«Грани» хаҫат сайтӗнчи сӑн

Хӗвел модулӗсене туса кӑларакан «Хӗвел» тата «Хитре» чӑваш бренчӗ пӗрлехи коллекципе паллаштарнӑ. Мероприятие вӗсем Раҫҫейри халӑхсен пӗрлӗхне халалланӑ.

Коллекцие хальхи промышленноҫ йӑх тымартан уйрӑлса тӑманнине кӑтартмашкӑн йӗркеленӗ. Предприяти Чӑваш Енре вырнаҫнӑ, пуласлӑх валли продукци кӑларать, хавхаланӑва регионта илет.

Компани ячӗ пӗтӗм коллекци тӗпӗ пулса тӑнӑ. Принтсенче тӗнчене тата килӗшӗве кӑтартакан символсемпе, «пур тата пулатпӑр» паллӑсемпе усӑ курнӑ. «Хитре» этно-бренд дизайнерӗ хӑйне евӗр принтсем шухӑшласа кӑларнӑ.

#чӑвашлӑх, #тумтир, #Раҫҫейри халӑхсен пӗрлӗхӗн ҫулталӑкӗ, #Хӗвел