Юпа уйӑхӗн 24-мӗшӗнче Шупашкарта Чӑваш Республикин патшалӑх суверенитечӗ ҫинчен калакан Декларацине йышӑннӑранпа 15 ҫул ҫитнине чысланӑ.

Суверeнитет йышӑннӑ куна чыслакансем чӑваш патшалӑхлӑхне хӳтӗлессишен, Раҫҫейӗн федераци институтне пӑсас марришӗн, демократи йӗркисене хӳтӗлессишӗн митингланӑ, чӑваш халӑхӗ ячӗнчен заявлени ҫырса йышӑннӑ. Ӑна chuvash.ru сайт ҫинче вулама пултаратӑр.

Шупашкарта тата тепӗр ҫӗнӗ хаҫат тухма пуҫланӑ. Унӑн ячӗ: "Сцена Чувашии". Пӗрремӗш номерӗ юпа уйӑхӗн (октябрь) 29 пичӗтленсе тухнӑ. Хаҫат тиражӗ 20 000 экз.

Хаҫатра исскуствопа культура мероприятисене ҫутатӗҫ. Репортажсем, тишкерӳсем, интервьюсем, конкурсем пулӗҫ. Ҫавӑн пекех унта тӗрлӗ культура ҫурчӗсен афиши пичӗтленӗ.

Пӗрремӗш номерти статьясем:

* "Первый Чапай в истории оперы";

* "И печаль, и радость «отчего дома»";

* "Свежий взгляд на купца Ефремова";

* "На столичных театральных подмостках можно и учиться, и радоваться";

* "Классика актуальна всегда";

* "«Граф Люксембург»: радостные встречи".

Чӳк уйӑхӗн 1-пе 7-мӗш хушши К. Чуковский ячӗллӗ хулан тӗп ача-пӑча библиотеки «21 ӗмӗрти вулав» ятлӑ акци ирттереть.

Пӗтӗм ача-пӑча библиотекисем ку акцине хутшӑнӗҫ. Тӗслӗхрен Л. Кассиль ячӗллӗ библеотекӑна пӗтӗм эрне тӑршшӗпе ача-пӑча сачӗнчен пепкесем килӗҫ. Вӗсене сасӑпа интереслӗ кӗнекесене вуласа парӗҫ, аудиокассетӑсем ҫине ҫырнӑ чи лайӑх авторсен юмахӗсене, калавӗсене итлеттерӗҫ.

Сасӑпа вуланине итлеме ҫaк эрнере пурте хутшӑнма пултараҫҫӗ, библиотекӑсем сире кӗтеҫҫӗ.

Литаратура кӗтесӗнче эсир халӗ вилми Нарспи поэмӑнa тупма пултаратӑр. Шкулта ӑна пурте вуланӑ пулӗ-ха, пурте Нарспишӗн куляннӑ. Халлӗхе сайта чӑвашлине кӑна кӗртме ӗлкӗрнӗ. Кайрантарах вырӑс тата ытти чӗлхесем cинче те кӗртӗпӗр.

Ҫавӑн пекех ку уйрӑмра эсир Валери Туктарпа Николай Карай сӑввисене тупма пултаратӑр.

Глазго (Великобретани) хулинче иртекен пӗтӗм тӗнчен спорт гимнатикин кубокӗнче Анатолий Васильев, пирен республикӑн спортсменӗ, бронза ҫӗнсе илнӗ. 20 ҫулхи спортсмен кӑна перекладина ҫинчи упражнениесемшӗн илме тивӗҫ пулнӑ.

Халӗ спортсмен Мельбурн хулинче пулас тӗнче чемпионатне хатӗрленет. Сӑмах май, Анатолий Чӑваш патшалӑх педагогика университечӗнче вӗренет.

Ҫӑлкуҫ, сӑнӳкерчӗксем: Culture21.ru

Чӑваш чӗлхин латинла алфавичӗ

Латинла алфавита акӑлчанла калаҫакан тата кириллицапа усӑ курайман ҫынсен пирӗн сайтри ӗҫне ҫӑмӑллатма йӗркеленӗ.

Чӑваш чӗлхин латинла алфавичӗ

Шупашкарта юпа уйӗхӗн 16-мӗшӗпе 23-мӗш хушшинче иртнӗ Пӗтӗм тӗнче чӗлхисен 10-мӗш фестивалӗ вӗҫленнӗ. Унта 2 пинe яхӑн ҫын пухӑннӑ. Хисеплӗ хӑнисем: Жан-Марк Леклер, Виктория Урбановичуте (Раҫҫейри Литва посольствин атташе), Стивен Кобб (АПШри эсперанто ассоциациӗн членӗ), тата ыттисем тe.

Ҫӑлкуҫ: culture21.ru

Йошкар-Ола хулинче юпа уйӗхӗн 28-пе чӳк уйӑхӗн 1 хушшинче Пӗтӗм Раҫҫейри II халӑх костюмӗсен фестивалӗ иртӗ тесе пӗлтерет http://culture21.ru. Унта пирӗн Чӑваш Енрен виҫӗ ӑста кайӗҫ: Чӑваш Енӗн тава тивӗҫлӗ культура ӗҫченӗ Татьяна Шаркова, Чӑваш Енӗн халӑх ӑсти Зинаида Воронова тата дизайнер-модельер Любовь Вдовичева. Распубликипе тата ун тулашӗнче те паллӑ Татьяна Шарковӑпа Зинаида Воронова халӑх костюмне тӑхӑнтартнӑ пуканесене кӑтартӗҫ. Людовь Вдовичева вара сцена валли ҫӗленӗ костюмсене кӑтартӗ.

Чӑваш Енӗн спорт министерстви пӗлтернӗ тӑрӑх, Владимир хулинче юпа уйӗхӗн 18-па 22 кунӗсем хушшинче иртнӗ йывӑр атлетикӑн Раҫҫей чемпионачӗнче Чӑваш Енӗн йывӑр атлетикӑн ҫӑмрӑксен хушшинчи ҫӗнӗ рекорда лартнӑ. Рекорда лартаканӗ Вячеслав Ластухин.

Ҫак тупӑшурах пирӗн тепӗр спортсмен, Ирина Савина, 48 кило йышӗнче иккӗмӗш вырӑна йышӑннӑ.

Ҫӑлкуҫ: culture21.ru

http://cap.ru пӗлтернӗ тӑрӑх Республикаӑн 9 уйӑх хушшинче экономикӑн ӳсӗмне палӑртма пулать. Пелтӗрхи авӑн уйӑхӗпе танлаштарсан вӑл 110,5% тарин ӳснӗ. Уйрӑмах «Шумерлинский завод специализированных автомобилей», «Перкарбанат», «Чебоксарский трикотаж», «Чебоксарский гормолзавод», ООО «Алатырская бумажная фабрика» акционер обществисен ӳсӗмӗ вӑйлӑ пулнине палӑртнӑ.

Хуласенчен пысӑк ӳсӗмсем Шупашкарта тата Канашра пулнӑ. Районсенчен чи усӗмлисем: Шупашкар (1-мӗш вырӑн), Етӗрне (2-мӗш), Муркаш (3-мӗш).

Г.Т.Акимова министрӗн доклачӗпе анлӑн кунта паллашма пултаратӑр.