"Контактри" сӑн

60 ҫулти Валерий Иванович нумаях пулмасть Ҫӗмӗрле округне ашшӗн килне пурӑнма куҫнӑ. Ялта вара вутӑ-шанкӑ кирлӗ. Унӑн пенсийӗн пысӑк пайӗ эмел туянса пӗтет.

Арҫынна «Старость в радость» ыркӑмӑллӑх фончӗ пулӑшнӑ. Вӗсем Ҫӗмӗрлери комплекслӑ центр ӗҫченӗсемпе пӗрле ун валли вутӑ туяннӑ.

Кун пек пулӑшӑва Валерий Ивановича кӑна паман. Тепӗр 20 ҫынна вутӑ кӳрсе панӑ. Вӗсем те кӑмака хутса пурӑнаҫҫӗ.

Прокуратура тунӑ сӑн

Вӑрнарта пурӑнакансем такам пӑшалтан пенӗ сасса илтнӗ те кун пирки полицие пӗлтернӗ. Вӗсем пӑшал евӗр япала йӑтнӑ арҫынна та курнӑ.

Вырӑна полицейскисем тата район прокурорӗ ҫитнӗ. Пӑшаллӑ арҫын вара алӑка уҫма хирӗҫленӗ. Ҫавӑнпа йӗрке хуралҫисем ҫурта чӳрече урлӑ кӗрсе арҫыннӑн пӑшалне туртса илнӗ.

Перекенни – Хусанти 42 ҫулти арҫын, вӑл больницӑра шутра тӑрать. Халӗ тӗрӗслев пырать. Ӑна район прокурорӗ хӑй тӗрӗслесе тӑрать.

«Лиза Алерт» архивӗнчи сӑн

Канаш хулинче нарӑсӑн 15-мӗшӗнче ҫухалнӑ арҫынна шыраҫҫӗ. Унтанпа вӑл киле таврӑнман.

Ефимов Александр Ефимович 1953 ҫулта ҫуралнӑ. Вӑл 167 сантиметр ҫӳллӗш, вӑтам кӗлеткеллӗ, ҫӳҫӗ ҫырӑ, куҫӗ хӑмӑр. Ҫав кун мӗн тӑхӑнни паллӑ мар.

Ҫак арҫынна куракансене пӗр тӑхтамасӑр шӑнкӑравласа пӗлтерме ыйтаҫҫӗ: 8 800 700-54-52 (Раҫҫейре тӳлевсӗр). Е шырав инфоргӗпе Викторийӑпа (Искрич) ҫыхӑнмалла: 89876687081.

"Контактри" сӑн

Сӗнтӗрвӑрринчи 19-мӗш ӗмӗрте тунӑ кивӗ ҫурта реставрацилеме палӑртнӑ. Саккас параканӗ – Сӗнтӗрвӑрри округӗнчи централизациленӗ клуб тытӑмӗ.

Ҫуртӑн тӑррине, чӳречисене юсӗҫ, фасадне ҫӗнетӗҫ, коммуникацисене, урая улӑштарӗҫ, никӗсне ҫирӗплетӗҫ.

Вырӑнти ҫынсем реставраци ҫуртӑн истори сӑнне упраса хӑварасса шанаҫҫӗ.

"Контактри" сӑн

Улатӑр округӗнчи Суйкӑн ялӗнче пурӑнакан Лысовсенчен ял ҫыннисем сӗт, ҫу, тӑпӑрчӑ тата хӑйма туянаҫҫӗ. Марина упӑшкипе пӗрле пысӑк хуҫалӑх тытса пырать.

Ӗҫчен ҫемье округ шайӗнчи «Ҫулталӑкри ҫемье» конкурсра ҫӗнтерсе республика шайӗнче хӑйсен тӑрӑхӗн чысне хӳтӗленӗ. Вӗсем унта «Ӗҫчен ҫемье» номинацире ҫӗнтернӗ.

Чӑн-чӑн тӗслӗх шайӗнчи ҫемье! Вӗсем ялта пурӑнса та аталанма май пуррине кӑтартаҫҫӗ.

"Конатктри" сӑн

Красноармейски округӗнче туризма аталантарс енӗпе рсах ӗҫлеҫҫӗ. Унти Яманак ялӗнче паллӑ вырӑн пур. Вӑл – шыв арманӗ.

Армана XIX ӗмӗр вӗҫӗнче хута янӑ. Халӗ ӑна ҫӗнетесшӗн, унта туристсем валли хитре вырӑн тӑвасшӑн. Шыв арманӗпе юнашар глэмпинг ӗҫлеме пуҫланӑ. Ӑна «Туризм тата тарватлӑх индустрийӗ» наци проекчӗпе килӗшӳллӗн тунӑ. Пӗлтӗр унта A-фрейм тата барнхаус стилӗпе пӗчӗк 10 хӑна ҫурчӗ тунӑ.

"Контактри" сӑн

Етӗрне округӗнче Сӑр юханшывӗнче глэмпинг-отель тӑвасшӑн. Мини-отель шыв тӑрӑх ишнӗ вӑхӑтра экскурсоводсем ку тӑрӑхри илӗмлӗ, паллӑ вырӑнсем пирки каласа кӑтартӗҫ.

Кунта килсе чарӑнакан туристсен автобусӗсем валли парковка, Ильин тӑвӗ ҫинче таврана сӑнамалли лапам тӑвасшӑн.

Сӑмах май, ишекен ҫуртсене – хаусботсене – Ҫӗмӗрлери ятарлӑ автомобильсен савутӗнче туса кӑлараҫҫӗ.

cap.ru сӑнӳкерчӗкӗ

Ӗнер, нарӑс уйӑхӗн 17-мӗшӗнче, Чӑваш Ен Элтеперӗ Олег Николаев республикӑри вӑрҫӑ вететарнӗсемпе тыл ӗҫченӗсене Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине халалланӑ юбилей медалӗпе савӑнӑҫлӑ лару-тӑрура чысланӑ.

А.В. Кочетов ячӗллӗ Чӑваш Енри кадет корпусӗнчи мероприятие 17 ватта чӗннӗ. Пӗтӗмпе вара ун пек медальпе республикӑри 2574 ҫынна чыслӗҫ.

Медале тивӗҫнисенчен пӗри, Тамара Даниловская, Олег Николаева сӑвӑ вуласа панӑ. Тверь облаҫӗнчи ялта ҫуралнӑ хӗрарӑм колхозра лашапа ӗҫленӗ, уйсене сӳреленӗ. Кайран Шупашкарти 5-мӗш стройтрестра аслӑ экономистра ӗҫленӗ.

"Контактри" сӑн

Нарӑс уйӑхӗн 20-21-мӗшӗсенче Республикӑри ял спорчӗн вӑййисем иртӗҫ. Ӑмӑртусем Красноармейски тата Ҫӗрпӳ округӗсенче пулӗҫ.

Унта хутшӑнакансем йӗлтӗрпе чупса, пневматика винтовкинчен персе, шахматла, шашкӑлла выляса тата ыьти ӑмӑртура тупӑшӗҫ. Механизаторсен виҫӗ енлӗ кӗрешӗвӗ те пулӗ.

Чи лайӑх команда Раҫҫейри ял спорчӗн вӑййисене хутшӑнӗ. Вӑл Барнаулта пуш уйӑхӗн 13-17-мӗшӗсенче иртӗ.

habr.com сайтри сӑн

Ял арҫынни майрапа ҫӗр каҫас тесе 72 пин тенкӗсӗр тӑрса юлнӑ

Ку нарӑс уйӑхӗн 11-мӗшӗнче пуонӑ. 35-ри арҫын социаллӑ сетьре хӗрарӑмпа паллашнӑ, вӗсем Шупашкарта тӗл пулма калаҫса татӑлнӑ. Анчах майра тӗлпулу умӗн укҫа куҫарса пама хушнӑ, пӗр пайне хваттере ҫитсен тавӑрса пама шантарнӑ.

Ку арҫынна сисчӗвлентермен, 72 пин тенкӗ куҫарса панӑ. Кун хыҫҫӑнах хӗрарӑм ҫыхӑнӑва тухма пӑрахнӑ. Арҫыннӑн полицие кайма тивнӗ. Ку тӗслӗх тӗлӗшпе уголовлӑ ӗҫ пуҫарнӑ.