Сайта кӗр | Регистраци | Сайта кӗрсен унпа туллин усӑ курма пулӗ
 -4.7 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Хыпарсем: ҫӑлавҫӑсем

Хулара

Шупашкарта ҫӑлавҫӑ-матроссем ӗҫе кӳлӗннӗ. Ӗнер, ҫӗртме уйӑхӗн 1-мӗшӗнче, вӗсем пӗрле пухӑннӑ. Тӳрех палӑртар: ятарлӑ хушу тухиччен Шупашкарти пляжсем ӗҫлемӗҫ. Кӑшӑлвирусран шикленнипе шыва кӗме те чараҫҫӗ. Тепӗр тесен, шыва кӗме ҫанталӑк та май паман-ха. Шупашкар хула администрацийӗн ЖКХ, энергетика, транспорт тата ҫыхӑну управленийӗ хула администрацийӗн сайтӗнче ҫырнӑ тӑрӑх, пляжа пыракансен маска тата перчетке тӑхӑнмалла, социаллӑ инҫӗше пӑхӑнмалла.

Шыва кӗмелли тапхӑр валли Шупашкарта тӑватӑ пляж хатӗрленӗ: тӗп пляжа, Афанасьев урамӗнчине, Ҫӗнӗ саларине тата Атӑлӑн сулахай ҫыранӗ енчине. Пляжсене тирпейлесе тасатнӑ. Шыв тӗпне ҫӑлавҫӑсем тӗрӗсленӗ.

 

Республикӑра
Ҫӑлав служби тунӑ сӑн
Ҫӑлав служби тунӑ сӑн

Пӗр арҫын Атӑлта ишме шутланӑ. Анчах ҫакӑ чутах инкекпе вӗҫленмен. Юрать, ҫӑлавҫӑсем ӑна вӑхӑтра пулӑшнӑ.

Ҫу уйӑхӗн 28-мӗшӗнче ҫак арҫын ҫыран хӗрринче тусӗсемпе каннӑ. Вӑл шыва кӗме шутланӑ, Атӑлта самаях шала ишсе кӗнӗ. Хайхискере хумсем тата шаларах илсе кайма тӑнӑ. 15 сехет те 5 минутра Ҫӗнӗ Шупашкарти ҫӑлав станцине 1980 ҫулта ҫуралнӑ арҫын путма тытӑнни пирки шӑнкӑрав килнӗ.

Ҫӑлавҫӑсем харсӑр арҫынна катер ҫине лартса ҫыран хӗррине илсе тухнӑ. Путма арҫын питӗ хӑрана пулмалла – ҫӑлавҫӑ аллинчен шутсӑр хытӑ ярса тытнӑ, лешӗн ӳчӗ те сӗвӗннӗ.

 

Республикӑра
Ҫӑлав служби тунӑ сӑн
Ҫӑлав служби тунӑ сӑн

Ҫу уйӑхӗн 18-мӗшӗнче ҫӑлав службине хӗрарӑм пӑлханса шӑнкӑравланӑ. Вӑл пула кайнӑ пиччӗшне, 1984 ҫулта ҫуралнӑскере, ҫухатнӑ. Лешӗ ҫу уйӑхӗн 16-мӗшӗнче тусӗсемпе пулла кайнӑ та таврӑнман.

Йӑмӑкӗ унпа ҫу уйӑхӗн 17-мӗшӗнче ҫӗрле юлашки хутчен калаҫнӑ. Унтанпа тӑванӗн телефонӗ сӳнсе ларнӑ.

Ҫӑлавҫӑсем пулӑҫсене шырама пуҫланӑ. Тупнӑ. Лешсем чӗрӗ-сывах, анчах ӳсӗр пулнӑ. Хайхискерсем юханшыв урлӑ кимӗпе каҫнӑ. Вӗсен бензин пӗтнӗ, телефонӗсем сӳнсе ларнӑ. Анчах тунсӑхласа ларман вӗсем – пӗрле эрех пулнӑ.

 

Республикӑра
willcomfort.ru сайтри сӑн
willcomfort.ru сайтри сӑн

Кӗтмен ҫӗртен йывӑр лару-тӑрӑва кӗрсе ӳкесси такамӑн та пулать. Хӑш чухне ҫӑлавҫӑсенчен пулӑшу ыйтма тивет.

Чӑваш Енре пурӑнакан пӗр хӗре вӗсен пулӑшӑвӗ кирлӗ пулнӑ. Хайхискер ҫу уйӑхӗн 7-мӗшӗнче ҫӑлав службине шӑнкӑравланӑ. Вӑл шыҫӑнса кайнӑ пӳрнинчен ҫӗрӗ хывайман.

Ҫӑлавҫӑсем вырӑна ҫитсен «Умелец» наборпа усӑ курнӑ. Хӗрӗн шыҫӑнса кайнӑ пӳрнинчен ҫӗрре вӗсем асӑрханса кӑлӑрнӑ. Хӗр ҫӑлавҫӑсене куншӑн тав тунӑ.

Хыпар ҫӑлкуҫӗ: https://pg21.ru/news/64295
 

Пӑтӑрмахсем
ptzgovorit.ru сайтри сӑн
ptzgovorit.ru сайтри сӑн

Ака уйӑхӗн 11-мӗшӗнче Ҫӗнӗ Шупашкарта пулнӑ пушарта хӗрачан пурнӑҫӗ татӑлнӑ. Инкек Терешкова урамӗнчи 3-мӗш ҫуртра пулнӑ.

Ҫӑлавҫӑсем вырӑна ҫитсен чи малтанах ҫунакан ҫуртран кастрюль кӑларса пенӗ. Пушар шӑпах ҫавӑнтан тухнӑ ахӑртнех. Кайран хӗрачана урама йӑтса тухнӑ. Ӑна реанимаци машини илсе кайнӑ. Унтан хӗрарӑма ҫӑлнӑ, ӑна та пульницӑна ӑсатнӑ. Шел те, хӗрача чӗрӗ юлайман, унӑн чӗри тапма пӑрахнӑ.

Ҫынсем каланӑ тӑрӑх, хваттерте икӗ хӗрарӑмпа ача пурӑннӑ. Ҫӑлавҫӑсем пушара хӑвӑртах сӳнтернӗ.

Хыпар ҫӑлкуҫӗ: https://pg21.ru/news/63743
 

Пӑтӑрмахсем
pravdapfo.ru сайтри сӑн
pravdapfo.ru сайтри сӑн

Паян, пуш уйӑхӗн 20-мӗшӗнче, кӑнтӑрла Шупашкарта харпӑр ҫуртра пушар тухнӑ. Шел те, унта ҫынсем шар курнӑ, инкексӗр пулман.

Пушар Иккӗмӗш Путепровод урамӗнчи ҫуртра алхаснӑ. Ҫав самантра килте кинемей икӗ мӑнукӗпе пулнӑ. Ачасем – 2-ре тата 4 ҫулта. Ҫулӑм алхасма тытӑнсан ҫӑлавҫӑсем, тухтӑрсем ҫитнӗ. Шел те, кинемейпе мӑнукӗсене ҫӑлма май килмен.

Малтанлӑха пӗлтернӗ тӑрӑх, ватӑ ҫынпа ачасем сӗрӗмпе наркӑмӑшланса вилнӗ. Халӗ пушар ӑҫтан тухнине тӗпчеҫҫӗ. Вилнӗ ҫынсен тӑванӗсемпе психологсем ӗҫлеҫҫӗ.

 

Пӑтӑрмахсем
ulfishing.ru сайтри сӑн
ulfishing.ru сайтри сӑн

Паян ирхине Шупашкарти Ҫӗнӗ сала пляжӗнче, Атӑл ҫинче, чутах пулӑҫ путса вилмен. Юрать, ӑна ҫӑлма ӗлкӗрнӗ.

Пулӑҫ ирхине Атӑл ҫине, ҫӳхе пӑр ҫине, тухнӑ. Пӑр катӑлса кайсан вӑл шыва кӗрсе ӳкнӗ. Вӑл путма пуҫлани пирки оперативлӑ дежурнӑй пулчӗ ҫине 6 сехет те 51 минутра ҫитнӗ. Кун пирки иртен-ҫӳрен шӑнкӑравласа пӗлтернӗ.

Ҫӑлавҫӑсем аэроҫунапа вырӑна ҫитнӗ. Путма пуҫланӑ пулӑҫа вӗсем ҫӑлав станцине илсе ҫитернӗ, ӑна пӗрремӗш пулӑшу панӑ хыҫҫӑн тухтӑрсем илсе кайнӑ.

 

Республикӑра
cap.ru сайтри сӑн
cap.ru сайтри сӑн

ЧР Элтеперӗн тивӗҫӗсене вӑхӑтлӑх пурнӑҫлакан Олег Николаев профсоюз пайташӗсемпе тӗл пулнӑ. Унта вӑл пушарнӑйсемпе ҫӑлавҫӑсен ӗҫ укҫи 30 процент ӳсессине пӗлтернӗ.

Олег Николаев пӗлтернӗ тӑрӑх, Патшалӑх инкеклӗ лару-тӑру комитетӗнче тата РФ Инкеклӗ лару-тӑру министерствинче тӑрӑшакансен ӗҫӗ пӗр пекрех, анчах шалӑвӗ самаях уйрӑлса тӑнине палӑртнӑ. Ҫавна май вӗсен ӗҫ укҫине республика хыснинчи нухратпа ӳстерме палӑртнӑ. Ҫӑлавӑҫемпе пушарнӑйсен шалӑвне 5 пин тенкӗ хӑпартасшӑн.

Хыснана тӳрлетӳсем кӗртнине ЧР Министрсен Кабинечӗн ларӑвӗнче пӑхса тухма палӑртнӑ.

 

Хулара
ШӖМ тунӑ сӑн
ШӖМ тунӑ сӑн

Нарӑсӑн 1-мӗшӗнче Ҫӗнӗ Шупашкарти Терешкова урамӗнчи пӗр ҫуртра, виҫҫӗмӗш хутра, ҫулӑм тухнӑ. Инкек вырӑнне патрулировани маршрутӗнчен ШӖМ ӗҫченӗ Артем Петров ҫитнӗ.

Хваттерӗн тимӗр алӑкӗ хупӑ пулнӑ. Кӳршисем унта пурӑнакан арҫынна кӑшкӑрнӑ, алӑкран шакканӑ – лешӗ сасӑ паман. Ҫӑлавҫӑсем хваттере кӗме пусма лартнӑ вӑхӑтра арҫыннӑн амӑшӗ ҫитнӗ, алӑка уҫнӑ. Артем Петров полицейски тӗтӗм-сӗрӗмпе тулнӑ пӳлӗме чупса кӗнӗ те арҫынна урама кӑларнӑ. Лешӗ сӗрӗмпе наркӑмӑшланнӑран хӑй тӗллӗн утайман.

Полицейски васкавлӑ медпулӑшу чӗннӗ. Тухтӑрсем 39 ҫулти арҫынна кислород маски тӑхӑнтартнӑ та пульницӑна илсе кайнӑ. Халӗ унӑн пурнӑҫӗ хӑрушлӑхра мар.

Хыпар ҫӑлкуҫӗ: https://pg21.ru/news/62388
 

Республикӑра
«ДобротворецЪ» водолазсен ушкӑнӗн» сӑнӗ
«ДобротворецЪ» водолазсен ушкӑнӗн» сӑнӗ

Кӑрлач уйӑхӗн 21-22-мӗшӗсенче Атӑл ҫинче хыпарсӑр ҫухалнӑ ҫынна шыранӑ. Унта водолазсем, ҫӑлавҫӑсем тата следовательсем ӗҫленӗ.

«ДобротворецЪ» водолазсен ушкӑнӗ» пӗлтернӗ тӑрӑх, Мускаври водолазсен ушкӑнӗ хыпарсӑр ҫухалнӑ ҫынна Куславкка районӗнчи Криуш ялӗ ҫывӑхӗнче шыранӑ.

Ҫак ӗҫе Следстви комитечӗн Чӑваш Енри следстви управленийӗн ӗҫченӗсемпе ҫӑлавҫисем те хутшӑннӑ. Анчах ведомство кун пирки нимӗн те хыпарламан.

Водолазсемпе ҫӑлавҫӑсем нимӗн те тупайман. Специалистсен ӗҫне шыв юххи вӑйлӑ пулни те йывӑрлатнӑ.

Хыпар ҫӑлкуҫӗ: https://pg21.ru/news/62189
 

Страницӑсем: 1 ... 6, 7, 8, 9, 10, 11, 12, 13, 14, 15, [16], 17, 18, 19, 20, 21, 22, 23
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (19.12.2024 03:00) тӗтреллӗ ҫанталӑк, атмосфера пусӑмӗ 740 - 742 мм, -5 - -7 градус сивӗ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Вӑй тапса тӑрать, йӗркелӳҫӗ пултарулӑхӗ, илӗртӳлӗх хушӑнсах пыраҫҫӗ. Ку эрнере плансемпе палӑртса хунисене пурнӑҫлама ӑнӑҫлӑ вӑхӑт. Сывлӑха тимлӗр, ҫывӑх ҫынсен сывлӑхӗ пирки те ан манӑрн. Тахҫан шута хуман чир йӑл илме пултарать.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
пӗтӗм кил-йышпа тухаҫҫӗ
хуҫин ҫитӗннӗ ачисем
хуҫа хӑй
кил-йышри арҫын
хуҫа арӑмӗ
хуҫа тарҫи
ӑсатма тухни — ҫылӑх, юрамасть
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та