Пушкӑртстанри Ҫтерлӗ (Стерлитамак) хулинче «Ачалӑх тӗнчи» фестиваль-конкурс иртнӗ. Кун пирки «Хыпар» издательство ҫурчӗн журналисчӗ Елена Атаманова халӑх тетелӗнчи хӑйӗн страницинче пӗлтернӗ.
«Аякри тӑвансем тӗлӗнтерчӗҫ те, савӑнтарчӗҫ те. Ҫӗр-ҫӗр ача ҫитнӗччӗ уява, пурте-пурте чӑваш тумӗпе, капӑрлӑхсемпе. Чӑвашла хитрен юрлаҫҫӗ, паллӑ поэтсен сӑввисене шӑрантараҫҫӗ, чӑваш тумӗ ҫинчен каласа кӑтартма та пӗлеҫҫӗ.
Асӑрхӑр: ял ачисем мар, хулара пурӑнакан шӑпӑрлансем!
Пушкӑртстанра тем тесен те урӑхларах!!! Пушкӑртстанра чӑвашлӑха хисеплени, юратни, тӑван чӗлхене, культурӑна, йӑла-йӗркене сума суни тата вӑйлӑрах курӑнать! Вӗсем туслӑха хаклама, пӗрле чӑмӑртанса, пӗр-пӗрне ура хумасӑр, вак-тӗвекленмесӗр, пӗр-пӗрне ӑмсанмасӑр ӗҫлеме пӗлеҫҫӗ. Тата ҫав тери уҫӑ кӑмӑллӑ та тарават! Чаплӑ, чаплӑ Уяв тӑк уяв пулчӗ!» — хавхаланса та ҫунатланса пӗлтернӗ мероприяти пирки Елена Атаманова журналист.
Пушкӑртстанри Ҫтерлӗ (Стерлитамак) хулинче «Ачалӑх тӗнчи» фестиваль-конкурс иртнӗ. Кун пирки «Хыпар» издательство ҫурчӗн журналисчӗ Елена Атаманова халӑх тетелӗнчи хӑйӗн страницинче пӗлтернӗ.
«Аякри тӑвансем тӗлӗнтерчӗҫ те, савӑнтарчӗҫ те. Ҫӗр-ҫӗр ача ҫитнӗччӗ уява, пурте-пурте чӑваш тумӗпе, капӑрлӑхсемпе. Чӑвашла хитрен юрлаҫҫӗ, паллӑ поэтсен сӑввисене шӑрантараҫҫӗ, чӑваш тумӗ ҫинчен каласа кӑтартма та пӗлеҫҫӗ.
Асӑрхӑр: ял ачисем мар, хулара пурӑнакан шӑпӑрлансем!
Пушкӑртстанра тем тесен те урӑхларах!!! Пушкӑртстанра чӑвашлӑха хисеплени, юратни, тӑван чӗлхене, культурӑна, йӑла-йӗркене сума суни тата вӑйлӑрах курӑнать! Вӗсем туслӑха хаклама, пӗрле чӑмӑртанса, пӗр-пӗрне ура хумасӑр, вак-тӗвекленмесӗр, пӗр-пӗрне ӑмсанмасӑр ӗҫлеме пӗлеҫҫӗ. Тата ҫав тери уҫӑ кӑмӑллӑ та тарават! Чаплӑ, чаплӑ Уяв тӑк уяв пулчӗ!» — хавхаланса та ҫунатланса пӗлтернӗ мероприяти пирки Елена Атаманова журналист.
ЧР Патшалӑх Канашӗ ҫумӗнчи Ҫамрӑксен палати Элтепере республикӑра тепӗр уяв йышӑнма сӗннӗ. Вӗсем Нумай ачаллӑ ҫемьесен кунне паллӑ тутарасшӑн.
Сӑмах май, пӗлтӗрхи ҫулла тӗлне Чӑваш Енре 18 пин ытла нумай ачаллӑ ҫемье пулнӑ. Ку 2012 ҫулпа танлаштарсан, икӗ хут нумайрах. Кӑҫалтан нумай ачаллисене пулӑшмалли ҫӗнӗ мерӑсем йышӑннӑ.
Аса илтерер: Олег Николаев Элтеперте ӗҫлеме пуҫланӑранпа виҫӗ уяв паллӑ тума йышӑннӑ: Ашшӗн кунӗ, Чӑваш тӗррин кунӗ, Сӑр тата Хусан хӳтӗлев чиккисен строителӗсене амӑнмалли кун.
Пуш уйӑхӗн варринче Пӑрачкавра шкул ачисем, 13-ри икӗ арҫын ача, пӗр хӗрарӑм Сӑр юханшывӗ еннелле икӗ михӗ йӑтса утнине асӑрханӑ. Унтан сасӑ илтӗннӗ. Ачасем михӗре йытӑ ҫурисем пулнине ӑнланнӑ. Вӗсем чӗрчунсене хӑйсене пама ыйтнӑ, анчах хӗрарӑм итлемен, михӗсене шыва пенӗ.
Кун хыҫҫӑн арҫын ачасенчен пӗри пушмакне хывса пӑрлӑ шыва кӗнӗ, икӗ миххе те туртса кӑларнӑ. Анчах пӗр ҫури чӗрӗ юлайман. Теприне ачасем килне илсе кайнӑ. Кун пирки вӗсем полицие пӗлтернӗ. Хӗрарӑм тӗлӗшпе пуҫиле ӗҫ пуҫарнӑ.
Муркаш округӗнче ҫамрӑк хоккеистсен наставникӗ Александр Шишкин ачасене спорта тата ҫутҫанталӑка юратма вӗрентет. Вӗсем кашни ҫуркунне шӑпӑрлансемпе шӑнкӑрч вӗллисем хатӗрлесе ҫакаҫҫӗ.
Кӑҫал ачасем наставникӗпе пӗрле 15 шӑнкӑрч вӗлли ӑсталаса йывӑҫсем ҫине ҫакнӑ. Шӑпӑрлансем ҫак кайӑксем пахчасемшӗн санитар пулнине питӗ лайӑх ӑнланаҫҫӗ.
ШӖМ пуҫлӑхӗ Чӑваш Ен полицейскине хӗрарӑмпа ачана пушарта ҫӑлнӑшӑн чысланӑ. Йӗрке хуралҫи хӑй те ун чухне сӗрӗмпе наркӑмӑшланнӑ.
Ку пушар кӑрлачӑн 22-мӗшӗнче Ҫӗмӗрлере пулнӑ. Амӑшӗ тӗпелте чухне 4-ри ачи залра шӑрпӑкпа вылянӑ. Кӗҫех икӗ пӳлӗмлӗ хваттере ҫулӑм ярса илнӗ.
Хӗрарӑм малтан ҫулӑма хӑй тӗллӗн сӳнтерме хӑтланнӑ. Анчах май килмен – ывӑлӗпе подъезда чупса тухнӑ. Унта вара – тӗтӗм.
Дмитрий Антропов чӳречерен тӗтӗм тухнине асӑрханӑ. Подъездра пулӑшу ыйтса кӑшкӑрнине илтсен унталла вирхӗннӗ, тӗттӗмре хӗрарӑма тупнӑ та ӑна урама илсе тухнӑ. Шалта ача юлнине пӗлсен каялла кӗнӗ. Вӑл ӑна урама илсе тухса хӑйӗн бушлачӗпе чӗркенӗ.
Ачапа амӑшне Шупашкара пульницӑна ӑсатнӑ. Полицейски те пӗр каҫ пульницӑра выртса тухнӑ. Ҫак кунсенче ӑна ШӖМ пуҫлӑхӗ Владимир Колокольцев «Ҫӑлнӑ чухне хӑюлӑх кӑтартнӑшӑн» медальпе чысланӑ.
Шӑмӑршӑ тӑрӑхӗнчи Александр Семенов вӗрентекен, художник хӑйне евӗр курав уҫнӑ. Унта – шапа хуранӗсем. Ку курава Патӑрьел округӗнчи вӗрентекен Светлана Кулакова кайса курнӑ та кун пирки халӑх тетелӗнчи страницинче пӗлтернӗ.
Вӑл унта пӗччен ҫитмен – вӗренекенӗсемпе пӗрле кайнӑ.
Ҫак шапа хуранӗсене Александр Анатольевич Хура тинӗс хӗрринчен илсе килнӗ. Вӑл унта вырнаҫнӑ «Орленок» центрта 10 ҫула яхӑн ӗҫленӗ. Ҫапла ҫак тапхӑрта шапа хуранӗсем пухнӑ. Унӑн коллекцийӗнче халӗ – 450 ытла экспонат.
Республикӑри ача-пӑча клиника пульницин тухтӑрӗсем пӗчӗк ачасене магнитлӑ конструктор илче памалла марри пирки асӑрхаттараҫҫӗ. Ӑна ҫӑтса янӑ тӗслӗх нумайланнӑ.
Пӗчӗккисем, уйрӑмах 3 ҫула ҫитменнисем, вӗтӗ теттене хӑвӑрт ҫӑтса яраҫҫӗ – аслисем асӑрхаса та ӗлкӗреймеҫҫӗ. Чи хӑрушши – магнитсем организмра та пӗр-пӗрин патнелле туртӑнаҫҫӗ. Ку пурнӑҫшӑн хӑрушӑ.
Пульницӑри тухтӑрсем 2 ҫулти ачан организмӗнчен 13 магнитлӑ шарик тата батарейка кӑларнӑ.
Хӗрлӗ Чутайра хӗрӗнкӗ хӗрарӑм полицейскисенчен тарма хӑтланнӑ.
Вӑл руль умӗнче ларнӑ чухне машинӑна итлеттереймен – йывӑҫа пырса ҫапӑннӑ. Ку каҫхине пулнӑ. Салонра унӑн 9 уйӑхри ачи те ларнӑ.
Хайхи хӗрарӑм машинине, ачине пӑрахса хӑварса тарма хӑтланнӑ. Анчах ӑна йӗрке хуралҫисем хӑваласа ҫитнӗ, ун тӗлӗшпе административлӑ протокол ҫырнӑ. Хӗрарӑм пирки опека органне те пӗлтернӗ.
Чӑваш Республикин ачасемпе ҫамрӑксен вулавӑшӗ пӗлтӗр чи нумай кӗнеке вуланӑ ачан ятне пӗлтернӗ. Вӑл – Шупашкарти Альвина Горбунова. Вӑл пӗлтӗр тӗлӗнмелле нумай кӗнеке вуланӑ – 112!
Альвина ку вулавӑша 3,5 ҫул каялла килнӗ. Ун чухне ӑна амӑшӗ ҫавӑтса пынӑ. Ҫавӑнтанпа хӗрача библиотекӑна тӑтӑшах ҫӳрет.
Сӑмах май, Альвина 37-мӗш шкулта вӗренет.
Шупашкарта ҫывӑх вӑхӑтра (18.07.2025 21:00) уяр ҫанталӑк, атмосфера пусӑмӗ 753 - 755 мм, 14 - 16 градус ӑшӑ пулӗ, ҫил 0-2 м/ҫ хӑвӑртлӑхпа ҫурҫӗр енчен вӗрӗ.
| Иртышев Иван Николаевич, чӑваш сӑвӑҫи, тӑлмачӗ ҫуралнӑ. | ||
| Владимиров Виталий Владимирович, Патӑрьел районӗн хисеплӗ гражданинӗ ҫуралнӑ. | ||
| Виноградов Виктор Викторович, Чӑваш Енӗн тава тивӗҫлӗ тухтӑрӗ ҫуралнӑ. | ||
| Сверчков Никита Кузьмич, чӑваш живописецӗ, ӳнерҫи вилнӗ. | ||
![]() | Пулӑм хуш... |