Виталий Михайлов страницинчен илнӗ сӑнӳкерчӗк

Красноармейски «Янкас вулавӗсем» конференци иртнӗ. Ӑслӑлӑхпа таврапӗлӳ конференцине вырӑнти хастарсем кӑҫалхипе вуннӑмӗш хут йӗркеленӗ. Хальхи мероприяти муниципалитет округӗн Трак салинчи тӗп вулавӑшӗнче иртнӗ. Мероприятие Нестер Янкас поэт ҫуралнӑранпа 117 ҫул ҫитнине халалланӑ. «Ҫирӗм тавра пӗлӳҫӗ Трак енӗн паллӑ ҫыннисен пултарулӑхӗпе пурнӑҫ кун-ҫулне тишкерсе итлекенсене каласа пачӗ. Хамӑр тӑрӑхри мухтавлӑ ҫынсем ҫинчен тӗплӗнрех пӗлни, вӗсене асра тытни, хисеплесе сума суни тавра курӑма анлӑлатать», – хыпарланӑ вырӑнти хастар, Виталий Михайлов «Контактра» халӑх тетелӗнчи хӑйӗн страницинче.

Трак енсем хӑйсен пултаруллӑ ентешне асра тытса та сума суса пурӑнни чӑннипех те паха та пӗлтерӗшлӗ.

#астӑвӑм, #конференцисем, #Трак, #Красноармейски