Сайта кӗр | Регистраци | Сайта кӗрсен унпа туллин усӑ курма пулӗ
 +22.3 °C
Ҫынна йывӑр ан кала, ху та ҫавна курӑн.
[ваттисен сӑмахӗ]
 

Хыпарсен ҫыххи: Апат-ҫимӗҫ

Апат-ҫимӗҫ
Яндекс.Дзен сайтри сӑн
Яндекс.Дзен сайтри сӑн

Чӑваш Енри тӳре-шара кунсерен суту-илӳ вырӑнӗсене тухса ҫӳресе тавар хакӗсене тишкерет. Вӗсем социаллӑ пӗлтерӗшлӗ 32 апат-ҫимӗҫ тата 20 ытти тавар хакӗсене танлаштараҫҫӗ.

Ҫакӑ паллӑ: пуш уйӑхӗнче лавккари хаксем чӑнах та улшӑннӑ. Тӑрук 9 тавар хакӗ улшӑннӑ: аш-какай консерви (12%), тӑвар (10%), вир (12%), купӑста (14%), хура тул (12%), пуҫлӑ сухан (17%), кишӗр (18%).

Ҫавӑн пекех ӗне ашӗ, тип ҫу, ҫӑмарта, ҫӑкӑр таврашӗ, чӑх какайӗ хакланнӑ. Чи вӑйлӑ хакланнӑ тавар – сахӑр. Вӑл 57 тенкӗ тӑнӑ пулсан халӗ – 85 тенкӗ.

Ҫынсем лавккаран хӑйсене кирлӗ таварсене купи-купипех туянса хунӑ ахӑртнех, мӗншӗн тесен юлашки кунсенче «ажиотаж» текенни палӑрман.

Хыпар ҫӑлкуҫӗ: https://pg21.ru/news/78073
 

Апат-ҫимӗҫ
econet.ru сайтри сӑн
econet.ru сайтри сӑн

Юлашки вӑхӑтра лавккасенче мӗн хакланнӑ? Чӑвашстат сайтне тишкерсен пӗлме пулать.

Пуш уйӑхӗн 12-18-мӗшӗсенче пуҫлӑ сухан, сахӑр, супӑнь, шӑл пасти, банан, хӗрлӗ кӑшман хакланнӑ. Мӗн йӳнелнӗ? Чӑвашстат пӗлтернӗ тӑрӑх, хӑяр хакӗ йӳнелнӗ.

Апат-ҫимӗҫсӗр, куллен усӑ курмалли таварсемсӗр пуҫне тата мӗн хакланнӑ? Троллейбусри тата автобусри билет хакӗ, Турцие вӗҫмелли путевка, хамӑр ҫӗршывра туса кӑларнӑ ҫӑмӑл машинӑсем.

 

Апат-ҫимӗҫ
dlja-pohudenija.ru сайтри сӑн
dlja-pohudenija.ru сайтри сӑн

Шупашкарта хакне хӑпартса ӳстермен тавара сутмашкӑн ятарлӑ лапам йӗркелесшӗн. Унта вӗсене Чаваш Енри апат-ҫимӗҫ фончӗ урлӑ сутасшӑн. Ҫапла пӗлтерет Шупашкар хула администрацийӗ.

Паянхи куна илсен, предприяти ҫичӗ тӗрлӗ кӗрпе хатӗрлет. Вӗсен апат-ҫимӗҫ туса кӑларакан икӗ лини ӗҫлет. Вӗсенчен иккӗшне юлашки икӗ ҫулта хута янӑ.

Юлашки вӑхӑтра халӑх кӗрпе таврашӗ нумай туянма пуҫланӑ. Ҫавна май цехра икӗ сменӑпа ӗҫлеме тытӑннӑ. Хальхи вӑхӑтра кӗрпесене курттӑмӑн закупкӑсен пайӗ урлӑ сутаҫҫӗ. Ҫавӑн пекех кӗрпе таврашне хӑйсен лавккинче, «Пучах» ятлӑскерте, илме пулать. Пӗри Ҫӗрпӳ районӗнчи Михайловкӑра вырнаҫнӑ, тепри – Шупашкарти Николаев урамӗнчи 14-мӗш «а» ҫуртра.

Хыпар ҫӑлкуҫӗ: https://pg21.ru/news/77922
 

Апат-ҫимӗҫ
cap.ru сӑнӳкерчӗкӗ
cap.ru сӑнӳкерчӗкӗ

2021 ҫулта Чӑваш Енрен Америкӑн 9418,14 пин долларӗллӗх шӑккӑлат ӑсатнӑ. 2020 ҫулхинчен ку вӑл 21 процент нумайрах.

2020-2022 ҫулсенче пирӗн республикӑри ҫав пылак ҫимӗҫе Абхазие, Азербайджана, Армение, Беларуҫа, Германие, Грузие, Германие, Израиле, Йемене, Казахстана, Канадӑна, Китая, Молдавине, Сербине, АПШна, Туркменистана, Узбекистана, Украинӑна, Японие сутнӑ.

Чӑваш Енӗн ял хуҫалӑх министрӗн ҫумӗ Сергей Фролов пӗлтернӗ тӑрӑх, Чӑваш Енрен экспорта ӑсатассипе Китай, Беларуҫ ҫӗршывӗсемпе, Хӗвелтухӑҫ Азинчи тата Ҫывӑх Тухӑҫри ҫӗршывсемпе ӗҫлес шанчӑк пысӑк.

Пирӗн республикӑра туса кӑларакан шӑккӑлата пӗлтӗр Китая тата Сауд Аравине нумай ӑсатнӑ.

 

Апат-ҫимӗҫ
avatars.mds.yandex.net/get-zen сайтри сӑн
avatars.mds.yandex.net/get-zen сайтри сӑн

Республикӑра сахӑр хакӗ тӑрук хӑпарсан, вӑл лавкка сентрисем ҫинчен ҫухалма тытӑнсан тӳре-шара хаксене, тавар саппасӗсене сӑнаса тӑма пуҫланӑ. Ку тӗллевпе ятарлӑ штаб та йӗркеленӗ.

ЧР Экономика министерстви пӗлтернӗ тӑрӑх, пӗтӗм сахӑра Раҫҫейре туса кӑлараҫҫӗ, ҫавна май вӑл дефицит мар. Юлашки вӑхӑтра сахӑр сентресем ҫине таврӑнма пуҫланӑ.

Апла лавккасенче сахӑр мӗншӗн ҫук? Ҫынсем саппас валли тесе туянма тытӑннӑ. Кӑшӑлвирус сарӑлма тытӑнсан халӑх хура тул илме тытӑнӑччӗ. Ку информаци тапӑнӑвӗн витӗме те. Халӗ ҫакнашкал каларӑш та пур: ӗнер памперс кунӗ пулнӑ, паян сахӑр кунӗ, ыран вара кӗрпе.

Пӗтӗмлетсе каласан: тавар дефицичӗ пулас хӑрушлӑх ҫук. Апла килограмӗ-килограмӗпе кӗрпе, сахӑр туянма кирлӗ мар.

Хыпар ҫӑлкуҫӗ: https://pg21.ru/news/77811
 

Апат-ҫимӗҫ
im0-tub-ru сайтри сӑн
im0-tub-ru сайтри сӑн

Чӑвашстат нарӑсӑн 26-мӗшӗнчен пуҫласа пушӑн 4-мӗшӗччен апат-ҫимӗҫ тата ытти япала хакӗсем епле улшӑннине тишкернӗ.

Мӗн хакланнӑ-ха? Турцие вӗҫмелли путевка хакӗ палӑрмаллах ӳснӗ - 22,74 процент. Хамӑр патра туса кӑларнӑ машинӑсем те хакланнӑ - 17,07 процент. Ҫавӑн пекех, апат-ҫимӗҫе илес тӗк, пӗҫернӗ кӑлпасси, помидор, сахӑр хакӗсем самай ӳснӗ. Йӑлара усӑ курмалли техника йышӗнче пылесос, телевизор хакланнӑ. Япала ҫумалли порошокпа хуҫалӑх супӑнӗн хакӗсем те хӑпарнӑ. Кунсӑр пуҫне смартфонсем унчченхи пек тӑмаҫҫӗ, халӗ 7 процент ытларах хакланнӑ.

 

Апат-ҫимӗҫ
rsnadzor21.rchuv.ru сӑнӳкерчӗкӗ
rsnadzor21.rchuv.ru сӑнӳкерчӗкӗ

Ҫӗнӗ Шупашкарти складра бактерирен сыхлакан препаратлӑ кӑлпасси тупса палӑртнӑ. Кун пирки Россельхознадзорӑн Чӑваш Енпе Чӗмпӗр облаҫӗнчи управленийӗнче пӗлтернӗ.

Ҫӗнӗ Шупашкарти курттӑм сутакан складсенчен пӗринче «Юбилейная» пӗҫернӗ кӑлпасси пулнӑ. Ӑна Чулхула облаҫӗнчи Лысковӑри аш-какай комбинатӗнче туса кӑларнӑ.

Кӑлпассире бактерирен аталанасран сыхлакан сульфаметазин препарат пулнӑ. Пӗр килограмм ҫимӗҫре — 7,9 мкг.

Кӑлпасси туса кӑларакана 100 пин тенкӗ штраф хурса хӑварнӑ.

 

Апат-ҫимӗҫ

Пирӗн ҫӗршывра сахӑр песукне, кӗрпе-макарона тата ҫӑнӑха виҫсе сутма тытӑнасшӑн. Халӗ ҫавӑн пек тума Роспотребнадзор чарать. Тавар туса кӑларакансем асӑннӑ апат-ҫимӗҫе хутаҫа тултарни хака 10-15 процент ӳстерет тесе калаҫҫӗ-мӗн.

Раҫҫей Ял хуҫалӑх министерствинче пӗлтернӗ тӑрӑх, хальхи вӑхӑтра сахӑр песукне, кӗрпе-макарона тата ҫӑнӑха ваккӑн виҫсе сутма ирӗк парас йӗркене сӳтсе яваҫҫӗ. Асӑннӑ ыйтӑва татса парассишӗн Роспотребнадзор яваплӑ. Ҫӗнӗлӗхе йышӑнсан маларах асӑннӑ апат-ҫимӗҫе предприятисем хутаҫа тултарса та, тултармасӑр та лавккасене ӑсатайӗҫ.

Ҫӑкӑр пӗҫерекенсен союзӗ вара ҫӑкӑра хутаҫа чикмесӗр сутмалла туни хака 5 процент йӳнетме май парассине пӗлтернӗ.

 

Апат-ҫимӗҫ
www.design-m.ru сӑнӳкерчӗкӗ
www.design-m.ru сӑнӳкерчӗкӗ

Шупашкар районӗнчи Кӳкеҫи лавккасенчен пӗрне 150 пин тенкӗлӗх штрафлама йышӑннӑ. Унта вӑхӑчӗ тухнӑ апат-ҫимӗҫе сутнӑ.

Лавкка хуҫи — «Центркоопторг» тулли мар яваплӑ общество. Ӑна Роспотребнадзорӑн тата прокуратурӑн ӗҫченӗсем тӗрӗсленӗ.

Организаци тӗлӗшпе прокуратура административлӑ ӗҫ пуҫарнӑ. Арбитраж сучӗ лавккана 150 пин тенкӗ штраф тӳлеттерме йышӑннӑ. Чӑваш Енӗн прокуратурин пресс-службинче пӗлтернӗ тӑрӑх, суд йышӑнӑвӗ хальлӗхе саккунлӑ вӑя кӗреймен-ха.

 

Апат-ҫимӗҫ
rsnadzor21 сӑнӳкерчӗкӗ
rsnadzor21 сӑнӳкерчӗкӗ

Чӑваш Енре пӗр тонна ытла панулмие пӑрахӑҫланӑ. Витаминлӑ ҫак ҫимӗҫе тракторпа лапчӑтса юрӑхсӑра кӑларнӑ.

1200 килограмм панулмие Россельхознадзорӑн Чӑваш Енри тата Чӗмпӗр облаҫӗнчи управленийӗ тиркенӗ. Асӑннӑ продукцин докуменчӗсем юрӑхлӑ пулман иккен.

Асӑннӑ органӑн пресс-службинче пӗлтернӗ тӑрӑх, панулмие ӑҫтан кӳрсе килнине документсемпе ҫирӗплетсе парайман. Ун пек ҫимӗҫе надзор органӗсем сутма ирӗк паманнинчен тӗлӗнме кирлӗ мар. Сутлӑха яма юраман продукцие тракторпа лапчӑтса пӗтернӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...21
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (13.07.2024 21:00) уяр ҫанталӑк, атмосфера пусӑмӗ 751 - 753 мм, 16 - 18 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертÿлĕхпе хутшăннă чухне ăнăçу сирĕн енче пулĕ. Е карьера картлашкипе хăпаратăр, е шалу ÿсĕ. Официаллă учрежденисенчен пулашу ыйма лайăх вăхăт. Ĕçтешсемпе ăнланманлăх сиксе тухнă тăк халĕ шăпах мирлешме лайăх эрне.

Утӑ, 13

1934
90
Александров Михаил Александрович, паллӑ авиаконструктор ҫуралнӑ.
1945
79
Патман Николай Кириллович, чӑваш ҫыравҫи ҫут тӗнчерен уйрӑлса кайнӑ.
1953
71
Абужаров Анатолий Ильич, Чӑваш Енӗн тава тивӗҫлӗ вӑрманҫи ҫуралнӑ.
1966
58
Золотов Арсений Иванович, Чӑваш Республикин тава тивӗҫлӗ вӗрентекенӗ ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
хуҫин ҫитӗннӗ ачисем
хуть те кам тухсан та
хуҫа арӑмӗ
хӑнана ӑсатма никам та тухмасть
пӗтӗм кил-йышпа тухаҫҫӗ
кил-йышри арҫын
хуҫа тарҫи
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та