НТВ телеканалпа пыракан «Чудо техники» кӑларӑмра пирӗн маттур ентеше кӑтартнӑ. Сӗнӗрвӑрри районӗнчи Аксарин ялӗнче пурӑнакан Вячеслав Васильев пушмак хывакан хатӗр шухӑшласа кӑларнӑ.

Кӑларӑм нарӑс уйӑхӗн 12-мӗшӗнче эфира тухнӑ. «Эрнери ӑста» рубрикӑра Вячеслав Васильев хӑй шухӑшласа кӑларнӑ хатӗр пирки каласа кӑтартнӑ. Ҫавӑн пекех вӑл ҫак ӗҫе мӗнрен пуҫланнипе паллаштарнӑ.

Вячеслав каланӑ тӑрӑх, кӳрши пушмак хывма пулӑшакан механизм шухӑшласа кӑларма ыйтнӑ. Халӗ кунашкал хатӗрпе шкулта та, культура ҫуртӗнче те усӑ кураҫҫӗ.

Вячеслав Васильев ҫырла тасатакан машина та хатӗрленӗ. Вӑл ҫулҫине, тунине уйӑрать. Ӑста мотоблока та ҫӗнетнӗ. Халӗ вӑл унпа ҫӑмӑллӑнах сухалать.

#Сӗнтӗрвӑрри районӗ, #Аксарин, #телекурав