Нумаях пулмасть шкултан вӗренсе тухакансем пирвайхи экзаменсене тытнӑ. Халӗ вӗсене пӗтӗмлетӗвӗсем те паллӑ ӗнтӗ.

ЧР Вӗренӳ министерстви пӗлтернӗ тӑрӑх, географипе тата вырӑс литературипе ППЭне 3 ҫын 100 баллӑх тытнӑ. Аса илтерер: географие Чӑваш Енре 163 ҫын тытнӑ. Вӗсенчен пӗри ҫеҫ задание пурнӑҫлайман. Пӗри 100 балл пухнӑ. 21 ҫын вара 80 ытла балл пухнӑ.

Вырӑс литературине 194 ҫын тытнӑ. Тӑватӑ ҫын экзаменра «2» илнӗ. 2 ҫын вара 100 балл пухма пултарнӑ. 31 ҫын 80 ытла баллӑх тытнӑ.

Географипе тата вырӑс литературипе ППЭ тытнӑ чухне икӗ ҫамрӑка экзаменран кӑларса янӑ. Вӗсем шпаргалкӑпа тата телефонпа усӑ курнӑ-мӗн.

Кӑҫал ытларахӑшӗ обществознани предметне тытать-мӗн. Иккӗмӗш вырӑнта — физика, виҫҫӗмӗшӗнче — биологи.

#экзаменсем, #ҫамрӑксем, #вӗренӳ, #ППЭ, #географи, #литература, #физика, #биологи