kherson-news.ru сайтри сӑн

Юлашки кунсенче ҫанталӑк сивӗтрӗ. «Ҫанталӑк 21» сайт пӗлтернӗ тӑрӑх, Мӑнкунра та юр ҫума пултарӗ.

Паян ҫумӑр ҫӑвать, ҫӗрле те ҫукалӗ, тӗтра карса илме пултарӗ. Ыран та ҫанталӑк ҫумӑрлӑ пулӗ, ҫӗрле сивӗтӗ. Юнкун ирхине хӗвел тухса савӑнтарӗ, анчах каҫ енне ҫумӑр ҫума тытӑнӗ, ҫӗрле те чарӑнмӗ.

Кӗҫнерникун та ҫумӑрлӑ пулӗ, каҫ енне вара йӗпе юр ӳкме тытӑнӗ. Эрнекун ир валли республикӑн ҫурҫӗр пайӗнче 5 сантиметр хулӑнӑш таран ҫитме пултарӗ. Термометр «минус» кӑтартнӑран ҫулсем пӑрлак пулӗҫ. Мӑнкунра та йӗпе юр ҫӑвӗ.

Малтанлӑха пӗлтернӗ тӑрӑх, ҫитес эрнере ҫанталӑк лайӑхланӗ, уяртӗ, 15-20 градус таран ӑшӑтӗ.

#ҫутҫанталӑк, #синоптиксем, #ҫанталӑк