Хатӗрленӗр: кӗҫех республикӑра юр ҫӑвӗ. Кун пирки синоптиксем пӗлтереҫҫӗ.

Паян ҫӗрле сивӗ фрончӗ килӗ: ҫумар ҫӑвӗ, ҫил вӑйланӗ. Шӑматкун кӑшт лӑпланӗ, уяртӗ, 6-11 градус ӑшӑ пулӗ.

Вырсарникун кӑнтӑр-хӗвелтухӑҫ округӗсенче ҫумӑр ҫӑвӗ, сывлӑш 7-12 градус таран ӑшӑнӗ. Ҫав вӑхӑтрах ҫурҫӗр-хӗвеланӑҫ округӗсенче йӗпе юр ҫӑвӗ, термометр 0 градус кӑтартӗ.

Тунтикун ҫулсем шуҫлак пулӗҫ, вырӑнӑн-вырӑнӑн тӗтре карса илӗ. Кӑнтӑрла хыҫҫӑн 7-12 градус таран ӑшӑтӗ, ҫавна май юр хӑвӑрт ирӗлсе пӗтӗ.

Ытларикун ҫумӑр ҫӑвӗ. Юнкун уяртма пуҫлӗ.

Синоптиксем пӗлтернӗ тӑрӑх, ака уйӑхӗ нормӑран 1 градус ӑшӑрах пулӗ. Нӳрек те, нарӑс-пуш уйӑхӗсемпе танлаштарсан, ытларах пулӗ. Акан 7-10, 18-21, 26-29-мӗшӗсенче ытларах ҫумӑр ҫума пултарать.

Пӗрремӗш декада вӗҫӗнче тӑрук сивӗтӗ. Иккӗмӗш декадӑра та сивӗ тӑрӗ. Акан 12-14-мӗшӗсенче 4-6 градус таран сивӗтӗ, юр ҫӑвӗ. Виҫҫӗмӗш декадӑра ӑшӑ, анчах ҫумӑрлӑ ҫанталӑк пулӗ. Сывлӑш 15 градус таран ӑшӑнӗ. Ҫӗрлесерен шӑнтма пӑрахӗ.

www.cap.ru сӑнӳкерчӗкӗ

Чӑваш Енре ҫурхи сунар тапхӑрӗ пуҫланнӑ. Вӑл паянтан пуҫласа ака уйӑхӗн 30-мӗшӗччен пырӗ.

Сӑмах май каласан, пирӗн тӑрӑхра сунар улӑх-ҫаранне икӗ зонӑна уйӑрнӑ: пӗрремӗш тата иккӗмӗш. Кашни зонӑра сунар тапхӑрне палӑртнӑ.

Пӗрремӗш зонӑна Улатӑр, Патӑрьел, Йӗпреҫ, Комсомольски, Пӑрачкав, Шӑмӑршӑ, Ҫӗмӗрле, Елчӗк тӑрӑхӗсем кӗреҫҫӗ.

Иккӗмӗш зонӑра — Элӗк, Вӑрнар, Канаш, Куславкка, Красноармейски, Хӗрлӗ Чутай, Сӗнтӗрвӑрри, Муркаш, Вӑрмар, Ҫӗрпӳ, Шупашкар, Етӗрне, Тӑвай районӗсем.

Синоптиксем пӗлтернӗ тӑрӑх, ку эрнере те ӑшӑ ҫанталӑк пулӗ: 10-15 градус ӑшӑ тӑрӗ. Ку – ака уйӑхӗн вӗҫӗнчи норма.

Ытларикун кӑнтӑрла хыҫҫӑн тата юнкун кунӗпех ҫумӑр ҫӑвӗ. Эрне варринче кӑшт уҫӑлтарӗ: 5-10 градус ӑшӑ пулӗ.

Эрнекун 14 градусран ӑшӑрах тӑрӗ, анчах ҫил вӑйланӗ. Каҫхине вара вырӑнӑн-вырӑнӑн ҫумӑр ҫукалӗ. Шӑматкун типӗ те ӑшӑ пулӗ. Вырсарникун кӑштах сивӗтӗ.

Малтанлӑха пӗлтернӗ тӑрӑх, акан 12-14-мӗшӗсенче ҫӗр юрпа шуралӗ.

Ку эрне пуҫламӑшӗнче республикӑра антициклон хуҫаланӗ. Календарь ҫинче – пуш уйӑхӗ, урамра вара ака пекех.

Ыран уяр пулӗ. Каҫ енне циклон килӗ, йӗпе юр та ҫума пултарӗ. Кӗҫнерникунпа эрнекун вара ҫумӑр ҫукалӗ.

Канмалли кунсенче каллех хӗвел тухӗ, сывлӑш 11-13 градус таран ӑшӑнӗ. Ку - ака уйӑхӗн 20-мӗшӗсенчи норма.

Ҫитес эрне пуҫламӑшӗнче 15 градус таранах ӑшӑтӗ.

"Контактри" сӑн

Чӑваш Енре питӗ сайра тӗл пулакан хурт-кӑпшанка тупса палӑртнӑ. Ӑна Леонид Егоров биолог «Чӑваш вӑрманӗ» паркра тупнӑ.

Livilla ulicis ҫулҫӑ ҫинче пурӑнакан хурт-кӑпшанкӑ йышне кӗрет. Унашкаллине Чӑваш Енре хальччен асӑрхаман. 20 ҫул каялла ун пеккине Мускав облаҫӗнче тупнӑ. Чӑваш Енре тупни – ҫӗршывӗпе иккӗмӗш тӗслӗх.

Ӑсчахсен шухӑшӗпе, республикӑра ку хурт-кӑпшанкӑ тупӑнни климат улшӑннипе ҫыхӑннӑ. Тӗпчев кӑтартӑвӗсене ӑслӑлӑх журналӗнче пичетленӗ.

aif-s3.aif.ru сайтри сӑн

ЧР Ҫутҫанталӑк министерствин тата химипе бактериологи лабораторийӗн ӗҫченӗсем Ҫӗнӗ Шупашкар ҫывӑхӗнче Ҫавал тата Ӑшӑ юханшывӗсене тӗрӗсленӗ. Сӑлтавӗ те пулнӑ. Шыв ҫинче ҫу евӗр хура шӗвек пулнине асӑрханӑ. Унран шӑршӑ кӗнӗ.

Лаборатори тӗпчевӗ Ҫавалта нефтепродуктсен норми 156 хут нумайрах пулнине палӑртнӑ. Вырӑна ШӖМ ӗҫченӗсене чӗнсе илнӗ. Вӗсем факта ҫирӗплетнӗ. Ӗҫ-пуҫа малалла тӗпчеҫҫӗ.

Ку эрне пуҫламӑшӗнче ҫанталӑк кӑшт сивӗрех тӑрӗ. Ыран, ытларикун, чи сивви пулӗ – термометр кӑнтӑрла та 0 градус кӑтартӗ. Вырӑнӑн-вырӑнӑн юр ҫӑвӗ, тӗтре карса илӗ.

Юнкун уяр тӑрӗ. Кӗҫнерникун каллех кӑштах юр ҫукалӗ. Эрне вӗҫнелле ӑшӑтӗ, термометр кӑнтӑрла 4-6 градус кӑтартӗ.

Малтанлӑха пӗлтернӗ тӑрӑх, шӑматкун метеорологи ҫуркунни пуҫланӗ. Пушӑн юлашки эрнинче хӗвеллӗ антициклон ҫитӗ, сывлӑш 10-15 градус таран ӑшӑнӗ. Ку – ака уйӑхӗн вӗҫӗнчи норма.

Паян ҫанталӑк ӑшӑ, термометр 12 градус кӑтартать. Анчах ҫил вӑйлӑ, вӑл ыран кӑна лӑпланать. Ыран кӑштах сивӗтӗ, 3-8 градус ӑшӑ пулӗ.

Кайран темиҫе кун хӗлпе ҫуркунне кӗрешӗ. Шӑматкун каҫхине йӗпе юр ҫӑвӗ, ҫӗр шуралӗ. Термометр «минус» кӑтартӗ, ҫулсем шуҫлак пулӗҫ.

Вырсарникун хӗвел пӑхӗ. Каҫхине каллех юр ҫӑвӗ.

Чи сивӗ кун ытларикун пулӗ. Каллех ҫил вӑйланӗ.

Ҫитес эрнен иккӗмӗш ҫурри хӗвеллӗ пулӗ, сывлӑш 5-10 градус таран ӑшӑтӗ.

Синоптиксем ӑшӑ тумсене шкапран кӑларма сӗнеҫҫӗ. Кӗҫех пирӗн пата ӑшӑ ҫанталӑк ҫитӗ.

Ҫитес эрнекун урамра 12 градус ӑшӑ пулӗ. Ку – ака уйӑхӗн виҫҫӗмӗш декадинчи норма. Танлаштарма: 2015 ҫулхи пушӑн 18-мӗшӗнче 10 градус ӑшӑ пулнӑ. Пуш уйӑхӗнче 12 градус ӑшӑ чи пӗрремӗш хут 2020 ҫулхи пушӑн 27-мӗшӗнче пулнӑ.

Паянхи кун Шупашкарта юр хулӑнӑшӗ 4 сантиметр кӑна.