cap.ru сайтри сӑн

Патӑрьел округӗнчи Сӑкӑт ялӗнче страуссем пурӑнма тытӑннӑ. Вӗсене А.А.Петрухин усрама пуҫланӑ. Экзотика кайӑк-кӗшӗкне Самар облаҫӗнчен илсе килнӗ.

Хальӗхе фермер страуссене мӗн тӗллевпе усранине уҫӑмлатман – вӑрттӑнлӑхра. Паянхи кун хуҫалӑхра 3 страус пур. Ҫитес вӑхӑтра тепре илсе килмелле. Халӗ страуссем Патӑрьел районӗн ветеринари станцийӗнче, вӗсенсен анализсем илеҫҫӗ.

Инкеклӗ лару-тӑру министерстви тунӑ сӑн

Канаш хулинче йывӑҫ ҫурт ҫунса кайнӑ. Унта вара 60 кролик тата 250 путене пулнӑ. Вӗсене ҫӑлайман. Ҫулӑм 50 тӑваткал метр лаптӑк ҫинче алхаснӑ. Пушара сӳнтерес ҫӗре 11 специалист, 3 техника хутшӑннӑ.

Сӑмах май, кӑрлачӑн 22-мӗшӗнче Муркаш округӗнче Патакассинче фермӑра пушар пулсан 30 ӗнене эвакуациленӗ.

Палӑртмалла: ҫулталӑк пуҫланнӑранпа республикӑра 137 пушар пулнӑ, вӗсенче 7 ҫын вилнӗ.

"Контактри" сӑн

Полици уйрӑмне Шупашкарти суту-илӳ центрӗнче смарт-сехет вӑрлани пирки пӗлтернӗ. Вырӑна Порш ятлӑ овчаркӑпа кинолог ҫитнӗ.

Йытӑ шӑршӑ туйса ҫийӗнчех йӗр ҫине ӳкнӗ, кофейньӑна илсе ҫитернӗ. Унта смарт-сехете вӑрлама пултарнӑ икӗ ҫамрӑка тупнӑ. Вӗсем - Самар хулинчен.

Ҫак ҫамрӑксем кӗске вӑхӑтра темиҫе лавккара вӑрлама ӗлкӗрнӗ иккен: сехет, пылесос, колонка, куртка... Пӗтӗмпе – 60 ытла пин тенкӗлӗх.

Вӗсем тӗлӗшпе пуҫиле ӗҫ пуҫарнӑ. Вӑрланӑ япаласене вара хуҫисене тавӑрса панӑ.

"Контактри" сӑн

Чӑваш Енри студентсем те Хура тинӗсри мазута пуҫтарма пулӑшаҫҫӗ.

И.Н. Ульянов ячӗллӗ Чӑваш патшалӑх университечӗн студенчӗсем Хура тинӗс хӗррине тӗрӗслесе мазутлӑ вырӑнсене тупса тасатаҫҫӗ. Кунсӑр пуҫне ҫак инкекре шар курнӑ кайӑксене, чӗрчунсене пулӑшаҫҫӗ. Ку кӑна мар, вӗсем шар курнисен ӑшӑнмалли тата апатланмалли пунктсенчи ӗҫе те хутшӑнаҫҫӗ

Пӗр сӑмахпа, вӗсем – паттӑрсем!

rg.ru сайтри сӑн

Комсомольски округӗнчи Вӑрманхӗрри Чурачӑк ялӗнче карантин тесе палӑртнӑ. Ку – тилӗ виллине пула.

Ӑна экспертизӑна панӑ, унти специалистсем тилӗ урнӑ чирпе чирлӗ пулнине ҫирӗплетнӗ.

Ветеринарсем чир ан сарӑлтӑр тесе выльӑх-чӗрлӗхе вакцинаци тӑваҫҫӗ. Халӗ ялта чӗрчунсемпе ҫыхӑннӑ ярмӑрккӑсем ирттерме, суту-илӳ тума икӗ уйӑх юрамасть.

Павлов мичман урамӗнчи 26-мӗш ҫурт ҫывӑхӗнчи ҫуртра пурӑнакан ҫынсем тунӑ сӑн

Шупашкарта темиҫе кун каялла ҫурҫӗр-хӗвеланӑҫ районӗнче «Водоканал» ӗҫченӗсем канализаци люкне аннӑ чухне ҫӗленсене асӑрханӑ. Ҫывӑхри ҫуртсенче пурӑнакансем каланӑ тӑрӑх, вӗсем унтан хурӑн пуҫлӑ икӗ ҫӗлен тата хура ҫӗлен кӑларнӑ та йывӑҫ ҫине ҫакса хунӑ.

Кайран вӗсене урам шӑлакан пуҫтарнӑ. Ҫапах ҫынсем ҫӗленсене сӑн ӳкерсе юлнӑ.

«Про Город» хаҫат пӗлтернӗ тӑрӑх, кӑрлачӑн 28-мӗшӗнче ҫав ҫурт ҫывӑхӗнче каллех хура ҫӗлен выртнӑ. Анчах – вилнӗскер.

Зоопарк архивӗнчи сӑнӳкерчӗк

Кӑрлач уйӑхӗн 15-мӗшӗнче Ҫӗнӗ Шупашкарти Тӗкӗрҫ ращинчи зоопаркра пурӑнакан Потап ятлӑ упа 12-мӗш ҫуралнӑ кунне паллӑ тунӑ. Ӑна уяв ячӗпе тортпа, улма-ҫырлапа тата мӑйӑрпа хӑналанӑ.

Потап унти зоопаркра 6 ҫул пурӑнать. Унччен вӑл циркра пулнӑ, анчах итлеме пӑрахнӑ. Потап Хусанти зоопаркра 2013 ҫулхи кӑрлач уйӑхӗнче ҫуралнӑ. Нарӑс уйӑхӗнче Ҫӗнӗ Шупашкарти цирк артисчӗсен ҫемйине лекнӗ. Дрессировка хыҫҫӑн упа 4 ҫул циркра арена ҫине тухнӑ, Раҫҫее ҫаврӑннӑ.

Сӑмах май, зоопарк ӗҫченӗсем ӑнлантарнӑ тӑрӑх, унта упасем хӗлле ҫывӑрмаҫҫӗ, мӗншӗн тесен вӗсене ҫитереҫҫӗ.

Чӑваш Енри страхлакан организацисенчен тата водительсенчен тискер чӗрчунсене таптаса кайнӑшӑн 1 миллион тенкӗ шыраса илнӗ. Пӗлтӗр пирӗн республикӑра 51 чӗрчуна таптаса кайса вӗлернӗ.

Тискер чӗрчунсене ҫул-йӗр ҫинчи инкек вӑхӑтӗнче вӗлерсен штрафлаҫҫӗ. Ун пек приказа Раҫҫейӗн Ҫутҫанталӑк министерстви кӑларнӑ. Штраф виҫи чӗрчунтан килет: пӑши – 80 пин тенкӗ; пархатарлӑ пӑлан – 70 пин тенкӗ; упа (чӑпар пӑлан, лань, сайгак) – 60 пин тенкӗ; косуль – 40 пин тенкӗ; хир сысни – 30 пин тенкӗ; пурӑш – 12 пин тенкӗ; мулкач (песец, корсак, норка, тискер кролик, хур) – 1 000 тенкӗ.

Чӑваш Енри страхлакан организацисенчен тата водительсенчен тискер чӗрчунсене таптаса кайнӑшӑн 1 миллион тенкӗ шыраса илнӗ. Пӗлтӗр пирӗн республикӑра 51 чӗрчуна таптаса кайса вӗлернӗ.

Тискер чӗрчунсене ҫул-йӗр ҫинчи инкек вӑхӑтӗнче вӗлерсен штрафлаҫҫӗ. Ун пек приказа Раҫҫейӗн Ҫутҫанталӑк министерстви кӑларнӑ. Штраф виҫи чӗрчунтан килет: пӑши – 80 пин тенкӗ; пархатарлӑ пӑлан – 70 пин тенкӗ; упа (чӑпар пӑлан, лань, сайгак) – 60 пин тенкӗ; косуль – 40 пин тенкӗ; хир сысни – 30 пин тенкӗ; пурӑш – 12 пин тенкӗ; мулкач (песец, корсак, норка, тискер кролик, хур) – 1 000 тенкӗ.

Cap.ru видеовӗнчен илнӗ скриншот

Чӑваш Енри вӑрмансенче пурӑнакан пӑшисем ҫул ҫине час-часах тухаҫҫӗ. Халӗ вӗсене Ҫӗрпӳ районӗнче асӑрханӑ. Кун пирки Чӑваш Енӗн влаҫ органӗсен халӑх тетелӗнчи официаллӑ страницинче пӗлтернӗ.

Ҫӗрпӳ районӗнче пӑши ҫемйи (амӑшӗ тата икӗ ҫури) апатланма тухнӑ.

Чӑваш Енре, сӑмах май каласан, 2 063 пӑшие шута илнӗ.