Кандинский нейросеть сӑнӳкерчӗкӗ

Чӑваш Енри 8 предприятин продукцийӗ Раҫҫейри чи лайӑх 100 тавар шутне кӗнӗ. Вӑл шутра:

– «Промтракторӑн» гусеницӑллӑ «ЧЕТРА Т-9.01» бульдозерӗ,

— «КЕТРА» заводӑн пысӑк форматпа керамика кирпичӗ,

— Промышленность шӑратӑвӗн локомотив колодки,

— Шупашкар элеваторӗн «Чебоксарская» ыраш ҫӑнӑхӗ,

— «МЕГА-ЮРМА» фабрикӑни маринадри чӑххи,

— «Хӗвел» компанин фотоэлектрика модулӗ,

— «Релематика» предприятин хӳтлӗхпе автоматика хатӗрӗ,

— «Электроприбор» заводӑн электроэнерги пахалӑхне тӗрӗслекен хатӗрӗ.

Чӑвашсем Китайра иртекен чи пысӑк суту-илӳ куравне хутшӑнаҫҫӗ.

Унти Гуанчжоу хулинче Пӗтӗм тӗнчери Кантон куравӗ иртет. Унта Чӑваш Енри делегаци те тухса кайнӑ.

Ҫав йышра – «Деревенский дворик», «Россыпей», «Вавилон» предприятисем.

Курав юпа уйӑхӗн 31-мӗшӗнче пуҫланнӑ; ыран, чӳк уйӑхӗн 4-мӗшӗнче, вӗҫленӗ.

Кандинский нейросеть сӑнӳкерчӗкӗ

Федерацин налук служби Раҫҫейри регионсенчен хӑшне налук тиевӗ мӗн чухлӗ тивнине уҫӑмлатакан хыпар пӗлтернӗ.

Чи нумай налук тӳлекеннисем — нефтьпе газ регионӗсем: Ханты-Манси автономи округӗ (регион тухӑҫӗнчен 56,64 проценчӗ), Коми Республики (52,15 процент), Ямал-Ненецк автономи округӗ (46,79%).

Налук тивеӗ чи пӗчӗк регионсен шутӗнче Дагестан (6 процент), Чечня (7,67 процент), Ингушети (9,07 процент).

Пӗлтӗрхипе танлаштарсан, республикӑра АПК экспорчӗ 4 хута яхӑн ӳснӗ. Кун пирки Россельхознадзорӑн Чӑваш Енри тата Чӗмпӗр облаҫӗнчи управленийӗ пӗлтерет.

Тӗп импортер – Казахстан. Унта 11 тоннӑна яхӑн тулӑ, 1,8 пин тонна ытла тулӑ хӑрпӑкӗ ӑсатнӑ. Беларуҫе 3,3 пин тонна урпа янӑ, Китая пӗрремӗш хут 3,2 пин тонна пӑрҫа ӑсатнӑ. Узбекистана 100 тонна ҫӗрулми янӑ, Азербайджана 826 тонна ҫак ҫимӗҫе тиесе янӑ.

chgtrk.ru сӑнӳкерчӗкӗ

Ozon маркетплейсра «Сделано в Чувашии» (чӑв. Чӑваш Енре туса кӑларнӑ) тавар витрини йӗркелӗҫ. Маркетплейса хамӑр ҫӗршывра туса кӑларнӑ таварсене сарма пулӑшас тӗллевлӗ «Сделано в России» (чӑв. Раҫҫейре туса кӑларнӑ) программӑпа килӗшӳллӗн Республикӑн бизнес-инкубаторӗ туса кӑларӗ.

Виртуаллӑ витрина ҫине хамӑр тӑрӑхра тавар туса илекенсен таварне вырнаҫтарӗҫ.

Унта лекес тесен электрон заявкӑсене авӑн уйӑхӗн 30-мӗшӗччен йышӑнаҫҫӗ.

Витринӑна «Чувашия БлагоДарит» бренд стильне тӗпе туса йӗркелӗҫ.

dzen.ru сайтри сӑн

Кӑҫал 79 тонна мороженӑй экспорта кайнӑ. Ку, пӗлтӗрхи ҫак тапхӑрпа танлаштарсан, 3 процент нумайрах. Ҫапла пӗлтерет Россельхознадзорӑн Чӑваш Енри тата Чӗмпӗр облаҫӗнчи управленийӗ.

Пирӗн патра туса кӑларнӑ мороженӑй Монголие, Казахстана, Азербайджана, Кӑнтӑр Осетие кайнӑ. Палӑртса хӑвармалла: Чӑваш Енри мороженӑя ытти ҫӗршыва 2022 ҫултанпа ӑсатаҫҫӗ. Ҫӳлерех асӑннӑ ҫӗршывсемӗр пуҫне ӑна Абхазие, Таджикистана, Узбекистана илсе кайнӑ.

minec.cap.ru сӑнӳкерчӗкӗ

Чӑваш Енри пилӗк компанин ют ҫӗршывсенчи байерсемпе тӗл пулас шанӑҫ пур. Сӑмах Китайри тата Таиландрисем пирки пырать. Вӗсемпе пирӗн патри компанисем Питӗр хулинче авӑн уйӑхӗн 25-27-мӗшӗсенче иртекен пӗтӗм тӗнчери туяну секцийӗнче калаҫса татӑлас шанчӑк пур-мӗн.

«Чӑваш Еншӗн Китай — суту-илӳ енӗпе стратегилле партнер», — пӗлтернӗ республикӑн вице-премьерӗ Дмитрий Краснов. Пирӗн республикӑри предприятисем хӑйсен таварне экспорта янинчен 8,5 процентне Китая ӑсатаҫҫӗ. Укҫа ҫине куҫарсан та Китайпа чи пысӑк сумма пухӑнать-мӗн.

Китайри тата Таиландри байерсемпе тӗл пулас ӗмӗтлисен заявкисене авӑн уйӑхӗн 9-мӗшӗччен йышӑнаҫҫӗ. Чӑваш Енри бизнес-делегацине ҫула тухнине Чӑваш Енӗн экспорта пулӑшакан центрӗ саплаштарӗ.

t.me/bbbreaking сӑнӳкерчӗкӗ

Китайра «TCL» брендпа туса кӑларакан телевизосем Раҫҫей рынокӗнчен ҫухалма пултарӗҫ. Санкцисенчен хӑраса Китай «Квант» и STI Group.Раҫҫейрк контрактпа ӗҫлекен производительсене компонентсемпе тивӗҫтерсе тӑма пӑрахӗ.

«TCL» телевизорсен производствине тата унччен парса тӑма пӑрахнӑ «Xiaomi» брендӑн комплектующийӗсене Казахстанра туса кӑларма тытӑнма пултарӗҫ. Анчах логистикӑна пула тавар хакӗ 10-20 процент ӳсме пултарать.

Раҫҫейри заводсен «TCL» телевизорсен компоненчӗсем чӳк уйӑхӗччен ҫитмелле-мӗн, хӑш-пӗр компани производствӑна чарса лартма шухӑшлать. Апла пулсан асӑннӑ тавар дефицитланса кайма пултарӗ.

Росстат хыпарӗнчен илнӗ скриншот

Чӑваш Енре пурӑнакансем уйӑхсерен 50 пин тенкӗ ытла ӗҫлесе илеҫҫӗ. Росстат цифрисене ӗненсен, пирӗн республикӑра как уйӑхӗнчи шалу 56 пин те 260 тенкӗпе танлашнӑ. Ку вӑл пӗлтӗрхи ҫав вӑхӑтринчен 9,1 пин тенкӗ пысӑкрах.

Ӗс укҫи шайӗпе Чӑваш Ен Атӑлҫи тӑрӑхӗнчи пилӗк регионтан иртсе кайнӑ: Мордва Республикинчен; Киров, Пенза, Сарту тата Чӗмпӗр облаҫӗсенчен, Мари Элтан.

«ҫыхӑнура» форум сӑнанӑ тӑрӑх, Чӑваш Енри шалу ҫичӗ уйӑх ӗнтӗ 50 пин тенкӗрен ытла ларса пырать. Ҫулталӑк пуҫланнӑранпа уйӑхри вӑтам ӗҫ 54 070 тенке ларнӑ.

"Советская Чувашия" архивӗнчи сӑн

Республика кунӗнче сыр пӗҫерекен предприяти уҫӑлнӑ. Ӑна Татьяна Юркина пуҫарса янӑ.

2021 ҫулта вӑл хӑйӗн ӗҫне пуҫарма республика хыснинчен 8 миллион тенкӗ илнӗ, хӑйӗн укҫине те хушнӑ. Ҫапла вӑл сыр пӗҫермелли хатӗр-хӗтӗр туяннӑ. Халӗ ав предприяти алӑкӗсене уҫнӑ.

Пуласлӑхра унта ҫулсерен 20 тонна таран продукци кӑларма палӑртаҫҫӗ.

Сӑмах май, ҫитес ҫул фермерсене «Перспектива» грантпа килӗшӳллӗн пулӑшма 150 миллион тенкӗ пӑхса хунӑ.