Зумерсем ӗсре хӑвӑрт ывӑнаҫҫӗ. Ку вӑл тӗнчипех ҫапла иккен. Вҫӗм ӗҫрен каясси пирки час-часах шухӑшлаҫҫӗ. Ҫапла пӗтӗмлетнӗ HR News ыйтӑм ирттерсе. Ҫав вӑхӑтрах миллениалсемы ӗҫрен кайма шухӑшламаҫҫӗ, тӗпленсе пӗр вырӑнта тар тӑкаҫҫӗ.
Зумерсенчен 48 проценчӗ ӗҫре калама ҫук ывӑнать, 59 проценчӗ ҫитес икӗ ҫулта ӗс вырӑнне ылмаштарасшӑн. Зумерсенчен 26 проценчӗ шухӑгшланӑ тӑрӑх, миллениалсем ӗҫре юлса тимлеме хӑнӑхнӑ.
Роспотребнадзор пӗлтернӗ тӑрӑх, ҫулталӑк пуҫланнӑранпа Чӑваш Енре 12 ҫын наркотикпе наркӑмӑшланса вилнӗ. Кӑҫалхи 9 уйӑхра пӗтӗмпе 49 ҫын наркотикпе наркӑмӑшланнӑ: 45 хӗрарӑм тата 4 арҫын.
Танлаштарма: пӗлтӗр ҫак тапхӑрта, 9 уйӑхра, 57 ҫын наркотик тутанса наркӑмӑшланнӑ. Вӗсенчен 21-шӗ вилнӗ.
ЧР Ӗҫлев министерстви пӗлтернӗ тӑрӑх, юпа уйӑхӗн 14-мӗшӗ тӗлне республикӑра 2005 ҫын ӗҫсӗр пек регистрациленнӗ. Кун пек пӗчӗк кӑтарту 200 ҫулсен пуҫламӑшӗнченпе пулман.
Танлаштармашкӑн: 2023 ҫул вӗҫӗнче республикӑра 2700 ҫын официаллӑ майпа ӗҫсӗр шутланнӑ. Эрне каялла кӑна ӗҫсӗррисен йышӗнче 2102 ҫын пулнӑ.
Сӑмах май, Росстат пӗлтернӗ тӑрӑх, Чӑваш Енре 10 уйӑх ӗнтӗ вӑтам ӗҫ укҫи 50 пин тенкӗрен анмасть.
Чӑваш Ен Элтеперӗ Олег Николаев вӑтам професси вӗренӗвӗн кунӗпе саламланӑ.
«Эсир, хастар чунлӑ та пултаруллӑ педагогсемпе наставниксем, хӑвӑрӑн тарӑн пӗлӗвӗрпе паха опытӑра ҫитӗнекен ӑрӑва парса, экономика отраслӗсене пысӑк ӑсталӑхлӑ кадрсемпе тивӗҫтерсе ҫӗршывӑмӑрӑн пуласлӑхне хывас ӗҫре пӗлтерӗшлӗ вырӑн йышӑнса тӑратӑр.
Сирӗн ӗҫӗр – професси ҫеҫ мар, чун туртни те. Эсир студентсене ҫи-тӗнӳсем тума хавхалантаратӑр, вӗсене хӑйсен пултарулӑхне туллин уҫса пама тата пурнӑҫра ӑнӑҫуллӑ пулма пулӑшатӑр», — тенӗ Элтепер республикӑн влаҫ органӗсен официалла порталӗнче вырнаҫтарнӑ саламра.
Сӑмах май каласан, паянвӑтам професси вӗренӗвӗн тытӑмӗнче 1500 ытла преподавательпе производство вӗрентӳҫи вӑй хурать иккен.
Пирӗн республикӑра пурӑнакансем юлашки вӑхӑтра сахалтарах уйрӑлнӑ. Кӑҫалхи сакар уйӑхра уйралнисен шучӗ пӗлтӗрхи ҫак тапхӑртинчен 6,5 % сахалтарах.
ЗАГС органӗсенче ӗҫлекенсем пӗлтернӗ тӑрӑх, тин ҫеҫ ҫемье ҫавӑракансем мӑшӑрпа епле пурӑнмаллине пӗлех каймаҫҫӗ. Ҫавӑнпа «Ӗмӗрлӗх пӗрле – ҫемье пурнӑҫӗн чи пысӑк пӗлтерӗшӗ» проект пурнӑҫа кӗнӗ май Марина Назарова психолог пулас мӑшӑрсемпе калаҫу ирттерет. Кӑмӑлсӑр лару-тӑрура епле тытмаллине сӳтсе явнӑ май пӗрне-пӗри ӳпкелемесӗр калаҫма вӗренеҫҫӗ.
Ют ҫӗршывсене тухса каякансем хула ҫыннисем хушшинче ялтисенчен ытларах. Ҫакӑн пек пӗлтернӗ «Ҫыхӑнура» форумра Чӑвашстат хыпарланине тӗпе хурса.
Хула ҫыннисем, ялта пурӑнакансемпе танлаштарсан, ют ҫӗршывсене 17 хут ытларах утхса кайнӑ.
2023 ҫулта Чӑваш Енрен 2 496 хула ҫынни тата 146 ял ҫынни тухса кайнӑ. 2022 ҫулат ку уйрӑмлӑх тата пысӑкрах пулнӑ-мӗн — 20 хут (5 104 хула ҫынни тата 251 ял ҫынни).
Пӗлтӗр пирн республикӑран 14 418 ҫын тухса кайнӑ. 11 776 ҫын урӑх региона ҫул тытнӑ, 2 642 —ют ҫӗршыва.
Чӑваш Ене 13 476 ҫын килнӗ. Ҫав шутран 11 091-шӗ — Раҫҫейӗн тӗрлӗ субъектӗнчен, 2 385-шӗ — ют ҫӗршывран.
RuStore хӑш ҫулти ҫынсем мобильлӗ приложенисем валли ытларах тӑкакланнине тишкернӗ.
Ку енчен Z ӑрурисем — 18 ҫултан пуҫласа 27 ҫулчченхи ҫамрӑксем — уйӑхне вӑтамран 1026 тенкӗ тӑкаклаҫҫӗ иккен. Ку вӑл миллениалсенчен (28-43 ҫултисем) 18 процент нумайрах.
Мобильлӗ контент валли X ӑрурисем (44-60 ҫултисем) вӑтамран 976 тенкӗ пӗтереҫҫӗ.
Ҫынсенчен ытларахӑшӗ пуҫватмӑшсене кӑмӑллать. Вӗсене X ӑрурисем ытларах юратаҫҫӗ. X ӑрурисемпе миллениалсем сӗтелҫи вӑййа тата карта вӑййине суйлаҫҫӗ, зумерсем — шутерсем тата симуляторсем.
Чӑваш Енри нумай ӗҫ тӑвакан центрсенчи специалистсен шалу пӗчӗк. Ҫакӑн пек пӗлтернӗ республикӑн экономика министрӗ Дмитрий Краснов халӑх тетелӗнчи хӑйӗн страницинче.
Ӗҫе тинтерех вырнаҫнӑ ҫын унта 26 пин тенкӗ илет иккен, вӑтам шалу вара уйӑхсерен 33 пин тенкӗпе танлашать-мӗн.
«Экономика аталанӑвӗн министерствин ертӳҫи пулнӑ май эпӗ МФЦсен ӗҫне те сӑнаса тӑратӑп, лару-тӑрӑва ылмаштарӑпӑр.
Ӗҫ укҫине ҫитес ҫултан ӳстерме укҫа пӑхса хӑварӑпӑр. Уйӑхри вӑтам ӗҫ укҫи 39 пин тенке ҫитӗ», — тесе хыпарланӑ министр.
Ҫулталӑк пуҫланнӑранпа Чӑваш Енре шӑши сив чирӗпе 57 ҫын чирленӗ. Ҫапла пӗлтерет Гигиена тата эпидемиологи центрӗ пӗлтерет.
Танлаштармашкӑн, иртнӗ ҫул пирвайхи 7 уйӑхра 82 ҫын чирленӗ. Эппин, шӑши сив чирӗпе атӑракансен йышӗ 30 процент чакнӑ.
Шӑши сив чирӗпе чирленисене 14 округра тата 4 хулара тупса палӑртнӑ. Анчах ҫынсем ушкӑнпах чирленӗ тӗслӗхсем пулман.
«Чӑваш Ен ют ҫӗршыври ҫынсемшӗн илемӗпе, пуян историйӗпе кӑна мар, тивӗҫлӗ шайри медицина пулӑшӑвӗ кӳнипе те паллӑ», — тесе ырланӑ Телеграмри «Чӑваш Ен калаҫать» каналта.
Иртнӗ 5 ҫулта пирӗн республикӑна чикӗ леш енчен 32 пин ҫын ҫав тӗллевпе килнӗ. Ҫулталӑк пуҫланнӑранпа пирӗн тӑрӑхра 7 пин те 500 ҫын сипленнӗ.
Медицина туризмӗ уйрӑмах Чӑваш Ене терапи, хирурги, офтальмологи, эндокринологи, гинекологи енӗпе уйрӑмах илӗртет-мӗн.
+16.3 °C