Пуш уйӑхӗн 5-6-мӗшӗсенче «МТВ» суту-илӳ центрӗнчӗ «Ҫӗрулми» курав иртӗ. Кун пирки сайтра пӗлтернӗччӗ.
Куравӑн хӑйӗн талисманӗ пулӗ. Халӗ ун валли ят шыраҫҫӗ.
«Щерулмишка», «Картуша» тата «Бульба-Бадди» – хальлӗхе ҫак виҫӗ ят пур. Анчах тӳре-шара кунпа ҫырлахасшӑн мар, тата ятсем сӗнме калаҫҫӗ. Сӗнӳсене ЧР Ял хуҫалӑх министерствин «Контактри» ушкӑнӗнче йышӑнаҫҫӗ. Унта ятсем сӗннӗ ӗнтӗ: «Картофан», «Картошечка Фиона», «Уммка», «Корней», «Умик», «Парангик», «Пататоша», «Картоша», «Картошкин», «Пан Улмич», «Петруччи», «Гулявый», «Зубоус», «Уммашка».
Кӑрлач йӑхӗн 31-мӗшӗнче Чӑваш тӗррин музейӗнче Анастасия Андреева тӗрӗҫе асра тытса «Вышивка длиною в жизнь» (чӑв. Ӗмӗре пына тӗрӗ) курав уҫӑлӗ.
Анастасия Андреева «Паха тӗрӗ» фирмӑра ӗҫлесе ӗмӗрленӗ. 2021 ҫулта вӑл Шупашкар районӗн тӗрленӗ карттине хатӗрлеме хутшӑннӑ, тепӗр ҫулхине — Раҫҫейӗн тӗрленӗ карттине.
«Пӗлтӗр эпир Анастасия Васильевнӑпа унӑн 65 ҫулхине халалланӑ курава уҫассине сӳтсе явма тытӑннӑччӗ. Анчах вӑл пурнӑҫран пӗлтӗрхи раштав уйӑхӗн 15-мӗшӗнче уйрӑлса кайрӗ», – каласа кӑтартнӑ Чӑваш тӗррин музейӗн заведующийӗ Надежда Сельверстрова.
Кӑрлач уйӑхӗн 17-мӗшӗнче Чӑваш тӗррин музейӗнче «От древности до современности» (чӑв. Аваллӑхран паянхи кунччен) курав уҫӑлӗ. Унта Анастасия Зимина, Ксения Туктарова тата Алёна Ефимова ҫамрӑк художниксен ӗҫӗсемпе паллашма май килӗ.
Вӗсем халӑх пултарулӑхне тӗпе хурса ӗҫлеҫҫӗ. Хӗрсен ӗҫӗсенчи пӗрпеклӗх — мифсемпе легендӑсем, чӑваш халӑхӗн историйӗпе культури. Ҫав вӑхӑтрах кашни авторӑн хӑйӗн стилӗ.
Кураври экспонатсен шутӗнче – шӑрҫаран тата пӑхӑр жетонсенчен хатӗрленӗ капӑрлӑхсем, тӗрлӗ тӗслӗ керамика, графика, фотопичет.
Курав 16 сехетре уҫӑлӗ.
Музей адресӗ: Шупашкар хули, К. Маркс урамӗ, 32-мӗш ҫурт. Ыйтса пӗлмелли телефон номерӗ +7 (8352) 62-03-44.
Кӑрлач уйӑхӗн 15-мӗшӗнче Шупашкарти К.В.Иванов ячӗллӗ литература музейӗнче «Ачасен чи ҫывӑх тусӗ» курав уҫӑлӗ.
Ӑна Николай Ытарай ҫыравҫӑ, халӑх фольклорне пухнӑ, Раҫҫейри писательсен союзӗ членӗ Николай Ытарай ҫуралнӑранпа 100 ҫул ҫитнине халаллӗҫ. Курав 14 сехетре уҫӑлӗ.
Чӑваш Енӗн Наци вулавӑшӗн «Ылтӑн ӗмӗр» галерейинче Раҫҫейри дизайнерсен союзӗн пайташӗн Иван Ивановӑн куравӗ уҫӑлнӑ. «Мифология цвета» (чӑв. Тӗс мифологийӗ) куравра — батик, гобелен, живопись.
Автор Шупашкарта 1960 ҫулта ҫуралнӑ. А. Н. Косыгин ячӗллӗ Мускаври пир-авӑр институтӗнче (халӗ Раҫҫейри патшалӑх университечӗ) вӗреннӗ. Пӗр вӑхӑт Тверьте ӗҫленӗ, унтан — И.Я. Яковлев ячӗллӗ Чӑваш патшалӑх педуниверситетӗнче ӗҫленӗ.
Иван Иванов пултарулӑхӗнче гобелен тата батик уйрӑм вырӑн йышӑнаҫҫӗ. Гобелена хатӗрлеме темиҫе уйӑх ҫеҫ мар, ҫул тата иртет. Хӑйӗн ӗҫӗсенче художник чӑваш халӑхӗн прикладной ӳнерне, культурине тӗпе хурать.
ЧР Элтеперӗн администрацийнче коррупципе кӗрешме чӗнсе калакан курав уҫӑлнӑ. Ӳкерчӗксене Шупашкаррти ӳнер училищин студӗнчӗсем РФ культурӑн тава тивӗҫлӗ ӗҫченӗ Николай Толстов ертсе пынипе хатӗрленӗ. Куравра – ҫамрӑк дизайнерӑн 31 ӗҫӗ.
Плакатсене ятарласа Коррупципе кӗрешмелли пӗтӗм тӗнчери кун тӗлне хатӗрленӗ. Ӳкерчӗксенче ҫамрӑксем ҫак ҫивӗч ыйтӑва мӗнле хакланине кӑтартнӑ.
Вӑрнарти чукун ҫул станциййӗнче черетлӗ курав уҫӑлнӑ. Унта Варнарти ача-пӑча ӳнер шкулӗнче ӑс пухакан ачасен ӳкерчӗкӗсем вырӑн тупнӑ.
Вокзалта «Хӑнасене тарават вокзал» проект пурнӑҫланать. Хальхинче курава ачасен ӳкерчӗкӗсенчен йӗркелеме шухӑшланӑ. Кашнинче – истори, ӗмӗтсем, кӑмӑл-туйӑм...
Чукун ҫул станцине килекенсем ӳкерчӗксемпе хаваспах киленеҫҫӗ.
Эсир ҫавӑн чухлӗ шапа хуранӗ курнӑ-и? Ахӑртнех, ҫук. Кун пек курава Александр Семенов йӗркеленӗ. Вӑл «Орленокра» 10 ҫула яхӑн ӗҫленӗ, ҫав тапхӑрта шапа хуранӗсем пухнӑ.
Унӑн коллекцийӗнче – 450 ытла экспонат. Александр вӗсене килте упрать. Халӗ вара Патӑрьел тӑрӑхӗнчи ачасене те кӑтартма шухӑшланӑ. Ара, кашниех тинӗс хӗрринче пулса кураймасть вӗт. Хӑть куравра шапа хуранӗсене курса киленӗҫҫӗ.
Ачасем чӑннипех те савӑннӑ! Шапа хуранӗсене кӑсӑкланса сӑнаҫҫӗ, тытса пӑхаҫҫӗ, ыйтусем параҫҫӗ.
Ҫитес ҫул «Ҫӗрулми» курав Шупашкарти МТВ-центрта иртӗ. Ӑна пӗлтӗр те унтах йӗркеленӗччӗ.
Ҫитес ҫул кура пуш уйӑхӗн 5-6-мӗшӗсенче иртӗ. Унта ӑслӑлӑхпа практика конференцийӗсем, ӑсталӑх класӗсем, конкурссем, дегустацисем пулӗҫ. Ҫынсем селекцири ҫӗнӗлӗхсемпе паллашма пултарӗҫ. Ҫавӑн пекех куравра ӳсен-тӑрана хӳтӗлемелли хатӗрсем, техника, оборудовани пулӗҫ.
Палӑртмалла: курава ЧР Ял хуҫалӑх министерстви, А.Г.Лорх ячӗллӗ ҫӗрулмине тӗпчемелли федераци центрӗ, «Агро-Инноваци» йӗркелеҫҫӗ.
Раштав уйӑхӗн 3-мӗшӗнче Кӳкеҫри «Бичурин тата хальхи самана» музейра Мария Симакова ӳнерҫӗн (1934-2021) хайлавӗсен куравӗ уҫӑлнӑ. Экспозицие «Чувашские узоры» (чӑв. Чӑваш тӗрри) ят панӑ.
Мария Симакова Шупашкар районӗнчи Апашра ҫуралнӑ, «Паха тӗрӗ» хапрӑкра художникра чылай ҫул ӗҫленӗ ҫак маттур кӑҫалхи кӑрлач уйӑхӗн 23-мӗшӗнче пурнӑҫран уйрӑлса кайрӗ. Вӑл — «РСФСР халӑх ӑсти» (1991), «Чӑваш Республикин культура тава тивӗҫлӗ ӗҫченӗ» (1995); «Раҫҫей Федерацийӗн тава тивӗҫлӗ художникӗ» (2008).
+21.2 °C