Малалла утар!

Эп ӳкернӗ лаша 4139-мӗш вырӑн йышӑнчӗ

■ 09.07.2010 20:19 | 4832 хут пӑхнӑ

Яндекс-сӑнӳкерчӗк ресурсра яланах тӗрлӗ сӑнсен ӑмӑртӑвӗсем иртеҫҫӗ. Тин кӑна «Ялти пурнӑҫ» ятли иртрӗ. Эпӗ та хамӑн икӗ сӑнӳкерчӗке тӑратрӑм:

«Когда трактор отдыхает» на Яндекс.Фотках
9 435 сӑнӳкерчӗк хушшинче манӑн 4139-мӗш вырӑн йышӑнчӗ — 880 балл пухрӗ.

Малалла...

[Комментариле]

Словарь ӗҫне ҫухатрӑм :(

■ 26.06.2010 22:20 | 4375 хут пӑхнӑ

Астӑвасса эп фразеологи словарьне тусаччӗ. Туса пӗтерменччӗ, ҫурри патнелле тунӑччӗ. Паян хайхи малалла тума тытӑнас тесе шырама пуҫларӑм та — тупаймарӑм. Тахӑш каталога персе чикнӗ :( Те ҫӗнӗрен тума тивет ӗнтӗ :(
Ача-пӑча словарьне те нумай тунӑ пек астӑватӑп. Вӑл та пулин тупӑнмарӗ :(

Икӗ хут питӗ тӑвас килмест-ҫке...

Ирхине / юрӑ

■ 25.06.2010 10:58 | 5090 хут пӑхнӑ

В. Сергеевӑн «Ах, анне, йӑмӑка ан ятла» юрри мана питӗ килӗшет. Кӗвви те вырӑнлӑ, юрӑҫи те чунпа юрлать. Пурте ҫыпӑҫуллӑ темелле.
Паян вара, электронлӑ вулавӑша тултарнӑ май, юрӑ сӑмаххисен авторӗ кам пулнине пӗлтӗм — Николай Карай.

Сир, анне, чӳрече каррине,
Кармашать кун ҫути тӳпене.
Ах, аннеҫӗм-анне, кӗҫӗр йӑмӑк ҫукран
Чӗлкӗм куҫ ҫӗрӗпе эп хупман.
Ах, пулманччӗ капла нихӑҫан, —
Йӑмӑк халь те килмен вӑйӑран.

Уҫ, анне, кантӑка ик енне,
Ҫӗмӗрт кӑчӑк туртать хӑй патне.
Ах, аннеҫӗм-анне, мӑшӑрпа вӑйӑран
Йӑмӑк килчӗ киле — суя мар.

Малалла...

[Комментариле]

Айван ҫав...

■ 12.06.2010 17:01 | 5773 хут пӑхнӑ

Lenta.ru паян «Остаться в живых» ятлӑ статья пичетлерӗ. Кӗске ӑнлантарӑвӗ — «Английский путешественник заблудился в России».
Усӑмахне сиктерсе хӑварӑпӑр та статья пуҫламӑшне вулар:

Англичанин с простым русским именем Айван (Ivan) катается по миру уже несколько лет. По признанию самого путешественника, за последние годы он объездил на велосипеде 28 разных стран...

http://lenta.ru/articles/2010/06/12/inrussia/
Ятӗнченех паллӑ — айван. :) Ҫул тупайман. Вырӑсла куҫарсан «Дурак» тееймӗн-ха, «Простак» ӗнтӗ :).

[Комментариле (3)]

Яманакра тепре пултӑм

■ 05.06.2010 10:46 | 3891 хут пӑхнӑ

Ку ялта ӗнер иккӗмӗш хут пултӑм ӗнтӗ. Чи малтанхи хут — виҫӗ ҫул каялла (тӑваттӑ та теме пулать) — 2006 ҫулхи авӑнӑн 29-мӗшӗнче. Вӑл вӑхӑтранпа пулса иртнӗ улшӑнусене сӑнама та интереслӗ пулчӗ. Ялӑн Йӑлӑм ятлӑ пайӗнче икӗ сарай ларатчӗ — халӗ вара пӗрре кӑна. Эддисон Патмар (ун патне хӑнана кайрӑм ӗнтӗ) килӗ патӗнчи пӗвере малтан шыв та, хурсем те пурччӗ пулсан — халӗ шывӗ ҫуккипе пӗрех. Чиркӳ пурччӗ — хута яманччӗ. Халӗ те ларать — йӗри-тавра самай хӑт кӗртнӗ пулин те ҫӑк виҫӗ ҫул хушшинче хута яман. Шкулне ун чухне тин кӑна хупнӑччӗ те малтанхи хут килнӗ чухне чиперех ларатчӗ.

Малалла...

[Комментариле (1)]

Ҫимӗкре тӗрӗс асӑнмастпӑр?

■ 25.05.2010 15:41 | 4739 хут пӑхнӑ

http://www.smi21.ru/?mode=publicati ... 2010&date=14.05.2010 — ҫак статья куҫ умне халь тӗл пулчӗ.

Православи пупӗсемшӗн чӑвашсем ҫӑвана питӗ нумаййӑн ҫӳрени ытла та кансӗрлет пулас.

Чиркӗве килнӗ халӑх Турӑшсемпе чиркӳ ялавӗсем йӑтса масар ҫине каймалла. Масар ҫинче каллех пӗчӗк панихида вуламалла. Ун хыҫҫӑн тин вилнӗ тӑвансен вил тӑпри ҫине саланмалла.

Ҫимӗкӗ чӑвашсен мӗн авалтан, вырӑссем парвославие кӗртес тесе ӑна хӑйсен уявӗпе пӗрлештернӗ те халӗ ӗнтӗ чавашӑн авалхи тӗн йӑлисене пушшех те пӗтересшӗн.

Малалла...

[Комментариле (8)]

«Шурӑ акӑш ҫулӗ». Николай Максимов

■ 07.05.2010 22:05 | 5824 хут пӑхнӑ

Нумай пулмасть Николай Максимовӑн «Шурӑ акӑш ҫулӗ» роман-халапне электронлӑ вулавӑша кӗртсе пӗтертӗм. Хӑй хайлавне «Тӑван Атӑлтан» илсеччӗ — виҫӗ номер хушши пичетленчӗ.
Кунашкал романсене Юхма Мишши (вӑл вӗсене историллӗ ромен тет-ха та...), Анатолий Кипеч (ыттисене алла тытса вуламан) ҫырма юрататчӗҫ. Халӗ ак, тепӗр автор ҫак анана кӗчӗ.
Мӗн калас? Пӗр енчен килӗшрӗ пек. Анчах тем ҫитмест пек туйӑнать. Пӗрремӗш пайӗ пӗтӗмӗшле илсен Керимпа ҫыхӑннӑ — Уксах Тимӗр Пӑлхара аркатса кайнипе пуҫланать («Пулат хан тӑхӑмӗ») те вӑл вилнипе («Вӗҫленмен сӑмах») вӗҫленет.

Малалла...

[Комментариле]

Пушкӑртсем тетел уҫлӑхне туха пуҫланӑ!

■ 27.04.2010 22:42 | 5194 хут пӑхнӑ

Пӑхатӑп та — пушкӑртсем пӗртте маххӑ памаҫҫӗ — пушкӑртла тунӑ сайтсем купи-купиех! Тата мана спорт хыпарӗсен сайчӗ тӗлӗнтерчӗ — http://www.nur-sport.ru/. Пушкӑртла ним мар спорт хыпарӗсене пӗлтерсе тӑраҫҫӗ, пушкӑртла пулнишӗн пӗрре те кулянмаҫҫӗ (пирӗннисем пулсан — чӑвашла сайт тусан кам унта кӗрӗ? — тесе нӑйкӑшма тытӑнаҫҫӗ).
Вӗсем капла маттур ӗҫлесен пирӗнтен иртсе каяҫҫӗ!

[Комментариле (2)]

Чирлерӗм...

■ 27.04.2010 22:18 | 4097 хут пӑхнӑ

Пӑхатӑп та, эп кӑна мар, ыттисем те сӑмсисемпе нӑшиклетеҫҫӗ, кӑххӑм-кӑххӑм тутараҫҫӗ. Хыпарсенче те «эпидеми» сӑмах тӗл пула пуҫланӑ...
Эпӗ юрӗ-ха — сивӗ ҫиллӗ ҫанталӑкра ӗҫлерӗм. Ӗҫне туса пӗтермеллеччӗ те сивӗ ҫиле пӑхмасӑр тӑрӑшрӑм, пехлетрӗм. Вӑт халӗ нӑшик-нӑшик тӑвап, ӳсӗреп. Шӑнтӑм. Ӗнер температура пурччӗ те, паян ҫухалчӗ пулас — ара икӗ пысӑк сухан пуҫӗ кӑшласа янӑ хыҫҫӑн (хам йӗре-йӗре чӑмлап, чӗлхене те чӗр сухан ҫунтарать...) чир кӑштах лӑпланчӗ пулас.
Эрне хушшинче чире ҫӗнтересчех...

[Комментариле (1)]

Тухья тенкисем

■ 16.04.2010 20:01 | 4314 хут пӑхнӑ

Паян пӗр нумизматсен сайтне лекрӗм. Аукцион сайтчӗ. Кивӗ укҫасене сутаҫҫӗ, ылмаштараҫҫӗ.
Пӑхатӑп та — чылайӑшӗ шӑтӑк! Ав, ӑҫта чӑваш тумӗнчи укҫасем кайнӑ!
//вӗсенчен чылайӑшӗ укҫана мӗншӗн шӑтарни пирки чухламасть те пулӗ...

[Комментариле (1)]

Вырӑсланнӑ Йӗпреҫсем

■ 08.04.2010 12:24 | 4816 хут пӑхнӑ

Пӗр Красноармейскипе Шупашкар районӗ ҫеҫ хыпарсенче ан пултӑр тесе эп тӗрлӗ районти хупарсене вырнаҫтарма тӑрӑшатӑп. Паян Йӗпреҫ районӗнчине вырнаҫтарас терӗм.
Пӑхатӑп — нимӗн те ҫук... Хӑш-пӗр район сачӗсем вырӑнти хаҫат статьисене те пулин чӑвашла вырнаҫтараҫҫӗ — кусем вара вырӑслисене кӑна. Smi21 сайта кӗрсе пӑхрӑм — кунта та вырӑсла статьясем кӑна.

Чӑн та, Йӗпреҫсем чӑвашла манса кайнӑ пулӗ? Комсомольски районне кӗрсе пӑхас.

[Комментариле (3)]

Аксакова Шупашкара ярасшӑн-ши?

■ 26.03.2010 13:12 | 5117 хут пӑхнӑ

Акӑ мӗн ҫырать Lenta.ru:

"Справедливая Россия" решила разбавить губернаторов-единоросов

"Справедливая Россия" направила в администрацию президента список из 20 потенциальных партийных кандидатов на губернаторские посты, пишет газета "Ведомости", ссылаясь на собственные источники.
Как заявил изданию неназванный член партии, в этом списке в основном депутаты - Геннадий Гудков, Валерий Гартунг, Анатолий Аксаков, Олег Михеев, Елена Вторыгина, Михаил Емельянов и Александр Четвериков.

http://www.

Малалла...

[Комментариле]

«Хӗрлӗ ялав»

■ 23.03.2010 14:41 | 4313 хут пӑхнӑ

Район хаҫачӗсем те тӗрлӗрен пулаҫҫӗ. Пӗрисем Раҫҫей шайӗнчи хаҫатсемпе тупӑшма пултараҫҫӗ, теприсем вара...
Smi21.ru сайтра пӗр хыпар тӗлне лекрӗм — сайтра вырнаҫтарас кӑмӑл ҫуралчӗ. Хайхи «Хӗрлӗ ялав» редакцинче ачасемпе иртнӗ тӗлпулу пирки сӑмах кунта. Хыпарӗ ӳкерчӗксӗр, ҫавна май хаҫатӑн питне те пулин вырнаҫтарас-ха тесе унӑн пӗрремӗш страницин сӑнне шырама пикентӗм. Ниҫта та ҫук. Вӑрмар районӗн официаллӑ сайтӗнче хаҫат пирки шӑрши-мӑрши курӑнмарӗ. Ахаль чухне унталла пулкалатчӗ — кусен вара ҫук. Smi21.ru сайтра ятарлӑ страница пур — анчах та кунта та хаҫатӑн логотипӗ ҫук.

Малалла...

[Комментариле]

«Тӑван Енри» телепрограмма меллӗрех

■ 13.03.2010 21:35 | 4546 хут пӑхнӑ

Эп хам инҫекурава пӑхмастӑп. Тимиҫе ҫул та ҫитет ӗнтӗ, пӗр ҫиччӗ патнеллех. Ҫавӑнпа та хӑш телепрограмма меллӗреххине ытти ҫынсем сӑнанипе, вӗсен шухӑшӗсене тӗпе хурса ҫеҫ калама пултаратӑп. //«ку ҫын инҫекуравсӑр епле пурӑнайрать-ши?» — ыйтасшӑн пулсан, хуравлатӑп: мана тӗнче тетелӗ те ҫителӗклех, ман шутпа унти хыпарсем туллирех тата вӗсемпе паллашма та хӑвӑртрах пулать; илемлӗ фильмсем пирки сӑмах пырать пулсан — эп вӗсене рекламӑсӑр пӑхма кӑмӑллатӑп.
Маларах эп ҫырӑнса илекен телепрограммӑллӑ хаҫатсем темиҫеччӗ — «Хыпар», «Ҫамрӑксен хаҫачӗ», «Тӑван Ен».

Малалла...

[Комментариле]

Пулӑшма ыйтаҫҫӗ

■ 02.03.2010 22:50 | 5019 хут пӑхнӑ

Ҫапла хыпар кӗртнӗ:

ХИСЕПЛӗ ЕНТӖШСЕМ!ПУЛӐШӐРХА.МАНӐН КОНЦЕРТ ПРОГРАММИ ЙӖРКЕЛЕМЕЛЛЕ НИЕПЛЕ ТЕ ПУҪЛАСА ЯРАЙМАСТӐП. ЧӐВАШ ЕН ҪИНЧЕН СӐВӐСЕМ ТЕ КИРЛӖ.ТАТА ЫТ.ТЕ.ЭПӖ ТОЛЬЯТТИ ХУЛИНЧЕ П УРӐНАТӐП. ЭПИР ЧӐВАШ ФОЛЬКЛОР АНСАМБЛӖ ЙӖРКЕЛЕНӖ "ШАНЧӐК"

Паллах, ку хыпар мар, вара кунта куҫарма тиврӗ.
Ҫыраканни: http://chuvash.org/cgi-bin/user.cgi?a=vv&anketa=nikipan2000

[Комментариле (2)]

Ҫул хакӗ — пӗрре савантарчӗ, тепре хурлантарчӗ

■ 26.02.2010 16:43 | 7649 хут пӑхнӑ

Шупашкара ҫитнӗ хыҫҫӑн хулана тухма тиврӗ. Хайхи 46-мӗш (Лапсартан хулана ҫӳрет) маршрутка ҫине лартӑм та ҫул хакӗ 10 тенке чакни пирки пӗлтӗм — малтанхи пек 11 тенкӗ патӑм та мана пӗр тенке каялла тавӑрчӗҫ. Ара ку питӗ лайӑх-иҫ — хаксене ӳстерме ҫеҫ мар, чакарма та пӗлеҫҫӗ-иҫ кусем тесе хӗпӗртерӗм.
Никоаев урамне ҫитнӗ хыҫҫӑн хайхи троллейбус ҫине куҫса ларма тиврӗ. Малтанхи пек кондуктор аллине 9 тенкӗ паратӑп: «Сан 1 тенкӗ ҫитмест кунта» — тет хайхи. Малтанхи савӑнӑҫ вара пӗтсе ларчӗ...

Маршруткӑсемпе ахаль троллейбуспа автобуссен хакне пӗрпеклетме кирлӗччӗ-ши ӗнтӗ?

Малалла...

[Комментариле]

Миҫе ҫын — ҫавӑн чухлӗ шухӑш.

■ 24.02.2010 18:00 | 5359 хут пӑхнӑ

Кун пек хаклав халиччен килменччӗ-ха. Тин кӑна пӗр чӑваш ман пата ҫапла ҫыру ҫитерчӗ:

...Но вот во-вторых… Короче говоря, я недавно наткнулась и прочитала «Повествование о чувашах» на history.chuvash.org, и оно оставило у меня не очень приятное впечатление. Я не знаю, за что рецензенты текста дали там положительные отзывы. Иллюстрации ужасные. Нельзя было нанять хорошего художника и хорошего фотографа? Текст отвратителен (на мой вкус, конечно): понятно, что автор прежде всего хотела бы поднять самооценку чувашей, а не рассказать их историю, но ничто так не выдает комплекса неполноценности, как откровенное самопрославление.

Малалла...

[Комментариле (2)]

Трамплинран сикнине пӑхрӑм

■ 13.02.2010 23:56 | 4704 хут пӑхнӑ

Эп спорт хыпарӗсемпе ытлаши интересленсех каймастӑп. Тата инҫекуравне те пӑхмастӑп. Ҫапах та паян Ванкурверта пӗрремӗш наградӑсен пуххине вылаттарнине пӑхас терӗм. Интернет урлӑ ӗнтӗ. Мӗн курнине хамӑн Твиттерта ҫырса пытӑм: http://twitter.com/Astahar

Кама интереслӗ — вулама пултаратӑр. :)

[Комментариле]

Чӗлхе саккунне тишкернӗ май...

■ 10.02.2010 12:15 | 5677 хут пӑхнӑ

Эсир Чӑваш Республикин чӗлхе саккунне вуланӑ-и? Эп вара вуламан. Халӗ вара тишкерсе тухас терӗм :)
Пуҫлас...

Забота о сохранении и развитии чувашского языка как важнейшего национального признака и основы всей духовной культуры возлагается на Чувашскую Республику.

Яваплисем — Чӑваш Ен президенчӗ, прваительство, министрсен кабинечӗ.

Сохранение и развитие чувашского языка выражается в законодательном закреплении его статуса, создании условий для активного его использования в государственной и общественной жизни, поддержании его высокого престижа, а также в принятии мер по его нормализации и научной разработке.

Малалла...

[Комментариле (4)]

«Тӑван Ен» ҫитменлӗхӗсем

■ 31.01.2010 12:55 | 5775 хут пӑхнӑ

Малтанхи ҫырӑва, «Тӑван Ен» лайӑхланни ҫинчен ҫырнине, Борис Чиндыков («Тӑван Ен» редакторӗ) хаҫатрах пичетлесе кӑларчӗ.
Паллах, хаҫат ҫитменлӗхсемсӗр мар. Вӗсем те пур. Халӗ вӗсене кӑтартасшӑн:
1. Терминсем. Чӑвашсем тахҫанах «сӑн ӳкерчӗк» сӑмаха пӗлеҫҫӗ, «ТЕ» вара темшӗн «фото ӳкерчӗк» сӗнет. //Халӗ 3-мӗш кӑларӑма пӑхнӑ май унта «сӑнӳкерчӗк» те тӗл пулчӗ...
2. Уйӑх ячӗсем. «Суварти» текех, кунта та, вырӑс ячӗсемпе усӑ кураҫҫӗ. Чӑваш ячӗсем пурӑнма тивӗҫ мар теҫҫӗ-ши? Кӑрлач, нарӑс — мӗн тери хитре ятсем! Ҫук, ку хаҫатсенче — январь, февраль, … Эпӗ хам сайтра пушшех те вырӑсла ячӗсене ҫырмастӑп.

Малалла...

[Комментариле]

Страницӑсем: 1, ... 19, 20, 21, 22, 23, [24], 25, 26, 27, 28, 29, ... 47

Баннерсем

Шутлавҫӑсем

0 Хурал кӗтесӗ (чат)

Статьясем

￭ В Чебоксарах открылась выставка Союза чувашских художников

Инҫе ҫулсен сиплевӗ6

Новая книга народного художника Чувашии Валерия Северянина2

Чӗлхене мӗн ҫӑлса хӑварайрать? Вӑл кӑсӑклӑ пулни-и?

«Илем тӗнчи тата шкул»

«Ҫӑлӑнӑҫ — юратура» спектакль хаклавӗ3

Изьяр кӳлӗ патне кайса килни4

Чикмене кайса килни11

Тарасов в защиту истины17

Симек - 20263

Судьба и наследие легендарного Ухсая17

... ыттисем

Ҫанталӑк

Тӗплӗрех

Гороскоп

Сурӑх: Ку эрнере сирӗн писсемистла кӑмӑл. Халӗ таврари ҫынсем сире хирӗҫ, ҫавӑнпа чӑкӑлтӑш ҫынсемпе хутшӑнма ан тӑрӑшӑр. Агрессирен пӑрӑнӑр, хальлӗхе телевизорпа хыпарсем ан пӑхӑр, интерантра ан вулӑр.

Ҫурла, 20

1888

138

Турхан Энтри, чӑваш вӗрентевҫи, историкӗ ҫуралнӑ.

1930

Пушкӑрт Республикинче Авӑркаспа Паймак районӗсене йӗркеленӗ.

1938

Эриванов Николай Лазаревич, чӑваш музыка фольклорне пухаканӗ ҫуралнӑ.

1957

Воронов Станислав Кириллович, генерал-лейтенант ҫуралнӑ.

1984

Малышев Юрий Александрович, чӑваш сӑвӑҫи ҫут тӗнчерен уйрӑлса кайнӑ.

Пулӑм хуш...

Малалла утар!

"Справедливая Россия" решила разбавить губернаторов-единоросов

Меню

Баннерсем

Шутлавҫӑсем

Спонсорла пулӑшу+100 +200 +300 +500Пухнӑ: 22 000 тен.Тӑкакланӑ: 27 420 тен.

0 Хурал кӗтесӗ (чат)

￭ В Чебоксарах открылась выставка Союза чувашских художников

Ҫанталӑк

Гороскоп

Спонсорла пулӑшу
+100 +200 +300 +500
Пухнӑ: 22 000 тен.
Тӑкакланӑ: 27 420 тен.