Улатӑр районӗнче вӑрмана ҫуп-ҫап тата строительство юлашкипе тултарма тытӑнса кайнӑ.
Асӑннӑ тӑрӑхри Чуварлей ялӗ патӗнчи вӑрмана такамсем йӑлари хытӑ каяша тата строительство юлашкине пырса пӑрахнине прокуратура тӗрӗслевӗ вӑхӑтӗнче тупса палӑртнӑ. 30 тӑваткал метр ытла лаптӑка такамсем тултарса лартнӑ. Ун пек вырӑн Алтышево ялӗ ҫывӑхӗнчи вӑрманта та пулнӑ.
Вӑрмана тивӗҫлипе тытса тӑманшӑн, ӑна варалассинчен асӑрхассипе тивӗҫлӗ мера йышӑнманшӑн Улатӑр муниципалитет округӗ ячӗпе прокуратура асӑрхаттару хучӗ шӑрҫаланӑ. Ун хыҫҫӑн тин вӑрмана тасатнӑ.
Чӑваш Енри ултӑ районта инкеклӗ лару-тӑру режимӗ туса хунӑ. Хушӑва республика Элтеперӗ Олег Николаев алӑ пуснӑ.
Документра каланӑ тӑрӑх, чрезвычайлӑ лару-тӑру режимне утӑ уйӑхӗн 28-мӗшпе 29-мӗшӗсенчи ҫутҫанталӑкӑн хӑрушла пулӑмӗсене сирсе ярас тӗллевпе йышӑннӑ.
Асӑннӑ режима Канаш, Комсомольски, Вӑрмар, Ҫӗрпӳ, Шупашкар, Елчӗк тӑрӑхӗсенче туса хунӑ. Вырӑнтисене пулӑшма республикӑн Резерв фондӗнчен укҫа-тенкӗ уйӑрса парӗҫ.
Ҫурла уйӑхӗн пуҫламӑшӗ нормӑран ӑшӑрах пулнӑ. Унччен синоптиксем канмалли кунсенче пирӗн пата ҫумӑр килессине, ҫанталӑк кӑштах уҫӑлтарассине пӗлтернӗччӗ. Анчах циклон тӑрук хӑйӗн ҫулне пӑрнӑ - вӑл хӗвеланӑҫ еннелле кайӗ. Чӑваш Енре вара, хальлӗхе пӗлтернӗ тӑрӑх, ку эрнере те, ҫитессинче те шӑрӑх ҫанталӑк хуҫаланӗ.
Эрне варринче 30 градус таран шӑрӑх пулӗ. Кӑнтӑр районӗсенче - 34 градус таранах. Ҫӗрле те 18-20 градус ӑшӑ пулӗ.
Ҫак кунсенче ҫанталӑк шӑрӑх тӑрать. Кун пек чухне вӑрманта пушар тухас хӑрушлӑх питех те пысӑк. Ҫавна май вӑрмансене кӗме чараҫҫӗ.
Иртнӗ эрнере Чӑваш Енри вӑрмансенче канма пуҫтарӑннӑ ҫынсене 40-шер пин тенкӗ штраф ҫырса панӑ. Вӗсем палатка лартсах, кӑвайт чӗртсех вӑрманта канас тенӗ. Пушарпа кӗрешмелли ятарлӑ режим вӑхӑтӗнче вара вӑрманта кӑвайт чӗртме юрамасть. Мангалпа та усӑ курма юрамасть. Асӑннӑ режима пирӗн тӑрӑхра ака уйӑхӗн 10-мӗшӗнчех йышӑннӑ.
Йӗркене пӑсакан уйрӑм ҫынсене 40-50 пин тенкӗ чухлӗ штрафлаҫҫӗ, должноҫри ҫынсене — 60-90 пин тенкӗ, организацисене — 600 пинрен пуҫласа 1 миллион тенкӗ таран.
Вӑрманта пушар курсан 8 (8352) 40-24-00 диспетчер службине е Вӑрман хуралне 8-800-100-94-00 телефон номерӗсемпе пӗлтермелле.
Ҫурла уйӑхӗ ӑшӑ пуласса пӗлтереҫҫӗ синоптиксем. Ҫапах пӗлтӗрхи пек пулмӗ - ун чухне ҫурла уйӑхӗнче пӗр сивӗ кун та пулман. Ҫумӑр вара ытларах ҫӑвӗ.
Пӗрремӗш ҫурринче шӑрӑх ҫанталӑк тӑрӗ, ҫумӑр сахал ҫӑвӗ. Ҫурлан 8-мӗшӗнченпе ҫумӑр ҫукалама тытӑнӗ те уйӑх вӗҫӗчченех хушӑран ҫукалӗ.
Уйӑх варринче сивӗтӗ. 20-мӗшӗ хыҫҫӑн ӑшӑ кунсем пулса илӗҫ. Кӗркуннехи ҫанталӑк яланхи пекех ҫурла вӗҫенче е авӑн пуҫламӑшӗнче хуҫаланма тытӑнӗ.
Паян ҫанталӑк палӑрмаллах уҫӑ. Синоптиксем пӗлтернӗ тӑрӑх, ку пӗр кунлӑха кӑна. Ыран пирӗн региона антициклон ҫывхарма пуҫлӗ.
Эрне тӑршшӗпех кӑнтӑрла 21-29 градус ӑшӑ пулӗ. Хӑш-пӗр районта - 32 градус таранах. Ҫӗрлесерен те сывлӑш 17-19 градус ӑшӑ пулӗ. Ҫил тӳлек вӗрӗ.
Палӑртмалла: иртнӗ эрнекун ҫанталӑк рекорд лартнӑ: метеостанцире термометр 34,4 градус кӑтартнӑ. Ку, 2010 ҫулти ҫак кунпа танлаштарсан, 0,6 градус ӑшӑрах.
Ҫуллахи ӑшӑ кунсенче ҫынсем ҫутҫанталӑкра канма юратаҫҫӗ. Вӑрнар районӗнчи Кӳлхӗрри патӗнчи кӳлӗ те ҫынсене илӗртет. Унта вырӑнтисем ҫуран утса пыраҫҫӗ, аякрисем — машинӑпа. Халӑх шыва кӗрсе савӑнать, хӗвел ҫинче хӗртӗнет.
Анчах вырӑнтисем каланӑ тӑрӑх, кӳлӗ хӗрринче тӗрлӗ ҫӳп-ҫап юлать. Хӑйсем хыҫҫӑн пуҫтарса-тирпейлесе хӑварма пурте юратмаҫҫӗ. Ҫавӑнта та вырӑнтисем тирпейлеме ыйтаҫҫӗ.
Паян ҫанталӑк шӑрӑх - 27 градус. Ыран та ҫаплах тӑрӗ. Эрнекунпа шӑматкун вара пушшех те шӑрӑх пулӗ - 36 градус таранах. Кун пек шӑрӑх 2010 ҫултанпа пулман.
Кайран кӑшт уҫӑлтарӗ. Вырсарникун, тунтикун тата ытларикун 22-27 градус тӑрӗ. Ҫурлан 4-7-мӗшӗсенче каллех шӑрӑх хуҫаланӗ - 30 градус ытла пулӗ. Ҫитес вырсарникун вара - 38 градус.
Малтанлӑха пӗлтернӗ тӑрӑх, ҫурла уйӑхӗн 8-мӗшӗнче кӑна ҫанталӑк уҫӑлтарӗ. Ун чухне 15-20 градус пулмалла.
Утӑ уйӑхӗ сивӗрех килчӗ. Анчах ҫанталӑк часах пире ӑшӑпа савӑнтарӗ.
Ку эрнене пӗрремӗш ҫурринче вырӑнӑн-вырӑнӑн ҫумӑр ҫӑвӗ. Аслати авӑтма пултарать. Кӗҫнерникун шӑрӑх килӗ. Эрнекун 36 градус тарана шӑрӑх тӑрӗ. Ҫӗрле те 20 градус ӑшӑ пулӗ.
Канмалли кунсенче ҫанталӑк каллех уҫӑрах тӑрӗ. Ун чухне ҫумӑр та ҫума пултарать.
Утӑ кӑҫал ака уйӑхӗ пекех пуҫланчӗ. Хальлӗхе сивӗ пирӗн патран каять. Анчах вӑхӑтлӑха кӑна.
Пӑртак антициклон хуҫаланӗ. Ытларикун шӑрӑх та пулӗ - 23-28 градус таран ӑшӑтӗ. Ҫил ҫурҫӗр енчен тӳлек вӗрӗ.
Юнкун та лайӑх ҫанталӑкран пуҫланӗ. Анчах кӑнтӑрла хыҫҫӑн сивӗ фрончӗ килӗ, вырӑнӑн-вырӑнӑн ҫумӑр чашлаттарӗ. Аслатиллӗ ҫумӑр та ҫума пултарать - ун чухне ҫил вӑйланӗ. Каҫ енне ҫанталӑк сивӗтсе пӑрахӗ.
Юнкун ҫӗрле ҫумӑр вӑйлӑ ҫумалла. Кӗҫнерникун вырӑнӑн-вырӑнӑн ҫумӑр ҫӑвӗ. Урамра 20 градус кӑна ӑшӑ пулӗ. Ҫитменнине, хӗвеланӑҫ енчен ҫил вӑйлӑ вӗрӗ.
Эрне вӗҫнелле ҫумӑр ҫума чарӑнӗ, кӑшт ӑшӑтӗ. Кӑнтӑрла 22-24 градус ӑшӑ пулӗ.
+12.5 °C