Пуш уйӑхӗн 13-мӗшпе 18-мӗшӗсенче пирӗн сайт ҫак хыпарсене ҫутатрӗ (вӗсене ытти чухнехи пекех чи нумай пӑхни тӑрӑх вырнаҫтарнӑ):

• Владимир Викторова мӗнле ӑшӑ пукан лекме пултарасси пирки систертӗмӗр;

• Малти вырӑна тухма пирӗн сайта тишкерсе те пултарасси ҫинчен пӗлтӗмӗр;

• Электронлӑ сӑмахсарсен сайчӗ ҫӗнӗ словарьпе пуянланни ҫинчен каласа патӑмӑр;

• Пӗтӗм чӑваш диктанчӗ кӑҫал та иртесси пирки пӗлтертӗмӗр;

• Ҫӗрпӳ районӗн пуҫлӑхӗн пуканӗ каллех пушанни ҫинчен хыпар тухрӗ;

• Борис Чиндыков хатӗрленӗ кӗнекесене тӗп хуламӑрти университетра хӑтлани ҫинчен хыпарларӑмӑр;

• Шуршӑл ял тӑрӑхӗн пуҫлӑхне мӗне пула пӗр кунне икӗ хут тытса чарни пирки каласа патӑмӑр;

• Элтепер район пуҫлӑхӗсене мӗншӗн ятланине уҫса патӑмӑр;

• Жириновский «Пӗрлӗхлӗ Раҫҫей» депутачӗсене мӗн сӑлтава пула персе пӑрахма шут тытнине пӗлме пултартӑр;

• Чӑваш Ен прокуратурине Патшалӑх Канашӗ кама шанма йышӑннине пӗлтертӗмӗр.

Ку эрнере ҫавӑн пекех эпир сире Кӳкеҫре тӳлевсӗр ҫӑкӑр валеҫни ҫинчен тата Чӑваш Енре тӗп архитектор пуласси пирки хыпарларӑмӑр.

Яланхи пекех эрнене пӗтӗмлетсе унӑн ятне пӗлтеретпӗр. Пирӗн шутпа ӑна «Чӑваш чӗлхипе пуҫлӑх пуканӗсен эрни» теме пулать.

#Ҫӗрпӳ районӗ, #эрне хыпарӗсем, #археологи, #чыславсем, #хӑтлавсем, #чӑваш чӗлхи, #диктантсем, #сайтсем, #Шуршӑл ял тӑрӑхӗ, #Сӗнтӗрвӑрри районӗ