Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Ӑслӑ ҫын нихҫан та ҫынна ухмах темест.
[ваттисен сӑмахӗ]
 

Хыпарсем: спорт

Спорт
cap.ru сӑнӳкерчӗкӗ
cap.ru сӑнӳкерчӗкӗ

Олимп вӑййисене хутшӑннӑ Владислав Поляшов гимнаст Шупашкара таврӑннӑ. Уншӑн ӑмӑртусем вӗҫленнӗ. Пирӗн ентеш Токиора медаль илеймен.

Шупашкара вӑл ӗнер таврӑннӑ. Аэропортра ӑна тӑванӗсем, тусӗсем, журналистсем кӗтсе илнӗ.

Спортсмен палӑртнӑ тӑрӑх, финала лекме кӑшт ҫеҫ ӑсталӑх ҫитеймен. Ку кулянмалли сӑлтав мар, пачах тепӗр мар, ҫанӑ тавӑрса малалла ӗҫлеме хистет. Владислав кӗҫех Данире иртекен тӗнче чемпионатне хатӗрленме тытӑнӗ.

Хыпар ҫӑлкуҫӗ: https://pg21.ru/news/73338
 

Спорт

Чӑваш Енри урхамах, Зов Предков ятлӑскер, Тутарстанра иртнӗ ӑмӑртура Элита парнине ҫӗнсе илнӗ. Сӑмах май, ҫак урхамахӑн пӗрремӗш ҫитӗнӗвӗ мар ку.

Ӑмӑрту Хусанта утӑ уйӑхӗн 16-мӗшӗнче иртнӗ. Унта ҫӗршыври лашасем хутшӑннӑ. Элита парни – аслӑрах лашасен сумлӑ награди. Шӑпах ӑна Зов Предков ҫӗнсе илнӗ. Вӑл ытти лашасен хушшинче чи вӑйли пулнӑ.

Зов Предков В.И.Чапаев ячӗллӗ Чӑваш лаша савутӗнче 2016 ҫулта ҫут тӗнчене килнӗ. Ҫуралсанах вӑл уксахланӑ. Тухтӑрсем пулӑшнипе вӑл сывалнӑ, халӗ ав мӗнлерех ҫитӗнӳсем тӑвать.

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Олимп, Паралимп, Сурдлимп вӑййисене хутшӑнса малти вырӑнсене ҫӗнсе илнӗ спортсменсене укҫан хавхалантараҫҫӗ. Преми виҫи виҫӗ хутчен ӳснӗ. Кун пирки ЧР Элтеперӗ Олег Николаев пӗлтернӗ.

Ылтӑн медальшӗн халӗ 1 млн мар, 3 млн тенкӗ параҫҫӗ. Кӗмӗл медаль ҫӗнсе илнӗ спортсменсене 1,2 млн тенкӗпе хавхалантарӗҫ. Пӑхӑр медальшӗн 900 пин тенкӗ илейӗҫ. Вӗсен тренерӗсене ҫак премисен ҫуррине парӗҫ.

Аса илтерер: Японири Токио хулинче иртекен ҫуллахи Олимп вӑййисене Чӑваш Енрен Владислав Поляшов, Елена Герасимова, Сергей Козырев тата Анжелика Сидорова хутшӑнӗҫ.

 

Спорт
Владислав Поляшов.
Владислав Поляшов.

Кӗҫех Японири Токио хулинче Олимп вӑййисем пусланӗҫ. Ӑмӑртусем утӑ уйӑхӗн 23-мӗшӗнче тытӑнса ҫурлан 8-мӗшӗччен пырӗҫ. Чӑваш Енрен унта тӑватӑ спортсмен хутшӑнӗ.

Спорт гимнастики енӗпе пӗрлештернӗ командӑна пирӗн республикӑри икӗ спортсмен лекнӗ. Унашкалли ку таранччен пулман. Командӑра Владислав Поляшов тата Елена Герасимова пулӗҫ.

Ирӗклӗ кӗрешӳ енӗпе Олимп вӑййисенче Сергей Козырев вӑй виҫӗ. Елена Герасимова та, вӑл та унашкал тупӑшусене пӗрремӗш хут кайӗҫ. Анжелика Сидорова та ку таранччен Олимп вӑййисенче пулман. Вӑл шӑчӑпа сиксе ӑмӑртӗ.

Хыпар ҫӑлкуҫӗ: https://pg21.ru/news/72937
 

Спорт
cap.ru сайтри сӑн
cap.ru сайтри сӑн

Чӑваш Енри велоспортсмен Португалире иртнӗ тӗнче шайӗнчи ӑмӑртура ылтӑн медаль ҫӗнсе илнӗ. ЧР Спорт министерстви пӗлтернӗ тӑрӑх, Александр Григорьев Classic VIANA тупӑшура мала тухнӑ.

Маршрут 170,4 ҫухрӑм тӑршшӗ пулнӑ. Александр Григорьев финиша пуринчен малтан ҫитнӗ, ыттисене самай кая хӑварнӑ. Ун хыҫҫӑнхи спортсмен 3 минут каярах пынӑ.

Палӑртмалла: Александр Григорьев Олимп резервӗсен Валерий Ярды ячӗллӗ спорт шкулӗнче ӑсталӑхне туптать. Ҫитес 3 уйӑхра вӑл Испанире, Италире тата Португалире иртекен велочупусене хутшӑнасшӑн.

 

Спорт
Анжелика Сидорова архивӗнчи сӑн
Анжелика Сидорова архивӗнчи сӑн

Утӑ уйӑхӗн 23-мӗшӗнче Японири Токио хулинче ҫуллахи Олимп ваййисем пуҫланӗҫ. Ӑмӑртусем ҫурла уйӑхӗн 8-мӗшӗнче вӗҫленӗҫ.

Палӑртма кӑмӑллӑ: Олимп вӑййисене Чӑваш Ен спортсменки Анжелика Сидорова хутшӑнӗ. Вӑл Мускаври наци пӗрлештернӗ командин тата Чӑваш Ен чысне хӳтӗлӗ.

Аса илтерер: Владислав Поляшовпа Елена Герасимова гимнастсем те Олимп вӑййисене хутшӑнӗҫ.

Хыпар ҫӑлкуҫӗ: https://pg21.ru/news/72769
 

Спорт

Чӑваш Енри икӗ спортсмен Токио хулинче иртекен Олимп вӑййисене кайӗҫ. Вӗсем - Владислав Поляшовпа Елена Герасимова гимнастсем.

Командӑра – ултӑ ҫын: 3 хӗрарӑм тата 3 арҫын. Валентина Родионенко тренер пӗлтернӗ тӑрӑх, пӗр-пӗр спортсменӑн сывлӑх тӗлӗшӗнчен кӑлтӑк сиксе тухсан ҫеҫ улшӑнусем пулма пултарӗҫ.

Палӑртмалла: Новосибирск хулинче ҫӗртме уйӑхӗн 12-мӗшӗнче Раҫҫей Кубокӗ вӗҫленнӗ. Владислав Поляшовпа Елена Герасимова унта лайӑх кӑтартусемпе палӑрнӑ, ҫавӑнпа вӗсене ҫӗршывӑн пӗрлештернӗ командине кӗртнӗ.

Токиора Олимп вӑййисем пӗлтӗр иртмеллеччӗ. Анчах пандемие пула ӑна кӑҫала куҫарнӑ. Вӑл утӑ уйӑхӗн 23-мӗшӗнче пуҫланса ҫурлан 8-мӗшӗнче вӗҫленӗ.

 

Спорт

Ҫу уйӑхӗн 29-30-мӗшӗсенче Шупашкарта хӑвӑрт утакансен Раҫҫей чемпионачӗ тата ӑмӑртӑвӗ иртӗ.

Регионӑн Спорт министерствинче пӗлтернӗ тӑрӑх, кӑҫалхи ӑмӑртӑвӑн статусӗ Олимпиада умӗнчи шутланать. Спорт тупӑшӑвне йӗркелекенсем Шупашкара 200 ытла ҫын килсе ҫитессе шанаҫҫӗ. Вӗсен шутӗнче — спортсменсем, тренерсем, спорт енӗпе ӗҫлекен тӳре-шара. Вӗсем ҫӗршывӑн 16 регионӗнчен пухӑнмалла. Пирӗн тӑрӑхри ӑмӑртӑва ҫӑмӑл атлетика вӑйлӑ аталанакан регионсенчи спортсменсем килмелле.

Тупӑшӑн тӗп старчӗсем – арҫынсем тата хӗрарӑмсем 50 тата 20 километра утасси — Шупашкарӑн Мускав ҫыранӗ хӗрринче иртмелле. Ҫамрӑксемпе юниорсем 3, 5 тата 10 пин метра «Олимпийски» стадионта ӑмӑртӗҫ.

 

Спорт
2gis.ru сӑнӳкерчӗкӗ
2gis.ru сӑнӳкерчӗкӗ

Чӑваш Енре тата тепӗр спорт шкулӗ уҫӑлӗ. «11-мӗш спорт шкулӗ» бюджет учрежденийӗ Раҫҫей Федерацийӗн тата Чӑваш Республикин спорт енӗпе пӗрлештернӗ командисем валли спорт резервӗ хатӗрлессишӗн яваплӑ пулӗ.

Ҫӗнӗ шкула уҫассишӗн республикӑн Спорт министерствипе Экономика аталанӑвӗн тата пурлӑх хутшӑнӑвӗсен министерстви яваплӑ. Вӗсен йӗркелӳпе право ыйтӑвӗсене татса памалла.

11-мӗш спорт шкулне уҫасси ҫинчен калакан йышӑнӑва ҫу уйӑхӗн 12-мӗшӗнче республикӑн Министрсен Кабинечӗн Председателӗн тивӗҫӗсене пурнӑҫлакан Сергей Артамонов алӑ пуснӑ.

 

Спорт

Шупашкарта пурӑнакан тивӗҫлӗ канури хӗрарӑм Пӗтӗм Раҫҫей шайӗнче иртнӗ интернет-турнирта ҫӗнтернӗ.

Ӑмӑртӑва онлайн-мелпе йӗркеленӗ. Унта ҫӗршывӑн 46 регионӗнчи 133 шахматҫӑ хутшӑннӑ. Чӑваш Енри ӑстасен команди виҫҫӗмӗш вырӑна тухнӑ. Хӗрарӑмсем хушшинче Валентина Давыдовӑна ҫитекен пулман.

Кашни регионтан виҫӗ ҫынран тӑракан пӗр команда хутшӑннӑ. Чӑваш Ен чысне Александр Петров, Павел Игумнов тата Валентина Давыдова хӳтӗленӗ. Вӑйӑ 4 сехете тӑсӑлнӑ. Команда бронза медале тивӗҫнӗ, Валентина Давыдова — пӗрремӗшне.

 

Страницӑсем: 1 ... 16, 17, 18, 19, 20, 21, 22, 23, 24, 25, [26], 27, 28, 29, 30, 31, 32, 33, 34, 35, 36, ... 149
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 21:00) сайра пӗлӗтлӗ ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
кил-йышри арҫын
хӑнана ӑсатма никам та тухмасть
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуҫин ҫитӗннӗ ачисем
хуть те кам тухсан та
хуҫа тарҫи
хуҫа арӑмӗ
хуҫа хӑй