сеспель.рф сайтри сӑн

Ҫӗртме уйӑхӗн 1-мӗшӗнче Ҫеҫпӗл Мишши ячӗллӗ Чӑваш патшалӑх ҫамрӑксен театрӗнче ачасем валли театр уйлӑхӗ уҫӑлнӑ.

Пӗрремӗш смена «Халӑхсен пӗрлӗхӗн эрешӗсем» ятлӑ. Унта ачасем тӗрлеме вӗренеҫҫӗ. Ҫав вӑхӑтрах театр ӗҫӗпе, кулиса хыҫӗнчи пурнӑҫпа ҫывӑхрах паллашаҫҫӗ.

Актер ӑсталӑхне вӗсене театрӑн тӗп режиссерӗ, Чӑваш Республикин тава тивӗҫлӗ артисчӗ Дмитрий Михайлов вӗрентӗ. Театрӑн ертсе пыракан артисчӗ Алевтина Семенова шӑпӑрлансене дикцие тата артикуляцие мӗнле аталантармалли пирки каласа кӑтартнӑ. Алевтина Мефодьевна ертсе пынипе ачасем тӗрлеме те хӑнӑхаҫҫӗ.

Смена вӗҫленнӗ тӗле ачасем «Туслӑх караванӗ» пӗтӗмлетӳллӗ кӑтарту хатӗрлӗҫ. Кашнинех уйлӑхра пулнине ҫирӗплетекен сертификат парӗҫ.

Уйлӑха 45-00-34 номерпе шӑнкӑравласа ҫырӑнма пулать.

#культура, #ачасем, #Ҫамрӑксен театрӗ, #уйлӑхсем