Чӑваш Енӗн Наци вулавӑшӗн галерейинче Виктор Аванмарт художник тата скульпторӑн куравӗ уҫӑлнӑ.
_/news/28397.html|Аса илтерер__: Чӗмпӗрте пурӑнать. Вӑл Етӗрне тӑрӑхӗнчи Ирҫе ялӗнче ҫуралнӑ. Иртнӗ ӗмӗрӗн 90-мӗш ҫулӗсенчи чӑваш наци юхӑмӗн хастарӗ 1989 ҫулта Чӗмпӗр облаҫӗнче чӑвашсен И.Н. Ульянов ячӗллӗ культурӑпа ҫутӗҫ обществине йӗркеленӗ, ӑна хӑех темиҫе ҫул ертсе пынӑ.
Халӗ Шупашкарта унӑн «Таса - инҫе - ҫынсӑр» куравӗ уҫӑлнӑ. Куравпа паллашнӑ Марина Тумаланова журналист халӑх тетелӗнчи хӑйӗн страницинче пӗлтернӗ тӑрӑх, «ӑна Геннадий Айхи ҫуралнӑранпа 90 ҫул ҫитнипе ҫыхӑнтарнӑ».
Шупашкарти Чӑваш тӗррин музейӗнче ҫӗртме уйӑхӗн 14-мӗшӗнче паллӑ чӑваш дизайнерӗн Кристина Макосееван «Хӗвел ташши» курав уҫӑлӗ.
Кристина Макосеева — этнодизайнер, «Три солнца» (чӑв. Виҫӗ хӗвел) бренд авторӗ. Дизайнер хальхи вӑхӑтри тумпа тата аксессуарсемпе паллаштарӗ. Вӗсене вӑл чӑваш эрешӗпе хатӗрлет.
Экспозире чӑваш эрешӗллӗ илемлӗ тум ҫеҫ мар, ытти капӑр япала пулӗ. Сулӑсене, сӑмазран, вӑл чӑвашсен ваттисен сӑмахӗсене алӑпа ҫыраса хурать.
Ҫӗнӗ Шупашкарта ретромашинӑсен куравӗ иртет. Вӑл паян 19 сехетре уҫӑлӗ.
Машинӑсем вырӑнта, курава хатӗр. Курав виҫӗ кун иртӗ, ҫав вӑхӑтра хулара транспорт ҫӳресси кӑштах улшӑнӗ. Ҫу уйӑхӗн 24-мӗшӗнче ирхи 7 сехетрен пуҫласа ҫу уйӑхӗн 26-мӗшӗнче 14 сехетчен хаш-пӗр вырӑнта транспорта ҫӳреттермӗҫ.
Ҫӗнӗ Шупшкарта машинӑсен кӑна мар, мотоциклсен куравӗ те ирттерме палӑртнӑ.
Ҫак кунсенче Канаш округӗнчи сунар базинче сунар йыттисен куравӗ пулнӑ. Вӑл кӑҫалхипе 65-мӗш хут иртнӗ.
Мероприятие Канаш, Шупашкар, Ҫӗмӗрле хулисенчи, Елчӗк, Йӗпреҫ, Красноармейски, Вӑрнар, Патӑрьел округӗсенчи, Мӑкшӑ, Тутар республикисенчи, Чулхула тата Чӗмпӗр облаҫӗсенчи 57 йытӑ хутшӑннӑ. Паллах, вӗсен хуҫисем те пулнӑ.
Курва ҫулсерен сунар йыттисен пахалӑхне палӑртас, ӑратлӑ производительсене суйлас, ҫитӗнӗвӗсене кӑтартас, опытпа ылмашӑнас тӗллевпе ирттереҫҫӗ.
Чӑваш Енри ал ӗҫ ӑсти Светлана Куманейкина Мускавра иртекен «Раҫҫей» курав-форумра чӑннипех те тӗлӗнтернӗ. Вӑл - Улатӑр муниципаллӑ округӗнчи Анютино ялӗнчен.
Светлана курава килекенсем валли хӑйне евӗр стенд хатӗрленӗ. Унта пусмаран, мамӑкран хатӗрленӗ пуканесем, яппун вӗтӗ шӑрҫинчен хатӗрленӗ колье вырӑн тупнӑ.
Светлана Куманейкина куравра ал ӗҫ енӗпе ӑсталӑх класӗсем те ирттерет. Унта хӗрарӑмсем кӑна мар, арҫынсем те, ачасем те хаваспах хутшӑнаҫҫӗ.
Мускаври ВДНХра ӗҫлекен «Раҫҫей» куравпа такам та кӑсӑкланса паллашать. Унта ҫӗршывӑн тӗрлӗ регионӗ те тивӗҫлӗ вырӑн йышӑнать. Чӑвашсен те кӑтартмалли, мӑнаҫланмалли ҫук мар. Хальхи вӑхӑтра унта муниципалитетсем те хӑйсемпе палалшатраҫҫӗ.
Чӑвашсен экспозицийӗпе Станислав Садальский актёр та паллашнӑ. Актёр Чӑваш Ене юртани пирки хавхаланса пӗлтернӗ. Унран та ытларах — вӑл пӗчӗк Шӑнкӑртам чӑваш ялӗнче ҫуралнипе хавхаланни пирки палӑртса хӑварнӑ.
Мускаври ВДНХра иртекен «Раҫҫей» курав-форумра республикӑри муниципалитетсем те хӑйсен ӗҫӗ-хӗлӗпе паллаштарӗҫ. Хальхи вӑхӑтра унта Патӑрьел округӗ ӗҫлет.
Ҫу уйӑхӗн 7-9-мӗшӗсенче - Улатӑр округӗ, ҫу уйӑхӗн 10-12-мӗшӗсенче - Улатӑр хули, ҫу уйӑхӗн 13-мӗшӗнчен пуҫласа ҫӗртмен 2-мӗшӗччен - Шупашкар хули, ҫӗртмен 3-9-мӗшӗсенче - Ҫӗрпӳ округӗ, ҫӗртмен 11-13-мӗшӗсенче - Сӗнтӗрвӑрри округӗ, ҫӗртмен 14-16-мӗшӗсенче - Куславкка округӗ, ҫӗртмен 17-23-мӗшӗсенче - Ҫӗнӗ Шупашкар хули, ҫӗртмен 24-30-мӗшӗсенче - Етӗрне округӗ, утӑ уйӑхӗн 1-8-мӗшӗсенче Вӑрнар округӗ хӑйсен ӗҫӗ-хӗлӗпе паллаштарӗҫ.
Нарӑс уйӑхӗн 29-мӗшӗнчен пуҫласа пушӑн 1-мӗшӗччен Шупашкарти МТВра «Ҫӗрулми» курав иртни пирки, унта ҫынсем вӑрлӑх ҫӗрулми черет тӑрсах туянни ҫинчен пӗлтернӗччӗ. Ун чухне ЧР Ял хуҫалӑх министерстви ака уйӑхӗнче кунашкал курава тата ирттересси пирки пӗлтернӗччӗ.
Ведомство ярмӑрккӑсен расписанине хатӗрленӗ. Акан 19-мӗшӗнче Патӑрьелте «Булат» суту-илӳ центрӗнче, акан 20-21-мӗшӗсенче Канашра (Мускав урамӗ, 12-мӗш А ҫурт), акан 20-21-мӗшӗсенче Шупашкарти «Шупашкар» суту-илӳ комплексӗнче пулӗ. Комсомольскинче вара курав кашни кунах ӗҫлӗ (Промышленноҫ урамӗ, 8-мӗш ҫурт).
Мускаври ВДНХра иртекен «Раҫҫей» курав-форумра кӗҫех республикӑри муниципалитетсем ӗҫӗ-хӗлӗпе, культурипе, туризм илӗртӳлӗхӗпе, инвестици потенциалӗпе паллаштарӗҫ. Чи малтан, ака уйӑхӗн вӗҫӗнче, Патӑрьел муниципаллӑ округӗ хӑйӗн экспозицине кӑтартӗ.
Хальхи вӑхӑтра куравра ЧР Цифра тата Спорт министерствисем ӗҫлеҫҫӗ. 75-мӗш павильонра регионти МИХсемпе паллашма, фиртуаллӑ форматпа усӑ курса наци чӗлхине вӗренме пулать.
Спорта юратакансем вара хӑйсен вӑйне силомерпа тӗрӗслеме пултараҫҫӗ. Ҫавӑн пекех виртуаллӑ ринга тухса кӗрешӳ енӗпе ӑмӑртӑва хутшӑнма май пур.
Чӑваш кӗнеке издательстви Мускаври ВДНХра иртекен «Раҫҫей» курав-форума хутшӑнать.
Паян кӗнеке издательстви ача-пӑча кӗнекисемпе паллаштарать. Кӑларӑмсем ҫинчен Чӑваш кӗнеке издательствин тӗп редакторӗн ҫумӗ, писатель, куҫаруҫӑ Ольга Федорова (Васильева) каласа кӑтартать.
«Пирӗн кӗнекесемпе паллашма пыракансем вӗсене уҫса пӑхнӑ чухне чунтан ырлаҫҫӗ. Питӗрти, Самарӑри, Мускаври, Калининградри, Чӑваш Енри тата Пушкӑртстанри ҫынсем пирӗн кӗнекесене ырласа калаҫнине итлеме кӑмӑллӑ», – пӗлтернӗ Ольга Леонидовна.
+1.3 °C