t.me/tsur21 каналтан илнӗ сӑнӳкерчӗк

Куславкка округӗнчи шкул патӗнчи хоккей курупки ванса пӗтни, ӑна юсамалли пирки ҫынсем халӑх тетелӗнче хыпарланӑ.

Хӗллехи вӑхӑтра ӑна пӑр хупланӑ та конькипе ярӑнма май килнӗ. Ванса та ҫуркаланса пӗтнӗ асфальт ҫулла куҫа питех те лайӑх тӑрӑнать.

Хоккей курупкине Кунер ялӗнчи шкул 100 ҫул тултарнӑ тӗле уҫнӑ. Унта ачасем те, аслисем те хаваслансах ҫӳреҫҫӗ.

Чӑваш Республикин Регион управленийӗн центрӗн специалисчӗсем кӑлтӑк пирки вырӑнти тӳре-шарана пӗлтернӗ. Яваплисем халӗ асфальта ҫӗнетнӗ.

#Куславкка районӗ, #Куславкка, #спорт, #халӑх тетелӗ, #Кунер, #кану