«Варкӑш» литература клубӗнче урӑх улах иртессине эпир унччен пӗлтернӗччӗ-ха.
Ытти чухне варкӑшҫӑсем пӗр-пӗр кӗнеке вуласа пырса ӑна сӳтсе явнипе ҫырлахнӑ пулсан хальхинче вӗсем Чӑваш Наци вулавӑшне улаха пуҫтарӑннӑ.
Уява литература клубӗн гимнӗнчен пуҫланӑ. Унӑн авторӗ – Ирӗк Килтӗш (Валерий Краснов) ӳнерҫӗ иккен. Ольга Австрийская Чӑваш кӗнеке издательствин сайтӗнче пӗлтернӗ тӑрӑх, юрӑҫа итленӗ май ҫыравҫӑсемпе журналистсем скетчсем ӳкернӗ, литературоведсемпе артистсем сӑвӑ шӑрҫаланӑ.
Ирӗк Килтӗшпе Чӑваш Республикин тава тивӗҫлӗ артисчӗ Геннадий Кириллов ӳнерҫӗн юптаруллӑ такмакӗсене вуланӑ. Урӑх улаха пухӑннисем сӑвӑсем вуланӑ, хӑйсем ӳкернӗ ӳкерчӗкӗсене кӑтартнӑ. Улах пурне те килӗшнӗ.
Раштав уйӑхӗн 5-мӗшӗнче чӑваш поэзийӗн «Золотой салют колосьев…» антологине хаклама пуҫтарӑнӗҫ. Ку кӗнекене классиксен тата хальхи вӑхӑтри авторсен сӑввисем кӗнӗ. Кӗнеке хӑтлавне Халӑхсен туслӑхӗн ҫуртне (вӑл Хусанкай урамӗнчи 20-мӗш ҫуртра вырнаҫнӑ) 15 сехете чӗнеҫҫӗ.
Кӗнекене Симферополь хулинчи И. Гаспринский ячӗллӗ медиацентр кун ҫути кӑтартнӑ. Ҫӗнӗ кӑларӑма хатӗрлессие чӑваш халӑх поэчӗсем Юрий Сементер тата Светлана Асамат, Чӑваш Республикин культурӑн тава тивӗҫлӗ ӗҫченӗ Светлана Гордеева ӗҫленӗ.
Кӗнекене Константин Ивановӑн, Ухсай Яккӑвӗн, Ҫеҫпӗл Мишшин тата Петер Хусанкайӑн хайлавӗсем кӗнӗ. Унсӑр пуҫне Геннадий Айхин, Порфирий Афанасьевӑн, Алексей Воробьевӑн, Георгий Ефимовӑн, Митта Ваҫлейӗн, Стихван Шавлин, Николай Шелепин пултарулӑхӗпе паллашма пулать.
Хальхи вӑхӑтри поэтсенчен Юрий Сементерӑн, Светлана Асаматӑн, Валери Туркайӑн, Раиса Сарпин, Лидия Филиппован, Светлана Гордееван, Марина Карягинан, Валентина Белован, Лариса Петрован, Людмила Исаеван, Лидия Кубашинан, Владимир Мишшанӑн тата ыттисен сӑввисене те пичетленӗ.
Чӑваш Енӗн Наци вулавӑшӗнче ыран, чӳк уйӑхӗн 25-мӗшӗнче, 18 сехетре кӑсӑклӑ мероприяти иртмелле.
Чӑваш кӗнеке издательствин сайтӗнчи анонсра ку мероприяти пирки ҫапла хыпарланӑ:
«Ку – урӑх улах… Кунта художниксем юптараҫҫӗ, ҫыравҫӑсем ӳкереҫҫӗ, вулавӑшҫӑсем юрлаҫҫӗ, вулакансем ҫыраҫҫӗ…
Ку – урӑх улах… Чӑрсӑр шухӑшсене, ҫӗнӗ пуҫарусене пурнӑҫа кӗртмелли хӑйне евӗрлӗ хутлӑх. Кунта Ирӗк тата хавхалану сывлӑшӗ хуҫаланать, пултарулӑх ҫӑлкуҫӗ иксӗлми вӑйпа тапса тӑрать.
Мӗн пулса тухассине хамӑр та пӗлместпӗр!
Пурне те хапӑл туса кӗтетпӗр!»
Чӑваш Енӗн Наци вулавӑшӗнче поэзие юратакансен «Хавхалану» клубӗн черетле ларӑвӗ чӳк уйӑхӗн 20-мӗшӗнче, 15 сехетре, иртӗ.
Клуб халӑх тетелӗнчи хӑйӗн страницинче пӗлтернӗ тӑрӑх, «чи малтан чӳк уйӑхӗнче ҫуралнӑ чӑваш ҫыравҫисене аса илӗҫ».
«Хальхи сӑвӑҫсенчен чӳк уйӑхӗнче ҫуралнӑ Олег Кульев тата Лидия Сарине паллӑ поэтсен поэзири хӑйне евӗрлӗ ҫул-йӗрӗсемпе утса тухӑпӑр.
Поэзие юратакансене - сӑвӑ ҫыракансене те, вулама-итлеме юратакансене те - пурне те ҫак кун курма хавас пулатпӑр!» — ҫакӑн пек йыхравласа ҫырнӑ поэзие юратакансем.
Галина Матвеева ҫыравҫӑ Чӑваш кӗнеке издательствинче Шупашкарти 9-мӗш вӑтам шкулти 2 «А» класра вӗренекенсемпе тӗл пулнӑ. Унта авторӑн «Тилӗпе Улатакка. Лиса и Дятел» сӑвӑлла юмахне сӳтсе явнӑ.
Галина Матвеева 1957 ҫулхи нарӑс уйӑхӗн 19-мӗшӗнче Вӑрнар районӗнчи Аҫӑм Ҫырми ялӗнче ҫуралнӑ. Журналист ӗҫӗнче чылай ҫул тӑрӑшнӑ, тӗрлӗ премие тивӗҫнӗ, ҫав шутра Ҫемен Элкер премине, Иван Ивник премине.
Галина Алексеевна А.М. Горький ячӗллӗ Уралти патшалӑх университетӗнче вӗреннӗ. 1980-1999 ҫулсенче хальхи «Хыпар» (ун чухне — «Коммунизм ялавӗ») хаҫатра корреспондентра, аслӑ корреспондентра, пай заведующийӗнче тӑрӑшнӑ. 1999-2003 ҫулсенче «Хресчен сасси» хаҫатӑн тӗп редакторӗн ҫумӗ пулнӑ. 2003-2006 ҫулсенче «Советская Чувашия» хаҫатра аслӑ корреспондентра, тишкерӳҫӗре тӑрӑшнӑ. 2006 ҫултанпа Чӑваш кӗнеке издательствинче вӑй хурать.
Нумаях пулмасть Чӑваш Енӗн Наци вулавӑшӗнчи «Варкӑш» литература клубӗнче Николай Мордяков (Мӑрчак Кули) сӑвӑҫӑн «Юр ҫийӗн кӑвар» кӗнекине пахаланӑ. Кун пирки Марина Карягина журналист, поэт халӑх тетелӗнчи хӑйӗн страницинче пӗлтернӗ.
«Тавралӑха тӗлӗнекен ача куҫӗпе пӑхма манман ӳнерҫӗн, сӑвӑҫӑн шухӑшлавӗпе тӗнчекурӑмӗ хӑйне евӗрлӗ, ҫавӑнпах ӗнтӗ унӑн йӗркисенче — кӗтмен танлаштару, илемлӗ сӑнарлӑх, тарӑн шухӑш...», — ӑшшӑн паллаштарнӑ виҫӗ йӗркерен тӑракан сӑвӑсен автор пултарулӑхӗпе Марина Карягина.
Чӑваш Енӗн Наци вулавӑшӗнче «Хавхалану» клуб ҫуллахи кану хыҫҫӑн каллех поэзие юратакансене пуҫтарнӑ. Кун пирки Чӑваш Енӗн патшалӑх телерадиокомпанийӗ пӗлтернӗ.
Унта иртсе кайнӑ уйӑхра ҫуралнӑ сӑвӑҫсене чыслаҫҫӗ. Хальхинче вара пурнӑҫран уйрӑлса кайнисене те асӑннӑ, вӗсен сӑввисене вуланӑ.
Авӑн уйӑхӗнче Валем Ахун, Трубина Мархви, Александр Артемьев, Мӗтри Кипек, Стихван Шавли, Фёдор Павлов тата ытти сӑмах ӑсти ҫуралнӑ. Ҫав шутра Петӗр Яккусен те.
«Хавхалану» клубӑн черетлӗ ларӑвне юпа уйӑхӗн виҫҫӗмӗш кӗҫнерникунӗнче ирттерме палӑртаҫҫӗ.
Марина Карягина поэт, журналист, сценарист, драматург Пӗтӗм тӗнчери обществӑлла ассамблейӑна хутшӑннӑ. Ку хыпара эпир вӑл халӑх тетелӗчи страницинче ӗнер, авӑн уйӑхӗн 20-мӗшӗнче, хыпарланӑ.
«Мускавран 140 ытла ҫӗршыв ҫынни хутшӑнакан Пӗтӗм тӗнчери обществӑлла ассамблейӑна кайма йыхрав илсен малтан иккӗленсе тӑтӑм: ку ытла та пысӑк чыс, ку масштаблӑ мероприятире манран мӗн усси... Темшӗн литературӑра хам уҫнӑ ҫӗнӗ жанрпа (амфистрофпа) ҫырнӑ чи пысӑк хайлава ярса пама ыйтрӗҫ. 2016 ҫулта ҫырнӑ пӗр поэмӑна ярса патӑм.
Халь эпӗ тӗп хуламӑрта. Те кулас, те йӗрес — паян пач кӗтмен ҫӗртен ҫакӑн пек Ӗнентерӳ хучӗ илме тӳр килчӗ.
Планета ҫинчи 140 ытла халӑх хушшинче чӑваш пулма питӗ кӑмӑллӑ», — тесе пӗлтернӗ пултаруллӑ чӑваш поэчӗ.
Ӗнентерӳ хучӗнче Марина Карягина тӗнче литературине ҫӗнӗ жанр — Марина Карягина поэт, журналист, сценарист, драматург Пӗтӗм тӗнчери обществӑлла ассамблейӑна хутшӑннӑ. Ку хыпара эпир вӑл халӑх тетелӗчи страницинче ӗнер, авӑн уйӑхӗн 20-мӗшӗнче, хыпарланӑ.
«Мускавран 140 ытла ҫӗршыв ҫынни хутшӑнакан Пӗтӗм тӗнчери обществӑлла ассамблейӑна кайма йыхрав илсен малтан иккӗленсе тӑтӑм: ку ытла та пысӑк чыс, ку масштаблӑ мероприятире манран мӗн усси.
Чӑваш патшалӑх академи драма театрӗнче Сцена ӳнерне юратакансен клубӗ ӗҫлеме пуҫлӗ. Кун пирки культура учрежденийӗ халӑх тетелӗнчи хӑйӗн пабликӗнче пӗлтернӗ.
«Хамӑрӑн тӗпеле пурне те хапӑлласа йышӑнатпӑр. Унта репертуарти спектакльсене хӗрӳн сӳтсе явма, театр ӗҫченӗсене сӗну-канаш пама, хӑвӑрӑн пултарулӑхӑрпа паллаштарма май пулӗ!
Эпир сирӗншӗн ӗҫлетпӗр, юратнӑ куракансем! Клуб пире пӗр-пӗринпе татах та ҫывӑхланма, тӑванлашма пулӑшӗ. Театр ӗҫченӗсемпе куракансем пӗр сывлӑшпа сывласан пурнӑҫ тем тесен те илемлӗрех, туллирех, интереслӗрех», — тесе чунтан, кашни сӑмахне виҫсе-хакласа ҫырнӑ хыпарта.
Театра юратакансен клубне халӑх юратакан поэт, сценарист, драматург Марина Карягина ертсе пырӗ. Апла пулсан, ҫак йӗркесен авторӗ шухӑшланӑ тӑрӑх, клуб ячӗшӗн пуҫтарӑнакан ушкӑн пулмалла марах.
Авӑн уйӑхӗн 23-мӗшӗнче Чӑваш Енӗн Наци вулавӑшӗнче «Современная литература народов России. Поэзия и проза тюркских и монгольских народов» антологие презентацилеме пуҫтарӑнӗҫ. Кӗнекене 2024 ҫулта Мускавра пичетлесе кӑларнӑ. Ӑна хальхи вӑхӑтри Раҫҫейӗн халӑхӗсен литературин антологине пичетленӗ май кун ҫути кӑтартнӑ. Кӗнекене наци литературине пулӑшас программӑпа килӗшӳллӗн пичетлесе кӑларнӑ.
Унччен асӑннӑ ярӑмпа «Поэзи», «Проза», «Драматурги» томсене кун ҫути кӑтартнӑ.
Хальхи кӑларӑма 10 чӑваш авторӗн хайлавӗ кӗнӗ. Вӗсем ҫаксем: Николай Теветкел (Петровский), Юрий Сементер (Семенов), Галина Матвеева (Антонова), Станислав Сатур (Никоноров), Олег Прокопьев – поэзи; Людмила Сачкова, Валентин Константинов, Улькка Эльмен (Ольга Куликова), Владимир Степанов, Елен Нарпи (Елена Перепелкина) – проза.
-25.7 °C