Малалла утар!

Вырӑссем канма вӗренесшӗн тет...

■ 14.01.2009 10:15 | 6285 хут пӑхнӑ

Халӗ эп Шупашкарта пулнӑ май хыпарсемпе инҫекурав урлӑ паллашатӑп. Ара, кунта, интернечӗ ҫук та... ирӗксӗрех ҫав хатӗрпе усӑ курма тивет. Интернечӗ пур чухне, паллах, эпӗ хыпарсемпе Lenta.ru сайтра паллашатӑп – унта вӗсем объективлӑрах тата (ку маншӑн питӗ паха) тӗрлӗ енлӗ кӑтартаҫҫӗ. Инҫекураври пек пӗр енлӗ мар.
Пӗррехинче, ҫапла пӑхса ларатӑп та ӗнтӗ, Медведев юлташӑн сӑмахне илтрӗм. Эпир, Раҫҫей ҫыннисем, канма пӗлместпӗр иккен. Канма вара пирӗн анӑҫри культурӑран вӗренмелле иккен. Ку сӑмаха вӑл ҫӗнӗ ҫулхи кану вӑхӑчӗ пирки каларӗ. Мана ку, ун сӑмахӗсем, питех те килӗшмерӗҫ.

Малалла...

[Комментариле (5)]

2008 ҫула пӗтӗмлетсе

■ 25.12.2008 17:09 | 7387 хут пӑхнӑ

http://chuvash.org/blogs/comments/161.html — кунта 2006 ҫул пӗтӗмлетӗвӗ.
http://chuvash.org/blogs/comments/531.html — кунта пӗлтӗрхи, 2007 ҫул пӗтӗмлетӗвӗ.

Яланхи пекех япӑххине аса илер.
1. Ман пурнӑҫра хурлӑхлӑ хыпар пулчӗ — атте ҫут тӗнчерен уйрӑлса кайрӗ. Ку сӑлтава пула аталану самай чакрӗ — фотосессисем те ҫителӗклӗ ирттереймерӗм.
2. Пӗлтӗр сервер хваттере куҫрӗ пулсан, кӑҫал вара пушшех те пӗтсе ларчӗ. Яланхи пекех, пӑтӑрмах ҫу уйӑхӗн пуҫламӑшӗнче пулса иртрӗ. Лайӑх хыпарӗ кӑҫал та пур — ҫӗнӗ сервер туянса, ӑна ӗнерлесе те ҫитернӗ, анчах, хостинга вырнаҫтарман-ха.

Малалла...

[Комментариле (2)]

Киличчен килменни

■ 22.12.2008 16:11 | 14808 хут пӑхнӑ

Эх... Шупашкара киличчен килменни лайӑхрах пулӗ. Ытла та чуна ыраттарать-ҫке. Эрнекун Республика лапамне лакрӗм те... Мӗн курӗ унта чӑваш? Пысӑк саспаллисемпе "С НОВЫМ ГОДОМ!" тесе ҫырса хунӑ. Чӑваш тӗсӗсем те ҫук! Шурӑ, кӑвак, хӗрлӗ. Раҫҫей ҫӗрӗ ӗнтӗ! Чӑваш чӗлхи пирки мӑнаҫлӑн калаҫма пуҫласан тӳрех "националист" тесе калаҫҫӗ, судпа айӑплама та пултараҫҫӗ. Кунта вара тепӗр халӑх чунне ыраттараҫҫӗ — хӑнк та тумаҫҫӗ. Вӗрентӳ министерствине кӗме лекрӗ — алӑк ҫине ниӑҫта та чӑвашла ҫырса ҫапнине курмарӑм — йӑлт вырӑсла. Калаҫма таҫта та вырӑсла ҫеҫ калаҫаҫҫӗ.

Малалла...

Ваттисен сӑмахӗсем

■ 18.12.2008 14:01 | 7798 хут пӑхнӑ

Малтанхи президент ҫырӑвӗсене вуламанчӗ. Хальхипе паллашас терӗм. Ҫырура ваттисен сӑмахӗсене нумай усӑ курни курӑнчӗ.
«Ырлӑхпа хурлӑх пӗрле ҫӳреҫҫӗ», «Тӗшӗ тымара пӑхать», «Ҫынсӑр ҫын пурӑнаймасть», «Пӳрт-ҫурт тытма тӑн-пуҫ кирлӗ» — тӑватӑ штук. Вӗсемпе интереслӗрех вуланать.
Паллах, тӗп вырӑнта кризис тӑрать. Эп ытларах культурӑпа вӗрентӳ ҫинчен ҫырнине вуларӑм.
Пурте хастаррӑн ӗҫе хутшӑнмасӑр Чӑваш Ен ӑнӑҫлӑ аталанаймӗ (выр. залог успехов Чувашии – в инициативе каждого!) тени, сӑвӑ ӑмӑртӑвне аталантарасси пирки калани килӗшрӗ.

Малалла...

Ҫӗнӗ наци радионе тӑвасшӑн - 60% чӑвашла пулӗ

■ 12.12.2008 16:54 | 5699 хут пӑхнӑ

Чӑваш Енре чӑваш наци радионе тума хатӗрленеҫҫӗ тет-и?... Ку радиостанци 60% чӑвашла, 35% вырӑсла тата 5% тутарла ӗҫлемелле тет. 2009 ҫултан ӗҫлеме пуҫламалла тет. Пӗтӗм эфирӑн 60% аналитикӑллӑ-информациллӗ передачӑсем пулмалла тет, 40% — юрӑсемпе тултарӗҫ.

Хыпар ҫырса тӑма халӗ вӑхӑт ҫук, ҫавӑнпа та кунта та пулин пӗлтерем.

Шухӑшӗ чаплӑ, анчах епле пурнӑҫланӗ-ши?

[Комментариле (4)]

29-мӗш mp3 пуххи килӗшрӗ

■ 09.12.2008 20:56 | 5333 хут пӑхнӑ

Хам валли лайӑх mp3 пуххи тупрӑм — «Аксар» кӑларнӑ 29-мӗш номерли. Ку кӑларӑмра чӑваш халӑх юррисене пухнӑ. Вӗсене, паллах, ытларах пайӗпе, хальхи юрӑҫсемпе ушкӑнсем юрлаҫҫӗ. Кӗввине те чылайӗшӗнче хальхи инструментсемпе тунӑ (Т. Петрова юрлакан пӗр юрӑра акӑлчанла калакан кӗвӗпе усӑ курнӑ! Sic!). Тем тесен те мана чӑваш халӑх юррисем ытларах килӗшеҫҫӗ. Хальхи юрӑсенчен хӑшӗ-пӗри ҫеҫ пысӑк хака тивӗҫлӗ, ыттисем вара ҫуп-ҫап кӑна (ҫапах та мӑкшӑсем, сӑмахран, вӗсем пурришӗн пире ӑмсанаҫҫӗ). Ку дискри юрӑсенчен мана уйрӑмах А. Сарри юрлакан «Кайӑк хур юрри», «Ан кай кӑвакал», «Ан авӑн шӗшкӗ» (Артемьевӑн ҫав ятлӑ калавне вуланӑ май мӗнле юрӑ-ши вӑл теттӗм), «Чечек акрӑм та» (питӗ илемлӗ юрӑ!

Малалла...

[Комментариле]

Ӗҫлекен ҫынсене кӳрентерет

■ 05.12.2008 14:03 | 5718 хут пӑхнӑ

Эх ҫак Микулая. Хӑй мӗн туни паллӑ мар (пӗлменнине ҫырмӑп) — ыттисене вара кӳрентерме пӗрре те вӑтанмасть.
http://chuvash.org/news/566.html — ҫак хыпар пирки шухӑшсене вуласан акӑ мӗн курма пулать:
Елена Нарпи (журналсенче унӑн хайлавӗсем пичетленеҫҫӗ, чӑвашла ҫырать) шухӑшӗ ҫине епле хуравлать-ха? «Е эсӗ МАНКУРТ пулатӑн?» тет... Мӗнле-ха капла? Юрамасть ӗнтӗ апла ҫырма. Анонимла ҫырап тесе ҫапла тӑвать-ши? Ҫак темӑрах ман ҫинчен те «Эсӗ вара чӑваш чӗлхине Чӑваш республикинче тислӗк вырӑнне хунине килӗшнӗ курӑнать» ҫырать.

Малалла...

РФ пуҫлӑхӗ

■ 04.12.2008 13:55 | 6111 хут пӑхнӑ

РФ пуҫлӑхӗ кам пулни телеҫыхӑнуранах курӑнать. Ак, Медведевах илес — президент вырӑнне йышӑнма хатӗрленекен кандидат чухне ҫеҫ тухса калаҫрӗ. Халӗ вара калаҫмасть, ун вырӑнне пӗрремӗш министр калаҫать — Путин юлташ. Тӗрӗссипе пирӗн пуҫлӑх Путинах ҫав, Медведев мар.
//халӗ стенограммӑна вулатӑп та «Медведев» хушаматне асӑннине пӗрре те курмастӑп. :)

[Комментариле (2)]

Кӑларса ҫапас умӗн ҫеҫ чӗлхе уҫӑлать...

■ 19.11.2008 15:36 | 6157 хут пӑхнӑ

http://lenta.ru/news/2008/11/19/shaimiev/

Шаймиев Мускава критикленӗ текен хыпара вуларӑм.
Тӗрӗс калать ӗнтӗ — чӗлхене пӗтересех пыраҫҫӗ шельмӑсем. Шел те, Раҫҫейре демократи пур тесе калаҫҫӗ пулин те, ҫук вӑл. Кашни чиновник хӑйне ӑшӑ вырӑнтан кӑларса пӑрахасран хӑраса ӗҫлет — Мускавра темле арӑш-пирӗш саккун кӑларсан та хирӗҫ чӗнеймест. Кӑларса ҫапас умӗн ҫеҫ вара чӗлхи уҫӑлать. Малтан вара...
Эпир те, ҫынсем, пурӑннӑ чухне епле пурӑнас тетпӗр ҫавӑн пек пурнӑҫа ирттеретпӗр. Вилес умне ҫитсен ҫеҫ пуҫа кӑтӑрт-кӑтӑрт хыҫкаласа илетпӗр те каҫару ыйтма пуҫлатпӑр.

Малалла...

[Комментариле (4)]

Пире асӑнман...

■ 17.11.2008 22:59 | 6116 хут пӑхнӑ

Вӗрентӳ сайтӗнче фантастикӑпа фэнтези конкурсӗ пирки хыпар вырнаҫтарнӑ:
http://gov.cap.ru/list4/news/rec.aspx?id=749376

Темшӗн пирӗн ҫинчен пӗр сӑмах та пӗлтермен. Эп, мантарӑн, кунӗн-ҫӗрӗн ярса панӑ хайлавсене вырнаҫтарассишӗн тӑрӑшатӑп (юлашки кунсенче купи-купипе ярса параҫҫӗ...), пӗрремӗш вырӑн йышӑнакансене пурне те картинсем парнелесшӗн... (6 пысӑк картин /пӗрин хакӗ пин тенкӗ патнелле/, 12 — пӗчӗкки /100 тенкӗ/).

Ман кӑмӑла аплах пусараймӑн ҫав — ҫав-ҫавах палӑртнине тӑвӑп!

[Комментариле (1)]

Елчӗк ентешлӗхне Ҫӗнӗ Шупашкара парнеленӗ тет

■ 11.11.2008 22:48 | 5857 хут пӑхнӑ

Паян cap.ru порталти хыпарсене пӑхна май «Яльчикское землячество в подарок городу» ятлӑ хыпар куртӑм. Тӗленсех кайрӑм — «Ентешлӗхсене те парнелеме пуҫларӗҫ-ши ӗнтӗ?» тетӗп. Тем тесен те ятне виҫҫӗ вуларӑм — ҫапах та ентешлӗхе хулана парнеленӗ пек пулса тухать. Хыпарӗ, паллах, урӑххи пирки — Ҫӗнӗ Шупашкарта Елчӗк ентешлӗхӗ «Елчӗк Ен» ятлӑ уяв ирттерет иккен.
Ҫапла ҫав, вырӑсланатпӑр-вырӑсланатпӑр — вырӑсланса ҫитейместпӗр. Ни вырӑс, ни чӑваш тепӗр майлӑ.

Хыпарӗ кунта: http://gov.cap.

Малалла...

[Комментариле]

Куда?!..

■ 10.11.2008 14:49 | 6338 хут пӑхнӑ

Чӳкӗн 15-мӗшӗнче ман Хусанта иртекен ҫавра сӗтеле хутшӑнма тивӗ. Ҫавна май билетне маларах илсе хурас терӗм. Малтан, ав, билет ҫуккипех, Раҫҫей чӑваш пики ӑмӑртӑва кайса кураймарӑм. Тата Шупашкара ҫитнӗ-ҫитнех чукун ҫул вокзалӗнче билета чӑвашла туянса пӑхас терӗм.
Чӳрече умӗнче ҫын ҫукки мана, паллах, кӑмӑла кайрӗ (ара, кунта, Чулхулара, тӑр-ха черетре! Пӗр билета туянмашкӑн сехет ҫурӑ тӑмалла!). Билет сутакан майра сӑнӗпе пӗрре те чӑвашла пӗлекен хӗрарӑм пек туйӑнмарӗ. Ҫавах "Мана Чулхуларан Хусана ҫити билет парӑр-ха" — терӗм. Тата "чӳкӗн 14-мӗшӗн каҫхи валли" тесшӗнччӗ те, анчах тӳрех анратса (чӳкне ӑҫтан пӗлтӗр-ха ӗнтӗ?

Малалла...

[Комментариле (1)]

Хазария. Быль, как небыль

■ 22.10.2008 16:03 | 7324 хут пӑхнӑ

В России завершились съемки историко-публицистического фильма "Хазария. Быль, как небыль"...

http://lenta.ru/news/2008/10/22/hazaria/

Вӑт... хасарсем пирки фильм та ӳкернӗ иккен. Пӑхасчӗ ӑна...

[Комментариле]

Чӑваш ячӗсем

■ 20.10.2008 22:19 | 5963 хут пӑхнӑ

...пулсан, вӗсене чӑнах та ют ҫӗршыври халӑхсен хӗрӗсемпе арпаштарма пулатчӗ, ячӗсене кӑна илер: Изабелла, Лиана, Христина, Вероника. Ҫӗр ҫул каярах Элмет чӑвашӗсем паракан Минеслу, Сертевпи, Илемпи ячӗсем вырӑнне ҫак ятсене ҫӗнӗ самана илсе килчӗ ку тӑрӑха...

http://suvar.su/1404.html

Чӑнах та Изабелла ят Нарсписемпе Илемписенчен лайӑхрах пулӗ. Е вырӑнлӑрах... хальхи саманара.

[Комментариле (1)]

Хаҫат-журнал нумайрах пичетленӗ теҫҫӗ...

■ 18.10.2008 15:35 | 6643 хут пӑхнӑ

http://ru.chuvash.org/news/608.html

Ку хыпара ӗненес пулсан — хаҫат-журнал калӑпӑшӗ ӳсет теме пулать. Ав, ҫӗнӗ журналсемпе хаҫатсем те тухаҫҫӗ.
Анчах та самани халӗ ҫавнашкал — рекламӑллӑ кӑларӑмсен йышӗ ӳсет те ахальлисен чакать. Ҫӗнӗ журналӗсем — пурте рекламӑллисем (вӗсен шутне пирӗн холдинг /ҫапла, эпир халь холдинг ятлӑ/ кӑларма тытӑннӑ «Вся недвижимость» журнал та кӗрет).

[Комментариле (3)]

Cap.Ru хыпарӗсене пӗлсе тӑма

■ 16.10.2008 14:20 | 6379 хут пӑхнӑ

http://cap.ru сайт чӑвашла мар (пысӑк ҫитменлӗх) пулин те унта хыпар чылай пичетленет. Анчах та хыпар нумай пулин те вӗсене куллен вулса тӑма япӑх — RSS ҫукки чӑрмантарать.
"Ҫук пулсан — тумалла" терӗм те ҫак сайтра робот хатӗрлерӗм — вӑл кашни сехетре пӗрре вӗсен сайтне кӗрсе тухать те ҫӗнӗ хыпарсене уҫласа илет. Уҫласа илнӗ хыпарсенчен вара хам сайтра RSS тума нимӗн те чӑрмантармасть:
http://chuvash.org/cgi-bin/index.cgi?a=caprurss

Унсӑр пуҫне эпӗ хыпарсемпе "Яндекс. Лента" урлӑ вулама хӑнӑхнӑ — хыпар епле тухать, вӑл пӗр 5 минутран ҫав хӑюра вырнаҫать.

Малалла...

[Комментариле]

Сайт килӗшрӗ

■ 10.10.2008 22:49 | 8297 хут пӑхнӑ

Тӗнче тетелӗнче ҫак сайта пырса кӗтӗм:
http://tung.by.ru/

Кунта эвенк чӗлхине вӗрентеҫҫӗ. Ман шутпа питӗ чаплӑ хатӗрленӗ! Чӑваш чӗлхине вӗренмелли сайт ҫавнашкал чаплӑ пулсан — ҫынсем, тен, ун патне туртӑна та пуҫлӗҫ?
Ятарлӑ уроксем хатӗрлемешкӗн эпӗ хам енчен пӗр 10 пин укҫа та шеллесе тӑмӑттӑм.

[Комментариле]

Темӗн лӑпӑртатаҫҫӗ

■ 09.10.2008 13:01 | 5882 хут пӑхнӑ

Украина Радине каллех салатса янӑ. Хальхи депутатсем пӗр ҫул ытларах ҫеҫ ӗҫлеме ӗлкӗрчӗҫ (VI суйлав пӗлтӗр авӑнӑн 30-мӗшӗнче иртнӗ)...

Хронологи:
* 1-мӗш суйлав 1990 ҫулхи пушӑн 30-мӗшӗнче иртнӗ. Унта лекнӗ депутатсем 4 ҫул патнеллех ӗҫлеме ӗлкӗрнӗ.
* 2-мӗш 1994 ҫулта суйланнӑ — вӑл та 4 ҫул ӗҫленӗ.
* 3-мӗш суйлав 1998 ҫулхи пушӑн 30-мӗшӗнче иртнӗ. 4 ҫул ӗҫленӗ.
* 4-мӗш суйлав тепӗр 4 ҫултан иртнӗ — малтанхи пекех, пушӑн 30-мӗшӗнче.
* 5-мӗш суйлава вара 4 ҫул ӗҫлеме паман. Депутачӗсене пушӑн 26-мӗшӗнче суйланӑ, анчах та пӗр ҫул ӗҫленӗ хыҫҫӑн вӗсене унтан хӑваласа янӑ.

Малалла...

[Комментариле]

Патаксемпе ункӑсем

■ 08.10.2008 16:42 | 5822 хут пӑхнӑ

Кирилицӑллипе латинла алфавитсенчи патаксемпе ункӑсене шутласа пӑхас терӗм :) J, Л, Д - ку саспаллисенче пуринче те кукрашкаллӑ вырӑнсене патаксем шутне кӗртнӗ (тайлӑк патак шутне мар).
Ку процентсен шучӗ хӑшӗ лайӑхрах пулнине кӑтартмасть паллах: Щ саспаллинех текстра сахал усӑ кураҫҫӗ, саспаллийӗ вара виҫӗ патак парать. Ӑна палӑртмашкӑн уйрӑм текста пӑхса тухмалла — унта вара паллӑ пулса тухӗ — ӑҫта патаксем ытларах, ӑҫта сахалрах. Ҫапах та ҫак танлаштару икӗ алфавит патаксемпе кукрашкасен шучӗпе ытлашши уйрӑлса тӑманнине кӑтартать. Латинлинче тайлӑк патаксем ытларах, кирилицӑра — тӳрӗ патаксем.

Малалла...

[Комментариле]

Ҫӗнетеҫҫӗ...

■ 06.10.2008 18:45 | 6225 хут пӑхнӑ

Ҫӗнни, паллах, питӗ лайӑх та хитре. Пӗр стандартпа тунӑ пулсан — тата та лайӑхрах. Ҫапах та...

Лапсар патӗнчи ҫула ҫӗнетеҫҫӗ — сараҫҫӗ, ҫӗнӗ асфальт витеҫҫӗ. Ҫав хушӑрах автобус чарӑнӑвӗн будкисене те ҫӗнетме шутланӑ курӑнать. Мӗн калас? Хитре вӗсем — пӗр айӑккине чӑваш тӗррине те ҫапса хунӑ. Хитри хитре те анчах ытла та пӗчӗккӗ-ҫке! Ӑна хитрешӗн мар, ҫумӑрта йӗпенесрен тумалла! Лапсарти чарӑнусенче ҫын нумай пухӑнать — Кӳкеҫ еннеле кайнӑ енче те, Мускав еннелле те. Малтанхи чарӑну будкисем, паллах, тахҫанхисемччӗ — хитрелӗхӗ те тахҫанах ҫухалнӑччӗ.

Малалла...

[Комментариле]

Страницӑсем: 1, ... 23, 24, 25, 26, 27, [28], 29, 30, 31, 32, 33, ... 47

Баннерсем

Шутлавҫӑсем

0 Хурал кӗтесӗ (чат)

Статьясем

￭ «Ҫӑлӑнӑҫ — юратура» спектакль хаклавӗ

Симек - 20263

Судьба и наследие легендарного Ухсая17

Чупту мана хытӑ2

Шупашкарта чӑваш ваттисен канашӗн ларӑвне ирттернӗ6

Памяти тихого героя — фотографа старых Чебоксар1

Что за душой у старейшин?25

Чӑваш грамматикин вӑрттӑнлӑхӗсене уҫакан кӗнеке5

ГигаЧат Раҫҫей тата СНГ ҫӗршывӗн 30 ытла халӑх чӗлхипе усӑ курма пултарать

Тарасов в защиту истины11

Хальхи чӑваш активисчӗсем е Автовазпа мерседес10

... ыттисем

Ҫанталӑк

Тӗплӗрех

Гороскоп

Сурӑх: Ку эрнере Сурӑхсен тăрăшăвне асӑрхамасӑр юлмĕҫ. Анчах та лару-тӑрӑва алӑра тытмалла: пуçлăхсемпе хирĕçесрен сыхланăр тата аван пĕлмен çынсемпе вӑрттӑнлӑхсемпе ан пайлашăр. Кĕçнерникун çĕнĕ проект пуçлама лайӑх. Эрне вĕçĕнче кӑмӑла алӑра тытмалла. Кану кунӗсенче ăнăçу сирĕн енче пулĕ, анчах ăна астармӑш вăйӑсемпе тĕрĕслемелла мар — выляса яма пултаратăр.

Ҫӗртме, 21

1900

126

Сокольников Петр Фадеевич, патшалӑх ӗҫченӗ ҫуралнӑ.

1903

123

Александров Павел Александрович, инженер, техника ӑслӑлӑхӗсен докторӗ, профессор ҫуралнӑ.

1929

Яковлев Владимир Иванович, чӑваш журналисчӗ ҫуралнӑ.

1949

Макаров Николай Иванович, чӑваш тухтӑрӗ, медицина ӑҫлӑлӑхӗсен докторӗ ҫуралнӑ.

1991

Чӑваш таврапӗлӳҫисен пӗрлӗхне йӗркеленӗ.

2006

Шупашкарта Петӗр Хусанкай палӑкне уҫнӑ.

Пулӑм хуш...

Малалла утар!

Меню

Баннерсем

Шутлавҫӑсем

Спонсорла пулӑшу+100 +200 +300 +500Пухнӑ: 22 000 тен.Тӑкакланӑ: 27 420 тен.

0 Хурал кӗтесӗ (чат)

￭ «Ҫӑлӑнӑҫ — юратура» спектакль хаклавӗ

Ҫанталӑк

Гороскоп

Спонсорла пулӑшу
+100 +200 +300 +500
Пухнӑ: 22 000 тен.
Тӑкакланӑ: 27 420 тен.