Сайта кӗр | Регистраци | Сайта кӗрсен унпа туллин усӑ курма пулӗ
 +2.1 °C
Выльӑх-чӗрлӗх алла пӑхать.
[ваттисен сӑмахӗ]
 

Хыпарсем: ӑмӑртусем

Спорт
fvsr_ru сайтри сӑн
fvsr_ru сайтри сӑн

Чӑваш Енре велокросс енӗпӗ Пӗтӗм Раҫҫейри ӑмӑрту тата первенство иртнӗ. Пирӗн ентешсем унта тӗрлӗ 17 медаль ҫӗнсе илнӗ.

Анна Карлова, Елена Парусова, Кирилл Баданин, Элина Семенова тата Полина Иванова ылтӑн медаль илнӗ. Даниил Карпов, Денис Яковлев, Софья Ростовщикова, Эльза Ильина, Иван Кузьмин тата Елизавета Кубонина кӗмӗл медале тивӗҫнӗ. Пьедесталӑн виҫҫӗмӗш картлашки ҫине Алексей Анисимов, Анна Иванова, Дмитрий Салихов, Александра Пинегина, Денис Романов тата Кристина Никитина хӑпарнӑ.

Хыпар ҫӑлкуҫӗ: https://vk.com/wall-96731974_37175
 

Спорт
"Контактри" сӑн
"Контактри" сӑн

Чӑваш Енри команди Пӗтӗм Раҫҫейри ял спорчӗн вӑййисенче пӗрремӗш вырӑн йышӑннӑ. Ентешсем 450 пин ҫын таран пурӑнакан ялсен командисемпе тупӑшса мала тухнӑ.

Палӑртмалла: ӑмӑртусем Чулхула облаҫӗнчи Пысӑк Суходол ялӗнче иртнӗ. Тупӑшсем ӗнер вӗҫленнӗ.

Пӗтӗмӗшле зачета илес тӗк, пирӗн республика ытти регион хушшинче 7-мӗш вырӑн йышӑннӑ.

 

Спорт
"Контактри" сӑн
"Контактри" сӑн

В.С.Соколов ячӗллӗ спорт шкулӗнче ӑсталӑхне туптакан Семен Мареев Краснодар крайӗнче йывӑр атлетика енӗпе иртнӗ Раҫсей первенствинче палӑрнӑ. Ӑмӑртӑва 500 ытла атлет пухӑннӑ.

Семен 109 килограмм таран таякансен виҫе категорийӗнче вӑй виҫнӗ. Вӑл икӗ енлӗ кӗрешӳре, штангӑна тертсе тата йӑтса малти вырӑнсене йышӑннӑ.

Хыпар ҫӑлкуҫӗ: https://vk.com/wall-194537172_17477
 

Раҫҫейре
"Контактри" сӑн
"Контактри" сӑн

Грегори РМ лаша каллех ҫитӗнӳсем тунӑ. Вӑл «Супер-Дерби» ӑмӑртура ҫӗнтернӗ. Лаша Раменскри ипподромра 2400 метра чупса рекорд лартнӑ. Унӑн кӑтартӑвӗ – 3.00,4 минут. Йӗвене опытлӑ маҫтӑр Вадим Кулыгин тытса пынӑ.

Палӑртмалла: Грегори РМ Шупашкарти В.И.Чапаев ячӗллӗ лаша савутӗнче ҫуралнӑ. Ӑна 2021 ҫулта аукционра чи пысӑк хакпа сутнӑ. Вӑл кӑҫал ҫурла уйӑхӗнче те «Дерби» ҫӗнтерӳҫи пулнӑ.

 

Спорт

Спорта юратакан мӑшӑр Лев Петров тата Алевтина Судеркина тӗнче шайӗнчи - 2, Раҫҫей шайӗнчи 13 ӑмӑртӑва хутшӑннӑ. Вӗсем иккӗшӗ 37 медаль ҫӗнсе илнӗ.

Нумаях пулмасть вӗсем Адлерта ветерансен хушшинче ҫӑмӑл атлетика енӗпе иртнӗ Раҫҫей Кубокне хутшӑннӑ. Алевтина 55 ҫултан аслӑрах хӗрарӑмсен хушшинче сӑнӑ ывӑтса ылтӑн медальсем ҫӗнсе илнӗ. Кунсӑр пуҫне 5 пин метра хӑвӑрт утса пӑхӑр медаль илнӗ. Лев 65 ҫултан аслӑраххисемпе тупӑшса кӗмӗл медале тивӗҫнӗ.

Хыпар ҫӑлкуҫӗ: https://vk.com/wall-194537172_17376
 

Спорт
Телеграмри chuv_kray каналтан илнӗ сӑнӳкӗрчӗк
Телеграмри chuv_kray каналтан илнӗ сӑнӳкӗрчӗк

Чӑваш Енри маттур пике Анастасия Лоренц Бишкекра пауэрлифтинг енпе иртнӗ Ази чемпионатӗнче чи маттурри пулнӑ. Вӑл 57 килограмчченхи виҫере ӑмӑртакансем хушшинче ылтӑн медале тивӗҫнӗ. Выртса Анастасия 150 кг виҫене ҫӗкленӗ.

Чӑваш Енӗн спорт министрӗ Василий Петров Анастасийана тата унан тренерне Вячеслав Кострюкова ҫӗнтерӳпе саламланӑ.

Хыпар ҫӑлкуҫӗ: https://t.me/chuv_kray/3808
 

Спорт
t.me/chuv_kray/3755 каналтан илнӗ сӑнӳкерчӗк
t.me/chuv_kray/3755 каналтан илнӗ сӑнӳкерчӗк

Чӑваш спорчӗн ҫӑлтӑрӗ Анна Кулинич-СорокинаПарижра иртекен Паралимпиадӑна хутшӑнса кӗмӗл медале тивӗҫнӗ. Вӑл сӑнна 38,1 метра ывӑтма пултарнӑ.

Анна Шупашкарта ҫуралнӑ. Унӑн ашшӗ Элӗк районӗнчи Тури Таташ ялӗнчен. Хӗрача 12 ҫула ҫитсен ӑна ашшӗ-амӑшӗ япӑх куракансен тата начар илтекенсен Шупашкарти спорт шкулне вӗренме янӑ. Унта вӑл спорта юратса пӑрахнӑ.

Халӗ Анна 32 ҫулта. Вӑл — Лондонри Паралимпиадӑри кӗмӗл призерӗ тата тӗнче чемпионки, Токиора 200 метра чупассипе бронза медале тивӗҫнӗ. Мӑшӑрӗпе вӗсемывӑлпа хӗр ӳстереҫҫӗ.

Хыпар ҫӑлкуҫӗ: https://t.me/chuv_kray/3755
 

Спорт
Олег Николаевӑн Телеграм-каналӗнчи сӑн
Олег Николаевӑн Телеграм-каналӗнчи сӑн

Чӑваш Енри спорт ветеранӗсем пысӑк ҫитӗнӳ тунӑ. Вӗсем дзюдо енӗпе иртнӗ Раҫҫей чемпионатӗнчен икӗ медальпе таврӑннӑ.

Ӑмӑрту Тюмень хулинче иртнӗ. Унта 300 ытла дзюдоист хутшӑннӑ. Рустам Шогенов Чӑваш Ен чысне хӳтӗлесе ылтӑн медаль ҫӗнсе илнӗ. Пирӗн тепӗр ентеш Андрей Сушков пӑхӑр медале тивӗҫнӗ.

Хыпар ҫӑлкуҫӗ: https://t.me/oanikolaev
 

Спорт
"Контактри" сӑн
"Контактри" сӑн

Беларуҫри Могилев хулинче спорт гимнастики енӗпе уҫӑ Кубок иртет. Пирӗн ентеш, 16 ҫулти Екатерина Андреева, унта лайӑх кӑтартупа палӑрнӑ.

Вӑл нумай енлӗ кӗрешӳре 59,999 балл пухса пӑхӑр медале тивӗҫнӗ.

Палӑртса хӑварар: Екатерина ӑсталӑхне Олимп резервӗсен 6-мӗш спорт шкулӗнче Василий тата Маргарита Ивановсем патӗнче туптать. Катя - Раҫҫей спорт мастерӗ.

Хыпар ҫӑлкуҫӗ: https://vk.com/wall-194537172_16526
 

Спорт
"Контактри" сӑн
"Контактри" сӑн

Ҫӗнӗ Шупашкарти Анна Аветисян икӗ ҫул каялла ишме те пӗлмен, уҫӑ вырӑнти шывран питӗ хӑранӑ. Халӗ вара вӑл фитнес-джампинг енӗпе тренерта ӗҫлет.

Анна Турцире континентсен хушшинче Босфор юханшывӗ урлӑ ишес енӗпе иртнӗ ӑмӑртӑва хутшӑннӑ. Унта 2000 ытла спортсмен пулнӑ.

«Ҫын йӑлтах пултарать. Ӳссе ҫитсен те ишмешкӗн вӗренме, хӑрас туйӑма куҫран пӑхма пултарать. Хамӑн хӑрас туйӑма парӑнтарнӑшӑн савӑнатӑп. Финишри куҫҫуль - савӑнӑ куҫҫулӗ», - тенӗ Анна.

Хыпар ҫӑлкуҫӗ: https://vk.com/wall-191629825_70003
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 75
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 03:00) уяр ҫанталӑк, атмосфера пусӑмӗ 746 - 748 мм, 2 - 4 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
пӗтӗм кил-йышпа тухаҫҫӗ
хуҫа хӑй
хуҫа арӑмӗ
хуҫин ҫитӗннӗ ачисем
хӑнана ӑсатма никам та тухмасть
ӑсатма тухни — ҫылӑх, юрамасть
хуҫа тарҫи
кил-йышри арҫын
хӑни ҫулне ахаль те пӗлет, ӑсатмасӑр та