«Тӑван ҫӗршыв ывӑлӗсем» офицерсен юлташлӑхӗ Шупашкарти ҫӗнӗ урама Ҫӗрпӳ районӗнчен тухнӑ Александр Викторов генерал-полковник ятне пама сӗннӗ. Вӗсем ЧР Элтеперӗпе Олег Николаевпа Мускавра тӗл пулнӑ чухне ку ыйтӑва ҫӗкленӗ.
Ҫитес ҫул Александр Викторов ҫуралнӑранпа 100 ҫул ҫитет. Вӑл Тӑван ҫӗршывӑн Аслӑ вӑрҫи вӑхӑтӗнче Курск ҫапӑҫӑвне те хутшӑннӑ. 1944 ҫулта ӑна Ӗпхӳри ҫар училищине янӑ, кун хыҫҫӑн вӑл ҫӗршыв чиккине хураллакансен ҫарӗнче службӑра пулнӑ. Александр Григорьевич 2003 ҫулта Питӗрте вилнӗ. Юлашки ҫулсенче вӑл унта пурӑннӑ.
Пуш уйӑхӗн 28-мӗшӗнче Чӑваш тӗррин музейӗнче Василий Димитриев историк ҫуралнӑранпа 100 ҫул ҫитнине халалласа «В поисках кладов истории» (чӑв. Истори пуянлӑхне шыраса) курав уҫӑлӗ. Вӑл Василий Димитриевич ӗҫӗсемпе тата унӑн япалисемпе паллаштарӗ, чӑваш халӑх истоорине учёнӑй епле курнине уҫӑмлатса парӗ.
Василий Димитриев пирки ӗҫтешӗсем чӑваш медиевистикин патриархӗ тенӗ, мӗншӗн тесен вӑл чӑваш тӗнчин вӑтам ӗмӗрне тӗпченӗ. Архивсемпе вулавӑшсенче нумай ларса вӑл ҫӗнӗ фактсене, документсене асӑрханӑ. Сӑмахран, феодализм тапхӑрӗнчи чӑвашсен историйӗпе паллаштаракан документсене Мускаври, Питӗрти архивсенче тупнӑ. Ҫавсене тӗпе хурса Шупашкар пирки пуҫласа хӑҫан асӑннине пӗлме пултарнӑ.
Шупашкарта пурӑнакан упӑшкипе арӑмӗ ултавҫӑсенчен шар курнӑ. ШӖМ пӗлтернӗ тӑрӑх, вӗсене пула ҫемье хысни 65 пин тенкӗ катӑлнӑ.
Вӗсене тӗрлӗ ҫынсем улталанӑ. 51 ҫулти арӑмӗ инвестиципе ӗҫлесе илес тесе палламан счет ҫине 45 пин тенкӗ куҫарнӑ. 52-ри упӑшки вара ултавҫӑсен серепине кӑшт маларах лекнӗ. Вӑл пахча валли чуччу туянас тенӗ, тӗнче тетелӗнче пӗлтерӳ тупнӑ. Мессенджер урлӑ вӑл сутуҫӑпа ҫыхӑннӑ. Лешӗ ӑна укҫа куҫарма QR-код ярса панӑ. Арҫын 20 пин тенкӗ куҫарсан хайхискер телефонне тытма пӑрахнӑ.
Ку тӗслӗх тӗлӗшпе пуҫиле ӗҫ пуҫарнӑ.
Ҫуркунне ҫитнӗ май Шупашкара йывӑр тиевлӗ машинӑсене кӗртме пӑрахнӑ. Фурӑсене ҫапла тума ака уйӑхӗн 23-мӗшӗччен чарнӑ. Тем турттарса кӗмелли пулсан ятарлӑ ирӗк илмелле уншӑн укҫа тӳлемелле.
Хулана йывӑр тиевлӗ машинӑсене кӗме чарасси ҫинчен калакан хушӑва Шупашкар хулин администрацийӗн пуҫлӑхӗ Денис Спирин алӑ пуснӑ. Чару вӑхӑтне тӳре-шара тепӗр вунӑ куна тӑсма та пултарӗ. Ку вӑл ҫанталӑкран килӗ.
Ҫурхи чару автобуспа турттаракансене, апат-ҫимӗҫ, выльӑх-чӗрлӗх апат-ҫимӗҫне, эмел, топливо, вӑрлӑх, удобрени тата ҫавӑн йышши хӑш-пӗр тавара турттаракансене пырса тивмӗ.
Чӑваш Енре пилӗк е ытларах ачана воспитани паракан ҫемьесене ҫурт-йӗр хута яма е туянма сертификат параҫҫӗ. Нумаях пулмасть Шупашкарти 11 ҫемье ӑна тивӗҫнӗ.
Нумай ача амӑшӗ Людмила Кузьмичева каланӑ тӑрӑх, вӗсем ҫак саманта 7 ҫул кӗтнӗ. Халӗ питӗ савӑнаҫҫӗ. Людмила Садовникова та хӗпӗртет: вӗсем те кӗҫех ҫурт-йӗре пысӑклатӗҫ.
Олеся Кутузова та юлашки самантчен сертификат парасса ӗненмен. Халӗ савӑнӑҫӗн чикки ҫук.
Шупашкарта пурӑнакан ҫамрӑк хӗрарӑм 4 миллион тенкӗсӗр тӑрса юлнӑ. Пӗр самантрах темелле. Ҫав укҫана вӑл кивҫен илсе тултарнӑ.
Маларах хӗрарӑм тӳлевсӗр пӗлтерӳсен сайтӗнче ӗҫ шырани пирки пӗлтерӳ вырнаҫтарнӑ. Кӗҫех шӑнкӑравлакан та тупӑннӑ. Унпа мессенджерсенче пӗринче ҫыхӑну тытнӑ. Ют ҫын хӗрарӑма интернет-магазинсенчен пӗринче укҫа ӗҫлесе илме май пур, тавар туянма укҫа хывмалла, ӑна пысӑк процентпа тавӑрса парӗҫ тесе ӗнентернӗ.
Хӗрарӑм темиҫе банкра кредит илнӗ, пӗлӗшӗнчен укҫа ыйтнӑ, ҫывӑх тусне кивҫен илме ӳкӗте кӗртнӗ. Ют ҫынсене ҫапла майпа 4 миллион тенкӗ ытла куҫарса панӑ.
.
Ӗнер каҫхи 8 сехетре Мускав ҫывӑхӗнчи «Крокус ситире» теракт пулнӑран ЧР Элтеперӗ Олег Николаев канмалли кунсенче ирттерме палӑртнӑ массӑлла мероприятисене пӑрахӑҫласси пирки пӗлтернӗ. «Mash» телеграм-канал пӗлтернӗ тӑрӑх, терактра 133 ҫын вилнӗ. Ку хисеп тата ӳсме пултарать. Ҫынсем пӑшалтан пенипе тата сӗрӗмпе чыхӑнса вилнӗ. Террористсем залри пукансене чӗртсе янӑ.«»
4 террориста Брянск облаҫӗнче тытса чарнӑ. Вӗсем - Таджикистан ҫыннисем. Ҫӳлерех асӑннӑ телеграм-канал пӗлтернӗ тӑрӑх, вӗсене терактшӑн 500 пин тӳлеме шантарнӑ, ҫуррине аванс панӑ. Вӗсемпе телеграмра палламан ҫынсем ҫыхӑннине, терактшӑн укҫа тӳлесси пирки каласа кӑтартнӑ вӗсем.
Паян чылай хулара траур. Шупашкарта та Республика тӳремне ҫынсем чечексем пырса хураҫҫӗ.
Ӗнер каҫхи 8 сехетре Мускав ҫывӑхӗнчи «Крокус ситире» теракт пулнӑран ЧР Элтеперӗ Олег Николаев канмалли кунсенче ирттерме палӑртнӑ массӑлла мероприятисене пӑрахӑҫласси пирки пӗлтернӗ. «Mash» телеграм-канал пӗлтернӗ тӑрӑх, терактра 133 ҫын вилнӗ. Ку хисеп тата ӳсме пултарать. Ҫынсем пӑшалтан пенипе тата сӗрӗмпе чыхӑнса вилнӗ. Террористсем залри пукансене чӗртсе янӑ.«»
4 террориста Брянск облаҫӗнче тытса чарнӑ. Вӗсем - Таджикистан ҫыннисем. Ҫӳлерех асӑннӑ телеграм-канал пӗлтернӗ тӑрӑх, вӗсене терактшӑн 500 пин тӳлеме шантарнӑ, ҫуррине аванс панӑ. Вӗсемпе телеграмра палламан ҫынсем ҫыхӑннине, терактшӑн укҫа тӳлесси пирки каласа кӑтартнӑ вӗсем.
Паян чылай хулара траур. Шупашкарта та Республика тӳремне ҫынсем чечексем пырса хураҫҫӗ.
Пуш уйӑхӗн варринче Шупашкарти 66 ҫулти хӗрарӑм патне палламан ҫын шӑнкӑравланӑ. Вӑл карас ҫыхӑну операторӗ имӗн. Хайхискер каланӑ тӑрӑх, хӗрарӑмӑн сим-карта срокӗ тухӑ. Хӗрарӑма ҫыхӑну салонне ҫитессине пӗлтернӗ. Анчах лешӗ паспорт даннӑйӗсене пӗлтерни те ҫителӗклине каланӑ.
Унтан «Мускаври финанс компанийӗн ҫынни» шӑнкӑравланӑ, кайран – «ФСБ ӗҫченӗ». Вӗсем хӗрарӑмӑн укҫине такам вӑрлама тӑнине каланӑ. Ун пек ан пултӑр тесен пухнӑ укҫа-тенке тата илнӗ кредита «резерв» счет ҫине куҫармалла. Ҫапла хӗрарӑм 600 пин тенкӗ ҫухатнӑ.
Ултавҫӑсене ку та ҫитмен-ха. Вӗсем ӑна хваттерне сутма ӳкӗтленӗ. Риэлтор та тупса панӑ. Каярахпа полицие хваттере ытлашши йӳнӗпе сутни пирки информаци ҫитнӗ. Ҫапла майпа кӑна хӗрарӑм хваттерсӗр юлман.
Шупашкарти Калинин районӗн администрацийӗн ЗАГС пайӗ каллех хӑйне евӗр ятсем регистрациленӗ - Мирра тата Леонард.
Мӗне пӗлтерет-ха Мирра ят? Темиҫе верси пур. Тӗслӗхрен, грексем арҫын ачасене Мюрон ят хураҫҫӗ. Вӑл «мирра», «миро» тенине пӗлтерет. Ҫакнашкал мирра тумалли ӳсен-тӑран пур.
Леонард «хӑюллӑ» тенине пӗлтерет. Хӑш чухне ята «хӑюллӑ арӑслан» тесе куҫараҫҫӗ.
-2.7 °C