Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Йытӑ та хӑй хӳрине вараламасть.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем
chgtrk.ru сӑнӳкерчӗкӗ
chgtrk.ru сӑнӳкерчӗкӗ

Шупашкарти йӗрке хуралҫисем йытӑ тапӑннӑ ачана ҫӑлнӑ. Хулара пурӑнакан пӗр хӗрарӑм хӑйӗн упӑшки пулнӑ арҫын килне йытӑ тӑрантарма икӗ ачипе пынӑ. Чӗрчуна хӑй ҫук чухне пӑхса тӑма кил хуҫи хӑй ыйтнӑ.

Анчах йытӑ хӑнасене тапӑннӑ. Питбуль ӑратлӑ йытӑ сакӑр ҫулхи хӗрачана ҫыртнӑ. Апла пулин те хӗрачапа амӑшӗ хваттертен тухса тарма ӗлкӗрнӗ, анчах арҫын ача шалта тӑрса юлнӑ.

Хӑраса ӳкнӗ хӗрарӑм йӗрке хуралҫисем патне шӑнкӑравланӑ. Вырӑна йӗрке хуралҫисем тата кинолог пырса ҫитнӗ. Арҫын ача икӗ хутлӑ кровать ҫине хӑпарса тарма ӗлкӗрнӗ, ҫавӑнпа ӑна йытӑ ҫыртса ӗлкӗреймен. Анчах пӗчӗкскер хытах хӑраса пӗтнӗ.

 

Пӑтӑрмахсем
Следстви комитечӗ тунӑ сӑн
Следстви комитечӗ тунӑ сӑн

Ака уйӑхӗн 24-мешӗнче Шупашкарта ашшӗ ывӑлне вӗлернӗ – ҫапла шутлать следстви.

Следовтельсем тӗпчесе пӗлнӗ тӑрӑх, ҫав кун 82 ҫулти ашшӗ ӳсӗр пулнӑ. Вӑл 53 ҫулти ывӑлӗпе хирӗҫсе кайсан ӑна пуҫӗнчен кӗленчепе ҫапнӑ, унтан ванчӑкӗсемпе тӳнккенӗ. Лешӗ сурансене пула ҫавӑнтах вилнӗ.

Ватӑ арҫын тӗлӗшпе пуҫиле ӗҫ пуҫарнӑ. Ӑна следстви вӑхӑтӗнче хупса усрас ыйтӑва пӑхса тухаҫҫӗ.

 

Пӑтӑрмахсем
https://chuvashia.sledcom.ru/news/item/1877608/
https://chuvashia.sledcom.ru/news/item/1877608/

Ҫӗмӗрлере пурӑнакан 52 ҫулти арҫын тӑванне вӗлерме тӑнӑ.

Тӗпчевҫӗсем палӑртнӑ тӑрӑх, кӑҫалхи кӑрлач уйӑхӗн 30-мӗшӗнче каҫхине ун патӗнче иккӗмӗш сыпӑкри тӑванӗ пулнӑ. Кил хуҫи ӳсӗр пулнӑ. Иккӗшӗн хушшинче тавлашу сиксе тухнӑ.

Кайран хӑна ҫывӑрма выртнӑ. Вӑл ҫывӑрса кайсан кил хуҫи ҫӗҫӗ ярса илсе кӑкӑр тӗлӗнчен икӗ хутчен чикнӗ. Анчах лешӗ хытах хирӗҫ тӑнӑ, хӑйне хӳтӗлеме хӑтланнӑ. Шар курнӑ арҫынна тухтӑрсем ҫӑлса хӑварнӑ.

Алла ҫӗҫӗ ярса илнӗ арҫынна ҫывӑх вӑхӑтра суд тенкелӗ ҫине лартӗҫ.

 

Пӑтӑрмахсем
chuvashia.sledcom.ru сӑнӳкерчӗкӗ
chuvashia.sledcom.ru сӑнӳкерчӗкӗ

Куславккари арҫынна 13 ҫул та 6 уйӑхлӑха ҫирӗп режимлӑ колонпе ӑсатнӑ. Вӑл пӗлӗш-хӗрарӑмне чӗртсе янӑ.

Пӑтӑрмах пӗлтӗрхи чӳк уйӑхӗн 27-мӗшӗнче пулса иртнӗ. Ҫав кун арҫын ӳсӗр пулнӑ, хӑй паллакан 33 ҫулти хӗрарӑмпа хирӗҫле тапранса кайнӑ. Ӑна хӑвӑрт хыпса илекен шӗвекпе сапнӑ та чӗррсе янӑ. Хӗрарӑмӑн кӗлетки ытла ҫунса кайнӑ. Суранланса пӗтнӗ хӗрарӑм пульницӑра вилсе кайнӑ.

Усалланнӑ арҫынна Чӑваш Енӗн Аслӑ сучӗ 13 ҫул та 6 уйӑхлӑха ҫирӗп режимлӑ колонирен хупса хума йышӑннӑ.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Ака уйӑхӗн 21-мӗшӗнче кӑнтӑрла Йӗпреҫ муниципаллӑ округӗнчи Энтриел ялӗнче пӗр кил хуҫалӑхӗнче сарай тӑрри ҫунма тытӑннӑ. Ҫулӑм 100 тӑваткал метр лаптӑк ҫинче алхаснӑ. Хуралтӑ таврашӗн стенисем те сиенленнӗ.

Пушарнӑйсем «хӗрлӗ автана» 20 минутран лӑплантарнӑ. Ҫулӑма ҫурт ҫине куҫма паман. Пушарта 10 сурӑхпа 2 сыснана ҫӑлма май килнӗ.

Палӑртмалла: ҫулталӑк пуҫланнӑранпа республикӑра 372 пушар пулнӑ. Вӗсенче 21 ҫын вилнӗ, 20-ӗн суранланнӑ. Пушарсенче 69 ҫынна ҫӑлма май килнӗ.

 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Паян 13 сехет ҫурӑра Ҫӗрпӳ хули ҫывӑхӗнче, М-7 федераци ҫулӗ ҫинче авари пулнӑ.

Малтанлӑха ҪҪХПИ пӗлтернӗ тӑрӑх, «Рено Дастер» хирӗҫ ҫул ҫине тухса кайнӑ та фурӑпа ҫапӑннӑ. Ҫӑмӑл машинӑри водитель тата пассажир аманнӑ. Вӗсене пульницӑна илсе кайнӑ.

Авари вырӑнӗнчен иртсе каякансем пӗлтернӗ тӑрӑх, ҫакна пула Ҫӗрпӳ хулинчен пуҫласа Сӑнав поселокӗ таран пӑкӑ пухӑннӑ.

Хыпар ҫӑлкуҫӗ: https://t.me/gibdd121
 

Пӑтӑрмахсем
t.me/chuvashenkalasat каналта вырнаҫтарнӑ сӑнӳкерчӗк
t.me/chuvashenkalasat каналта вырнаҫтарнӑ сӑнӳкерчӗк

Чӑваш Енре пурӑнакан пултаруллӑ та хастар хӗрарӑмсем конкурса хутшӑнӗҫ.

«Эпӗ – хӗрарӑм» конкурса Чӑваш Енри хӗрарӑмсен пӗрлешӗвӗ тата «Пӗрле» аталанӑвӑн фончӗ йӗркелет. Ӑна пӗрремӗш хут 2021-мӗш ҫулта ирттернӗ.

Телеграмри «Чӑваш Ен калаҫать» каналта пӗлтернӗ тӑрӑх, ӑмӑртӑва хутшӑнас тесен видеоролик хатӗрлемелле. «Унта хӑйсем, ҫемье, ӗҫ, ҫитӗнӳсем ҫинчен каласа кӑтартмалла. Халӑхшӑн тӑрӑшнине, ырӑлӑх пуҫарӑвӗсене хутшӑннине палӑртмалла», — тесе пӗлтернӗ маларах асӑннӑ ҫӑлкуҫра.

Хыпар ҫӑлкуҫӗ: https://t.me/chuvashenkalasat/877
 

Пӑтӑрмахсем

Ӗнер каҫхине, ака уйӑхӗн 17-мӗшӗнче, Ҫӗнӗ Шупашкарта темӗнле ҫынсем троллейбуса пенӗ. Ҫав вӑхӑтра транспортра ҫын нумай пулнӑ.

Троллейбус ҫав самантра Винокуров урамӗнчен Строительсен урамне пӑрӑнма тӑнӑ. Палламан ҫынсем пенӗ хыҫҫӑн транспортӑн кантӑкӗ ҫӗмӗрӗлнӗ. Юрать-ха, ҫынсем аманман.

Хальлӗхе ку пӑтӑрмах пирки урӑх нимӗн те пӗлтермен.

Хыпар ҫӑлкуҫӗ: https://t.me/chp_cheb
 

Пӑтӑрмахсем
"Про Город" сайтӗнчи сӑн
"Про Город" сайтӗнчи сӑн

Канашра арҫын 5-мӗш хутран персе аннӑ. Кун пирки «Про Город» хаҫата халӑх корреспонденчӗ пӗлтернӗ.

Ку 14 сехетре Машиностроительсен урамӗнчи 37-мӗш ҫуртра пулнӑ. Ҫурт умне васкавлӑ медпулӑшу, пушарнӑйсем, полицейскисем ҫитнӗ.

Ҫакна курнӑ ҫынсем каланӑ тӑрӑх, арҫын балкон ҫинче телефонпа калаҫса тӑнӑ. Ӑнсӑртран вӑл пуҫхӗрлӗ персе аннӑ. Юрать-ха, аялта улмуҫҫи пур. Арҫын ҫавӑн ҫине персе анса чӗрӗ юлнӑ. Пуҫне амантнӑскере тухтӑрсем илсе кайнӑ.

Хыпар ҫӑлкуҫӗ: https://pg21.ru/news/95563
 

Пӑтӑрмахсем
t.me/gibdd121 сӑнӳкерчӗкӗ
t.me/gibdd121 сӑнӳкерчӗкӗ

Кӗҫӗр Каҫал тӑрӑхӗнче ҫул ҫинче инкек пулса иртнӗ. Ҫул-йӗр хӑрушсӑрлӑхӗн инспекторӗсем малтанласа палӑртнӑ тӑрӑх, ҫула тухнӑ пӗр машина водителӗ ҫывӑрса кайнӑ та хирӗҫ килмелли ҫул ҫине тухса кайса тепӗр машинӑпа ҫапӑннӑ.

«Audi» автомобиль рульне 22 ҫулти каччӑ тытса пынӑ. 1 сехет те 44 минутра вӑл А-151 ҫул ҫинче хирӗҫ килмелли ҫул ҫине тухса кайса «ВАЗ-2114» автомобильпе пырса ҫапӑннӑ. Хамӑр ҫӗршывра туса кӑларнӑ автомобилӗн 30 ҫулти водителӗ вилнӗ тата 33-ри пассажир йывӑр аманнӑ.

Хыпар ҫӑлкуҫӗ: https://t.me/gibdd121/4433
 

Страницӑсем: 1 ... 24, 25, 26, 27, 28, 29, 30, 31, 32, 33, [34], 35, 36, 37, 38, 39, 40, 41, 42, 43, 44, ...401
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (05.04.2025 03:00) тӗтреллӗ ҫанталӑк, атмосфера пусӑмӗ 739 - 741 мм, 3 - 5 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 04

1882
143
Васильев Иван Васильевич, ятарлӑ вӗреннӗ пӗрремӗш чӑваш юрӑҫи ҫуралнӑ.
1943
82
Аттил Алексей Васильевич, чӑваш сӑвӑҫи ҫуралнӑ.
1963
62
Пӑртта Александр Иванович, чӑваш сӑвӑҫи, драматургӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
пӗтӗм кил-йышпа тухаҫҫӗ
кил-йышри арҫын
хӑнана ӑсатма никам та тухмасть
хуҫа хӑй
хуҫа арӑмӗ
хӑни ҫулне ахаль те пӗлет, ӑсатмасӑр та
хуҫа тарҫи
хуҫин ҫитӗннӗ ачисем
ӑсатма тухни — ҫылӑх, юрамасть