Сайта кӗр | Регистраци | Сайта кӗрсен унпа туллин усӑ курма пулӗ
 +19.3 °C
Ҫӑла ан сур, шывне хӑвах ӗҫӗн.
[ваттисен сӑмахӗ]
 

Хыпарсем: ӑмӑртусем

Спорт
"Контактри" сӑн
"Контактри" сӑн

Чӑваш Енри ММА кӗрешӳҫисем Раҫҫей чемпионатӗнче тата Пӗтӗм Раҫҫейри ӑмӑртусенче виҫӗ медаль ҫӗнсе илнӗ.

Фарход Рахмоналиев Раҫҫей чемпионӗн ятне тӑваттӑмӗш хут илнӗ. Александр Шмелев тренер патӗнче ӑсталӑхне туптаканскер 52,2 килограмм таякансен виҫе категорийӗнче вӑй виҫнӗ.

Вера Лоткова 56,7 килогамм таяканнисен хушшинче ылтӑн медале тивӗҫнӗ. Ева Митрякова вара 61,2 килограмм таяканнисемпе кӗрешсе кӗмӗл медаль илнӗ. Спортсменкӑсем иккӗшӗ те Андрей Жилкин тренер патӗнче ӑсталӑхне туптаҫҫӗ.

Пӗтӗмӗшле зачетра хӗрарӑмсен команди иккӗмӗш вырӑна тухнӑ.

 

Спорт
"Контактри" сӑн
"Контактри" сӑн

Вӑрнар поселокӗнче ҫуралса ӳснӗ Андрей Львов спорт туризмӗ енӗпе иртнӗ Тӗнче кубокӗнче ылтӑн тата кӗмӗл медальсем ҫӗнсе илнӗ. Ӑмӑрту Узбекистанра пулнӑ.

Пирӗн ентеш Раҫҫейӗн пӗрлештернӗ командин йышӗнче тупӑшнӑ. Андрей Львов Никита Ющикпа ӑмӑртса ылтӑн медаль илнӗ. Хутӑш ӑмӑртура вара вӑл Дарья Елисеевӑпа тупӑшса кӗмӗл медале тивӗҫнӗ.

Хыпар ҫӑлкуҫӗ: https://vk.com/wall-143818234_380402
 

Спорт
Анна Штурман тунӑ сӑн
Анна Штурман тунӑ сӑн

Чӑваш Енри маттур ача Архип Морозов шахмат енӗпе иртнӗ Раҫҫей ӑмӑртӑвӗнче ылтӑн медаль ҫӗнсе илнӗ. Вӑл 9 ҫул тултарман ачасемпе вӑй виҫнӗ.

Ӑмӑрту Кострома хулинче иртнӗ. Унта ҫӗршыври 50 ытла ҫамрӑк шахматист хутшӑннӑ. Пирӗн Архип Морозов 11 турта 9,5 очко пухса Приморье крайӗнчи Богдан Калининран иртсе кайнӑ. Виҫҫӗмӗш вырӑна Ӗренпур облаҫӗнчи Федор Бондарев йышӑннӑ.

Архип Морозов ҫитес ҫул Раҫҫей ӑмӑртӑвӗнче 11 ҫул тултарман ачасемпе вӑй виҫӗ.

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Чӑваш патшалӑх аграри университечӗн экономика факультечӗн 3-мӗш курс студенчӗ Александр Константинов кире пуканӗн спорчӗпе иртнӗ Ази ӑмӑртӑвӗнче ылтӑн медаль ҫӗнсе илнӗ. Тупӑшу Тайваньре иртнӗ.

Конкуренци пысӑк пулсан та пирӗн ентеш ыттисене парӑнтарса пьедесталӑн пӗрремӗш картлашки ҫине хӑпарнӑ. Александр 95 килограмран ытларах таяканнисен ушкӑнӗнче кӗрешсе кире пуканне 64 хут йӑтнӑ.

Хыпар ҫӑлкуҫӗ: https://t.me/s/oanikolaev
 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Ҫӗртме уйӑхӗн 24-мӗшӗнче, Республика кунӗнче, ЧР Элтеперӗн Кубокне ҫӗнсе илессишӗн лашапа чупса ӑмӑртӗҫ.

ЧР Ял хуҫалӑх министерстви пӗлтернӗ тӑрӑх, кун пек тупӑшу иккӗмӗш хут пулӗ. Ӑмӑрту Ҫӗнӗ Шупашкарти лаша спорчӗн ача-пӑча спорт шкулӗ ҫумӗнче иртӗ. Лапама 10 пин ытла куракан вырнаҫма пуларать.

Ӑмӑртӑва тӗрлӗ регионти лашапа чупакан спортсменсем хутшӑнӗҫ.

 

Спорт
"Контактри" сӑн
"Контактри" сӑн

Елчӗк муниципаллӑ округӗнчи ҫамрӑк спортсмен ҫитӗнӗвӗсемпе савӑнтарнӑ. Михаил Миллин ирӗклӗ кӗрешӳ енӗпе иртнӗ Пӗтӗм Раҫҫейри турнирта икӗ медаль тата чемпион пиҫиххине ҫӗнсе илнӗ.

Михаил икӗ виҫе категорийӗнче тупӑшнӑ. 26 килограмм тайманнисен категорийӗнче вӑл финала тухнӑ, кӗмӗл медаль ҫӗнсе илнӗ. 29 килограмм таякансен хушшинче те Михаил финала тухнӑ, унта пурне те ҫӗнсе ылтӑн медале тивӗҫнӗ. Ӑна чемпион пиҫиххипе те чысланӑ.

Хыпар ҫӑлкуҫӗ: https://vk.com/wall-143818234_376268
 

Спорт
t.me/chuv_kray каналтан илнӗ сӑнӳкерчӗк
t.me/chuv_kray каналтан илнӗ сӑнӳкерчӗк

Ҫӗнӗ Шупашкар каччи, Илья Фёдоров, воллейбол енӗпе Раҫҫей чемпиоантӗнче ҫӗнтернӗ. Каччӑ Хусанти «Зенит» командӑра вылять. Хусанти команда Мускаври «Динамӑна» ҫӗнтернӗ.

Илья — 21 ҫулта. Хусанти «Зенит» йышӗнче вӑл 2017 ҫултанпа вылять. Унччен маларах каччӑ командӑпа пӗрлРаҫсей кубокӗнче ҫӗнтернӗ кӑна мар, Ҫамрӑксен хушшинче Европа чемпионӗ пулса тӑнӑ.

Хыпар ҫӑлкуҫӗ: https://t.me/chuv_kray/2881
 

Спорт
t.me/chuv_kray сӑнӳкерчӗкӗ
t.me/chuv_kray сӑнӳкерчӗкӗ

Чӑваш Енре ҫуралнӑ Дина Александрова Швейцарири Цюрих хулинче иртнӗ марафонта ҫӗнтернӗ. Вӑл 42 километра 195 метра 2 сехет те 29 минутра чупса тухнӑ. Чӑваш Ен хӗрӗ финиша Эфиопири Серкалем Менистерен 5 минут та 9 ҫеккунт, Кенири Наоми Джепкогей Майоран 6 минут та 44 ҫеккунт маларах ҫитнӗ.

Дина Шупашкарта 1992 ҫулхи ҫурла уйӑхӗн 9-мӗшӗнче ҫуралнӑ. Пӗрремӗш ҫитӗнӗвне Николай Захаровпа Галина Архиповна чӑваш тренерӗсем патӗнче туптанӑ. 2015 ҫулта вӑл Курскри Валерия Руденко тренер патӗнче ӑсталӑха туптать. Кӑҫал вӑл кросс енӗпе Раҫҫей чемпионки пулса тӑнӑ.

2023 ҫулта спортсменка марафонсенче хутшӑнма пуҫланӑ. Унӑн тренерӗ – Раҫҫейӗн икӗ хут чемпионӗ Степан Киселёв.

Хыпар ҫӑлкуҫӗ: https://t.me/chuv_kray/2785
 

Спорт
t.me/chuv_kray сӑнӳкерчӗкӗ
t.me/chuv_kray сӑнӳкерчӗкӗ

Чӑваш яш-кӗрӗмӗпе хӗрупраҫӗ 18 медаль ҫӗнсе илнӗ. Питӗрте иртнӗ Раҫҫей чемпионачӗпе первенствинче мас-рестлерсем ҫавӑн пек палӑрнӑ.

Ӑмӑртӑвӑн пӗрремӗш кунӗнче пӗр ылтӑн, виҫӗ кӗмӗл, тӑватӑ бронза медаль ҫӗнсе илнӗ, иккӗмӗш кунхине – тата те 10 медаль.

Турнирта ҫӗнтернӗ Алина Алексеева Кӑркӑстанра иртекен тӗнче чемпионатне хутшӑнӗ. Илья Лазарев, Виктория Яковенко, Лия Иванова тата Николай Ушаков Грузире иртекен Европа чемпионачӗпе первенствине тухса кайӗҫ.

Хыпар ҫӑлкуҫӗ: https://t.me/chuv_kray/2757
 

Культура
 «Надежда» хор. Вера Иванова сӑнӳкерчӗкӗ.
«Надежда» хор. Вера Иванова сӑнӳкерчӗкӗ.

Иртнӗ эрнекун Чӑваш Енӗн тӗп хулинче хорсен ӑмӑртӑвӗ иртнӗ. Музыка конкурсне Шупашкар хулинчи халӑхӑн социаллӑ ыйтӑвӗсене тивӗҫтерекен центрӗ ирттернӗ.

Конкурса асӑннӑ учрежденире виҫӗ уйрӑмӗнчи виҫӗ хор хутшӑннӑ: Валентина Телей ертсе пыракан «Калинушка», Чӑваш Республикин культурӑн тава тивӗҫлӗ ӗҫченӗ Николай Алексеев етсе пыракан «Палан» тата Чӑваш Республикин культурӑн тава тивӗҫлӗ ӗҫченӗ Владимир Арланов ертсе пыракан «Надежда». Вӑл ушкӑнсене ватӑсемпе сусӑрсем хавхаланса ҫӳреҫҫӗ.

Центрта хӑй вӑхӑтӗнче хорсен конкурсне ирттернӗ-ха, халӗ ҫав ырӑ йӑлана ҫӗнӗрен чӗртсе тӑратма йышӑннӑ.

Музыка конкурсӗнче пӗрреӗш вырӑна «Надежда» хор тухнӑ, иккӗмӗшӗнче — «Калинушка», виҫҫӗмӗшӗнче — «Палан».

 

Страницӑсем: 1, 2, 3, 4, 5, 6, 7, [8], 9, 10, 11, 12, 13, 14, 15, 16, 17, 18, ... 76
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.08.2025 03:00) уяр ҫанталӑк, атмосфера пусӑмӗ 752 - 754 мм, 18 - 20 градус ӑшӑ пулӗ, ҫил 0-2 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ҫывӑх ҫынсемпе ирттермелле. Ҫемьепе пӗрле апатланӑр е эрнен пӗрремӗш ҫурринче туссемпе уҫӑлса ҫӳре. Ку эрне юратнӑ ҫын валли вӑхӑт уйӑрма та аван - хӑвӑра та савӑнӑҫ пулӗ. Шел те, эрнен иккӗмӗш ҫурринче япӑх хыпарсем илтетӗр е тӑшмана тӗл пулатӑр. Ку кӑмӑла пӑсӗ.

Ҫурла, 03

1863
162
Крылов Алексей Николаевич, асаилӳсем ҫырса палӑрнӑ ҫыравҫӑ ҫуралнӑ.
1979
46
Ырсем Ольга Ивановна, чӑваш халӑх артисчӗ ҫут тӗнчерен уйрӑлнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
пӗтӗм кил-йышпа тухаҫҫӗ
хуҫа тарҫи
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
хуҫа арӑмӗ
кил-йышри арҫын
ӑсатма тухни — ҫылӑх, юрамасть
хуть те кам тухсан та