Сайта кӗр | Регистраци | Сайта кӗрсен унпа туллин усӑ курма пулӗ
 -4.7 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсем: ҫӑлавҫӑсем

Пӑтӑрмахсем
Пӑтӑрмах вырӑнӗнчи сӑн
Пӑтӑрмах вырӑнӗнчи сӑн

Шупашкарта ҫӑлавҫӑсем 7 хутри балкон ҫинче ҫакӑнса тӑракан арҫынна пулӑшнӑ. Пӑтӑрмах Пролетари урамӗнче пулса иртнӗ. Арҫынна ҫӑлнӑ хыҫҫӑн медицина пулӑшӑвӗн бригадине панӑ.

Арҫын балкон ҫинче ҫакӑнса тӑни ҫинчен тата вӑл персе анма пултарасси пирки пӗлсенех ҫӑлавҫӑсем унталла ҫул тытнӑ.

Чӑваш республикин шыравпа ҫӑлав службин пресс-служби пӗлтернӗ тӑрӑх, инкеке лекнӗ ҫынна пулӑшма А. Данилов, А. Шатаев, В. Давыдов ҫӑлавҫӑсем кайнӑ.

Арҫынна пулӑшма пушар пусми кӑна мар, альпинист хатӗрӗсем те кирлӗ пулнӑ. Ведомство пӗлтернӗ тӑрӑх, пулӑшу ҫитнӗ хыҫҫӑн та арҫын анма васкаман — ӑна ӳкӗтлеме тивнӗ.

 

Хулара
"Про Город" сайтран илнӗ сӑн
"Про Город" сайтран илнӗ сӑн

Шупашкарта арҫын пысӑк вольтлӑ юпа ҫине хӑпарса ларнӑ та тем пек ӳкӗтлесен те анма килӗшмен. Вырӑна ҫӑлавҫӑсен ҫитме тивнӗ.

Ку паян, ака уйӑхӗн 15-мӗшӗнче, пулнӑ. Трактор тӑвакансен проспектӗнчи ҫул ҫавринчен инҫех мар вырнаҫнӑ пысӑк вольтлӑ юпа ҫине арҫын хӑпарса кайнӑ.

Ҫакна курнӑ ҫынсем кун пирки «Про Город» хаҫата пӗлтернӗ. Халӑх корреспонденчӗ пӗлтернӗ тӑрӑх, арҫын 60 ҫулсенчи пек курӑннӑ. Вырӑна ҫӑлавҫӑсем, васкавлӑ медпулӑшу, полици ҫитнӗ. Арҫыннӑн пӗлӗшӗсем ӑна анма ӳкӗтленӗ. Анчах лешӗ хӑнк та туман. Ҫӑлавҫӑсем ӑна антарса полицие панӑ.

Хыпар ҫӑлкуҫӗ: https://pg21.ru/news/71172
 

Хулара
goods.ru сайтри сӑн
goods.ru сайтри сӑн

Ҫӑлавҫӑсем ҫӗвӗ машини йӗппипе пӳрнине тӑрӑнтарнӑ ачана ҫӑлма килнӗ. Вӑл унтан хӑй тӗллӗн хӑтӑлайман. Ашшӗ-амӑшӗ ҫӑлав службине шӑнкӑравласа пулӑшу ыйтнӑ.

Шӑнкӑрав ӗнер 15 сехет те 28 минутра килнӗ. Вӗсем пӗлтернӗ тӑрӑх, ҫул ҫитмен хӗрӗн пӳрнине ҫӗвӗ машинин йӗппи шӑтарнӑ. Ача хӑй ӑна кӑларайман, мӗншӗн тесен унан алли унта хӗсӗнсе ларнӑ.

Ҫӑлаҫӑсем Трактор тӑвакансен проспектӗнчи ҫурта ҫийӗнчех ҫитнӗ. Вӗсем ҫӗвӗ машинине сӳтнӗ те ачан аллине кӑларнӑ. Кайран ачана тухтӑрсем патне ӑсатнӑ. Вӗсем йӗпе кӑларнӑ.

 

Хулара

Шупашкарта икӗ ҫамрӑк Атӑл урлӑ каҫса ҫухалса кайни пирки пӗлтернӗччӗ. Кунашкал тӗслӗх ҫак кунсенче татах пулнӑ. Хальхинче пӑр тӑрӑх 2002 ҫулта ҫуралнӑ каччӑ уҫӑлса ҫӳренӗ. Анчах вӑл ҫухалса кайнӑ, шӑнса кӳтнӗ.

Пуш уйӑхӗн 4-мӗшӗнче 22 сехет те 34 минутра дежурнӑй пульчӗ ҫине хыпар ҫитнӗ: Атӑл ҫинче, Афанасьев пляжӗ ҫывӑхӗнче, каччӑ ҫухалса кайнӑ. Ҫӑлавҫӑсем юрҫӳрен ҫине ларса ҫийӗнчех шырава тухнӑ.

Вӗсем ҫамрӑка часах тупнӑ. Вӑл ӳсӗр пулнӑ. Хӑй ӑнлантарнӑ тӑрӑх, Атӑл урлӑ Сосновкӑна каҫма тӑнӑ, анчах ку тӳрре тухман – ҫухалнӑскер шӑнса кайнӑ, ҫӑлавҫӑсем патне шӑнкӑравлама тивнӗ.

 

Хулара
foto.cheb.ru сайтри сӑн
foto.cheb.ru сайтри сӑн

Шупашкарта иртен-ҫӳрен арҫын ача балкон чӳречинчен пӑхса тӑнине асӑрханӑ та сехӗрленсе ӳкнӗ. Ара, вӑл тухса ӳкме пултарать-ҫке-ха. Ҫынсем часрах ҫӑлав службине шӑнкӑравланӑ.

Ку пуш уйӑхӗн 5-мӗшӗнче Роза Люксембург урамӗнче пулнӑ. Пӗчӗк арҫын ача балкон чӳречинчен пӑхса тӑнӑ.

Ҫӑлавҫӑсем шӑнкӑрав йышӑнсанах ҫула тухнӑ. Арҫын ача килте пӗчченех юлнӑ-мӗн, амӑшӗ вӑхӑтлӑха таҫта тухнӑ. Ҫалавҫӑсем вӑл киличчен ачана калаҫтарса тӑнӑ. Юрать, йӑлтах ӑнӑҫлӑ вӗҫленнӗ.

 

Хулара
"Про Город" сайтри сӑн
"Про Город" сайтри сӑн

Ҫӗнӗ Шупашкарта пурӑнакансем урамра йытӑ ҫури плита айне пулнине асӑрханӑ та ӑна пулӑшнӑ. Урамра шартлама сивӗ пулнине пӑхмасӑр вӗсем ӑна унтан кӑларнӑ, ҫапла унӑн пурнӑҫне ҫӑлнӑ.

Ӗҫ-пуҫ ӗнер, нарӑс уйӑхӗн 20-мӗшӗнче, пулнӑ. Ҫынсем ӑна хӑйсемех кӑларма хӑтланнӑ. Анчах йытӑ ҫурин кӗлеткин ҫур пайӗ плита айӗнче пулнӑ. Ҫынсем икӗ сехет чакаланнӑ.

Унтан ҫӑлавпа шырав службине шӑнкӑравланӑ. Ҫӑлавҫӑсем хӑвӑрт ҫитнӗ. Вӗсем чавнӑ, тӑпрана алӑпа та сирсе пӑхнӑ. Йытӑ ҫурине пурпӗрех плита айӗнчен кӑларнӑ.

Хыпар ҫӑлкуҫӗ: https://pg21.ru/news/70042
 

Республикӑра
54.mchs.gov.ru сайтри сӑн
54.mchs.gov.ru сайтри сӑн

Шӑматкун Атӑл леш енче йӗлтӗрпе ярӑнакан хӗрарӑма пулӑшу кирлӗ пулнӑ. Вӑл «Чӑваш Ен» санатори ҫывӑхӗнче ярӑннӑ.

Республикӑри шыравпа ҫӑлав служби пӗлтернӗ тӑрӑх, хӗрарӑм йӗлтӗрпе ярӑннӑ чухне ӳкнӗ те сылтӑм урине хуҫнӑ. Хайхискер хӑй тӗллӗн утайман та.

Хӗрарӑм ҫӑлавҫӑсем патне шӑнкӑравланӑ. Вӗсем ун патне «Тайга» юрҫӳренпе ҫитнӗ. Ҫӑлавҫӑсем хӗрарӑма хӑйсен транспорчӗпе Шупашкара илсе ҫитернӗ, васкавлӑ медпулӑшу пульницине леҫнӗ.

 

Хулара
vmnews.ru сайтри сӑн
vmnews.ru сайтри сӑн

Ҫӑлавҫӑсен алӑк хушшине хӗсӗнсе ларнӑ арҫынна пулӑшма тивнӗ. Хайхискер ӑна шалтан уҫас тесе аллине чикне те хӗстернӗ.

Чӑваш Енри шыравпа ҫӑлав служби пӗлтернӗ тӑрӑх, ку раштав уйӑхӗн 13-мӗшӗнче Шупашкарти Мир проспектӗнчи пӗр ҫуртра пулнӑ. Арҫын аллине хӗстерсе лартсан хӑй тӗллӗн тухаймассине ӑнланнӑ, ҫӑлавҫӑсем патне шӑнкӑравланӑ.

Шыравпа ҫӑлав службин ӗҫченӗсем кӗтеслӗ шлифомашина пулӑшнипе алӑка каснӑ, арҫыннӑн хӗсӗнсе ларнӑ аллине кӑларнӑ та ӑна пӗрремӗш медпулӑшу панӑ. Арҫын савӑннипе, паллах, вӗсене тав тунӑ.

 

Республикӑра
Ҫӑлав служби тунӑ сӑн
Ҫӑлав служби тунӑ сӑн

Иртнӗ шӑматкун икӗ арҫын пулӑран таврӑннӑ чухне пӑр ҫинче бур, алса выртнине асӑрханӑ. Инҫех мар пӑр катӑлнӑ, вӗсем унта ҫын кӗрсе ӳкнӗ тесе шутланӑ та ҫӑлавҫӑсене чӗннӗ.

Ку Улатӑр хули ҫывӑхӗнче Алатырка юханшывӗнче пулнӑ. Тепӗр кунхине ҫӑлавҫӑсем вырӑна кайма тухнӑ, анчах «отбой» панӑ. ШӖМ ӗҫченӗсем ҫынсенчен ҫав бур камӑн пулнине ыйтса пӗлнӗ. Кун хыҫҫӑн хуҫи патне кайнӑ. Лешӗ килте чип-чиперех, чӗрех ларать. Хайхи пулӑҫ пӑр айне анса кайсан хӑй тӗллӗнех тухнӑ-мӗн, япалисене ҫавӑнтах хӑварса килелле ҫул тытнӑ.

Ку пулӑма паян ЧР Правительство ҫуртӗнче иртнӗ канашлура сӳтсе явнӑ.

 

Пӑтӑрмахсем
astrakhanfm.ru сайтри сӑн
astrakhanfm.ru сайтри сӑн

Юпан 9-мӗшӗнче 10 сехет те 20 минутра ҫӑлавҫӑсем патне хыпар ҫитнӗ: кимӗре ларакан арҫынна шыв юххи юхтарса кайнӑ.

Ҫӑлавҫӑсем «Беркут» катерпа арҫынна шырама тухнӑ. Вӗсем йӑлтах пӑхса ҫаврӑннӑ – лешӗ курӑнман.

Тепӗр кунхине 15 сехет те 21 минутра дежурнӑй пульчӗ ҫине хыпар ҫитнӗ. Ҫӗнӗ Шупашкарта кивӗ юханшыв порчӗ патӗнче ҫынсем кимӗ ишнине асӑрханӑ. Малтанах вӗсем кимӗ пушӑ тесе шутланӑ. Ҫӑлавҫӑсем тӗрӗсленӗ – унта ӳсер арҫын ҫывӑрнӑ иккен. Ӑна вӑратса ҫыран хӗррине илсе тухнӑ.

Тепӗр кун Атӑл хӗрринче причал патӗнче арҫын виллине тупнӑ. Вилене полицие панӑ.

Хыпар ҫӑлкуҫӗ: https://pg21.ru/news/67286
 

Страницӑсем: 1 ... 4, 5, 6, 7, 8, 9, 10, 11, 12, 13, [14], 15, 16, 17, 18, 19, 20, 21, 22, 23
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (19.12.2024 03:00) тӗтреллӗ ҫанталӑк, атмосфера пусӑмӗ 740 - 742 мм, -5 - -7 градус сивӗ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Вӑй тапса тӑрать, йӗркелӳҫӗ пултарулӑхӗ, илӗртӳлӗх хушӑнсах пыраҫҫӗ. Ку эрнере плансемпе палӑртса хунисене пурнӑҫлама ӑнӑҫлӑ вӑхӑт. Сывлӑха тимлӗр, ҫывӑх ҫынсен сывлӑхӗ пирки те ан манӑрн. Тахҫан шута хуман чир йӑл илме пултарать.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
ӑсатма тухни — ҫылӑх, юрамасть
хуҫин ҫитӗннӗ ачисем
хуть те кам тухсан та
хуҫа тарҫи
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫа хӑй
кил-йышри арҫын
пӗтӗм кил-йышпа тухаҫҫӗ