Чӑваш Енри ике ҫынна паян «Чӑваш Республиикн культурӑн тава тивӗҫлӗ ӗҫченӗ» хисеплӗ ят панӑ.
Вӗсенчен пӗри — Мария Васендина. Вӑл Сӗнтӗрвӑрри муниципаллӑ округӗнче «Тӗп вулавӑш тытӑмӗ» учрежденире сектор заведующийӗнче тӑрӑшать. Иккӗмӗшӗ вара — Ольга Фёдорова. Вӑл – Чӑваш патшалӑх пукане театрӗн йӗркелӳпе право пайӗн пуҫлӑхӗ.
2023 ҫулта Ҫӗрпӳри аграрипе технологи техникумӗ ҫумне Патӑрьелти агропромышленноҫ, Сӗнтӗрвӑрринчи технологи тата Етӗрнери агротехника техникумӗсене пӗрлештерме тытӑннӑ. Ҫитес вӑхӑтра Вӑрнарти ял хуҫалӑх техникумне ҫак шӑпа кӗтет.
Реорганизаци хыҫҫӑн пӗр пек специальноҫсене пӗтерӗҫ. 2030 ҫулччен влаҫ вӗренӳ корпусӗсене тӗпрен юсама, техника базине ҫӗнетме, вӗренӳ пахалӑхне лайӑхлатма палӑртнӑ. 5 ҫултан техникумра 4,5 пин ҫын вӗренмелле. Хальхи вӑхӑтра – 3 пин студент.
5-11-мӗш классенче вӗренекен ачасен хушшинче чӑваш чӗлхипе, литературипе тата культурипе интернет олимпиада иртнӗ. Унта 33 ҫӗнтерӳҫӗ ятне тивӗҫнӗ.
Кӑҫалхи олимпиадӑна Чӑваш Республикин тата республика тулашӗнчи вӗренӳ организацийӗсен 5–11 класӗсенче вӗренекен тӑват ҫӗр ытла ача хутшӑннӑ, ҫав шутра – республика тулашӗнчен – 26 ача.
Олимпиадӑна ирттернӗ Чӑваш Республикин Вӗренӳ институтӗнче пӗлтернӗ тӑрӑх, «пӗтӗмӗшле илсен, интернет олимпиадӑна кӑҫал пысӑк хастарлӑхпа Шупашкар, Ҫӗнӗ Шупашкар хулисен, Патӑрьел, Вӑрнар, Вӑрмар, Канаш, Куславкка, Йӗпреҫ, Ҫӗрпӳ, Муркаш, Тӑвай, Сӗнтӗрвӑрри, Шупашкар округӗсен шкул ачисем хутшӑннӑ».
Сӗнтӗрвӑрри хулинчи Ломоносов урамӗнчи 8А ҫуртран пуҫласа Котовсий урамӗнчи 41-мӗш ҫурт патне ҫитиччен ҫутӑ пулман. Кун пирки вырӑнтисем тӗнче тетелӗнче хыпарланӑ. Ҫакна прокуратура асӑрханӑ та тӗрӗслев ирттернӗ.
Йӗркене пӑснине палӑртнӑ хыҫҫӑн надзор органӗ муниципалитет органне асархаттару хучӗ ҫырса панӑ, кӑлтӑка пӗтерме хушнӑ.
Ҫавӑн хыҫҫӑн урама ҫутӑпа тивӗҫтернӗ.
Чулхулари «Валдайсем» Сӗнтӗрвӑррине ҫӳреме тытӑнасшӑн. Асӑннӑ хулари «Водолет» компани 2025 ҫулта виҫӗ ҫӗнӗ маршрут уҫасшӑн, ҫав шутра — Сӗнтӗрвӑррине те.
Хальхи вӑхӑтра компани Чулхуларан Хусана тата Чӗмпӗре ҫӳрет, ҫула май Шупашкарта чарӑнать.
«Ҫыхӑнура» форум пирӗн республика ертӳҫисем кӑҫал Шупашкартан Сӗнтӗрвӑррине, Куславккана тата Чикмене шыв транспортне ҫӳретме тытӑнассине пӗлтернине аса илтерет.
Чӑваш Енри шкулсемпе Раҫейӗн Патшалӑх Думин депутачӗ Ирина Филатова кӑсӑкланнӑ. Вӑл Телеграмри хӑйӗн страницинче пӗлтернӗ тӑрӑх, республикӑра пурӑнакансенчен ҫӑхав нумай ҫитнӗ.
Депутат Раҫҫейӗн ҫутӗҫ министрӗ Сергей Кравцов патне информацие ҫитернӗ, хӑш-пӗр объекта тӗрӗслесе тӑма ыйтнӑ.
«Унти хӑш-пӗр шкул тӗлӗшпе ҫивӗч ыйту пур. Шкулсенчен чылайӑшӗ ҫӗнӗ, пӗрне халь ҫеҫ тума тытӑннӑ», — тесе пӗтӗмлетнӗ Ирина Филатова.
Тӗслӗх вырӑннӗ вӑл Сӗнтӗрвӑрринчи К.Д. Ушинский ячӗллӗ шкула илсе кӑтартнӑ. Ӑна уҫнӑ, анчах пушар хӑрушсӑрлӑхӗ енчен кӑлтӑксем тупӑннӑ. Район прокуратури хула администрацине ҫыру ҫырса янӑ, анчах вырӑнти тӳре-шара хускалма васкамасть-мӗн.
Е тата Шупашкарти Таллеров урамӗнчи шкул. Асӑннӑ ҫӗр лаптӑкӗ ҫинче ӑна тума хула администрацийӗ ирӗк паман иккен, анчах строительствӑна пуҫӑннӑ.
Чӑваш Енре пурӑнакан пӗр ватӑ сакӑрвунна ҫитсен кӗнеке пичетлесе кӑларма шут тытнӑ. Ҫавӑн пек талпӑнуллӑ хӗрарӑм — Сӗнтӗрвӑрринчи 80 ҫулти Любовь Тихонова. Любовь Васильевна «Улыбаясь навстречу ветрам» сӑвӑ кӗнеки кун ҫути кӑтартнӑ.
«Пӗрремӗш сӑввӑмсене 1991 ҫулта ҫырма тытӑнтӑм. Чӑваш Ене эпӗ Кавказран куҫса килнӗ. Тарса тенӗ пек. Чӑваш Енри вокзалта мана ҫамрӑк чӑваш хӗрарӑмӗ пулӑшрӗ. Ун чухне эпӗ тӗнче ырӑ ҫынсемсӗр маррине туйса тата ӑнланса илнӗччӗ. Унтан эпӗ Сӗнтӗрвӑррине кайрӑм. Унти туберкулез диспансерне санитаркӑна ӗҫе вырнаҫрӑм. Унта 20 ҫул ытла ӗҫлерӗм», — каласа кӑтартнӑ хӗрарӑм. .
Унӑн малтанхи сӑввисене кӳршисем итленӗ, унтан — ӗҫтешӗсем. Кӗҫех Любовь Васильевнӑна тӗрлӗ мероприятие йыхравлама тытӑннӑ.
Ӗнер ЧР вице-премьерӗ - экономика министрӗ Дмитрий Краснов каҫхи 10 сехет иртсен телеграм-каналӗнче мунча кӗме юратни пирки пост кӑларнӑ. Сӑнӳкерчӗкре вӑл Шупашкарти 8-мӗш мунча умӗнче костюмпа милӗк тытса тӑрать – селфи ку.
«Вӑт эсир кулатӑр. Эпӗ вара 11 ҫул ӗнтӗ тунтикунсерен мунча кӗмесӗр пурӑнмастӑп. Маншӑн тунтикун мунча кӗресси – йӑла», - тесе ҫырнӑ вӑл.
Сӑмах май, вӑл телеграм-каналне хастар тытса пырать. Нумаях пулмасть Сӗнтӗрвӑрринче юлашки 5 ҫулта пӗрремӗш хут Атӑл тӑрӑх килнӗ теплохода кӗтсе илни пирки пост лартнӑ. «Пирӗн министр мӗншӗн питӗ кӑмӑлла? Мӗншӗн тесен теплоход кӗтсе илнӗ», - тесе ҫырнӑ.
Сӗнтӗрвӑрринче туса кӑларакан типҫӑва Казахстана ӑсатӗҫ. Вырӑнти ҫу завочӗн ертӳҫисем хӑйсен шухӑш-ӗмӗчӗпе республикӑн вице-премьерне — экономика министрне Дмитрий Краснова пӗлтернӗ. Предприятие министр округпа паллашнӑ май кӗрсе тухнӑ.
Предприяти ҫу пресслакан тата ӑшалакан производство цехӗсене оборудованипе пуянлатассипе ҫине тӑрать. Промышленноҫа аталантаракан фонд ӑна ҫав тӗллевпе ҫӑмӑллӑхлӑ кредит 30 миллион тенкӗ уйӑрса панӑ.
Хӗвелҫаврӑнӑш типҫӑвне предприяти ҫывӑх вӑхӑтра Казахстана ӑсатма тытӑнӗ.
Ӗнер, ҫӗртме уйӑхӗн 27-мӗшӗнче, Сӗнтӗрвӑрри хулине туристсем теплоходпа килсе ҫитнӗ. Ку хыпара республикӑн экономика министрӗ Дмитрий Краснов тӗнче тетелӗнчи хӑйӗн страницинче хыпарланӑ. Сӑмахне вӑл сӑнӳкерчӗкпе ҫирӗплетсе панӑ.
Министр хыпарланӑ тӑрӑх, туристсемлӗ теплоход асӑннӑ хулана юлашки пилӗк ҫулта пуҫласа пырса чарӑннӑ.
«Кӑҫалхи навигаци вӑхӑтӗнче ку хулана 11 теплоходран кая мар килсе каясса шанатпӑр. Ӳлӗмрен ку цифрӑна виҫӗ хут ӳстерес килет», — уҫӑмлатнӑ министр хӑйӗн ӗмӗт-шухӑшне.
Дмитрий Краснов Сӗнтӗрвӑррине илемлетсе хӑтлӑлатассипе ӗҫленине палӑртнӑ май кӑлтӑксем пуррине те йышӑннӑ, вӗсене пӗтерсе пыма шантарнӑ.
+7.3 °C