rsnadzor21.rchuv.ru сӑнӳкерчӗкӗ

Ҫӗнӗ Шупашкарти складра бактерирен сыхлакан препаратлӑ кӑлпасси тупса палӑртнӑ. Кун пирки Россельхознадзорӑн Чӑваш Енпе Чӗмпӗр облаҫӗнчи управленийӗнче пӗлтернӗ.

Ҫӗнӗ Шупашкарти курттӑм сутакан складсенчен пӗринче «Юбилейная» пӗҫернӗ кӑлпасси пулнӑ. Ӑна Чулхула облаҫӗнчи Лысковӑри аш-какай комбинатӗнче туса кӑларнӑ.

Кӑлпассире бактерирен аталанасран сыхлакан сульфаметазин препарат пулнӑ. Пӗр килограмм ҫимӗҫре — 7,9 мкг.

Кӑлпасси туса кӑларакана 100 пин тенкӗ штраф хурса хӑварнӑ.

#апат-ҫимӗҫ, #сывлӑх, #Ҫӗнӗ Шупашкар, #Чулхула, #Лысково, #предприятисем, #яваплӑх, #Россельхознадзор