«Контактра» халӑх тетелӗнчи сӑн

Савӑнӑҫлӑ хыпар пӗлтеретпӗр: Чӑваш Енри спортменсем Турцири Стамбултан медальсемпе таврӑннӑ.

Ҫак кунсенче Турцире пауэрлифтинг енӗпе Ази первенстви иртнӗ. Пирӗн республикӑри спортсменсем унта хутшӑнса птӗ лайӑх кӑтартусемпе палӑрнӑ.

Варвара Зайцева ав 47 килограмм тайманнисен виҫе категорийӗнче вӑй виҫнӗ. Юниоркӑсен хушшинче вӑл кӗмӗл медаль ҫӗнсе илнӗ.

Тӗнче класлӑ Раҫҫей спорт мастерӗ Анастасия Лоренц вара 57 килограмм тайманнисен йышӗнче тупӑшнӑ, вӑл 1-мӗш вырӑна тухнӑ.

Ентешӗмӗрсене медальсем ҫӗнсе илнӗ ятпа саламлатпӑр!

«Контактри» сӑн

Анатолийпе Виталий Глазковсене пауэрлифтинг енӗпе «Раҫҫей спорт мастерӗ» ята панӑ. Хушӑва РФ Спорт министерстви алӑ пуснӑ. Каччӑсем Суздаль хулинче иртнӗ Раҫҫей кубокӗнче пысӑк кӑтартусемпе палӑрнӑ.

Анатолипе Виталий — йӗкӗреш. Куславкка каччисем Шупашкарти транспорт тата строительство технологийӗсен техникумӗнче вӗреннӗ. Халӗ ӗҫлеҫҫӗ, ҫав вӑхӑтрах спорт валли вӑхӑт тупаҫҫӗ: ҫамрӑксем ӑсталӑхне Шупашкарти В.С.Соколов ячӗллӗ спорт шкулӗнче аталантараҫҫӗ.

Виталий – паурлифтинг енӗпе Ази первенствин ҫӗнтерӳҫи, Анатолий Раҫҫейри ӑмӑртусен ҫӗнтерӳҫи тата призерӗ шутланать.

"Контактри" сӑн

Чӑваш Енри маттур спортсменка Анастасия Лоренц ҫитӗнӗвӗпе савӑнтарнӑ. Вӑл пауэрлифтинг енӗпе иртнӗ Раҫҫей чемпионатӗнче ытти спортсмена парӑнтарса ылтӑн медале тивӗҫнӗ.

Анастасия «жим» дисциплинӑра 57 килограмм тайманнисен виҫе категорийӗнче тупӑшнӑ. Унӑн кӑтартӑвӗ - 157,5 килограмм.

Нумаях пулмасть Исландире пауэрлифтинг енӗпе Европа чемпионачӗ вӗҫленнӗ. Чӑваш спортсменкисем унтан икӗ медальпе таврӑннӑ.

Тӗнче класлӑ спорт мастерӗ Анастасия Петрова тата РФ спорт мастерӗ Екатерина Николаева Раҫҫейӗн пӗрлештернӗ командине кӗнӗ. ЧР Спорт министерстви хыпарланӑ тӑрӑх, Анастасия Петрова 145 килограмм таякан штангӑна парӑнтарса ылтӑн медаль ҫӗнсе илнӗ.

Екатерина Николаева 63 килограмм тайман виҫе категорийенче вӑй виҫнӗ. Вӑл пӑхӑр медале тивӗҫнӗ.

Командӑсен пӗтӗмӗшле зачетӗнче Раҫҫей пӗрремӗш вырӑн йышӑннӑ. Иккӗмӗшне — Швеци, виҫҫӗмӗшне Норвеги тухнӑ.