӗнтӗрвӑрри хулинче ҫӗнӗ шкул тӑвасси кая юлса пырать. Строительство ӗҫӗсен хӑвӑртлӑхне федерацин Чӑваш Енри тӗп инспекторӗ Григорий Сергеев тата Сӗнтӗрвӑрри районӗн прокурорӗ Ленар Карама вырӑна ҫитсе хакланӑ. Тӗрӗслевпе пырса ҫитнисен умӗнче вырӑнти тӳре-шара тата «Старатель» подряд организацийӗ тӳрре тухма хӑтланнӑ тесен те йӑнӑш пулас ҫук. 375 ача вӗренмелӗх шкул строительствине вырӑнтисем эрнесерен тӗрӗслесе тӑраҫҫӗ-мӗн. Строительсем ҫирӗплетнӗ графикпа килӗшӳллӗн ӗлкӗрсе пыраймаҫҫӗ. Хальхи вӑхӑтра ӗҫсене 80 процента яхӑн ҫеҫ пурнӑҫланӑ. Шучӗпе шкула утӑ уйӑхӗн 30-мӗшӗ тӗлне туса пӗтермелле. Подряд организацийӗ ячӗпе прокуратура асӑрхаттару хучӗ ҫырса панӑ. Хыпар ҫӑлкуҫӗ:
|
|
Вӗренӳ
 "Ҫыхӑнура" форумри сӑн Шупашкарти 4-мӗш гимнази валли директор пӗлтӗрхи авӑн уйӑхӗнченпех шыраҫҫӗ. Унтанпа Шупашкар хула администрацийӗн вӗренӳ управленийӗ виҫӗ конкурс ирттернӗ. Анчах виҫҫӗшӗ те пулса ҫитеймен. Мӗншӗн тесен 2 заявкӑран сахалрах килнӗ. Палӑртмалла: гимназире юлашкинчен директорта ӗҫленӗ Андрей Михайлов пӗлтӗрхи авӑн уйӑхӗнче отставкӑна кайнӑ. Хальхи вӑхӑтра директор тивӗҫӗсене Фея Захарова пурнӑҫлать. Хыпар ҫӑлкуҫӗ:
|
|
Вӗренӳ
 Шупашкарти «Садовый» микрорайонти шкул пирки нумай калаҫаҫҫӗ. Хӑҫан пулӗ вӑл? Ӗҫ вӗҫлентӗр тесе ЧР Министрсен Кабинечӗн резерв хыснинчен 344 миллион та 93,8 пин тенкӗ уйӑрнӑ. Сӑмах май, ҫӗртме уйӑхӗн 19-мӗшӗнче подрядчикпе тунӑ килӗшӗве пӑрахӑҫланӑ. Хальлӗхе ҫӗннине тупман. Ҫапах ку тивӗҫе Чӑваш Енри ипотека корпорацине шанма пултараҫҫӗ текен сас-хура пур. Хыпар ҫӑлкуҫӗ:
|
|
Вӗренӳ
 foto-ram.ru сӑнӳкерчӗкӗ Чӑваш Енре халӑх учителӗсем пулӗҫ. Республикӑри чӑваш чӗлхипе литератури учителӗсен ассоциацийӗ сӗннипе кӑҫал пирӗн тӑрӑхра «Чӑваш Республикин халӑх учителӗ» хисеплӗ ят пама тытӑнассине эпир пӗлтӗр пӗлтернӗччӗ. Ҫав йышӑнӑва Раҫҫейре кӑҫал иртекен Вӗрентекен тата вӗрентӳҫӗ ҫулталӑкӗпе ҫыхӑнтарнӑ. Тава тивӗҫлӗ ята учитель тата преподаватель пулса 25 ҫултан кая мар ӗҫленисене парӗҫ. Хисеплӗ ят парасси ҫинчен калакан хушӑва Учитель кунӗ умӗн ҫулсерен алӑ пусма палӑртса хунӑ. Хыпар ҫӑлкуҫӗ:
|
|
Вӗренӳ
 Вӗренӳ министрӗн телеграм-каналӗнчи сӑн Палӑртма кӑмӑллӑ: Чӑваш Енри тепӗр 6 ҫамрӑк информатикӑпа тата акӑлчан чӗлхипе Патшалӑхӑн пӗрлехи экзаменӗнче 100-шер балл пухнӑ. Кун пирки ЧР вӗренӳ министрӗ Дмитрий Захаров пӗлтернӗ. Информатикӑпа Ҫӗрпӳ районӗнчи Сӑнав шкулӗнчи Максим Иванов, Шупашкарти 5-мӗш гимназири Никита Патшин, тӗп хулари 2-мӗш гимназири Дмитрий Фомин, Шупашкарти 4-мӗш лицейри Даниил Кузнецов чи нумай балл илнӗ. Акӑлчан чӗлхипе Шупашкарти 4-мӗш гимназири Илья Наумов, Шупашкарти 47-мӗш шкулти Анна Алексеева палӑрнӑ. Хыпар ҫӑлкуҫӗ:
|
|
Вӗренӳ
 РБК сайтӗнче сӑн 2024 ҫулта авӑн уйӑхӗнчен пуҫласа шкулсенче ОБЖ вырӑнне «Тӑван ҫӗршыва хӳтӗлессин тата хӑрушсӑрлӑх пӗлӗвӗ» ҫӗнӗ предмета вӗрентме пуҫласшӑн. Ҫапла сӗнет РФ Ҫутӗҫ министерстви. Хальхи вӑхӑтра ҫӗнӗ вӗренӳ программине хатӗрлекен ӗҫлӗ ушкӑна пухаҫҫӗ. Ун йышне Хӳтӗлев министерствин, Инкеклӗ лару-тӑру министерствин ҫыннисем те кӗрӗҫ. Сергей Кравцов министр пӗлтернӗ тӑрӑх, ҫӗнӗ предмета пула ачасемшӗн йывӑрлӑх ӳсмӗ. Хыпар ҫӑлкуҫӗ:
|
|
Вӗренӳ
 cheboksari.bezformata.com сӑнӳкерчӗкӗ Шупашкарта шкул юсасси графикпа пӑхса хӑварнинчен кая юлса пырать. Кунта сӑмах хулари 10-мӗш шкула тӗплӗн юсасси пирки пырать. Унсӑр пуҫне «Садовый» микрорайонти шкула хӑпартассипе йывӑрлӑх сиксе тухнӑ. 2022 ҫулхи ҫӗртме уйӑхӗн 16-мӗшӗнче Республикӑн пӗрлехи заказчик служби «Строительство компанийӗн консорциумӗ» обществӑпа 92 миллион тенкӗ ытлалӑх килӗшӳ тунӑ. Асӑннӑ укҫапа кӑҫалхи ҫурла уйӑхӗн 20-мӗшӗччен Шупашкарти 10-мӗш шкула тӗплӗн юсаса пӗтермелле пулнӑ. Ҫӗртме уйӑхӗн 20-мӗшӗнче прокуратура тӗрӗслев ирттернӗ. Ӗҫе палӑртнинчен 20 процентне ҫеҫ пурнӑҫланӑ иккен. «Садовӑй» микрорайонта шкул тӑвакан подряд организацийӗпе вара ӗҫ килӗшӗвне пӑрахӑҫланӑ. Заказчик строительствӑна ҫапах та вӑхӑтра вӗҫлеме шантарнӑ. Хыпар ҫӑлкуҫӗ:
|
+9.3 °C