Шупашкарти Сӗнтӗрвӑрри ҫулӗ ҫинче прицеп ҫинче тухнӑ пушар хыҫҫӑн икӗ ача вилнӗ. Тискер авари ҫурла уйӑхӗн 8-мӗшӗнче пулнӑ. Триммерпа курӑк ҫулакан ҫул ҫитмен 5 ачана прицеп ҫине лартнӑ, ҫавӑнтах 14 триммер тата бензин тултарнӑ канистрсем пулнӑ. Ҫул ҫинче пынӑ чухне ачасенчен пӗри хӑйӗн тумӗ ҫинчи ҫипе зажигалкӑпа ҫунтарса татма шут тытнӑ — прицеп ҫавӑнтах хыпса илнӗ. Ачасем унтан тухса ӗлкӗрнӗ, анчах ӑна машинӑран вӗҫертнӗ чухне пиҫсе кайнӑ. Вӗсене пульницӑна илсе кайнӑ.
Пӗр ача ҫурла уйӑхӗн 9-мӗшӗнче Чулхулари медицина центрӗнче вилнӗ. Унӑн ӳчӗн 90 проценчӗ пиҫсе кайнӑ. Тепӗр ачан чӗри ҫурла уйӑхӗн 13-мӗшӗнче тапма чарӑннӑ, унӑн учӗн 70 проценчӗ пиҫнӗ. Тепӗр икӗ ачан ӳчӗ 60 тата 23 процент таран сиенленнӗ, вӗсем реанимаци уйрӑмӗнче сипленеҫҫӗ, иккӗшӗ те ИВЛ аппарачӗ пулӑшнипе сывлаҫҫӗ. Тепӗр ача Шупашкарти больницӑра выртать, вӑл — 14-ра, унӑн сывлӑхӗ хӑрушлӑхра мар.
Ӗҫленӗ вӑхӑтра хӑрушсӑрлӑх йӗркине пӑхӑнманшӑн ку тӗслӗх тӗлӗшпе пуҫиле ӗҫ пуҫарнӑ. Водителе ҫул ҫитмен пассажирсене кирлӗ условисенче илсе ҫӳременшӗн штрафланӑ. Ӗҫе малалла тӗпчеҫҫӗ.
Паян Шупашкарти саунӑра пулнӑ пушарта икӗ ҫын вилнӗ. Инкек ирхи 7-ре «Сокол» кинотеатр пулнӑ зданири «Банный эталон» саунӑра пулнӑ.
Ҫав вӑхӑтра унта арҫынпа хӗрарӑм каннӑ. Ҫапӑнмалли пӳлӗмре ҫулӑм тухнӑ, вӗсем тӗтӗмпе наркӑмӑшланнӑ.
Ҫӑлавҫӑсем арҫынпа хӗрарӑма урама илсе тухнӑ. Анчах, шел те, вӗсен пурнӑҫне ҫӑлма май килмен.
Халӗ пушар сӑлтавне уҫӑмлатаҫҫӗ, арҫынпа хӗрарӑм кам пулнине палӑртаҫҫӗ.
Елчӗк районӗнче пурӑнакан 55 ҫулти арҫын питӗ кӗвӗҫ пулнӑ тата ҫынна хӗнеме юратнӑ.
Тӑнлавӗ пасарнӑ арҫын ҫулӗ кайнине пӑхмасӑрах кӗвӗҫме пӑрахман. Пӗрле пурӑнакан хӗрарӑма вӑл кӳрши ҫумне хушса вӑрҫнӑ. Кӑҫалхи пуш уйӑхӗн 20-мӗшӗнчен пуҫласа ака уйӑхӗн 10-мӗшӗччен хӗрарӑма виҫӗ хутчен хӗненӗ, 5 аяк пӗрчине хуҫнӑ. Ун хыҫҫӑн хӗрарӑм унпа текех пурӑнас темен.
Ҫу уйӑхӗн 6-мӗшӗнче арҫын унччен пӗрле пурӑннӑ хӗрарӑма шыраса 80-ри карчӑк патне кайнӑ. Лешӗ ман патра ҫук тесе калани килӗшмен, ватӑ ҫынна хӗнесе пӗтернӗ, унӑн икӗ карас телефонне, телефона зарядкӑна лартмалли хатӗрсене тата ҫӑра уҫҫине йӑтса тухса кайнӑ.
Кӗҫех арҫынна РФ Пуҫиле кодексӗн виҫӗ статйипе, ҫав шутра ҫын пурлӑхне вӑрланӑшӑн та, суд тӑвӗҫ.
Шупашкарта пурӑнакан 85 ҫулти кинемее «Ларгус» автомашина таптаса кайнӑ.
Пӑтӑрмах ҫурла уйӑхӗн 11-мӗшӗнче 17 сехет тӗлӗнче пулса иртнӗ.
Дачӑран килекен виҫӗ хӗрарӑм «Заря» пахча юлташлӑхӗн киле кайма тухсан Вӑрнар шосси урлӑ каҫма тӑнӑ. «Ларгус» машина 85-ри хӗрарӑм ҫине пырса кӗнӗ. Кинемей инкек вырӑнӗнчех вилсе кайнӑ.
Муркаш районӗнчи пӗр ялта пурӑнакан арҫын урах пулнӑ. Вӑл йӗрке хуралҫисене каланӑ тӑрӑх, ҫуран ҫӳрекенсене ытти транспорт кансӗрленӗрен курман имӗш.
.
Чӑваш Енре пӗр сутуҫӑ темиҫе мандарин вӑрланӑ икӗ ачана тӗлӗнсе каймалла майпа явап тыттарас тенине эпир унччен пӗлтернӗччӗ-ха. Аса илтерер: 11-ти арҫын ачапа 13-ри хӗрача сентре ҫинчи темиҫе мандарина вӑрланӑ. Ҫавӑншӑн сутуҫӑ вӗсене ҫын ҫук ҫӗре лартса кайнӑ. Унта вӑл пите зелёнка сӗртерттернӗ.
Арҫын Волгоград облаҫӗнчен Чӑваш Ене куҫса килнӗ вӑйпитти-мӗн. Пӑтӑрмах Етӗрнере пулнӑ. Ачасем пӗр тӑвансем иккен.
Ачасене ҫын ҫук ҫӗре ирӗксӗр лартса кайнӑ арҫын тӗлӗшпе пуҫиле ӗс пуҫарнӑ. Ӑна ҫын вӑрланӑшӑн явап тыттарма пултараҫҫӗ.
Паян 15 сехет ҫурӑра Патӑрьел округӗнче авари пулнӑ. Унта арӑмӗпе упӑшки вилнӗ.
Малтанлӑха пӗлтернӗ тӑрӑх, «Митсубиси Паджеро» машинӑри 52-ри водителӗ йывӑр тиевлӗ машинӑран иртсе каяс тесе хирӗҫ ҫул ҫине тухнӑ та каялла хӑйӗн ҫулӗ ҫине кӗрсе ӗлкӗреймен – «Датсунпа» ҫапӑннӑ. Унта вара арӑмӗпе упӑшки пулнӑ. Иккӗшӗ те 1970 ҫулта ҫуралнӑскерсем, Тутарстан ҫыннисем. Вӗсем ҫавӑнтах вилнӗ. «Митсубиси» водителӗ аманнӑ, ӑна больницӑна илсе кайнӑ.
Халӗ ӗҫ-пуҫа малалла тӗпчеҫҫӗ.
Чӑваш Енре, Раҫҫейӗн чылай регионӗнчи евӗрех, пилотсӑр вӗҫекен аппаратсене ятарласа ирӗк илмесӗр вӗҫтерме юрамасть. Ҫурла уйӑхӗн 10-мӗшӗнче вара Ҫӗнӗ Шупашкарти 40 ҫулти арҫын йӗркене пӑсма тӑнӑ.
Ҫулпа пыракан йӗрке хуралҫисем «Шупашкар-Сурски» ҫул ҫинче «Шевроле» автомобиле асӑрханӑ. Автомобильтен инҫех мар хирте арҫынпа арҫын ача БПЛА вӗҫтерсе яма хӑтланнӑ.
Арҫын Мускав облаҫӗнче пурӑнать иккен. Унӑн машининче 5 квадрокоптер пулнӑ. Арҫын ӗнентернӗ тӑрӑх, вӗсем ывӑлӗпе иккӗшӗ аэромоделированипе кӑсӑкланаҫҫӗ, квадракоптерсем вӗҫнине ӳкерсе тӗнче тетелӗнче вырнаҫтараҫҫӗ.
Йӗрке хуралҫисем ку тӗслӗхпе тӗрӗслев ирттререҫҫӗ.
Хусантан Шупашкар курма килнӗ хӗрсем такси хускатса кайнӑ.
Хӑйсем ӳсӗр пулнӑ. Таксиста хула кӑтартса ҫӳреме ыйтнӑ. Машина заправкӑна кӗрсен водитель ҫӑраҫҫие автомобильтех хӑварнӑ.
Хӑнасем ҫавӑнпа усӑ курса машинӑна хускатса кайнӑ. Анчах нумаях та каяйман — карта ҫине пырса кӗнӗ. Хӑйсен водитель прави те пулман иккен.
Ҫын машинине хускатса кайнӑшӑн хӗрсем тӗлӗшпе пуҫиле ӗҫ пуҫарнӑ. Таксиста вӗсем 2 миллион тенкӗлӗх тӑкак кӳнӗ-мӗн.
Хусантан Шупашкар курма килнӗ хӗрсем такси хускатса кайнӑ.
Хӑйсем ӳсӗр пулнӑ. Таксиста хула кӑтартса ҫӳреме ыйтнӑ. Машина заправкӑна кӗрсен водитель ҫӑраҫҫие автомобильтех хӑварнӑ.
Хӑнасем ҫавӑнпа усӑ курса машинӑна хускатса кайнӑ. Анчах нумаях та каяйман — карта ҫине пырса кӗнӗ. Хӑйсен водитель прави те пулман иккен.
Ҫын машинине хускатса кайнӑшӑн хӗрсем тӗлӗшпе пуҫиле ӗҫ пуҫарнӑ. Таксиста вӗсем 2 миллион тенкӗлӗх тӑкак кӳнӗ-мӗн.
Чӑваш Енри пӗр сутуҫӑ темиҫе мандарин вӑрланӑ икӗ ачана тӗлӗнсе каймалла майпа явап тыттарас тенӗ. Кун пирки Марина Ахмедова журналист, РФ Президенчӗ ҫумӗнчи этем правине хӳтӗлес енӗпе ӗҫлекен канаш членӗ Телеграмри хӑйӗн каналӗнче пӗлтернӗ.
11-ти арҫын ачапа 13-ри хӗрача сентре ҫинчи темиҫе мандарина вӑрланӑ. Ҫавӑншӑн сутуҫӑ вӗсене ҫын ҫук ҫӗре лартса кайнӑ. Унта вӑл пите зелёнка сӗртерттернӗ.
Пӑтӑрмах хыҫҫӑн ӑна йӗрке хуралҫисем тупнӑ. Арҫын хӗрачаран каҫару ыйтнӑ, арҫын ачаран та каҫару ыйтнине пӗлтернӗ.
Вӑл 4 ача ашшӗ-мӗн. «Айӑпа кӗрсен хӑйӗн ачисене епле явап тыттарни пирки шухӑшлама та хӑрушӑ», — тесе ҫырнӑ Марина Ахмедова.
+6.3 °C