Чӗмпӗрте «Губернаторский» халӑх туслӑхӗн керменӗнче тӑван чӗлхе тата литература вӗрентекенсен хушшинчи форум иртнӗ. Унта 1,2 пин ытла хутшӑнакан пухӑннӑ: вӗрентекенсем, студентсем, наци диаспорисен ҫыннисем тата кӳршӗ тӑрӑхри хӑнасем. Форумра тутар, чӑваш тата ирҫе чӗлхисене упрасси тата вӗсене шкулта вӗрентес ӗҫри йывӑрлӑхсене сӳтсе явнӑ.
Чӗмпӗр облаҫӗнчи вӗренӳ организацийӗсенче вырӑс, тутар, чӑваш тата ирҫе чӗлхисене вӗрентеҫҫӗ, этнокультура тӗлӗшӗнчен 17 пин ытла ача пӗлӳ илет. Форум программине вӗрентекенсен семинарсем тата ӑсталӑх лаҫҫисем кӗнӗ, вӗрентекенсем хӑйсен опычӗпе паллаштарнӑ. Мӑкшӑ Республикин вӗренӳ министерствин ҫумӗ Михаил Аверкин та хӑйӗн опычӗпе паллаштарнӑ.
Форум умӗн облаҫре чӗлхесемпе йӑласене халалланӑ 900 ытла мероприяти ирттернӗ, вӗсене 40 пин ытла ача хутшӑннӑ.
Иртнӗ уйӑх вӗҫӗнче, чӳк уйӑхӗн 28-мӗшӗнче, Шупашкарта «Чувашский язык и культура речи в современном информационном обществе» (чӑв. Хальхи информаци уҫлӑхӗнчи чӑваш чӗлхипе калаҫӑвӑн культури) ятпа ӑслӑлӑхпа практика конференцийӗ иртнӗ.
Республикӑн Вӗрену министерстви, Чӑваш патшалӑх гуманитари ӑслӑлӑхӗсен институчӗ тата «Пӗлӳ» общество йӗркеленӗ форума чӑваш чӗлхи тӗпчевҫи, поэчӗ тата тӑлмачӗ Петӗр Яккусен ҫуралнӑранпа 75 ҫул, Чӑваш халӑх сайтне йӗркеленӗренпе 20 ҫул ҫитнине халалланӑ.
Конференцие аслӑ шкулсенчи преподавательсем, учительсем, хаҫат-журнал ӗҫченӗсем, интернет-блогерсем, ученӑйсем хутшӑннӑ. Вӗсен йышӗнче Тутарстанран, Мари Республикинчен, Пушкӑртстанран, Самар облаҫӗпе Чӗмпӗр хулинчен килсе ҫитнисем те пулнӑ.
«Ҫӗрпӳ – Чӗмпӗр» автоҫулӑн 88-мӗш ҫухрӑмӗнче, Патӑрьел округӗнче, ҫулсем хӗресленнӗ вырӑнта авари пулнӑ. Ун хыҫҫӑн 74 ҫулти арҫын пульницӑна лекнӗ.
Маланлӑха палӑртнӑ тӑрӑх, «Шкода Октавиа» рулӗ умӗнче ларнӑ 74 ҫулти водитель аслӑ ҫул ҫине тухнӑ чухне «Хендая» ирттерсе яман. Ватӑ арҫыннӑн пуҫ мими чӗтреннӗ, алли суранланнӑ. Ӑна пульницӑна илсе ҫитернӗ. Тепӗр водитель аманман. Иккӗшӗ те урах пулнӑ.
Халӗ ҪҪХПИ тӗрӗслев ирттерет.
Чӗмпӗр облаҫӗнчи Чӑнлӑри «Юмах» ача пахчинче чӑваш ҫыравҫипе тӗл пулнӑ. Шӑпарлансемпе тӗл пулса калаҫма Валентина Игнатьева-Таравата йыхравланӑ, калем ӑсти вара хирӗҫлемен.
Чӑваш ҫыравҫи пырассине пӗлсен аслӑ ушкӑнри ачасем Валентина Тараватӑн сӑввисене пӑхмасӑр калама вӗреннӗ, унӑн юррисене юрлама вӗреннӗ.
Хӑна хӑйӗн пултарулӑхӗпе паллаштарнӑ. Ача пахчине вӑл хӑйӗн кӗнекисене автографпах парнеленӗ.
Шупашкарта пурӑнакан 21 ҫулти каччӑ подстанцие чӗртсе яма хатӗрленнӗ. Ӑна тытса чарнӑ, ун тӗлӗшпе пуҫиле ӗҫ пуҫарнӑ.
Каччӑ хулари пӗр подстанцие чӗртсе яма хӑтланнӑ. Малтанлӑха палӑртнӑ тӑрӑх, ӑна ҫакна тума Украинӑри ятарлӑ службӑсем хӗтӗртнӗ.
Каччӑна ҫав каҫах Чӗмпӗр хулинче ФСБн Чӑваш Енри управленийӗн ӗҫченӗсем тытса чарнӑ.
Авӑн уйӑхӗн 19-мӗшӗнче Шупашкарти Чӑваш тӗррин музейӗнче Чӗмпӗрти ӑстасен ӗҫӗсен куравӗ уҫӑлӗ.
Курав ячӗ — «Симбирские узоры: традиционная и современная вышивка» (чӑв. Чӗмпӗрти эрешсем: йӑлана кӗнӗ тата хальхи вӑхӑтри тӗрӗ).
Ку проект авторӗсем — Наталья Новоселец тата Сергей Кольцов. Аксессуарсене вӗсем этностиль мелӗпе ӑсталаҫҫӗ, алӑпа тӗрлесе тата Вӑтам Атӑл тӑрӑхӗнчи халӑхсен эрешӗсемпе капӑрлатаҫҫӗ.
Курав чӳк уйӑхӗн 15-мӗшӗнче хупӑнӗ.
Авӑн уйӑхӗн 17-мӗшӗнче, 18 сехетре, Чӗмпӗрти ӑста Сергей Кольцов Шупашкарта вырнаҫнӑ Раҫҫейӗн тӗрленӗ карттинче экскурси ирттерӗ.
Экскурси тӳлевсӗр пулӗ-ха, анчах музея кӗме тӳлемелле: аслисен — 300 тенкӗ, шкул ачисен, студентсен тата пенсионерсен – 150 тенкӗ.
Сергей «Раҫҫейӗн тӗрленӗ картти» проекта хутшӑннӑ пӗртен-пӗр арҫын. Чӗмпӗр облаҫӗн карттине вӑл хӑй тӗрленӗ.
Ӗнер, утӑ уйӑхӗн 16-мӗшӗнче, Ҫӗрпу ҫывӑхӗнче 22 ҫулти хӗр-водитель тепӗр машинӑна ҫул паманнипе инкеке лекнӗ.
Каҫхи 21 сехет тӗлӗнче пулнӑ инкекре «Лада X-Ray» автомобиль рульне тытса пынӑ хӗр тӗп ҫулпа пыракан «Шкода Октавия» машинӑна ҫул паман.
Инкекре иккӗн аманнӑ. «Ладӑн» 22 ҫулти водителӗ тата «Шкодӑра» хыҫалти ларкӑч синче ларса пыракан 47 ҫулти пассажир. Вӗсене иккӗшне те пульницӑна илсе кайнӑ.
Ҫамрӑк водителӗн ОСАГО пулман. Унӑн водитель стажӗ — 1 ҫул.водительский стаж составляет три года.
Водители прошли медицинское освидетельствование на состояние опьянения, результат отрицательный.
Шупашкар хулинче Гагарин кӗперӗн ҫуррине юсаса пӗтернӗ. Паян ҫавна уҫнӑ. Халӗ юсав ӗҫӗ кӗперӗн тепӗр ҫурринче пуҫланнӑ.
«Ӗҫе епле пурнӑҫланине хам тӗрӗслерӗм – подрядчик лайӑх тимленӗ», – пӗтӗмлетнӗ Шупашкар пуҫлӑхӗ Владимир Доброхотов хӑйӗн Telegram-каналӗнче.
Объектра Чӗмпӗрти «Универсал» тулли мар яваплӑ общество ӗҫлет. Компани кӗперӗн пӗр пайне кӑҫалхи юпа уйӑхӗн 1-мӗшӗччен юсаса пӗтерме шантарнӑ, иккӗмӗш тапхӑрне – 2026 ҫулхи юпа уйӑхӗн 30-мӗшӗччен. Пӗрремӗш тапхӑра вал маларах та вӗҫленӗ.
Гагрин кӗперне 1974 ҫулта тунӑ. Ӑна тӗплӗн юсама 801,1 миллион тенкӗ уйарнӑ.
Иртнӗ эрнере Чулхулари «Водолет» компани «Метеор-120Р» караппа Волгоградран Чулухлана килсе пӑхнӑ. Ҫула май вӑл Сартура, Самарта, Тольяттинче, Чӗмпӗрте, Хусанта, Сӗнтӗрвӑрринче, Шупашкарта, Чикмере тата Васильсурскра чарӑннӑ.
«Водолет» хальлӗхе ун пек маршрута уҫасшӑн мар, анчах Чулхуларан Шупашкарта, Хусанта, Чӗмпӗрте тата Тольяттинче чарӑнакан икӗ кунлӑх рейс уҫма палӑртать.
+11.3 °C