Синоптиксем пӗлтернӗ тӑрӑх, республикӑра ака уйӑхӗн 24-мӗшӗччен ӑшӑ ҫанталӑк тӑрӗ. Эрне варринче ҫил кӑштах лӑпланӗ.

Ытларикун кӑнтӑрла хыҫҫӑн вырӑнӑн-вырӑнӑн ҫумӑр ҫума, аслати авӑтма пултарать. Юнкун уяр тӑрӗ. Кӗҫнерникун каҫ енне ҫумӑр ҫӑвӗ, хушӑран – вӑйлах. Ҫапла ҫуллахи ҫанталӑк вӗҫленӗ.

Эрнекунран кӑшт сивӗтӗ, кӑнтӑрла 15-20 градус ӑшӑ пулӗ. Шӑматкун ҫил вӑйланӗ, вырсарникун ҫурҫӗр енчен вӗрӗ. Кӑнтӑрла 6-11 градус кӑна ӑшӑ пулӗ, ҫӗрле – 0 патнелле.

Акан 27-мӗшӗнче йӗпе юр ҫума пултарать. Уйӑх вӗҫӗччен 9-14 градус ӑшӑ тӑрӗ. Малтанлӑха пӗлтернӗ тӑрӑх, ҫу уйӑхӗнчи канмалли кунсенче ҫанталӑк питех савӑнтармӗ.

Синоптиксем пӗлтернӗ тӑрӑх, ырантан пуҫласа ытларикунччен хӗвеллӗ ҫанталӑк пулӗ. Ҫӗрле те 10-15 градус ӑшӑ тӑрӗ. Кӑнтӑрла вара 22-27 градус ӑшӑ пулӗ.

Ҫил вӑйланӗ, ҫавна май сывлӑш типӗ. Шӑматкун аслати авӑтма пултарӗ. Вырсарникун ҫурҫӗр округсенче кӑнтӑрлаччен ҫумӑр ҫӑвӗ.

Акан 23-24-мӗшӗсенче кӑштах сивӗтӗ, канмалли кунсем тӗлне 18-23 градус таран ӑшӑтӗ.

Малтанласа палӑртнӑ тӑрӑх, акан 28,30-мӗшӗсенче йӗпе юр ҫума пултарать.

Синоптиксем малашнехи ҫанталӑк мӗнле пулассине пӗлтернӗ. Паллах, ку ҫирӗп прогноз мар, ҫанталӑк мӗнле пулассине 100 проценчӗпех калама ҫук.

Ҫу тата ҫурла уйӑхӗн, ытти ҫултипе танлаштарсан, ӑшӑрах пулӗ. Ҫу уйӑхӗн типӗ килӗ, ҫурлара вара ҫумӑр самай ҫӑвӗ. Ҫӗртме уйӑхӗн варриччен сивӗрех ҫанталӑк тӑрӗ. Утӑ уйӑхӗ те нӳрӗ пулмалла. Ҫулла тӑтӑшах аслатиллӗ ҫумӑр пулӗ.

Утӑ уйӑхӗ чи шӑрӑххи пулӗ. Авӑн уйӑхӗнче сивӗтсе пырӗ. Аслатиллӗ ҫумӑрсем те пулкалӗҫ. Юпа уйӑхӗнче шӑнтма тытӑнӗ.

Синоптиксем пӗлтернӗ тӑрӑх, ку эрне пуҫламӑшӗнче уяр ҫанталӑк пулӗ, сывлӑш 12-17 градус таран ӑшӑнӗ. Кӗҫӗр 0 градус пулӗ, кайран вара ӑшӑтма тытӑнӗ. Анчах ҫил вӑйланӗ.

Кӗҫнерникунран пуҫласа шӑматкунччен вырӑнӑн-вырӑнӑн ҫумӑр ҫукалӗ. Эрнекун вӑйлах ҫӑвӗ. Ҫапах кӑнтӑрла 12-17 градус ӑшӑ пулӗ, каҫхине – 4-9 градус ӑшӑ.

Мӑнкунра пушшех те ӑшӑтӗ: термометр 19-24 градус кӑтартӗ. Сӑмах май, пӗлтӗр акан 19-мӗшӗнче 26-28 градус ӑшӑ пулнӑ.

Канмалли кунсенче ҫанталӑк каллех пӑсӑлӗ. Шӑматкун ҫумӑр ҫӑвӗ, хушӑран – вӑйлах. Ҫав вӑхӑтрах ҫил те вӑйланӗ.

Шӑматкун ҫӗрле тата вырсарникун ирхине юр ҫукалӗ, сывлӑш 0 градус патнелле пулӗ. Кӑнтӑрла – 2-7 градус ӑшӑ.

Тунтикун ҫанталӑк лайӑхланма тытӑнӗ, уяртӗ. Эрне варринче 15-20 градус таран ӑшӑтӗ. Ҫӗрле те 5-10 градус ӑшӑ пулӗ.

Малтанлӑха пӗлтернӗ тӑрӑх, чи ӑшӑ кунсем акан 18-19-мӗшӗсенче пулӗҫ. Мӑнкунра вара каллех сивӗтме пуҫлӗ.

Ку эрнере Чӑваш Енре мӗнле ҫанталӑк пулӗ? Паян кӑнтӑрла 5-10 градус таран ӑшӑтнӑ. Ыран вара каллех ҫанталӑк пӑсӑлӗ. Каҫ енне пӗрремӗш хутчен аслати авӑтӗ. Ку республика урлӑ сивӗ фрончӗ иртсе кайнипе ҫыхӑннӑ.

Юнкун ирхине хӗвел тухӗ, анчах кӑнтӑрла ҫумӑр, йӗпе юр ҫукалӗ. Ку эрнере кӗҫнерникун кӑна ҫумӑрсӑр пулӗ. Ун чухне ҫил те лӑпланӗ.

Эрне вӗҫнелле хӗвел каллех пӗлӗтсем хыҫне пытанӗ. Эрнекунпа шӑматкун кӑштах ҫумӑр ҫукалӗ. Ҫӗрле тата ирхине йӗпе юр ҫӑвӗ.

Малтанлӑха пӗлтернӗ тӑрӑх, ака варриччен йӗпе юр ҫуса тӑрӗ. Ака уйӑхӗн 16-мӗшӗнчен ӑшӑтма тытӑнӗ. Мӑнкунра сывлӑш 20 градус таран ӑшӑнӗ.

Хатӗрленӗр: кӗҫех республикӑра юр ҫӑвӗ. Кун пирки синоптиксем пӗлтереҫҫӗ.

Паян ҫӗрле сивӗ фрончӗ килӗ: ҫумар ҫӑвӗ, ҫил вӑйланӗ. Шӑматкун кӑшт лӑпланӗ, уяртӗ, 6-11 градус ӑшӑ пулӗ.

Вырсарникун кӑнтӑр-хӗвелтухӑҫ округӗсенче ҫумӑр ҫӑвӗ, сывлӑш 7-12 градус таран ӑшӑнӗ. Ҫав вӑхӑтрах ҫурҫӗр-хӗвеланӑҫ округӗсенче йӗпе юр ҫӑвӗ, термометр 0 градус кӑтартӗ.

Тунтикун ҫулсем шуҫлак пулӗҫ, вырӑнӑн-вырӑнӑн тӗтре карса илӗ. Кӑнтӑрла хыҫҫӑн 7-12 градус таран ӑшӑтӗ, ҫавна май юр хӑвӑрт ирӗлсе пӗтӗ.

Ытларикун ҫумӑр ҫӑвӗ. Юнкун уяртма пуҫлӗ.

Синоптиксем пӗлтернӗ тӑрӑх, ака уйӑхӗ нормӑран 1 градус ӑшӑрах пулӗ. Нӳрек те, нарӑс-пуш уйӑхӗсемпе танлаштарсан, ытларах пулӗ. Акан 7-10, 18-21, 26-29-мӗшӗсенче ытларах ҫумӑр ҫума пултарать.

Пӗрремӗш декада вӗҫӗнче тӑрук сивӗтӗ. Иккӗмӗш декадӑра та сивӗ тӑрӗ. Акан 12-14-мӗшӗсенче 4-6 градус таран сивӗтӗ, юр ҫӑвӗ. Виҫҫӗмӗш декадӑра ӑшӑ, анчах ҫумӑрлӑ ҫанталӑк пулӗ. Сывлӑш 15 градус таран ӑшӑнӗ. Ҫӗрлесерен шӑнтма пӑрахӗ.

www.cap.ru сӑнӳкерчӗкӗ

Чӑваш Енре ҫурхи сунар тапхӑрӗ пуҫланнӑ. Вӑл паянтан пуҫласа ака уйӑхӗн 30-мӗшӗччен пырӗ.

Сӑмах май каласан, пирӗн тӑрӑхра сунар улӑх-ҫаранне икӗ зонӑна уйӑрнӑ: пӗрремӗш тата иккӗмӗш. Кашни зонӑра сунар тапхӑрне палӑртнӑ.

Пӗрремӗш зонӑна Улатӑр, Патӑрьел, Йӗпреҫ, Комсомольски, Пӑрачкав, Шӑмӑршӑ, Ҫӗмӗрле, Елчӗк тӑрӑхӗсем кӗреҫҫӗ.

Иккӗмӗш зонӑра — Элӗк, Вӑрнар, Канаш, Куславкка, Красноармейски, Хӗрлӗ Чутай, Сӗнтӗрвӑрри, Муркаш, Вӑрмар, Ҫӗрпӳ, Шупашкар, Етӗрне, Тӑвай районӗсем.

Синоптиксем пӗлтернӗ тӑрӑх, ку эрнере те ӑшӑ ҫанталӑк пулӗ: 10-15 градус ӑшӑ тӑрӗ. Ку – ака уйӑхӗн вӗҫӗнчи норма.

Ытларикун кӑнтӑрла хыҫҫӑн тата юнкун кунӗпех ҫумӑр ҫӑвӗ. Эрне варринче кӑшт уҫӑлтарӗ: 5-10 градус ӑшӑ пулӗ.

Эрнекун 14 градусран ӑшӑрах тӑрӗ, анчах ҫил вӑйланӗ. Каҫхине вара вырӑнӑн-вырӑнӑн ҫумӑр ҫукалӗ. Шӑматкун типӗ те ӑшӑ пулӗ. Вырсарникун кӑштах сивӗтӗ.

Малтанлӑха пӗлтернӗ тӑрӑх, акан 12-14-мӗшӗсенче ҫӗр юрпа шуралӗ.