Культура
culture.cap.ru сӑнӳкерчӗкӗ Чӑваш кӗнеке издательствинче Николай Ларионовӑн «Анне пилӗ» кӗнеки пичетленсе тухнӑ. Ҫӗнӗ кӑларӑмӑн редакторӗ – Ольга Федорова, художникӗ – Татьяна Бурдина. Кӗнекене «Анне пилӗ» повесть тата калавсем кӗнӗ. Повесть пултаруллӑ тата мал ӗмӗтлӗ чӑваш хӗрӗ Эрнеби Сетнерова пурнӑҫӗ ҫинчен каласа кӑтартать. Хӗр – марафонҫӑ-спортсменка. Кашни ӑмӑрту хыҫҫӑн вӑл тӑван амӑшӗ патне васкать, мӗншӗн тесен вӑл ӑна тек курас мартан хӑрать. Повеҫре амӑшӗн пилӗпе малалла талпӑнакан хӗрӗн пирвайхи юратӑвӗ, тренерӗ ҫинчен те каласа кӑтартнӑ. Хыпар ҫӑлкуҫӗ:
|
Культура
culture.cap.ru сӑнӳкерчӗкӗ Чӑваш патшалӑх академи драма театрӗнче ҫитес сезон юбилейлӑ пулӗ. 105-мӗш сезонта куракансене харӑсах темиҫе премьера кӗтӗ. Авӑн уйӑхӗнче Раҫҫей драматургӗн, театрпа кино актерӗн Александр Коровкинӑн хайлавӗ тӑрӑх «Мӑнаккасем» камитпе сцена ҫине тухасшӑн. Спектакле Алексей Герасимов режиссёр лартӗ. Пьесӑна чӑвашла Чӑваш кӗнеке издательствин редакторӗ Галина Антонова (Матвеева) куҫарнӑ. Репертуара Александр Островскийӗн «Последняя жертва» пьеси тӑрӑх лартнӑ спектакль кӗртӗҫ. Ӑна Чӑваш Республикин тава тивӗҫлӗ артистки Наталия Сергеева лартӗ. СССР халӑх артисчӗ Валерий Яковлев Вера Панован «Проводы белых ночей» пьеси тӑрӑх «Уйрӑлу каҫӗ» мюзикл хатӗрлӗ. Хыпар ҫӑлкуҫӗ:
|
Культура
t.me/nikamran каналтан илнӗ сӑнӳкерчӗк Утӑ уйӑхӗн 10-мӗшӗнче ️Тутарстанри Элкел районӗнчи Сиктӗрмере Уяв иртнине Чӑваш халӑх сайчӗ пӗлтернӗччӗ. Чӑвашлӑх уявӗн мероприятийӗ пуян пулнӑ. Сӑмахран, «Уяв пики» пултарулӑх конкурсӗ иртнӗ. Ӑмӑртӑва 16 пике хутшӑннӑ. Вӗсенчен виҫҫӗшӗ — Чӑваш Республикинчен, ыттисем – Тутарстанӑн тӗрлӗ районӗнчен. Конкурса хутшӑнма кӑмӑл тунӑ хӗрсем хӑйсемпе паллаштарнӑ, тӳресене чӑваш апат-ҫимӗҫӗпе сӑйланӑ, юрласа та ташласа кӑтартнӑ. Пултарулӑх ӑмӑртӑвӗнче ҫӗнтерӳҫӗ ятне Вӑрмар районӗнчи Мӑнҫырмари Кристина Данилова тивӗҫнӗ. Хыпар ҫӑлкуҫӗ:
|
Культура
Кӑҫал Чӑваш Енре Чикӗсене тунӑ ҫынсене асӑнмалли куна пӗрремӗш хут паллӑ тӑвӗҫ. Ку мероприяти кӗркунне пулӗ. Авӑнӑн 15-мӗшӗнчен пуҫласа юпан 14-мӗшӗччен Пушкӑртстанпа тата Чӗмпӗр облаҫӗпе пӗрле "Ҫӗнтерӳ чиккисем" патриотлӑх марафонӗ иртӗ. Куславкка районӗнчи палӑк патне чечексем хурӗҫ. Юпан 25-27-мӗшӗсенче "Ентешсен ҫӑлтӑр кӑшӑлӗ" пӗтӗм тӗнчери фестиваль пулӗ. Юпан 28-мӗшӗнче "Сӑр чикки" опера премьери иртӗ. Ӗҫлӗ пай - юпа уйӑхӗн 28-мӗшӗнче иртекен "Ентешсен форумӗ". Хыпар ҫӑлкуҫӗ:
|
Культура
t.me/mintrud_21 каналти видеоран илнӗ сӑнӳкерчӗк Чӑваш халӑх поэчӗн Петӗр Хусанкайӑн тӑван ҫӗршывӗнче – Тутарстанри Сиктӗрмере – паян, утӑ уйӑхӗн 10-мӗшӗнче, чӑвашсен Уявӗ иртнӗ. Чӑвашлӑх уявне пирӗн республикӑри тӳре-шарапа артистсем хутшӑннӑ. «Тутарстан Президенчӗпе Рустам Миннихановпа, Чӗмпӗр облаҫӗн кӗпӗрнаттӑрӗпе Алексей Русскихпа, Раҫҫей Федерацийӗнчи коммунистсен партийӗн Тӗп комитечӗн председателӗпе Геннадий Зюгановпа, «Звениговский» ял хуҫалӑх производство кооперативӗн председателӗпе Иван Казанковпа чӑваш йӑли-йӗркине халалланӑ наци картишӗсене пӑхса ҫаврӑнтӑмӑр», – пӗлтернӗ Чӑваш Ен Элтеперӗ Олег Николаев «Телеграмра». Уява ҫӗршывӑн тӗрлӗ кӗтесӗнчи тӗрлӗ наци ҫыннисем хутшӑннӑ. Хыпар ҫӑлкуҫӗ:
|
Культура
culture.cap.ru сӑнӳкерчӗкӗ Ҫеҫпӗл Мишши ячӗллӗ Чӑваш патшалӑх ҫамрӑксен театрӗ ҫитес сезонта Иосиф Дмитриев-Трер режиссер, актер, сӑвӑҫ ҫуралнӑранпа 75 ҫул ҫитнине паллӑ тӑвӗ. Кун пирки культура учрежденийӗн директорӗ Елена Николаева театрӑн черетлӗ сезонне пӗтӗмлетнӗ май пӗлтернӗ. Иосиф Трера халалласа вӗрентӳ форумӗ йӗркелӗҫ. Михаил Юхма повеҫӗ тӑрӑх «Шурсямга — молодой волк» (чӑв. Шурҫамка – ҫамрӑк кашкӑр) спектакль лартӗҫ. Вырӑс тата чӑваш классикине тӗпе хурса ача-пӑча спектаклӗсем хатӗрлӗҫ. Михаил Ҫеҫпӗле халалласа тулли сюжетлӑ спектакль лартасшӑн. Пултарулӑх тӗлпулӑвӗсем, ӑсталӑх лаҫҫисем ирттерме, тӗлӗнмелле проектсем хатӗрлеме ӗмӗтленеҫҫӗ. Хыпар ҫӑлкуҫӗ:
|
Культура
drama.21 сӑнӳкерчӗкӗ К.В. Иванов ячӗллӗ Чӑваш патшалӑх академи драма театрӗн ӗҫченӗсем квалификацие ӳстернӗ. Ҫулталӑк пуҫланнӑранпа 8 ҫын «Пултарулӑх ҫыннисем» регионти программӑпа килӗшӳллӗн пӗлӳ шайне ӳстерӗ. Вӗрентӗве Раҫҫейӗн театр ӳнерӗн институчӗн тата Кемӗрти культурӑпа ӳнер институчӗн Вӗренӳ центрӗсен никӗсӗ ҫинче йӗркеленӗ. Театр ӗҫченӗсем хӑйсен пӗлӗвне инҫет ҫыхӑну мелӗпе анлӑлатнӑ. Культура учрежденийӗн директорӗн ҫумӗ Вячеслав Ильин, сӑмахран, «Культурӑри менеджмент тата маркетинг» енӗпе вӗреннӗ. Кӑҫал кӗркунне театрӑн тата тепӗр 2 ӗҫченӗ пӗлӗве туптӗ. Хыпар ҫӑлкуҫӗ:
|
Культура
Утӑ уйӑхӗн 8-мӗшӗнче «Чӑвашкино» патшалӑх киностудийӗ Пӗтӗм Раҫҫейри урамри кино фестивальне малалла тӑсса каллех мероприяти ирттерет. Унта ҫак адреспа пымалла: Шупашкар хули, ҫӗнӗ кӑнтӑр районӗ, Юманлӑх рашчи. 20:30-21:00 сехетсенче пултарулӑх ушкӑнӗсем концерт кӑтартӗҫ. Унтан уҫӑ тӳпе айӗнче кино кӑтартӗҫ. Юлашкинчен чи лайӑххине суйлӗҫ. Сӑмах май, кинона тӳлевсӗрех кӑтартаҫҫӗ. Палӑртмалла: фестиваль кашни ҫулах иртет. Кӑҫал вӑл авӑн уйӑхӗн 30-мӗшӗнче вӗҫленӗ. Хыпар ҫӑлкуҫӗ:
|
Культура
Cap.ru сайтран илнӗ сӑнӳкерчӗк Чӑваш кӗнеке издательствинче «Ай юрлар-и, ай ташлар-и» кӗнеке пичетленсе тухнӑ. Унӑн авторӗ – Алевтина Петрова-Пирогова. Кӑларӑм темиҫе пайран тӑрать: инсценировкӑсенчен, музыка вӑййисемпе нотӑсемлӗ юрӑсенчен. Кӗнекере Ҫӗнӗ ҫул, Пӗтӗм тӗнчери хӗрарӑмсен кунне ирттермелли, ача пахчипе сывпуллашмалли сценарисем вырӑн тупнӑ. Чӑваш вӑййисенче автор хӑйӗн тӑван тӑрӑхӗнчи – Сӗнтӗрвӑрри районӗнчи Шуршӑлти – фольклорпа усӑ курнӑ. Алевтина Петрова-Пирогова 1951 ҫулта Шуршӑлта ҫуралнӑ. Шупашкарти Ф.П. Павлов ячӗллӗ музыка училищинчен вӗренсе тухнӑ, Ҫӗрпӳри культурӑпа ҫутӗҫ училищинче ӗҫленӗ. 1975 ҫулта тӑван ялне таврӑнса «Солнышко» (чӑв. Пӗчӗк хӗвел) ача пахчинче ӗҫлеме тытӑннӑ. Мероприятисене чӑвашла ирттерессипе нумай ҫине тӑнӑ. Ача пахчинче 34 ҫул тимленӗ вӑхӑтра чӑвашла нумай сценари ҫырнӑ, вырӑсларан та чӑвашла куҫарнӑ. Хыпар ҫӑлкуҫӗ:
|
Харпӑр шухӑш
Культура
Иосиф Александрович Дмитриев ман асӑмра вӑхӑтӑн-вӑхӑтӑн, пурнӑҫри самантсемпе асра юлнӑ. Чи малтанах, эпӗ ӑна пӗрремӗш хут 1978-мӗш ҫулхи ҫулла Чӑваш академи драма театрӗнче курнине астӑватӑп. Эпир ун чух Мускаври М.С. Щепкин ячӗллӗ аслӑ театр училищине вӗренме кӗме пултарулӑх экзаменӗсем тытатпӑр. Пӗр ҫамрӑк ҫын театр картишӗнче темиҫе ачана сӑвӑ вулама пултарайманнишӗн вӑрҫсах тем калать. Ахӑртнех, вӑл комисси ларакан вырӑнтан тухса артист пулма вӗренме кӗрес текен ҫамрӑксене картишне тухсах ятлама шутланӑ пулас. Каярах конкурса хутшӑннӑ май, эпӗ вӑл ултӑ ҫул каярах Ленинградри театр, музыка тата кинематографи институтӗнчен вӗренсе тухса халь Мускаври ГИТИСра режиссер пулма вӗренме кӗнине пӗлтӗм. Иосиф Дмитриев эпир Мускаври аслӑ театр институтӗнче вӗренме пуҫласан пӗрремӗш курса пирӗн пата пынӑччӗ. Пирӗнпе вӑл вӗрентӳ урокӗ пекки те ирттерсе пӑхнӑччӗ. Анчах эпир тин ҫеҫ вӗренме пуҫланӑскерсем, ӑна ӑнланса пӗтереймерӗмӗр курӑнать, вӑл пирӗн пата ҫӳреме пӑрахрӗ. Мускавра вӗреннӗ чух эпир кашни кунах тенӗ пек театрсене ҫӳренӗ, пире вӗрентекенсем уйрӑмах малтанхи курссенче ҫине тӑрсах ҫӳреттеретчӗҫ, тепӗр кун спектакль ҫинчен хамӑр шухӑшсене ыйтса пӗлетчӗҫ. |
Шупашкарта ҫывӑх вӑхӑтра (07.10.2024 21:00) пӗлӗтлӗ ҫанталӑк, атмосфера пусӑмӗ 748 - 750 мм, 14 - 16 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.
| Андрей Петтоки, чӑваш сӑвӑҫи, тӑлмачӗ ҫуралнӑ. | ||
| Гаврилова Агафья Гавриловна, чӑваш журналисчӗ, наци ирӗкӗшӗн кӗрешӳҫине персе пӑрахнӑ. | ||
| Данилов Анатолий Васильевич, чӑваш ӳнерҫи ҫуралнӑ. | ||
| Бойко Иван Яковлевич, Чӑваш АССРӗн тава тивӗҫлӗ зоотехникӗ вилнӗ. | ||
Пулӑм хуш... |