Росстат пӗлтернӗ тӑрӑх, кӑҫал кӑрлач-юпа уйӑхӗсенче Чӑваш Енре, пӗлтӗрхипе танлаштарсан, 2 пин ытларах вилнӗ. Ку енӗпе пирӗн республика Атӑлҫи федераци округӗнче виҫҫӗмӗш-тӑваттӑмӗш вырӑн йышӑнать.

Каҫалхи 10 уйӑхра республикӑра 14880 ҫын вилнӗ. Пӗлтӗрхи ҫак тапхӑрпа танлаштарсан, ку 2083 /16,3 процент/ ҫын ытларах.

Ҫуралакансем те сахалрах пулнӑ. Кӑҫал 380 ача сахалрах ҫут тӗнчене килнӗ. Пӗлтӗр ку тапхӑрта 9774 ача ҫуралнӑ тӑк кӑҫал – 9394 пепке. Ҫапла майпа пирӗн республикӑра халӑх шучӗ 5486 ҫын чакнӑ. Ҫулталӑк каялла ку кӑтарту 3023 ҫынпа танлашнӑ.

allmomneeds.com сайтри сӑн

Роспотребнадзор кӑшӑлвируспа ытларах кам чирлени пирки каласа кӑтартнӑ. Ачасем ытлах чирлемеҫҫӗ. Инфекциленнӗ 11821 ҫынран 872-шӗ – 17 ҫул тултарман ачасем.

Аслисен хушшинче ытларах 50-64 ҫулсенчисем, 30-49 ҫулсенчисем, 65 ҫултан аслӑраххисем аптӑраҫҫӗ. Тивӗҫлӗ канури 3389 ҫын чирленине палӑртнӑ. 1377 медӗҫчен чирленӗ.

Юлашки вӑхӑтра ытларах Шупашкарта инфекциленеҫҫӗ. Иртнӗ эрнере, тӗслӗхрен, 407 ҫын кӑшӑлвируспа аптӑранӑ. Ҫурла уйӑхӗнченпе ют ҫӗршывран таврӑннӑ 71 ҫыннӑн кӑшӑлвирус пуррине палӑртнӑ.

kaduy.all-rf.com сайтри сӑн

Чӑваш Енре ҫулталӑк пуҫланнӑранпа 32 ача сарӑмсӑр вилнӗ. Кун пирки паян Правительство ҫуртӗнче иртнӗ канашлура ачасен прависене хӳтӗлекен уполномоченнӑй Алевтина Федорова каласа кӑтартнӑ.

Пӗлтӗр 36 ача сарӑмсӑр вилнӗ, виҫӗмҫул – 52 ача, 2017 ҫулта – 48 ача. Ытларах чухне шӑпӑрлансем чӳречерен ӳксе вилеҫҫӗ. Ҫулталӑк пуҫланнӑранпа кун пек майпа 6 ача пурнӑҫран уйрӑлнӑ, 23 ача суранланнӑ.

Ҫавӑн пекех аслисем ачасене хӑрушлӑхра хӑвараҫҫӗ, тин ҫуралнӑ ачана вӗлернӗ тӗслӗх те пулнӑ. Аса илтерер: чӳк уйӑхӗн 9-мӗшӗнче Шупашкарти Ярославль урамӗнче тин ҫуралнӑ пепке виллине тупнӑ, ку тӗслӗх тӗлӗшпе пуҫиле ӗҫ пуҫарнӑ.

vladtime.ru сайтри сӑн

Чӑвашстат кӑҫалхи кӑрлач-авӑн уйӑхӗсенче Чӑваш Енре мӗн чухлӗ ҫын вилнине шутланӑ. Пӗлтӗрхи ҫак тапхӑрпа танлаштарсан, кӑҫал республикӑра 343 ача сахалрах ҫуралнӑ. Вилекенсем вара ытларах пулнӑ – 1828 ҫын нумайрах.

Кӑҫал 8433 ача ҫуралнӑ, 13179 ҫын вилнӗ. Ҫапла 4746 ҫын катӑлнӑ. 2019 ҫулта 8776 пепке ҫут тӗнчене килнӗ, 11351 ҫын вилнӗ. Ун чухне 2575 ҫын катӑлнӑ.

Кӑҫал 3600 яхӑн ҫемье чӑмӑртаннӑ, пӗлтӗрхи ҫак тапхӑрта – 4850. Кӑҫал 2600 мӑшӑр уйрӑлнӑ, пӗлтӗр 10 уйӑхра 2885 ҫемье арканнӑ.

media.healthkurs.ru сайтри сӑн

Ачасем те кӑшӑлвируспа чирлеме пуҫланӑ. Юлашки вӑхӑтра – ытларах. Кун пирки Роспотребнадзор пӗлтерет.

7-17 ҫулсенчи шӑпӑрлансен хушшинче чирлесси 2,6 хут ӳснӗ, 18-29 ҫулсенчисен хушшинче – 7 процент, 40-49-тисен хушшинче 14 процент нумайланнӑ. 70-тен аслӑраххисен йышӗнче кӑшӑлвиурспа чирлесси 12 процент ӳснӗ.

Инфекциленнисен йышӗнче – 19 ача, вӗсем шкулта вӗренеҫҫӗ. Ача пахчине ҫӳрекен 4 ача та аптӑранӑ. Шкулта кӑшӑлвирспа чирлекенсен тупса палӑртнӑ тӑк вӗсене дистанци мелӗпе вӗрентӗҫ.

Республикӑра ҫулталӑк пуҫланнӑранпа 15574 ҫын ӗҫе вырнаҫнӑ, вӗсенчен 254-шӗ сусӑр.

Ҫулталӑк пуҫланнӑранпа республикӑра 29 пине яхӑн ҫын ӗҫсӗррисен йышӗнче тӑрать. Ку, пӗлтӗрхипе танлаштарсан, 6 хут ытларах. Кун пирки Чӑвашстат пӗлтерет.

Кӑҫал кӑшӑлвирус пандемийӗ вӑхӑтӗнче ӗҫсӗррисен йышне лекнисене чи нумаййи уйӑхра 12130 тенкӗ тӳлеҫҫӗ. Юпа уйӑхӗнче Чӑваш Ен валли ӗҫсӗррисене тӳлеме 227 миллион тенкӗ уйӑрнӑ.

Халӗ ӗҫсӗррисем ӗҫсӗр тесе регистрациленес тесен «Работа России» порталӑн харпӑр кабинетӗнче онлайн мелпе заявлени пама пултараҫҫӗ.

news.myseldon.com сайтри сӑн

Пӗр эрнере, юпа уйӑхӗн 2-8-мӗшӗсенче, Чӑваш Енре ОРВИпе чирлекенсен йышӗ кӑштах чакнӑ. Чирлекенсен 1/3 пайӗ – ачасем. Ҫапла пӗлтерет Роспотребнадзор.

Асӑннӑ тапхӑрта 6321 ҫын ОРВИпе тата гриппа чирленӗ. Ку, малтанхи эрнепе танлаштарсан, 5,8 процент пӗчӗкрех. Чирленисенчен 36,2 проценчӗ – 17 ҫул тултарман ачасем.

Шупашкарта асӑннӑ чирсемпе 4435 ҫын аптӑранӑ. Ку, нумай ҫулхи вӑтам кӑтартупа танлаштарсан, 14,9 процент нумайрах. Пульницӑна 5 ҫын лекнӗ. 82 ҫынран анализ илнӗ. Иккӗшӗн – парагрипп вирусӗ, пӗрин – аденовируслӑ инфекци.

Чӑваш Енре пурӑнакансем те пурнӑҫ таппипе тан пыма тӑрӑшаҫҫӗ. Сӑмахӑмӑр — тӗнче тетелне тухни пирки.

Паян, авӑн уйӑхӗн 30-мӗшӗнче, Раҫҫейре Интернет кунне палӑртаҫҫӗ. Тӗнче тетелне пирӗн республикӑра пурӑнакансенчен 68 проценчӗ кунсерен тухать. Ку вӑл — пӗлтӗрхи кӑтарту. Цифрӑсене Чӑвашстат 2019 ҫулта ирттернӗ ыйтӑм тӑрӑх пӗлтернӗ.

Халӑхӑн 67 проценчӗн килте компьютер пур. 72 проценчӗ вай-фай ҫыхӑну урлӑ интернета кӗрет.

Тӗнче тетелне кӗрекенсенчен пысӑк пайӗ, 57 проценчӗ, смартфон урлӑ кӗрет, компьютер урлӑ — 42 процент, ноутбук урлӑ — 28 процент, планшет урлӑ — 10 процент, смарт-тв урлӑ — 9 процент, приставкӑсем урлӑ — 1 процент.

polis812.ru сайтри сӑн

Чӑваш Енре ҫулталӑк пуҫланнӑранпа 8407 ҫын кӑшӑлвируспа чирленӗ. Вӗсенчен 7120-шӗ сывалнӑ. Анчах вилекенсен йышӗ нумайлансах пырать. Авӑнӑн 22-мӗшӗнче каллех тепӗр икӗ ҫын инфекцие парӑнтараймасӑр пурнӑҫран уйрӑлни пирки пӗлтернӗ. Ҫапла вилнисен йышӗ 89 ҫынна ҫитнӗ.

Хальхи вӑхӑтра 1198 ҫын кӑшӑлвирусран сипленет. Юлашки талӑкра 33 ҫын сывалнӑ. Ҫав вӑхӑтрах 27 ҫын инфекциленнине палӑртнӑ.

Республикӑра кӑшӑлвирус сарӑлнин индексӗ 1-пе танлашать.

culture.ru сайтри сӑн

Чӑваш Енре кӑҫал утӑ уйӑхӗнче, пӗлтӗрхи ҫак тапхӑрпа танлаштарсан, 560 ҫын ытларах вилнӗ (43 процент). Пӗлтӗр утӑ уйӑхӗнче 1301 ҫын вилнӗ, кӑҫал – 1861.

Ку кӑтартупа Чӑваш Ен виҫҫӗмӗш вырӑн йышӑннӑ. Пӗрремӗш вырӑнта – Тутарстан (54,2 процент), иккӗмӗш вырӑнта – Пушкӑрт Республики (47,7 процент).

Кӑҫалхи ҫичӗ уйӑха илес тӗк, пӗлтӗрхи ҫак тапхӑрпа танлаштарсан, 1352 ҫын ытларах вилнӗ. 2019 ҫулхи кӑрлач-утӑ уйӑхӗсенче 8948 ҫын пурнӑҫран уйрӑлнӑ, кӑҫал ҫичӗ уйӑхра 10300 ҫын вилнӗ.